കുവൈത്ത് സിറ്റി: കേരള എക്സ്പാറ്റ്സ് ഫുട്ബാൾ അസോസിയേഷൻ സംഘടിപ്പിക്കുന്ന കേഫാക് യുണിമണി ഫുട്ബാൾ ലീഗ് സീസണിന് വെള്ളിയാഴ്ച തുടക്കമാകും. വൈകുന്നേരം മിശ്രിഫിലെ പബ്ളിക് അതോറിറ്റി യൂത്ത് സ്റ്റേഡിയത്തിൽ നടക്കുന്ന ഉദ്ഘാടന ചടങ്ങിൽ കുവൈത്ത് മുൻ അന്താരാഷ്ട്ര ഫുട്ബാൾ താരങ്ങളായ ജാസിം യാഖൂബ് , മുഹമ്മദ് അൽ സായർ, മുഹമ്മദ് ഖലീൽ ,അബ്ദുൽ അസീസ് ഹസൻ, അഡ്മിനിസ്ട്രീവ് ആൻഡ് ഫിനാൻസ് ഡെപ്യൂട്ടി ഡയറക്ടറായ അലി മർവി അൽ ഹദിയ എന്നിവർ മുഖ്യാതിഥികളായിരിക്കും.
ലീഗ് അടിസ്ഥാനത്തിൽ നടക്കുന്ന കേഫാക് സോക്കർ ലീഗിൽ കുവൈത്തിലെ 18 ടീമുകളും മുപ്പത്തിയഞ്ച് വയസിനു മുകളിലുള്ള വെറ്ററൻസ് താരങ്ങൾ അണിനിരക്കുന്ന മാസ്റ്റേർസ് ലീഗിൽ പതിനെട്ട് ടീമുകളും മാറ്റുരക്കും. നിലവിലെ ചാന്പ്യ·ാരായ സോക്കർ കേരളക്ക് പുറമെ അൽ ശബാബ് എഫ്.സി, ബ്ലാസ്റ്റേസ് കുവൈത്ത് എഫ്.സി, ബോഡി സോണ് റൌദ എഫ്.സി, ബോസ്കോ ചാന്പ്യൻസ് എഫ്.സി, സി.എഫ്.സി സാൽമിയ,സിയാസ്കോ എഫ്.സി, സിറ്റി ക്ലിനിക് ബിഗ് ബോയ്സ് , കൂളന്റ് ബ്രദേർസ് കേരള, ഫഹാഹീൽ ബ്രദേർസ് , കേരള ചാലഞ്ചെർസ് , കുവൈത്ത് കേരള സ്റ്റാർസ്, മാക്ക് കുവൈത്ത് , സിൽവർ സ്റ്റാർ എഫ്.സി, സ്പാർക്സ് എഫ്.സി , ടി.എസ്എഫ്സി , യുണൈറ്റഡ് ജോബ്സ് എംബിഎഫ്സി, യംഗ് ഷൂട്ടേർസ് അബ്ബാസിയ എന്നീ ടീമുകൾ രണ്ട് ഗ്രൂപ്പുകളിലായാണ് മത്സരിക്കുക. ഉദ്ഘാടനത്തോടനുബന്ധിച്ച് ലീഗിൽ പങ്കെടുക്കുന്ന ടീമുകൾ തമ്മിൽ പത്ത് മിനിറ്റ് നീളുന്ന പ്രദർശന മത്സരമുണ്ടായിരിക്കും.
ഒന്പത് മാസം നീളുന്ന സോക്കർ മാമാങ്കം എല്ലാ വെള്ളിയാഴ്ചയും വൈകിട്ട് മൂന്നു മുതൽ രാത്രി ഒന്പതു വരെയാണ് നടക്കുക. ഉദ്ഘാടന ദിവസം നിലവിലെ ചാന്പ്യ·ാരായ സോക്കർ കേരള മലപ്പുറം ബ്രദേർസിനേയും റന്നർഅപ്പായ ചാന്പ്യൻ എഫ്സി യംഗ് ഷൂട്ടേർസിനേയും നേരിടുമെന്ന് സംഘാടകർ വാർത്താക്കുറിപ്പിൽ അറിയിച്ചു.
വാർത്താ സമ്മേളനത്തിൽ കേഫാക് പ്രസിഡന്റ് ടി.വി സിദ്ധിക്ക് ,കേഫാക് വൈസ് പ്രസിഡണ്ട് ബിജു ജോണി, റോബർട്ട് , കേഫാക് സെക്രട്ടറിമാരായ ജസ്വിൻ, ഹനീഫ, അബ്ബാസ് വയനാട് ,പ്രോഗ്രാം കണ്വീനർ ഷാജഹാൻ എന്നീവർ പങ്കെടുത്തു.
കൂടുതൽ വിവരങ്ങൾക്ക്: 99641069,99708812,55916413
റിപ്പോർട്ട് :സലിം കോട്ടയിൽ
ിൃശ2019മൗഴ22സലളമസബൗിൗാമിശ.ഷുഴ