ന്യൂയോർക്ക്: ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ അഭിമാനസംരംഭമായ മാധ്യമശ്രീ പുരസ്കാര ചടങ്ങിൽ ഗോൾഡ് സ്പോണ്സർ ആയി ഫ്ലോറിഡയിൽ നിന്നും സേവി മാത്യു. സാമൂഹികസാംസ്കാരിക സംഘടനകളിൽ സജീവസാനിധ്യമായ സേവി മാത്യു നിലവിൽ ഫോമാ പ്രവാസി പ്രോപ്പർട്ടി പ്രൊട്ടക്ഷൻ കൗണ്സിൽ ചെയർമാനായും സീറോ മലബാർ കാത്തലിക് കോണ്ഗ്രസ് ദേശീയ ബോർഡ് മെന്പറായും പ്രവർത്തിക്കുന്നു.
കേരളത്തിലും അമേരിക്കയിലും ബിസിനസ് ശൃംഖലകളുള്ള കോതമംഗലം അറന്പൻകുടി കുടുംബാംഗമായ സേവി മാത്യു , കോവളത്തെ സോമതീരം റിസോർട്ട് ഗ്രൂപ്പിന്റെ സഹോദരസ്ഥാപനങ്ങളായ ചൊവ്വര ബീച്ച് റിസോർട്ട്, കോക്കനട്ട് വാലി ബീച്ച് റിസോർട്ട് എന്നിവയുടെ ചെയർമാനും മാനേജിംഗ് ഡയറക്റ്ററുമാണ്.
സീറോ മലബാർ കാത്തലിക് കോണ്ഗ്രസ് ദേശീയ പ്രസിഡന്റ്, ഫൊക്കാന ജോയിന്റ് സെക്രട്ടറി , ഫോമാ റീജിണൽ പ്രസിഡന്റ്, കേരള സമാജം ഫ്ളോറിഡ പ്രസിഡന്റ് , ഇന്ത്യൻ കാത്തലിക് അസോസിയേഷൻ ഓഫ് ഫ്ളോറിഡ സ്ഥാപക സെക്രട്ടറി എന്നീ പദവികളും സേവി മാത്യു വഹിച്ചിട്ടുണ്ട്.
സേവി മാത്യു രൂപം നൽകിയ കേരള ബോട്ട് & ആർട്സ് ക്ലബ്ബാണ് കേരള സമാജവുമായി സഹകരിച്ചു കേരളത്തിന് വെളിയിൽ ഏറെ പ്രസിദ്ധി നേടിയ നെഹ്റു ട്രോഫി വള്ളംകളി മത്സരം മയാമിയിൽ സംഘടിപ്പിച്ചത്. പ്രാദേശിക രാഷ്ട്രീയത്തിലും സജീവമായ സേവി മാത്യു, സിറ്റി ഓഫ് പെംബ്രോക്ക് പയ്ൻസിന്റെ വിവിധ സബ് കമ്മറ്റികളിൽ പ്രവർത്തിച്ചിട്ടുണ്ട്.
മാധ്യമശ്രീക്കൊപ്പം, മാധ്യമരത്നയും വിവിധ മേഖലകളിൽ മികവ് തെളിയിച്ചവർക്ക് 10 അവാർഡുകളും നൽകുന്നു. പ്രസിഡന്റായ മധു കൊട്ടാരക്കരയോടൊപ്പം സുനിൽ തൈമറ്റമാണ് ജനറൽ സെക്രട്ടറിയായി പ്രവർത്തിക്കുന്നത്. സണ്ണി പൌലോസ് (ട്രഷറർ ), ജെയിം സ് വർഗീസ് (വൈസ് പ്രസിഡന്റ്). അനിൽ ആറൻ മുള(ജൊയിന്റ് സെക്രട്ടറി), ജീമോൻ ജോർജ്(ജോയിന്റ് ട്രഷറർ ) മാധ്യമശ്രീ പുരസ്കാര കമ്മറ്റി ചെയർമാൻ മാത്യു വർഗ്ഗീസ് , ചീഫ് കണ്സൽട്ടൻറ് ജോർജ് ജോസഫ് എന്നിവർ അടങ്ങുന്ന ടീമും പ്രവർത്തിക്കുന്നു . ജൂറിയിൽ ഡോ.ഡി ബാ ബുപോൾ ചെയർമാൻ. മാധ്യമ കുലപതികളായ തോമസ് ജേക്കബ്, കെ.എം റോയി, അല ക്സാണ്ർ സാം, അമേരിക്കയിൽ നിന്ന് ഡോ.എം.വി പിളള എന്നിവരാണ് അംഗങ്ങൾ.