ചരിത്രത്തിന്‍റെ വർഗീയവൽക്കരണം മതനിരപേക്ഷ ഇന്ത്യയിൽ
ചെറുകര സണ്ണി ലൂക്കോസ്
പേജ്: 206, വില: 230
എസ്.പി.സി.എസ്. കോട്ടയം.
ചരിത്രത്തിന്‍റെ വർഗീയവൽക്കരണം ഇന്ത്യയിൽ സംഭവിച്ചതും തുടരുന്നതും എങ്ങനെ എന്നതാണ് പ്രതിപാദിച്ചിരിക്കുന്നത്. ഗാന്ധിയും നെഹ്റുവും രാജ്യസ്നേഹവും മുതൽ രാജ്യസ്നേഹത്തിന്‍റെ കുത്തക വരെ 23 അധ്യായങ്ങളിൽ സമഗ്രമായ പഠനമാണ് നിർവഹിച്ചിരിക്കുന്നത്. ഡോ. രാജൻ ഗുരുക്കളുടേതാണ് അവതാരിക.
മലയാളി ഇങ്ങനെ മരിക്കണോ?
ഡോ. സിബി മാത്യൂസ്
പേജ്: 128, വില: 160
ഗ്രീൻ ബുക്സ്, തൃശൂർ.
ഫോൺ: 0487 2381066, 2381039
ഇന്ത്യയിലും പ്രത്യേകിച്ച് കേരളത്തിലും പെരുകുന്ന ആത്മഹത്യകളെക്കുറിച്ച് കൃത്യമായ വിവരങ്ങളുടെ അടിസ്ഥാനത്തിലുള്ള പഠനം. ആൽബേർ കാമു, കെ.പി. അപ്പൻ എന്നിവരുടെ ആത്മഹത്യാ സിദ്ധാന്തങ്ങളെ നഖശിഖാന്തം എതിർക്കുന്നുണ്ട് ലേഖനങ്ങളിൽ. രണ്ടാമത്തെ എഡിഷനാണ്.
പിതാവും പുത്രനും
റഫീക് പട്ടേരി
പേജ്: 160, വില: 199
ഇൻസൈറ്റ് പബ്ലിക്ക, കോഴിക്കോട്.
ഫോൺ: 0495 4020666
അച്ഛനും മകനും തമ്മിലുള്ള ബന്ധം, ജീവിതത്തിന്‍റെ ഊഷ്മളത, സങ്കീർണത എന്നിവയെല്ലാം പറയുന്ന നല്ല കഥ. പൊന്നാനിയാണു പശ്ചാത്തലം. ഡോ. രാജേഷ് കൃഷ്ണന്‍റെ അവതാരിക.
ജീവിതവഴിയും നാട്ടുവിശേഷങ്ങളും
ഓർമക്കുറിപ്പുകൾ
കെ.ജെ. കുര്യൻ കൊല്ലംപറന്പിൽ
പേജ്: 128, വില: 125
അനുഗ്രഹ ബുക്സ്, കാഞ്ഞിരത്താനം.
ഗ്രന്ഥകാരന്‍റെ ഫോൺ: 7025062843, 9447570536
ഇത് ഓർമക്കുറിപ്പുകളാണ് പക്ഷേ, ആത്മകഥയല്ല. ഓരോന്നും തീരെച്ചെറിയത്. പക്ഷേ, ഗുണപാഠമായി തനിക്കു തോന്നിയത് ഓരോ സംഭവത്തോടുമൊപ്പം ചേർത്തിട്ടുണ്ട്. വായനാക്ഷമം.