ഡബ്ലിൻ : സീറോ മലബാർ സഭയുടെ ആസ്ഥാന മന്ദിരം സെന്റ് തോമസ് പാസ്റ്ററൽ സെന്ററിന്റെ ഉദ്ഘാടനം ഡിസംബർ 6 വ്യാഴാഴ്ച വൈകിട്ട് 4ന് റിയാൾട്ടോയിൽ നടത്തപ്പെടും. സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി, ഡബ്ലിൻ അതിരൂപത ആർച് ബിഷപ്പ് ഡെർമട്ട് മാർട്ടിൻ, സീറോ മലബാർ സഭ യൂറോപ്പ് അപ്പസ്റ്റോലിക് വിസിറ്റേറ്റർ ബിഷപ്പ് സ്റ്റീഫൻ ചിറപ്പണത്ത് എന്നിവർ മുഖ്യാതിഥികളായിരിക്കും.
റിയാൾട്ടോ സൗത്ത് സർക്കുലർ റോഡിലുള്ള പരിശുദ്ധ അമ്മയുടെ ഫാത്തിമയിലെ റോസറി പള്ളിയോടു ചേർന്നാണ് സെന്റ് തോമസ് പാസ്റ്ററൽ സെന്ററിൽ ഡിസംബർ 6 വ്യാഴാഴ്ച്ച വൈകിട്ട് 4ന് കർദിനാൾ മാർ ജോർജ് ആലഞ്ചേരിയുടെ മുഖ്യകാർമികത്വത്തിൽ വി. കുർബാന, അഭി. പിതാക്കന്മാർക്ക് സ്വീകരണം, തുടർന്ന് സെന്റ് തോമസ് പാസ്റ്ററൽ സെന്ററിന്റെ ഉദ്ഘടനവും വെഞ്ചരിപ്പു കർമ്മവും കർദിനാൾ മാർ ജോർജ് ആലഞ്ചേരി, ആർച്ച്ബിഷപ്പ് ഡെർമട്ട് മാർട്ടിൻ, ബിഷപ്പ് സ്റ്റീഫൻ ചിറപ്പണത്ത് എന്നിവർ ചേർന്നു നിർവഹിക്കും. ഡബ്ലിൻ അതിരൂപതയിലെ വൈദികർ, അയർലൻഡിൽ ശുശ്രൂഷ ചെയ്യുന്ന മറ്റു മലയാളി വൈദികർ, മറ്റു സന്യസ്ത സഭകളിലെ വൈദികർ, വിവിധ ഇന്ത്യൻ ക്രിസ്ത്യൻ സഭകളുടെ പ്രതിനിധികൾ, സഭായോഗം മെന്പേഴ്സ്, വിവിധ മാസ് സെന്ററുകളിലെ ഭാരവാഹികൾ, മതബോധന അധ്യാപകർ, സണ്ഡേ സ്കൂൾ കുട്ടികൾ, അൾത്താര ശുശ്രൂഷകർ, മിഷൻ ലീഗ് അംഗങ്ങൾ, കഴിഞ്ഞവർഷം ആദ്യകുർബാനസ്വീകരിച്ച കുട്ടികൾ, വിവിധ ഭക്തസംഘടന അംഗങ്ങൾ എന്നിവരും ആഘോഷങ്ങളിൽ പങ്കെടുക്കും.
വൈകിട്ട് 7 ന് സ്നേഹവിരുന്നോടെ പരിപാടികൾ സമാപിക്കും. അയർലൻഡിലെ സീറോ മലബാർ സഭയുടെ പ്രവർത്തങ്ങൾക്കുള്ള ഡബ്ലിൻ അതിരൂപതയുടെ അഗീകാരമായി ലഭിച്ച പാസ്റ്ററൽ സെന്ററിന്റെ ഉദ്ഘടനകർമ്മത്തിലേക്കും വെഞ്ചെരിപ്പ് കർമ്മ പരിപാടികളിലേക്കും ഏവരെയും സ്നേഹത്തോടെ സ്വാഗതം ചെയ്യുന്നതായി സീറോ മലബാർ സഭ അയർലൻഡ് കോർഡിനേറ്റർ മോണ്. ആന്റണി പെരുമായൻ, ഡബ്ലിൻ സീറോ മലബാർ ചാപ്ലൈൻസ് ഫാ. ക്ലമന്റ് പാടത്തിപറന്പിൽ, ഫാ. രാജേഷ് മേച്ചിറാകത്ത്, സോണൽ കമ്മറ്റി സെക്രട്ടറി ജോണ്സൻ ചക്കാലയ്ക്കൽ, കൈക്കാരൻ ടിബി മാത്യു എന്നിവർ അറിയിച്ചു.
റിപ്പോർട്ട് ജെയ്സണ് കിഴക്കയിൽ