മാഞ്ചസ്റ്റർ: ശനിയാഴ്ച മാഞ്ചസ്റ്ററിലെ ഫോറം സെന്ററിൽ വൈവിധ്യമാർന്ന കലാരൂപങ്ങളും സംഗീതവുമായി കലയുടെ അനുഗ്രഹീതമായ ഒരു ദിവസത്തിന് തിരിതെളിയും. പത്തൊൻപതിന് ശനിയാഴ്ച വിഥിൻഷോ ഫോറം സെന്ററിൽ നടക്കുന്ന യുക്മ ഫാമിലി ഫെസ്റ്റിന്റെ വെൽക്കം ഡാൻസിന് നേതൃത്വം നൽകുന്നത് മികച്ച നർത്തകിയും അനുഗ്രഹീത കലാകാരിയും യുക്മയുടേതടക്കം നിരവധി മത്സര വേദികളിൽ സമ്മാനങ്ങൾ വാരിക്കൂട്ടിയ സ്റ്റെഫി സ്രാന്പിക്കലാണ്. എറിൻ സാജു, നേഹാ ബെന്നി എന്നിവരാണ് സ്റ്റെഫിയുടെ സംഘത്തിലെ മറ്റു രണ്ടുപേർ.
മാഞ്ചസ്റ്റർ മലയാളി കൾച്ചറൽ അസോസിയേഷനിൽ (എംഎംസിഎ) നിന്നുമുള്ള വനിതകളായിരിക്കും തിരുവാതിര അവതരിപ്പിക്കുക. തിരുവാതിര സംഘത്തിൽ ലിസി എബ്രഹാം, ഷിജി ജയ്സൻ, പ്രീതി ബിജു, രജനി ഹരികുമാർ, ദിവ്യ സനിൽ, റീനാ തോമസ്, റീനാ സിബി, ബിബി സജി എന്നിവരാണ്. തിരുവാതിര ഏറ്റവും മികച്ചതാക്കാൻ കഠിന പരിശീലനത്തിലാണ് എംഎംസിഎയുടെ വനിതാ സംഘം.
യുകെയിലെ മികച്ച ഗായകർ അടങ്ങിയ വി4 യു ബാന്റിന്റെ ഗാനമേള കാണികൾക്ക് മികച്ച സംഗീത വിരുന്നായിരിക്കും സമ്മാനിക്കുക. യുക്മ ഫെസ്റ്റിന്റെ വേദിയിൽ ഗാനങ്ങളുമായി എത്തുന്നത് യുക്മ നോർത്ത് വെസ്റ്റ് റീജിയൻ ട്രഷറർ കൂടിയായ രഞ്ജിത്ത് ഗണേഷ്, ഷിബു, ഷാജു ഉതുപ്പ്, ജയൻ അന്പിളി തുടങ്ങിയവരാണ്.
സബ് ജൂനിയർ ടീമിൽ ഏഡ്രിയേൽ അലക്സ്, ദെവീനാ ജനീഷ്, ഇസബെൽ ബിജു, അമീലിയാ ബിജു, ഇഷാനാ രഞ്ജിത്ത്, ആഞ്ചലാ മാത്യു, ആൻസാ മാത്യു തുടങ്ങിയവരാണ്. ജൂനിയർ ടീമിൽ ആനന്ദ് ഹരികുമാർ, നോവിയ ഷിജി, ഇവാൻ ജോബി, എൻവിസ് സജി, അന്ന ബിബിൻ, റൈന റോയ്, ലിയോണ റോയ് തുടങ്ങിയ കുട്ടികളാണ്. ദിവ്യ രഞ്ജിത്ത് ആണ് കുട്ടികളെ പരിശീലിപ്പിക്കുന്നത്.
മാഞ്ചസ്റ്ററിലെ ഏറ്റവും മികച്ച ഹാളുകളിലൊന്നായ വിഥിൻഷോ ഫോറം സെൻറിൻ നടക്കുന്ന യുക്മ ഫാമിലി ഫെസ്റ്റ് 2019 പരിപാടി തികച്ചും സൗജന്യമായാണ്. യുക്മ പ്രസിഡന്റ് മാമ്മൻ ഫിലിപ്പ് നേതൃത്വം നൽകുന്ന കമ്മിറ്റിയുടെ അവസാനത്തെ പരിപാടി എന്ന പ്രത്യേകതയുമുണ്ട് യുക്മ ഫെസ്റ്റിന്.
യുക്മയുടെ ക്രിസ്മസ് പുതുവത്സര സമ്മാനമായ യുക്മ യുഗ്രാന്റ് 2018 പദ്ധതിയുടെ ടിക്കറ്റിന്റെ നറുക്കെടുപ്പും യുക്മ ഫെസ്റ്റിന്റെ വേദിയിൽ വച്ചാണ് നടത്തപ്പെടുന്നത്. യുകെയിലെ പ്രമുഖ ഇൻഷുറൻസ് സ്ഥാപനമായ അലൈഡ് ഫിനാൻഷ്യൽ സർവീസസ് സ്പോണ്സർ ചെയ്യുന്ന ഒന്നാം സമ്മാനമായി കാറും തുടർന്ന് സ്വർണനാണയങ്ങളും ഭാഗ്യശാലികളെ തേടിയെത്തും. ഇനിയും ടിക്കറ്റുകൾ എടുക്കാത്തവർ എത്രയും വേഗം ടിക്കറ്റുകൾ കരസ്ഥമാക്കി ഭാഗ്യ പരീക്ഷണത്തിൽ പങ്കാളികളാവുക. ടിക്കറ്റ് വിൽപനയിൽ നിന്നും ലഭിക്കുന്ന വരുമാനം യുക്മയുടെ ചാരിറ്റി, അസോസിയേഷൻ, യുക്മ റീജിയൻ നാഷണൽ കമ്മിറ്റികളുടെ പ്രവർത്തനങ്ങൾക്കായിട്ടായിരിക്കും ഉപയോഗിക്കുക.
മാർവിൻ ബിനോയുടെ മാജിക്, അശോക് ഗോവിന്ദിന്റെ കോമഡി, രഞ്ജു ജോർജിന്റെ കീ ബോർഡിലെ പ്രകടനം, ട്രാഫോർഡ് നാടക സമിതിയുടെ സിഗററ്റ് കൂട് നാടകം തുടങ്ങി നിരവധി പ്രോഗ്രാമുകൾ അരങ്ങേറുന്ന യുക്മ ഫെസ്റ്റിലേക്ക് എല്ലാവരേയും സ്വാഗതം ചെയ്യുന്നതായി യുക്മ നാഷണൽ കമ്മിറ്റി അറിയിച്ചു.
കൂടുതൽ വിവരങ്ങൾക്ക്:
അലക്സ് വർഗീസ് (ജനറൽ കണ്വീനർ) 7985641921
ഷീജോ വർഗീസ് 7852931287
റിപ്പോർട്ട്: അലക്സ് വർഗീസ്