വാ​ക്കി​ലും പ്ര​വൃ​ത്തി​യി​ലും വീഴ്ച അരുത്
മോ​ർ​ട് വാ​ക്ക​ർ എ​ന്ന അ​മേ​രി​ക്ക​ൻ കാ​ർ​ട്ടൂ​ണി​സ്റ്റി​ന്‍റെ ഭാ​വ​ന ജന്മം ​ന​ൽ​കി​യ ഒ​രു കാ​ർ​ട്ടൂ​ണ്‍ പ​ര​ന്പ​ര​യാ​ണ് "ബീ​റ്റി​ൽ ബെ​യ്‌ലി’. 1950 ൽ ​അ​ദ്ദേ​ഹം ആ​രം​ഭി​ച്ച ഈ ​കാ​ർ​ട്ടൂ​ണ്‍ പ​ര​ന്പ​ര, 94-ാം വ​യ​സി​ൽ അ​ദ്ദേ​ഹം അ​ന്ത​രി​ക്കു​ന്ന​തു​വ​രെ തു​ട​ർ​ന്നു. അ​തി​നു​ശേ​ഷം അ​ദ്ദേ​ഹ​ത്തി​ന്‍റെ മൂ​ന്നു മ​ക്ക​ൾ ഉ​ൾ​പ്പെ​ടു​ന്ന ടീം ​ഈ പ​ര​ന്പ​ര ഇ​പ്പോ​ഴും തു​ട​രു​ന്നു. ഇ​പ്പോ​ൾ ല​ഭ്യ​മാ​യി​രി​ക്കു​ന്ന ക​ണ​ക്ക​നു​സ​രി​ച്ച് ലോ​ക​വ്യാ​പ​ക​മാ​യി 1800 പ്ര​സി​ദ്ധീ​ക​ര​ണ​ങ്ങ​ളി​ൽ ഈ ​കാ​ർ​ട്ടൂ​ണ്‍ ഇ​പ്പോ​ൾ പ്ര​ത്യ​ക്ഷ​പ്പെ​ടു​ന്നു​ണ്ട്.
ഒ​രു മി​ലി​ട്ട​റി ക്യാ​ന്പി​ന്‍റെ പ​ശ്ചാ​ത്ത​ല​ത്തി​ൽ രൂ​പം ന​ൽ​കി​യി​രി​ക്കു​ന്ന ഈ ​പ​ര​ന്പ​ര​യി​ൽ ഒ​രു ബു​ൾ​ഡോ​ഗ് ഉ​ൾ​പ്പെ​ടെ പ​തി​നൊ​ന്നു പ്ര​ധാ​ന ക​ഥാ​പാ​ത്ര​ങ്ങ​ളും വേ​റേ ഒ​രു​ഡ​സ​നോ​ളം സ​പ്പോ​ർ​ട്ടിം​ഗ് ക​ഥാ​പാ​ത്ര​ങ്ങ​ളു​മു​ണ്ട്.

പ്ര​ധാ​ന ക​ഥാ​പാ​ത്ര​ങ്ങ​ളി​ൽ ഒ​ന്നാ​മ​ൻ ഈ ​കാ​ർ​ട്ടൂ​ണ്‍ പ​ര​ന്പ​ര​യു​ടെ പേ​രു​കാ​ര​ൻ ബീ​റ്റി​ൽ ബെ​യ്‌ലി ത​ന്നെ. ഒ​രു​വ​ർ​ഷ​ത്തെ കോ​ള​ജ് പ​ഠ​ന​ത്തി​നു ശേ​ഷം മി​ലി​ട്ട​റി​യി​ൽ ചേ​ർ​ന്ന ബെ​യ്‌ലി മ​ടി​യൻമാ​രു​ടെ രാ​ജാ​വാ​ണ്. എ​ല്ലാ കാ​ര്യ​ങ്ങ​ളി​ലും അ​ല​സ​നാ​യ ബെ​യ്‌ലി​യു​ടെ പ്ര​ധാ​ന ജോ​ലി ഉ​റ​ക്ക​മാ​ണ്. എ​ന്നി​രു​ന്നാ​ലും ബെ​യ്‌ലി ഒ​രു ര​സി​ക​നാ​ണു​താ​നും.

