ഫിലഡൽഫിയ: വലിയനോന്പിനോടനുബന്ധിച്ച് സെന്റ് തോമസ് സീറോ മലബാർ ഫൊറോന പള്ളിയിൽ നടത്തിവരാറുള്ള വാർഷികധ്യാനം ഏപ്രിൽ 5 വെള്ളിയാഴ്ച മുതൽ 7 ഞായറാഴ്ച വരെ നടത്തപ്പെടുന്നു. ഹൈദരാബാദ് കേന്ദ്രമായി 2017ൽ രൂപീകൃതമായ ഷംസാബാദ് സീറോ മലബാർ രൂപതയുടെ പ്രഥമബിഷപ്പും പ്രഗൽഭ ധ്യാനഗുരുവുമായ മാർ റാഫേൽ തട്ടിലാണ് ഈ വർഷം ധ്യാനം നയിക്കുന്നത്. മുതിർന്നവർക്കും, യുവാക്കൾക്കും, കുട്ടികൾക്കുമായി അഞ്ചു വ്യത്യസ്ത ട്രാക്കുകളിലായിട്ടാണ് ഈ വർഷത്തെ ധ്യാനം ക്രമീകരിച്ചിരിക്കുന്നത്.
മുതിർന്നവർക്ക് മലയാളത്തിലുള്ള മൂന്നുദിവസത്തെ ധ്യാനമാണ് ബിഷപ്പ് മാർ റാഫേൽ തട്ടിൽ നയിക്കുന്നത്. ഏപ്രിൽ 5 വെള്ളിയാഴ്ച അഞ്ചിന് ജപമാലയോടുകൂടി ധ്യാനം ആരംഭിക്കും. വചനസന്ദേശം, വി. കുർബാന, കുരിശിന്റെ വഴി എന്നിവയാണ് വെള്ളിയാഴ്ചയിലെ പരിപാടികൾ. ഒൻപതിന ് സമാപനം.
ഏപ്രിൽ 6 ശനിയാഴ്ച രാവിലെ ഒൻപതിന് വി. കുർബാനയോടുകൂടി രണ്ടാം ദിവസത്തെ ധ്യാനം ആരംഭിക്കും. നിത്യസഹായമാതാവിന്റെ നൊവേന, വചനസന്ദേശം, കുന്പസാരം, ആരാധന എന്നിവയായിരിക്കും ശനിയാഴ്ചത്തെ പ്രാർഥനാശുശ്രൂഷകൾ. നാലിന് ദിവ്യകാരുണ്യ ആരാധനയോടെ അന്നത്തെ ശുശ്രൂഷ അവസാനിക്കും.
ഏപ്രിൽ 7 ഞായറാഴ്ച രാവിലെ ഒൻപതരയ്ക്ക് വി. കുർബാനയോടെ മൂന്നാം ദിവസത്തെ ധ്യാനശുശ്രൂഷകൾ ആരംഭിക്കും. ദിവ്യകാരുണ്യ ആരാധനയെതുടർന്ന് മൂന്നിന് ധ്യാനം സമാപിക്കും.
യുവാക്കൾക്കും മിഡിൽസ്കൂൾ, ഹൈസ്കൂൾ കുട്ടികൾക്കുമുള്ള ഇംഗ്ലീഷ് ധ്യാനം ശനിയാഴ്ച്ചയും, ഞായറാഴ്ചയും മാത്രമായിരിക്കും നടത്തപ്പെടുക. കോളജിൽ പഠിക്കുന്ന യുവാക്കൾക്കും, ഉദ്യോഗസ്ഥരായ യുവാക്കൾക്കുമുള്ള ഇംഗ്ലീഷ് ധ്യാനം നയിക്കുന്നത് പ്രശസ്ത യുവജന വചനപ്രഘോഷകനായ ഷിജു ഫിലിപ്പാണ്.
മിഡിൽസ്കൂൾ, ഹൈസ്കൂൾ സിസിഡി കുട്ടികൾക്ക് ജീസസ് യൂത്ത് വോളന്റിയേഴ്സ് ആയിരിക്കും ധ്യാനശുശ്രൂഷ നിർവഹിക്കുന്നത്. എലമെന്ററി ഗ്രേഡുകളിലുള്ള കുട്ടികൾക്കായി മതാധ്യാപകർ ക്ലാസുകൾ കൊടുക്കും.
ശനിയാഴ്ചയും, ഞായറാഴ്ചയുമാണ് യുവാക്കൾക്കും, മിഡിൽസ്കൂൾ, ഹൈസ്കൂൾ കുട്ടികൾക്കുമുള്ള ധ്യാനം ക്രമീകരിച്ചിരിçന്നത്. ശനിയാഴ്ച്ച രാവിലെ ഒൻപതിനാരംഭിച്ച് നാലിന് അവസാനിക്കും. ഞായറാഴ്ച്ച രാവിലെ ഒൻപതരക്ക് ആരംഭിച്ച് ഉച്ചയ്ക്കുശേഷം മൂന്നിന് അവസാനിക്കും.
ധ്യാനത്തിൽ പങ്കെടുക്കുന്നവർക്ക് രണ്ടുദിവസവും ലഘുഭക്ഷണം ക്രമീകരിച്ചിട്ടുണ്ട്. വാർഷികധ്യാനത്തിൽ പങ്കെടുത്ത് നോന്പുകാലം ആത്മീയ ചൈതന്യത്തിൽ വളരാൻ എല്ലാ വിശ്വാസികളെയും ഇടവക വികാരി റവ. ഫാ. വിനോദ് മഠത്തിപ്പറന്പിലും, കൈക്കാര·ാരായ ബിനു പോൾ, സജി സെബാസ്റ്റ്യൻ, പോളച്ചൻ വറീദ്, ജോർജ് വി. ജോർജ് എന്നിവരും പാരീഷ് കൗണ്സിലും സംയുക്തമായി ക്ഷണിക്കുന്നു.
ധ്യാനസംബന്ധമായ കൂടുതൽ വിവരങ്ങൾക്ക്:
റവ. ഫാ. വിനോദ് മഠത്തിപ്പറന്പിൽ (വികാരി) 630 901 5724
ബിനു പോൾ (കൈക്കാരൻ) 267 939 7936
ടോം പാറ്റാനി (സെക്രട്ടറി) 267 456 7850 ിൃശ2019ാമൃ26ാമൃബൃമളളലഹ.ഷുഴ
റിപ്പോർട്ട്: ജോസ് മാളേയ്ക്കൽ