ഷിക്കാഗോ: ഷിക്കാഗോ മലയാളി അസോസിയേഷന്റെ സീനിയർ സിറ്റിസണ് വിഭാഗം അസോസിയേഷൻ പ്രസിഡന്റ് ജോണ്സണ് കണ്ണൂക്കാടന്റെ അധ്യക്ഷതയിൽ കൂടി. യോഗത്തിൽ സീനിയർ സിറ്റിസണ് ഭാരവാഹികളെ തെരഞ്ഞെടുത്തു.
വൈസ് പ്രസിഡന്റായി ജോസഫ് നെല്ലവേലി, കോർഡിനേറ്റേഴ്സായി ജോർജ്, പുതുശേരി, ഡോ. ജെയിംസ് മാത്യു, പി.ഒ. ഫിലിപ്പ്, മേരി മെത്തിപ്പാറ, അഡ്വ. ജോണ് വർഗീസ്, ജേക്കബ് ചിറയത്ത്, ജോണ് ഇലക്കാട്, ഡോ. മാത്യു കോശി എന്നിവരെയും തെരഞ്ഞെടുത്തു. തെരഞ്ഞെടുപ്പിനുശേഷം പ്രവർത്തനോദ്ഘാടനവും നടന്നു
. ഒരാഴ്ച നീണ്ടുനിൽക്കുന്ന ക്രൂസ്, ലൈബ്രറി, കാർഡ് ഗെയിംസ്, ചർച്ച തുടങ്ങിയ വിവിധ മാനസികോല്ലാസ പരിപാടികൾ നടത്തുന്നതിനും സീനിയർ സിറ്റിസണ് വിഭാഗം തീരുമാനിക്കുകയുണ്ടായി. സീനിയർ സിറ്റിസണ് വിഭാഗം പുതിയ ഭാരവാഹികളെ അഭിനന്ദിച്ചു കൊണ്ട് ഷിക്കാഗോ മലയാളി അസോസിയേഷൻ സീനിയർ സിറ്റിസണ് പ്രതിനിധി ജോസ് സൈമണ് മുണ്ടാപ്ലാക്കിൽ, മുൻ പ്രസിഡന്റുമാരായ സണ്ണി വള്ളിക്കളം, ടോമി അംപേനാട്ട് എന്നിവർ പ്രസംഗിച്ചു.
റിപ്പോർട്ട്: ജോഷി വള്ളിക്കളം