ഷിക്കാഗോ: ഷിക്കാഗോയിലെ ഇല്ലിനോയി മലയാളി അസോയിഷന്റെ രണ്ടു വർഷത്തേക്കുള്ള പ്രവർത്തനങ്ങളുടെ ഉദ്ഘാടനം നവംബർ മൂന്നിനു ശനിയാഴ്ച വൈകുന്നേരം 5ന് ഡസ്പ്ലെയിൻസിലുള്ള ക്നാനായ കമ്യൂണിറ്റി സെന്ററിൽ (1800 W Oakton ST) വച്ചു നടത്തപ്പെടും. കേരളപ്പിറവി ദിനത്തിന്റെ ആഘോഷങ്ങളും അന്നേദിവസം അരങ്ങേറും. പ്രസിഡന്റ് ജോർജ് പണിക്കരുടെ അധ്യക്ഷതയിൽ കൂടിയ യോഗത്തിൽ അടുത്ത രണ്ടു വർഷത്തേക്ക് നടത്താനിരിക്കുന്ന പരിപാടികളുടെ കരട് രേഖകളും തയാറാക്കി.
വെള്ളപ്പൊക്ക കെടുതിയിൽ ദുരിതം അനുഭവിക്കുന്നവരെ സഹായിക്കാൻ സംഘടന സ്വരൂപിച്ച എട്ടു ലക്ഷത്തിൽ അധികം രൂപയുടെ സഹായം അർഹിക്കുന്നവരെ കണ്ടെത്തി പ്രയോജനകരമായ രീതിയിൽ വിതരണം ചെയ്യണമെന്നു യോഗം അഭിപ്രായപ്പെട്ടു. ന്ധഅമ്മയ്ക്കൊപ്പം ഐഎംഎ’ എന്ന പദ്ധതിയിലൂടെയാണ് ഇത്രയും പണം സ്വരൂപിക്കാനായത്.
പരന്പരാഗതമായി സംഘടന നടത്തിവരുന്ന യുവജനോത്സവം 2019 ഏപ്രിൽ മാസം 27നു നടത്തുന്നതായിരിക്കും. സമൂഹത്തിന്റെ വിവിധ തുറകളിൽ പ്രവർത്തിക്കുന്ന യുവജനങ്ങളെ യുവജനോത്സവങ്ങളിലൂടെ വളർത്തിയെടുക്കുന്നതിൽ ഐഎംഎയ്ക്ക് ഒരു പ്രമുഖ സ്ഥാനമുണ്ടെന്നും യോഗം വിലയിരുത്തി.
സംഘടന പുതുതായി ആരംഭിക്കുന്ന ന്ധബി എ ലീഡർ’ എന്ന പദ്ധതിയെപ്പറ്റിയും സമഗ്രമായ ചർച്ചകൾ നടന്നു. പദ്ധതിയുടെ നടത്തിപ്പിനായി സിബി ആലുംപറന്പിൽ കണ്വീനറായി ജോർജ് മാത്യുസ്, അനിൽകുമാർ പിള്ള, പോൾ പറന്പി, ജെയ്ബു കുളങ്ങര, സിറിയക് കൂവക്കാട്ടിൽ എന്നിവർ അംഗങ്ങളായ ഒരു കമ്മിറ്റിക്കും രൂപംനൽകി.
നവംബർ 3ന് നടത്തുന്ന കേരളപ്പിറവി, പ്രവർത്തനോദ്ഘാടനം എന്നിവകളുടെ നടത്തിപ്പിനായി മറിയാമ്മ പിള്ളയുടെ നേതൃത്വത്തിൽ റോയി മുളകുന്നം, ഷാനി ഏബ്രഹാം, ചന്ദ്രൻപിള്ള, വന്ദന മാളിയേക്കൽ, ജോയി പീറ്റർ ഇണ്ടിക്കുഴി, ജെസി മാത്യു, കുര്യൻ തുരുത്തിക്കര, ബേസിൽ പെരേര, തോമസ് ജോർജ്, ഏബ്രഹാം ചാക്കോ, സാം ജോർജ് എന്നിവർ കമ്മിറ്റി അംഗങ്ങളായി വിപുലമായ പ്രവർത്തക സമിതിയും രൂപീകരിച്ചു.
റിപ്പോർട്ട്: ജോയിച്ചൻ പുതുക്കുളം