ന്യൂയോർക്ക്: കോവിഡിന്റെ തുടക്കത്തിൽ ലോമമെന്പാടും ലോക്ക്ഡൗണിലായിരിക്കെ അമേരിക്കൻ മലയാളികൾക്ക് സാന്ത്വനവും സഹായവുമായി മലയാളി ഹെൽപ് ലൈൻ എന്ന കൂട്ടായ്മയിലൂടെ ഫോമാ പ്രസിഡന്റ് അനിയൻ ജോർജിന്റെ നേതൃത്വത്തിൽ തുടങ്ങിയ സാന്ത്വന സംഗീതത്തിന്റെ എഴുപത്തഞ്ചാം എപ്പിസോഡ് സെപ്റ്റംബർ 19 ഞായറാഴ്ച വൈകിട്ട് 5ന് ന്യൂയോർക്ക് ക്യൂൻസിലെ ടൈസണ് സെന്ററിൽ (26വേ നോർത്ത് ടൈസണ് അവന്യൂ, ഫ്ലോറൽ പാർക്ക്) നടക്കും. സംഗീത വിരുന്നിൽ അമേരിക്കയിലെ പ്രമുഖ ഗായകർ അണിനിരക്കും.
ദിലീപ് വർഗീസ് മുഖ്യ രക്ഷാധികാരിയായി നേതൃത്വം നൽകുന്ന സാന്ത്വനം സംഗീത പരിപാടി സിബി ഡേവിഡ് നിയന്ത്രിക്കുന്നത്. ബൈജു വർഗീസ്, ജെയ്ൻ മാത്യു കണ്ണച്ചാംപറന്പിൽ, റോഷിൻ മാമ്മൻ, സിജി ആനന്ദ് (, ബോബി ബാൽ എന്നിവരാണ് കോർഡിനേറ്റർമാർ. സാജൻ മൂലപ്ലാക്കൽ, സിറിയക് കുര്യൻ, മഹേഷ് മുണ്ടയാട്, സുനിൽ ചാക്കോ എന്നവർ സിബി ഡേവിഡിനോടൊപ്പം സാങ്കേതിക സഹായം നിർവഹിക്കുന്നു. ഫോമാ എക്സിക്യൂട്ടീവ് കമ്മറ്റിക്ക് വേണ്ടി ബിജു തോണിക്കടവിലാണ് മേൽനോട്ടം നിർവഹിക്കുന്നത്.
ദിലീപ് വർഗീസ്, ഡോ. ജേക്കബ് തോമസ്, അനിയൻ ജോർജ്, വിജി അബ്രഹാം, പോൾ സി. മത്തായി, പി.ടി. തോമസ്, വിൻസന്റ് സിറിയക്, ഡോക്ടർ പ്രിൻസ് നെച്ചിക്കാട്ട്, ഷിജു എബ്രഹാം, സാബു ലൂക്കോസ്, ഡെൻസിൽ ജോർജ് എന്നിവരാണ് സാന്ത്വന സംഗീതം എഴുപത്തഞ്ചാം എപ്പിസോഡിന്റെ പ്രായോജകർ.
സാന്ത്വന സംഗീതത്തിന്റെ എഴുപത്തഞ്ചാം എപ്പിസോഡിൽ എല്ലാ നല്ല സഹ്യ്രദയരും കലാസ്വാദകരും പങ്കെടുക്കണമെന്ന് ഫോമാ പ്രസിഡന്റ് അനിയൻ ജോർജ്ജ്, ജനറൽ സെക്രട്ടറി ടി.ഉണ്ണികൃഷ്ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് നായർ , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ എന്നിവർ അഭ്യർഥിച്ചു.
റിപ്പോർട്ട്: ടി. ഉണ്ണികൃഷ്ണൻ