ബ്രിസ്റ്റോൾ: ബ്രിട്ടൻ സീറോ മലബാർ രൂപതയുടെ നേതൃത്വത്തിൽ വേൾഡ് പീസ് മിഷൻ ടീം നയിക്കുന്ന ഫാമിലി മോട്ടിവേഷണൽ സെമിനാറുകൾ നവംബർ 16 മുതൽ ഡിസംബർ 9 വരെ യുകെയിലെ വിവധ ദേവാലയങ്ങളിൽ നടത്തപ്പെടും.
പേരൻറിംഗ്, സ്ട്രെസ് മാനേജ്മെന്റ്, പ്രായോഗിക ജീവിത വചന പാഠങ്ങൾ എന്നിവയെക്കുറിച്ച്, ഫാമിലി കൗണ്സിലിംഗ് രംഗത്തെ പ്രഗത്ഭരും നാൽപതിലേറെ വർഷമായി ഫാമിലി മോട്ടിവേഷണൽ ക്ലാസുകൾ നയിക്കുന്നവരുമായ റവ. സിസ്റ്റർ ഡോ. ജോവാൻ ചുങ്കപ്പുരയും സണ്ണി സ്റ്റീഫനുമാണ് ക്ലാസുകൾക്ക് നേതൃത്വം നൽകുന്നത്.
മെഡിക്കൽ മിഷൻ സന്യാസ സമൂഹത്തിലെ അംഗവും വേൾഡ് പീസ് മിഷന്റെ ഫാമിലി മിഷൻ ഡയറക്ടറുമായ റവ. സിസ്റ്റർ. ഡോ. ജോവാൻ ചുങ്കപ്പുര നവംബർ 16നു ബ്രിസ്റ്റോൾ സെൻറ് ജോസഫ്സ് ചർച്ചിലും 17ന് കാർഡിഫിലും, 18ന് ഹാമിൽട്ടണിലും, 21ന് ഇപ്സ്വിച്ചിലും, 22ന് പോർട്ട്സ്മൌത്തിലും, 23ന് ലിസ്റ്ററിലും, 25ന് ന്യൂകാസിലിലുമാണ് ക്ലാസുകൾ നൽകുന്നത്.
വേൾഡ് പീസ് മിഷൻ ചെയർമാനും പ്രമുഖ ഫാമിലി കൗണ്സിലറുമായ സണ്ണി സ്റ്റീഫൻ നവംബർ 16ന് ബ്രിസ്റ്റോളിലും, 24ന് യോവിലും, 25ന് ടോണ്ടണിലും, ഡിസംബർ 1ന് ബ്രിസ്റ്റോൾ ക്നാനായ മിഷനിലും, 2ന് മാഞ്ചസ്റ്ററിലും, 8ന് രാവിലെ 9 മുതൽ 4 വരെ സ്വാൻസിയിലും, 6 മുതൽ 10 വരെ ഷെൽട്ടൻഹാമിലും, ഡിസംബർ 9ന് ബിർക്കൻഹെഡിലുമാണ് ഫാമിലി മോട്ടിവേഷണൽ സെമിനാറുകൾ നടത്തുന്നത്.
കുടുംബജീവിതത്തിന്റെ പ്രായോഗിക ജീവിത പ്രശ്നങ്ങൾക്ക് ലഭിക്കുന്ന ഈ സുവർണാവസരം എല്ലാവരും പ്രയോജനപ്പെടുത്തണമെന്ന് രൂപതാദ്ധ്യക്ഷൻ അഭി. മാർ ജോസഫ് സ്രാന്പിക്കൽ അറിയിച്ചു.
കൂടുതൻ വിവരങ്ങൾക്ക്:
റോയി ( ബ്രിസ്റ്റോൾ ) 0786 2701046
ജോർജ്ജ് സൈമണ് ( ബോണ്മൌത്ത് ) 0786 1392825
ബിനോയ് ചാക്കോ ( ബ്രിസ്റ്റോൾ ) 0742 7154051
ജോളി ( പ്രിസ്റ്റൻ ) 07908 990369
വേൾഡ് പീസ് മിഷൻ ഓഫീസ് (യുകെ) 0741 7448037
റിപ്പോർട്ട്: കെ.ജെ. ജോണ്