ലണ്ടൻ: യുക്മ ഫാമിലി ഫെസ്റ്റിന് മുന്നോടിയായുള്ള അവാർഡ് നിർണയം പൂർത്തിയായി. ദേശീയ തലത്തിൽ ഏറ്റവും മികച്ച പ്രവർത്തനം കാഴ്ചവച്ച റീജണായി സൗത്ത് വെസ്റ്റ് റീജണ് തെരഞ്ഞെടുക്കപ്പെട്ടു. കലാകായിക രംഗങ്ങളിലെയും ചാരിറ്റി പ്രവർത്തനങ്ങളിലെയും സമഗ്രനേട്ടങ്ങളാണ് മികച്ച റീജണുള്ള ന്ധഗോൾഡൻ ഗാലക്സി അവാർഡിന്ന്ധ സൗത്ത് വെസ്റ്റ് റീജണിനെ അർഹമാക്കിയത്.
റീജിയണൽ പ്രസിഡന്റ് വർഗീസ് ചെറിയാന്റെയും സെക്രട്ടറി എം പി പദ്മരാജിന്റെയും നേതൃത്വത്തിൽ യുക്മ ദേശീയ വൈസ് പ്രസിഡന്റ് സുജു ജോസഫ്, മുൻ ദേശീയ ജനറൽ സെക്രട്ടറി സജീഷ് ടോം, യുക്മ ടൂറിസം ചെയർമാൻ ടിറ്റോ തോമസ്, നാഷണൽ കമ്മറ്റി അംഗം ഡോ. ബിജു പെരിങ്ങത്തറ, റീജണൽ ഭാരവാഹികളായ ജിജി വിക്റ്റർ, സജിമോൻ സേത്തു, കോശിയാ ജോസ്, ജോ സേവ്യർ, ജിജു യോവേൽ, അനോജ് ചെറിയാൻ തുടങ്ങിയവരുടെ ശക്തമായ നേതൃനിരയാണ് മികച്ച റീജണിനുള്ള അവാർഡിന് സൗത്ത് വെസ്റ്റ് റീജിയണെ അർഹമാക്കിയത്.
ഈസ്റ്റ് ആംഗ്ലിയ റീജണിനാണ് ചാരിറ്റി പ്രവർത്തനങ്ങൾക്കുള്ള ന്ധസിൽവർ ഗാലക്സി അവാർഡ്ന്ധ കരസ്ഥമാക്കിയത്. ബാബു മങ്കുഴി പ്രസിഡന്റും ജോജോ തെരുവൻ സെക്രട്ടറിയുമായുള്ള കമ്മറ്റിയാണ് ഈസ്റ്റ് ആംഗ്ലിയ റീജണിനെ നയിക്കുന്നത്. കായിക രംഗത്തെ മികച്ച പ്രവർത്തനങ്ങളുടെ അടിസ്ഥാനത്തിൽ ഈസ്റ്റ് ആൻഡ് വെസ്റ്റ് മിഡ്ലാൻഡ്സ് റീജണിനെ ന്ധസിൽവർ ഗാലക്സി അവാർഡ് ഫോർ സ്പോർട്സ്ന്ധന് തെരഞ്ഞെടുത്തു. ഡിക്സ് ജോർജ്, സന്തോഷ് തോമസ് എന്നിവർ നയിക്കുന്ന കമ്മറ്റിയാണ് മിഡ്ലാൻഡ്സ് റീജണിന്റെ നേതൃത്വം കയ്യാളുന്നത്.
കിരണ് സോളമൻ പ്രസിഡന്റും ജസ്റ്റിൻ എബ്രഹാം പ്രസിഡന്റുമായുള്ള യോർക്ക് ഷെയർ ആൻഡ് ഹംബർ റീജണിനാണ് കലാരംഗത്തെ മികവിനുള്ള സിൽവർ ഗാലക്സി അവാർഡ് കരസ്ഥമാക്കിയത്. പ്രശംസനീയമായ പ്രവർത്തനങ്ങളെ മുൻനിറുത്തി ലാലു ആന്റണി പ്രസിഡന്റും അജിത് വെണ്മണി സെക്രട്ടറിയുമായ സൗത്ത് ഈസ്റ്റ് റീജണും, ഷീജോ വർഗീസ് പ്രസിഡന്റും തങ്കച്ചൻ എബ്രഹാം സെക്രട്ടറിയുമായ നോർത്ത് വെസ്റ്റ് റീജണും പ്രത്യേക അവാർഡുകൾക്ക് അർഹത നേടി. നവാഗത റീജണ് എന്നനിലയിൽ നോർത്ത് ഈസ്റ്റ് ആൻഡ് സ്കോട്ട്ലാൻഡ് റീജണും അവാർഡിനായി തെരഞ്ഞെടുക്കപ്പെട്ടു.
ജനുവരി 19 ശനിയാഴ്ച മാഞ്ചസ്റ്റർ വിഥിൻഷോ ഫോറം സെന്ററിൽ നടക്കുന്ന യുക്മ ദേശീയ ഫാമിലി ഫെസ്റ്റിൽ വച്ചു അവാർഡുകൾ വിതരണം ചെയ്യുമെന്ന് അവാർഡ് വിവരങ്ങൾ പ്രഖ്യാപിച്ചുകൊണ്ട് യുക്മ ദേശീയ പ്രസിഡന്റ് മാമ്മൻ ഫിലിപ്പ്, ജനറൽ സെക്രട്ടറി റോജിമോൻ വർഗീസ് എന്നിവർ അറിയിച്ചു. യുക്മ ദേശീയ ട്രഷററും ഫാമിലി ഫെസ്റ്റ് ജനറൽ കണ്വീനറുമായ അലക്സ് വർഗീസ്, യുക്മ മുൻ ദേശീയ പ്രസിഡന്റ് അഡ്വ. ഫ്രാൻസിസ് മാത്യു, മുൻ ദേശീയ ജനറൽ സെക്രട്ടറി സജീഷ് ടോം എന്നിവരാണ് അവാർഡ് കമ്മറ്റിയിലെ മറ്റംഗങ്ങൾ.
റിപ്പോർട്ട്: സജീഷ് ടോം