ഫിലഡൽഫിയ: പെൻസിൽവാനിയ, ഡെലവർ, ന്യൂജേഴ്സി ഏരിയയിലെ സാമൂഹിക സാംസ്കാരിക സംഘടനകളുടെ കൂട്ടായ്മയായ ട്രൈസ്റ്റേറ്റ് കേരള ഫോറത്തിന്റെ ഈ വർഷത്തെ പ്രവർത്തനങ്ങളുടെ ഉദ്ഘാടനം ഏഷ്യാനെറ്റ് ന്യൂസ് യുഎസ്എ പ്രഥമൻ ഡോ. കൃഷ്ണ കിഷോർ ഭദ്രദീപം തെളിയിച്ചു നിർവഹിക്കും. മെയ് 15 ഞായറാഴ്ച വൈകിട്ട് 4.30ന് നു ജംബോ സീ ഫുഡ് ബാങ്ക്റ്റ് ഹാളിൽ (Jumbo Seafood, 725 Bustleton pike, Feasterville-Trevose, PA 19053)ആണ് പരിപാടികൾ അരങ്ങേറുക.
ഫിലഡൽഫിയയിലെ മലയാളികളുടെ മാമാങ്കമായ ട്രൈസ്റ്റേറ്റ് ഓണമഹോത്സവത്തിന് ഇതോടുകൂടി കൊടിയേറും. ഗ്രേറ്റർ ഫിലഡൽഫിയയിലെ പ്രമുഖ മലയാളീ സംഘടകൾ എല്ലാം ഒരേ കുടകീഴിൽ ഒന്നിച്ചണിനിരന്നു ആയിരങ്ങളെ പങ്കെടുപ്പിച്ചു നടത്തുന്ന ഓണാഘോഷത്തിന്റെ ടിക്കറ്റ് വിതരണോദ്ഘാടനവും ഇതോടൊന്നിച്ചു നടത്തപ്പെടും. പരിപാടിയോടനുബന്ധിച്ചു കലാ പരിപാടികളും അത്താഴ വിരുന്നും ഒരുക്കിയിട്ടുണ്ടെന്ന് സംഘാടക സമിതി അറിയിച്ചു.
കൂടുതൽ വിവരങ്ങൾക്ക് ചെയർ മാൻ സാജൻ വർഗീസ് (215 906 7118) ജനറൽ സെക്രട്ടറി റോണി വർഗീസ് (267 213 5544), ട്രഷറർ ഫിലിപ്പോസ് ചെറിയാൻ (215 605 7310), ഓണം ചെയർപേഴ്സണ് ജീമോൻ ജോർജ് (267 970 4267), എക്സിക്യൂട്ടീവ് വൈസ് ചെയർമാൻ വിൻസെന്റ് ഇമ്മാനുവേൽ, സുമോദ് നെല്ലിക്കാല, ജോബി ജോർജ്, ജോണ് സാമുവേൽ, സുധ കർത്താ, ആശ അഗസ്റ്റിൻ, ബ്രിജിറ്റ് പാറപ്പുറത്ത് എന്നിവരുമായി ബന്ധപ്പെടാവുന്നതാണ്.