ഒഹായോ: കൊളംബസ് സെൻറ് മേരീസ് സീറോ മലബാർ കത്തോലിക്ക മിഷന്‍റെ മധ്യസ്ഥയായ പരിശുദ്ധ കന്യകാമറിയത്തിന്‍റെ ഈ വർഷത്തെ തിരുനാളും ഷിക്കാഗോ സീറോ മലബാർ രൂപത ബിഷപ്പ് മാർ ജോയ് ആലപ്പാട്ടിന്‍റെ മിഷൻ സന്ദർശനവും സെപ്റ്റംബർ 26നു നടത്തും.
തിരുനാളിന്‍റെ നടത്തിപ്പിനായി പ്രീസ്റ്റ് ഇൻ ചാർജ്, ഫാ. നിബി കണ്ണായി വിവിധ കമ്മിറ്റികൾക്കു രൂപം നൽകി. ഷിനൊ മാച്ചുവീട്ടിൽ ആന്‍റണി, മനോജ് അന്തോണി(ട്രസ്റ്റിമാർ), ജോസഫ് സെബാസ്റ്റ്യൻ, പ്രദീപ് ഗബ്രിയേൽ(പെരുന്നാൾ കണ്‍വീനർമാർ), ദിവ്യ റോസ് ഫ്രാൻസിസ് (ഇൻവിറ്റേഷൻ കമ്മിറ്റി), അശ്വിൻ പാറ്റാനി (ലിറ്റർജി ), ശോഭ ജോസ് (പ്രസുദേന്തി ആൻഡ് പ്രദക്ഷിണം), ബബിത ഡിലിൻ (ചർച്ച് ഡെക്കറേഷൻ), അജോ ജോസഫ് (ഒൗട്ട്ഡോർ ഡെക്കറേഷൻ ആൻഡ് ഹാൾ സെറ്റപ്പ്), ഷിനൊ മാച്ചുവീട്ടിൽ ആന്‍റണി (ലൈറ്റ് ആൻഡ് സൗണ്ട്), ഷിംഷ മനോജ് (കൾച്ചറൽ ആൻഡ് പബ്ലിക് മീറ്റിങ്), റോഷൻ അലക്സ് (ഫോട്ടോഗ്രാഫി ആൻഡ് വീഡിയോ ), അരുണ്‍ ഡേവിസ് (ക്വയർ), ബിനിക്സ് ജോണ് (ഫുഡ്) എന്നിവരെ കമ്മിറ്റി ലീഡേഴ്സ് ആയി തെരഞ്ഞെടുത്തു.
ഈ വർഷത്തെ തിരുനാൾ ഏറ്റെടുത്തു നടത്തുന്ന പ്രസുദേന്തിമാരുടെ വാഴ്ച്ച തിരുനാൾ ദിനത്തിൽ നടത്തപ്പെടും. തിരുനാളിൽ പങ്കെടുത്തു അനുഗ്രഹം പ്രാപിക്കുവാനായി ഏവരെയും ക്ഷണിക്കുന്നു.
റിപ്പോർട്ട്: ജോയിച്ചൻ പുതുക്കുളം