നഫ്സാരായി ഹോളി ഫാമിലി ദേവായത്തിൽ തിരുനാൾ തുടങ്ങി
ന്യൂഡൽഹി: നഫ്സാരായി ഹോളി ഫാമിലി ദേവായത്തിലെ തിരുനാളിന് തുടക്കം കുറിച്ച് ആർച്ച് ബിഷപ് മാർ കുര്യാക്കോസ് ഭരണികുളങ്ങരയുടെ മുഖ്യകാർമികത്വത്തിൽ വിശുദ്ധ കുബാർന അർപ്പിച്ചു. തുടർന്നു കലാസന്ധ്യയും സ്നേഹവിരുന്നും നടന്നു.

നേരത്തെ തിരുനാളിൽ സംബന്ധിക്കാനെത്തിയ ആർച്ച്ബിഷപ്പിനെ വികാരി ഫാ. മാത്യു കിഴക്കേചിറ, ഡീക്കൻ ജോമോൻ കപ്പലുമാക്കൽ, കൈക്കാരന്മാരായ തോമസ് സിറിയക്, ജയിംസ് എന്നിവർ ചേർന്നു സ്വീകരിച്ചു.

പ്രധാന തിരുനാൾദിനമായ ഫെബ്രുവരി 17ന് (ഞായർ) വൈകുന്നേരം നാലിന് നടക്കുന്ന ആഘോഷമായ തിരുനാൾ കുർബാന, ലദീഞ്ഞ് എന്നിവയ്ക്ക് രൂപത വികാരി ജനറാൾ മോൺ. സ്റ്റാന്‍റലി മുഖ്യകാർമികത്വം വഹിക്കും. തുടർന്നു ആഘോഷമായ പ്രദക്ഷിണം, സ്നേഹവിരുന്ന് എന്നിവ നടക്കും.

റിപ്പോർട്ട്: റെജി നെല്ലിക്കുന്നത്ത്
Copyright @ 2019 , Rashtra Deepika Ltd.