ഷാർജ: റീജൻസി ഗ്രൂപ്പിന് കീഴിലുള്ള റീട്ടെയിൽ വിഭാഗമായ ഗ്രാൻഡ് ഹൈപ്പർ മാർക്കറ്റിന്‍റെ അൻപത്തി രണ്ടാമത് ശാഖ ഗ്രാൻഡ് മാൾ ഷാർജയിലെ അൽ മുസല്ലയിൽ ഷാർജ റൂളേർസ് ഓഫീസ് ചെയർമാൻ ഷെയ്ഖ് സാലെം അബ്ദുൽറഹ്മാൻ സാലെം അൽ ഖാസിമി നിർവഹിച്ചു.
ചടങ്ങിൽ ഷെയ്ഖ് മുഹമ്മദ് ബിൻ അബ്ദുല്ലാഹ് അൽ ഖാസിമി, ഷെയ്ഖ് അബ്ദുല്ലാഹ് ബിൻ മുഹമ്മദ് ഖാലിദ് അഹമ്മദ് അൽ ഖാസിമി, സുൽത്താൻ അൽ ഷംസി, പ്രമുഖ ബോളിവുഡ് സിനിമ നടൻ സുനിൽ ഷെട്ടി, ഡിഎം ഹെൽത്ത് കെയർ സി.എം.ഡി പത്മശ്രീ ഡോ: ആസാദ് മൂപ്പൻ, റീജൻസി ഗ്രൂപ്പ് ചെയർമാൻ ശംസുദ്ധീൻ ബിൻ മൊഹിയുദ്ധീൻ, ഗ്രൂപ്പ് മാനേജിങ് ഡയറക്ടർ ഡോ. അൻവർ അമീൻ, ഡയറക്ടർമാരായ അബ്ദുറഹിമാൻ എ.പി, അബ്ദുൽ സുബ്ഹാൻ ബിൻ ശംസുദ്ധീൻ, മുഹമ്മദ് എൻ.വി, മുഹമ്മദ് ബിൻ അസ്ലം മുഹിയുദ്ധീൻ, സിൽവർ ഹോം ഡയറക്ടർ സലീം വ. ടി , ഗവണ്‍മെൻറ് ഉദ്യോഗസ്ഥ·ാർ ,യു.ഏ.യിലെ സാമൂഹ്യ സാംസ്കാരിക രംഗത്തെ പ്രമുഖ വ്യക്തികൾ, റീജൻസി ഗ്രൂപ് റീജിയണൽ ഡയറക്ടർമാർ , മാനേജ്മന്‍റ് പ്രതിനിധികൾ കൂടാതെ ആയിരക്കണക്കിന് ഉപഭോക്താക്കളും പങ്കെടുത്തു.
ഗ്രാൻഡ് മാളിനുള്ളിൽ ഗ്രാൻഡ് ഹൈപ്പർ മാർക്കറ്റ് കൂടാതെ ജ്വല്ലറി, മണി എക്സ്ചേഞ്ച്, ഇലക്ട്രോണിക്സ് , മൊബൈൽ ഷോപ്പുകൾ, വാച്ച് ഷോപ് തുടങ്ങി നിരവധി വ്യാപാര സ്ഥാപങ്ങളും പ്രവർത്തനം ആരംഭിച്ചു കൂടാതെ മുന്നൂറു ആളുകൾക്ക് ഇരുന്നു ഭക്ഷണം കഴിക്കാവുന്ന തരത്തിൽ സജ്ജമാക്കിയ ഫുഡ് കോർട്ടിൽ ഇന്ത്യൻ അറബിക് ചൈനീസ് രുചി ഭേദങ്ങളുടെ സമൃദ്ധിയിൽ റസ്റ്റോറെന്റുകളും രണ്ടായിരം ചതുരശ്ര അടിയിൽ കൂടുതൽ ഉള്ള വിശാലമായ ഏരിയയിൽ കുട്ടികൾക്കായുള്ള വിവിധ വിനോദ ഉപകരണങ്ങളും പ്രവർത്തന സജ്ജമായി വരുന്നതായി ഗ്രൂപ്പ് മാനേജിംഗ് ഡയറക്ടർ ഡോ. അൻവർ അമീൻ അറിയിച്ചു.