ഡാളസ്: ഇന്ത്യ കൾച്ചറൽ ആൻഡ് എജ്യുക്കേഷൻ സെന്‍റർ വാർഷിക പൊതുയോഗം 2019-20 വർഷത്തെ പുതിയ ഭാരവാഹികളെ തെരഞ്ഞെടുത്തു. കേരള അസോസിയേഷൻ ഓഫ് ഡാളസ് കോണ്ഫറൻസ് ഹാളിൽ പ്രസിഡന്‍റ് മാത്യു കോശിയുടെ അധ്യക്ഷതയിൽ ചേർന്ന യോഗത്തിലാണ് ഭാരവാഹികളെ തെരഞ്ഞെടുത്തത്.
ഭാരവാഹികളായി ചെറിയാൻ ചൂരനാട് (പ്രസിഡന്‍റ്), ജോർജ് ജോസഫ് വിലങ്ങോലിൽ (ജനറൽ സെക്രട്ടറി), ജോസ് ഓച്ചാലിൽ (വൈസ് പ്രസിഡന്‍റ്), തോമസ് ജെ. വടക്കേ മുറിയിൽ (ജോ. സെക്രട്ടറി), സിജു കൈനിക്കര (ട്രഷറർ), വി. എസ്. ജോസഫ് (ജോ. ട്രഷറർ), റോയ് കൊടുവത്ത്, ഡാനിയേൽ കുന്നേൽ, പ്രദീപ് നാഗനോലിൽ, ഐ. വർഗീസ്, ബോബൻ കൊടുവത്ത്, ടോമി നെല്ലുവേലിൽ, രമണി കുമാർ, മാത്യു കോശി, പി. ടി. സെബാസ്റ്റ്യൻ (ബോർഡ് മെന്പർമാർ) എന്നിവരെയാണ് തെരഞ്ഞെടുത്തത്.
സാമൂഹ്യ സാംസ്കാരിക പ്രവർത്തകനായ ചെറിയാൻ ചൂരനാട് ഐസിഇസി സ്ഥാപകാംഗം കൂടിയാണ്. ഇർവിംഗ് ഡിഎഫ്ഡബ്ല്യു ഇന്ത്യൻ ലയണ്‍സ് ക്ലബ് പ്രസിഡന്‍റും, എൻജിനീയറുമായ ജോർജ് ജോസഫ് വിലങ്ങോലിന്റെ നേതൃത്വം സംഘടനക്ക് പുതിയ ഉൗർജം നൽകും. തുടർന്നു നടന്ന ചർച്ചയിൽ രാജൻ ഐസക്, പീറ്റർ നെറ്റൊ, ഐപ് സ്കറിയ എന്നിവർ പങ്കെടുത്തു.
റിപ്പോർട്ട്: പി.പി. ചെറിയാൻ