റിയാദ്: പ്രഥമ ഇസഡ് കെ. ടെക്കോ ലാന ടെക്നോളജീസ് ഡ്രീംസ് & ഡ്രീംസ് മാധ്യമ പുരസ്കാരങ്ങൾ ഗൾഫിലെ മാധ്യമ പ്രവർത്തകർക്ക്. മലയാള മാധ്യമ പ്രവർത്തകർക്കും ടെലിവിഷൻ പ്രോഗ്രാമുകൾക്കും ഏർപ്പെടുത്തിയ പുരസ്കാരങ്ങൾക്ക് മുസാഫിർ, മലയാളം ന്യൂസ് (പ്രവാസി എഡിറ്റർ), ഷംനാദ് കരുനാഗപ്പള്ളി, ജീവൻ ടിവി സൗദി ബ്യൂറോ ചീഫ് (പ്രവാസി റിപ്പോർട്ടർ) എന്നിവർ തെരഞ്ഞെടുക്കപ്പെട്ടു.
ഓഗസ്റ്റ് ആദ്യവാരം തിരുവനന്തപുരം ടാഗോർ സെന്‍റർ ഹാളിൽ വച്ചു നടത്തുന്ന വർണശബളമായ ചടങ്ങിൽ അവാർഡുകൾ വിതരണം ചെയ്യും. പ്രവാസ ലോകത്തെ സാമൂഹ്യവും സാംസ്കാരികവുമായ സമഗ്ര സംഭാവനകൾക്ക് ഡോ. ഷിബു മാത്യുവിനും, ആതുര സേവന രംഗത്തെ സംഭാവനകൾക്ക് ഡോ. അബ്ദുൽ മജീദ് ചിങ്ങോലിക്കും ജീവകാരുണ്യ രംഗത്തെ പ്രവർത്തനങ്ങൾക്ക് ഷിഹാബ് കൊട്ടുകാടിനും പ്രവാസി കർമ്മപുരസ്കാരം നൽകി ആദരിക്കുമെന്ന് ജൂറി ചെയർമാൻ ആർ. ശ്രീകണ്ഠൻ നായർ (മാനേജിംഗ് ഡയറക്ടർ, ഇൻസൈറ്റ് മീഡിയസിറ്റി) അറിയിച്ചു. സമഗ്ര സംഭാവനയ്ക്കുള്ള പുരസ്കാരങ്ങൾ ശശികുമാറിനും (ടെലിവിഷൻ) തോമസ് ജേക്കബിനും (പത്രമാധ്യമം) ലഭിച്ചു.
ടെലിവിഷൻ രംഗത്തെ മികച്ച വാർത്താ അവതാരകൻ : ടി.എം.ഹർഷൻ (24 ന്യൂസ്), വാർത്താ അവതാരക: അളകനന്ദ (ഏഷ്യാനെറ്റ് ന്യൂസ്), ന്യൂസ് മോഡറേറ്റർ : എം.വി.നികേഷ് കുമാർ (റിപ്പോർട്ടർ ടിവി), അഭിമുഖ പരിപാടി അവതാരകൻ : ജോണി ലൂക്കോസ് (മലയാള മനോരമ), റിപ്പോർട്ടർ : ഷീജ, കൈരളി ടിവി, അന്വേഷണാത്മക റിപ്പോർട്ടർ : മുഹമ്മദ് അസ്ലം, മീഡിയ വണ്‍, വിമർശനാത്മക ഹാസ്യപരിപാടി : ധിം തരികിട തോം (മാതൃഭൂമി ന്യൂസ്), സാമൂഹ്യക്ഷേമ പരിപാടി : കാഴ്ച്ചപ്പതിപ്പ്, സുബിത സുകുമാർ (ജീവൻ ടിവി), വീഡിയോഗ്രാഫർ : കണ്ണൻ പ്രസന്നൻ (ന്യൂസ് 18 കേരളം), അവതാരകൻ (പ്രോഗ്രാം): ഡോ.അരുണ്‍ കുമാർ (24 ന്യൂസ്), അവതാരക (പ്രോഗ്രാം) : ധന്യാ വർമ്മ (കപ്പ ടിവി), ജനപ്രിയ പരിപാടി : ടോപ്പ് സിംഗർ (ഫ്ളവേഴ്സ് ടിവി), റിയാലിറ്റി ഷോ: സരിഗമ (സീ കേരളം), കോമഡി പരിപാടി : കോമഡി സ്റ്റാർസ് (ഏഷ്യാനെറ്റ്), സംഗീത പരിപാടി : മ്യൂസിക് മേജോ (കപ്പ ടിവി), ജനപ്രിയ അവതാരകർ : മാത്തുക്കുട്ടി & രാജ് കലേഷ് (മഴവിൽ മനോരമ), ജനപ്രിയ അവതാരക : അശ്വതി (സീ ടിവി), മികച്ച ഡിബേറ്റ് : ജനം ഡിബേറ്റ്, ജനം ടിവി, ആരോഗ്യ പരിപാടി: ഡോക്ടർ ലൈവ് (ഏഷ്യനൈററ്), മറ്റു പുരസ്കാരങ്ങളിൽ റിപ്പോർട്ടർ : സുജിത്ത് നായർ (മലയാള മനോരമ), സ്റ്റിൽ ഫോട്ടോഗ്രാഫർ : സിദ്ദിഖുൽ അക്ബർ (മാതൃഭൂമി), കാർട്ടൂണിസ്റ്റ് : ഗോപീകൃഷ്ണൻ (മാതൃഭൂമി), അന്വേഷണാത്മക റിപ്പോർട്ട് : എസ്. നാരായണൻ (മംഗളം), ഓണ്‍ലൈൻ ചാനൽ : സ്മാർട്ട് പിക്സ് മീഡിയ, റേഡിയോ ജോക്കി : കിടിലൻ ഫിറോസ് (ബിഗ് എഫ്.എം) എന്നിവർക്കാണ്.