കോർക്ക്: അയർലൻഡ് വേൾഡ് മലയാളി കൗണ്‍സിൽ കോർക്ക് യൂണിറ്റിന്‍റെ പൊതുയോഗവും ഭാരവാഹികളുടെ തെരഞ്ഞെടുപ്പും ബാലിൻകോളിഗ് ജിഎഎ ഹാളിൽ ചെയർമാൻ ജെയ്സണ്‍ ജോസഫിന്റെ അധ്യക്ഷതയിൽ കൂടിയ പൊതുയോഗത്തിൽ ആക്ടിംഗ് പ്രസിഡന്‍റ് റ്റുബീഷ് രാജു വിവിധ പ്രവർത്തനങ്ങളെ കുറിച്ച് പ്രസംഗിച്ചു. സെക്രട്ടറി ജോണ്സണ് ചാൾസ് റിപ്പോർട്ടും ട്രഷറർ മധു എം മാത്യു സാന്പത്തിക റിപ്പോർട്ടും അവതരിപ്പിച്ചു.
തുടർന്നു നടന്ന തെരഞ്ഞെടുപ്പിൽ മുൻ പ്രസിഡന്‍റ് ഹാരി തോമസ് വരണാധികാരിയായി. ജോണ്സണ് ചാൾസ് / ചെയർമാൻ), ഡോ. ലേഖ മേനോൻ(പ്രസിഡന്‍റ്), റ്റുബീഷ് രാജു(സെക്രട്ടറി), ജെയ്സണ്‍ ജോസഫ് (ട്രഷറർ), ഡെനിറ്റാ ജേക്കബ്(വൈസ് ചെയർപേഴ്സണ്‍), ജോസഫ് ജോസഫ് വൈസ്പ്രസിഡന്‍റ്, മെൽവിൻ കോശി മാത്യു (ജോയിന്റ് സെക്രട്ടറി)എന്നിവരെ തെരഞ്ഞെടുത്തു.
എക്സിക്യൂട്ടീവ് കമ്മിറ്റി അംഗങ്ങളായി ഷാജു കുര്യൻ (മുൻ ഗ്ലോബൽ വൈസ് ചെയർമാൻ), സിൽസണ്‍ ജേക്കബ്(പിആർഒ), കൃഷ്ണകുമാർ, മനു മൈക്കിൾ, മധു മാത്യു, ബിജു മാത്യു,ജോമോൻ ജോസഫ്, ജോസ് പി കുര്യൻ, അരുണ്‍ നായർ,അനീഷ് ജോർജ്, ഷെബി പി രാജു,സിബിൻ ജെയിംസ്, ജേക്കബ്, ബിജു സിറിയക്ക്, വിപിൻ മാത്യു എന്നിവരേയും തെരഞ്ഞെടുത്തു.
പുതിയ ഭാരവാഹികളെ അയർലൻഡ് പ്രോവിൻസ് ചെയർമാൻ ദീപു ശ്രീധർ, പ്രസിഡണ്ട് ബിജു സെബാസ്ററ്യൻ, പി ആർ ഓ രാജു കുന്നക്കാട്ട്, യൂറോപ്പ് റീജിയൻ ട്രഷറർ ഷൈബു കൊച്ചിൻ, വൈസ് ചെയർമാൻ ബിജു വൈക്കം, വൈസ് പ്രസിഡണ്ട് സുനിൽ ഫ്രാൻസിസ്,ഗ്ളോബൽ വനിത ഫോറം വൈസ് പ്രസിഡന്‍റ് ജീജ ജോയി എന്നിവർ അഭിനന്ദിച്ചു.