
ഫാ. തോമസ് വടക്കേത്തല
തൃശൂർ : അതിരൂപതയിലെ സീനിയർ വൈദികൻ ഫാ. തോമസ് വടക്കേത്തല (79) അന്തരിച്ചു. നാളെ രാവിലെ 6.30ന് ചേറൂർ വിയാനി ഹോം വൈദികമന്ദിരത്തിൽ വിശുദ്ധ കുർബാന, തുടർന്ന് 8.30 ന് ഗുരുവായൂർ ഇടവകയിലുള്ള സഹോദരൻ വി.വി. ജോർജിന്റെ വസതിയിൽ മൃതദേഹം പൊതുദർശനത്തിനു വയ്ക്കും. ഉച്ചയ്ക്ക് ഒന്നിനു ബിഷപ് മാർ ടോണി നീലങ്കാവിലിന്റെ കാർമികത്വത്തിൽ സംസ്കാരശുശ്രൂഷ ആരംഭിക്കും. ഗുരുവായൂർ സെന്റ് ആന്റണീസ് ഇടവകപള്ളിയിൽ 1.30 മുതൽ 2.30 വരെ പൊതുദർശനം. 2.30 ന് സംസ്കാരശുശ്രൂഷയുടെ രണ്ടാംഭാഗത്തിന് മാർ ബോസ്കോ പുത്തൂരും തുടർന്ന് വിശുദ്ധ കുർബാനയോടുകൂടിയുള്ള സംസ്കാരശുശ്രൂഷകൾക്ക് ആർച്ച്ബിഷപ് മാർ ആൻഡ്രൂസ് താഴത്തും മുഖ്യകാർമികത്വം വഹിക്കും. ഗുരുവായൂർ വടക്കേത്തല വറീത് - ഏല്യക്കുട്ടി ദന്പതികളുടെ മകനാണ്. സഹോദരങ്ങൾ: ജോർജ്, പരേതനായ ലാസർ, ജോസ്, ക്ലാര, റോസിലി, മേരി. 1971 ഡിസംബർ 17ന് മാർ ജോസഫ് കുണ്ടുകുളത്തിൽനിന്ന് പൗരോഹിത്യം സ്വീകരിച്ചു. വേലൂർ, കണ്ടശാംകടവ്, ഒല്ലൂർ, എന്നിവിടങ്ങളിൽ സഹവികാരിയായും പുതുരുത്തി, ആറ്റത്തറ, കൊറ്റനെല്ലൂർ, പോന്നോർ, എടക്കളത്തൂർ, നിർമലപുരം, മണലൂർ കിഴക്ക്, കുറ്റൂർ, അരിന്പൂർ, ചെങ്ങാലൂർ, നടത്തറ, വില്ലടം, അത്താണി, പെരിങ്ങോട്ടുകര, തണ്ടിലം എന്നിവിടങ്ങളിൽ വികാരിയായും പറപ്പൂർ, പട്ടിക്കാട്, ഒല്ലൂർ, എരുമപ്പെട്ടി ഫൊറോന വികാരിയായും സേവനമനുഷ്ഠിച്ചു. സെന്റ് മേരീസ് ഓർഫനേജ് ഡയറക്ടർ, സെന്റ് മേരീസ് ഐടിഐ പ്രിൻസിപ്പൽ, സെന്റ് മേരീസ് പ്രസ് മാനേജർ, അതിരൂപത കോർപറേറ്റ് ഏജൻസി മാനേജർ, കാത്തലിക് ടീച്ചേഴ്സ്, കെസിഎസ്എൽ ഡയറക്ടർ, കാലിക്കട്ട് സർവകലാശാല സെനറ്റ് മെന്പർ എന്നീ തസ്തികകളിൽ സേവനം ചെയ്തിട്ടുണ്ട്. 2023 മുതൽ ചേറൂരിലുള്ള വിയാനിഭവനിൽ വിശ്രമജീവിതം നയിക്കുകയായിരുന്നു.





Email
Facebook
Whatsapp
Linked In
Telegram
Corehub Solutions