ഓക്‌ലാന്‍ഡ്‌: ന്യൂസിലാൻഡിലെ ജനപ്രിയ ക്രിക്കറ്റായ ഓക് ലാൻഡ് പ്രിമീയർ ലീഗിൽ തുടർച്ചയായ രണ്ടാംവട്ടവും കേരളാ വാരിയേഴ്സ് ചാന്പ്യന്മാരായി. ലീഗ് ചാംപ്യന്മാരായി ഫൈനലിൽ എത്തിയ കേരളാ വാരിയേഴ്സ് അവസാന ഓവർ വരെ ആവേശം നിറഞ്ഞ മത്സരത്തിൽ ന്യൂസിലാൻഡിം മൊബൈൽ സൂപ്പർ കിംഗ്സിനെയാണ് രണ്ടു വിക്കറ്റിന് തകർത്തത്.
ബീനാഷ് നന്പ്യാർ, കിരണ്‍ ജോണി എന്നിവരുടെ മാസ്മരിക പ്രകടനമാണ് വാരിയേഴ്സിനെ വിജയത്തിലേയ്ക്ക് നയിച്ചത്. എബിൻ പി. കെ. ക്യാപ്റ്റനായ ടീമിൽ പ്രവീണ്‍ ബേബി, ബീനാഷ് , ഷെറിൻ തോമസ് എന്നിവർ ഐക്കണ്‍ താരങ്ങളായിരുന്നു.
ടിന്േ‍റാ ദേവസി, അരുണ്‍ സണ്ണി, അനൂപ് ആലൂക്ക, വിപിൻ ജോണ്, കിരണ്‍ ജോണി, ബിബിൻ ബോസ്, അലക്സാണ്ടർ വർഗീസ് , നിക്സണ്‍ ഫെലിക്സ്, തോമസ് കുട്ടി ചാമക്കാലായിൽ, അഖിൽ മാത്യു, ജിഷ്ണു രാമചന്ദ്രൻ എന്നിവർ ടീം അംഗങ്ങളായിരുന്നു.
ചെണ്ടമേളത്തിന്‍റെ അകന്പടിയോടെ നടന്ന ഫൈനൽ മത്സരം കീവികളുടെ നാട്ടിൽ കേരളാ വാരിയേഴ്സിന്‍റെ വിജയത്തിന് മാറ്റു കൂട്ടി. ജോബി സിറിയക്ക്, ബിജോ മോൻ ചേന്നാത്ത് , ജിമ്മി പുളിക്കൽ, ജോബിറ്റ് കിഴക്കേക്കുറ്റ്, സബി മോൻ അലക്സ് എന്നിവരുടെ ഉടമസ്ഥതയിൽ ഉള്ള കേരളാ വാരിയേഴ്സ് ടീമിന്‍റെ സ്പോണ്സർമാർ അന്നു നരംഗ്, ശരത് ജോസ്, ശ്രീനിവാസ്, ഓസ്റ്റിൻ ബേസിൽ, ഒലിവർ പെരേരാ എന്നിവരാണ്.
റിപ്പോർട്ട്: റെജി പാറയ്ക്കൽ