ഡാളസ് : അമേരിക്കയിൽ മലയാള സാഹിത്യക്കാരൻമാരും സാഹിത്യാസ്വാദകരുടെയും സംഘടനയായ ലിറ്റററി അസോസിയേഷൻ ഓഫ് നോർത്ത് അമേരിക്ക (LANA)യുടെ 11 മത് നാഷണൽ കണ്വൻഷൻ നവംബർ 1, 2, 3 തീയതികളിൽ ഡാളസിൽ വച്ചു നടത്തുവാൻ തീരുമാനിച്ചിരിക്കുന്നു. ലാന ദേശിയ കോണ്വൻഷനോടനുബന്ധിച്ചു ഒരു സാഹിത്യ മത്സരവും സംഘടിപ്പിക്കുന്നുണ്ട്. അതിൽ തെരഞ്ഞെടുക്കുന്ന കൃതികൾക്ക് അവാർഡുകൾ നൽകുന്നതായിരിക്കും. ഈ സാഹിത്യ മത്സരത്തിലേക്ക് കൃതികൾ (നോവൽ, കഥ, കവിത, ലേഖനം തുടങ്ങിയവയുടെ സമാഹാരങ്ങൾ) ക്ഷണിക്കുന്നു.
പുസ്തകങ്ങൾ 2017, 2018, 2019 വർഷങ്ങളിൽ ആദ്യപതിപ്പായി പ്രസിദ്ധീകരിച്ചതായിരിക്കണം. കൃതികൾ സമർപ്പിക്കുന്നവർ നോവൽ, കവിത, കഥ, ലേഖനം തുടങ്ങിയ സമാഹാരങ്ങളുടെ മൂന്ന് കോപ്പികൾ വീതം അയക്കണം. വടക്കേ അമേരിക്കയിലും, കാനഡയിലും, യൂറോപ്പിലും വസിക്കുന്ന മലയാള എഴുത്തുക്കാർക്ക് ഇതിൽ പങ്കെടുക്കാവുന്നതാണ്. പുതിയ എഴുത്തുക്കാരെ പരിചയപ്പെടുത്തുക പ്രചോദനമാകുക എന്ന ലക്ഷ്യത്തോടെയാണ് ലാന അവാർഡ് ഏർപ്പെടുത്തിരിക്കുന്നത്.
അവാർഡ് സ്വീകരിക്കുന്നതിന് ജേതാക്കളുടെ സാന്നിധ്യം കണ്വെൻഷനിൽ ആവശ്യമാണ്. കൃതികൾ സമർപ്പിക്കേണ്ടുന്ന അവസാന തീയതി ജൂണ് 30.
കൃതികൾ അയക്കേണ്ട വിലാസം : (ജോസ് ഓച്ചാലിൽ, അവാർഡ് കമ്മറ്റി ചെയർമാൻ )
1513 choctaw Drive, Mesquite -TX 75149
റിപ്പോർട്ട്: അനശ്വരം മാന്പിള്ളി