ക​ര​ടി​ക​ളുടെ ക​ട​ന്നു​ക​യ​റ്റം റ​ഷ്യ​യി​ൽ അ​ടി​യ​ന്ത​രാ​വ​സ്ഥ സൃഷ്ടിക്കുന്നു
Monday, February 11, 2019 11:31 PM IST
മോ​സ്കോ: റ​ഷ്യ​യി​ലെ നോ​വാ​യാ സെം​ല്യ ദ്വീ​പി​ൽ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു. ധ്രു​വ​ക്ക​ര​ടി​ക​ളു​ടെ ക​ട​ന്നു​ക​യ​റ്റം മൂ​ല​മാ​ണ് തീ​രു​മാ​നം. ഡ​സ​ൻ​ക​ണ​ക്കി​ന് ധ്രു​വ​ക്ക​ര​ടി​ക​ളാ​ണ് വീ​ടു​ക​ളി​ലേ​ക്കും പൊ​തു​ഇ​ട​ങ്ങ​ളി​ലേ​ക്കും ക​ട​ന്നു​ക​യ​റി​യ​ത്.

ധ്രു​വ​ക്ക​ര​ടി​ക​ൾ അ​ക്ര​മ​കാ​രി​ക​ളാ​ണെ​ന്നു​ള്ള​ത് ജ​ന​ങ്ങ​ളു​ടെ ആ​ശ​ങ്ക വ​ർ​ധി​പ്പി​ക്കു​ന്നു. വം​ശ​നാ​ശ​ഭീ​ഷ​ണി നേ​രി​ടു​ന്ന ധ്രു​വ​ക്ക​ര​ടി​ക​ളെ കൊ​ല്ലാ​ൻ ക​ഴി​യി​ല്ലെ​ന്നു​ള്ള​താ​ണ് ഏ​റ്റ​വും വ​ലി​യ പ്ര​തി​സ​ന്ധി. ധ്രു​വ​ക്ക​ര​ടി​ക​ളെ വേ​ട്ട​യാ​ടു​ന്ന​ത് റ​ഷ്യ​യി​ൽ നി​രോ​ധി​ച്ചി​ട്ടു​ണ്ട്.

വീ​ടു​ക​ളി​ലും പൊ​തു​സ്ഥ​ല​ങ്ങ​ളി​ലും ഇ​വ​യു​ടെ സാ​ന്നി​ധ്യം ജ​ന​ങ്ങ​ളി​ൽ ഭീ​തി ജ​നി​പ്പി​ച്ചി​രി​ക്കു​ക​യാ​ണ്. അ​ടി​യ​ന്ത​ര​ന​ട​പ​ടി എ​ടു​ക്ക​ണ​മെ​ന്ന് 3000ത്തോ​ളം ദ്വീ​പ് നി​വാ​സി​ക​ൾ അ​ധി​കൃ​ത​രോ​ട് ആ​വ​ശ്യ​പ്പെ​ട്ടു. ജ​ന​വാ​സ മേ​ഖ​ല​ക​ളി​ലേ​ക്കു​ള്ള ധ്രു​വ​ക്ക​ര​ടി​ക​ളു​ടെ വ​ര​വ് അ​തി​രൂ​ക്ഷ​മാ​യ പ​രി​സ്ഥി​തി വ്യ​തി​യാ​ന​ത്തി​ന്‍റെ ഫ​ല​മാ​ണെ​ന്നാ​ണ് വി​ല​യി​രു​ത്ത​ൽ. ആ​ഗോ​ള താ​പ​നി​ല വ​ർ​ധി​ച്ച​തി​നാ​ൽ ആ​ർ​ട്ടി​ക് മേ​ഖ​ല​യി​ലെ മ​ഞ്ഞു​രു​ക്കം ധ്രു​വ​ക്ക​ര​ടി​ക​ൾ ക​ര​യി​ൽ ത​ങ്ങു​ന്ന സ​മ​യം കൂ​ട്ടു​ക​യാ​ണ്.

ക​ര​യി​ൽ ഇ​വ​യ്ക്ക് ഭ​ക്ഷ​ണം ക​ണ്ടെ​ത്ത​ൽ വ​ലി​യ പ്ര​ശ്നം സൃ​ഷ്ടി​ച്ചി​രി​ക്കു​ക​യാ​ണ്. ആ​റു മു​ത​ൽ പ​ത്തു വ​രെ ക​ര​ടി​ക​ളു​ള്ള സം​ഘ​ങ്ങ​ൾ പൊ​തു​സ്ഥ​ല​ങ്ങ​ളി​ൽ പ്ര​ത്യ​ക്ഷ​പ്പെ​ടു​ന്ന​ത് ജ​ന​ജീ​വി​തം ദു​സ​ഹ​മാ​ക്കി​യി​രി​ക്കു​ക​യാ​ണ്. ര​ക്ഷ​ക​ർ​ത്താ​ക്ക​ൾ കു​ട്ടി​ക​ളെ സ്കൂ​ളു​ക​ളി​ല​യ​ക്കാ​ൻ മ​ടി​ക്കു​ന്ന​താ​യി അ​ധി​കൃ​ത​ർ പ​റ​ഞ്ഞു.


റി​പ്പോ​ർ​ട്ട്: ജോ​സ് കു​ന്പി​ളു​വേ​ലി​ൽ
Copyright @ 2022 , Rashtra Deepika Ltd.