സാ​ർ​ജ​ന്‍റ് സ്നോ​ർ​ക്ക​ലാ​ണ് മ​റ്റൊ​രു പ്ര​ധാ​ന ക​ഥാ​പാ​ത്രം. ബെ​യ്‌ലി ഉ​ൾ​പ്പെ​ടു​ന്ന ഒ​രു സ്ക്വാ​ഡ്ര​ന്‍റെ ലീ​ഡ​റാ​ണ് സ്നോ​ർ​ക്ക​ൻ. ബെ​യ്‌ലിയും സ്നോ​ർ​ക്ക​ലും ത​മ്മി​ലു​ള്ള ഏ​റ്റു​മു​ട്ട​ലു​ക​ളാ​ണ് ഈ ​പ​ര​ന്പ​ര​യു​ടെ ജീ​വ​ൻ. ല​ഫ്റ്റ​ന​ന്‍റ് സോ​ണി​ഫ​സ് ചി​ട്ട​ക​ൾ കൃ​ത്യ​മാ​യി പാ​ലി​ക്കു​ന്ന ഒ​രു ഓ​ഫീ​സ​റാ​ണ്. അ​ദ്ദേ​ഹ​ത്തി​ന്‍റെ ഓ​ഫീ​സ് എ​പ്പോ​ഴും വൃ​ത്തി​യു​ള്ള​താ​യി​രി​ക്കും.

മ​റ്റൊ​രു ക​ഥാ​പാ​ത്രം പ്രൈ​വ​റ്റാ​യ സീ​റോ​യാ​ണ്. നി​ഷ്ക​ള​ങ്ക​നാ​യ അ​യാ​ൾ ബു​ദ്ധി​യു​ടെ കാ​ര്യ​ത്തി​ൽ അ​ല്പം പി​ന്നി​ലാ​ണ്. എ​ങ്കി​ലും ന​ല്ലൊ​രു ഹൃ​ദ​യ​ത്തി​ന്‍റെ ഉ​ട​മ​യാ​ണ് സീ​റോ. സീ​റോ​യെ ചു​റ്റി​പ്പ​റ്റി​യു​ള്ള ഒ​രു കാ​ർ​ട്ടൂ​ണ്‍ അ​ടു​ത്ത​ദി​വ​സം ബീ​റ്റി​ൽ ബെ​യ്‌ലി എ​ന്ന പ​ര​ന്പ​ര​യി​ൽ പ്ര​ത്യ​ക്ഷ​പ്പെ​ടു​ക​യു​ണ്ടാ​യി.
ആ​റു പാ​ന​ലു​ക​ളു​ള്ള ഈ ​കോ​മി​ക് സ്ട്രി​പ്പി​ൽ ഒ​ന്നാ​മ​ത്തേ​തി​ൽ സീ​റോ​യും ബെ​യ്‌ലിയും പ്രൈ​വ​റ്റ് ആ​യ ഡി​ല്ല​റും ടെ​ലി​വി​ഷ​ൻ കാ​ണു​ന്ന രം​ഗ​മാ​ണ്. ഈ ​രം​ഗ​ത്തി​ൽ ബെ​യ്‌ലി പ​റ​യു​ന്നു, "എ​ല്ലാ വാ​ർ​ത്ത​ക​ളും മോ​ശം വാ​ർ​ത്ത​ക​ളാ​ണെ​ന്നു തോ​ന്നു​ന്നു’.​

ര​ണ്ടാ​മ​ത്തെ പാ​ന​ലി​ൽ ബെ​യ്‌ലി ബെ​യ്‌ലിക​ട്ടി​ലി​ൽ കി​ട​ന്നു വി​ശ്ര​മി​ക്കു​ക​യാ​ണ്. അ​പ്പോ​ൾ സീ​റോ ബെ​യ്‌ലിയെ സ​മീ​പി​ച്ചു പ​റ​യു​ന്നു, "ഇ​ന്ന​ത്തെ നി​ന്‍റെ കി​ച്ച​ൻ ഡ്യൂ​ട്ടി ഞാ​ൻ ചെ​യ്തു​കൊ​ള്ളാം’.​

മൂ​ന്നാ​മ​ത്തെ പാ​ന​ലി​ൽ സീ​റോ​യെ അ​ടു​ക്ക​ള​യി​ലാ​ണു കാ​ണു​ന്ന​ത്. കി​ച്ച​ന്‍റെ ചു​മ​ത​ല വ​ഹി​ക്കു​ന്ന കു​ക്കി എ​ന്നു പേ​രു​ള്ള ഷെ​ഫി​നെ സ​മീ​പി​ച്ചു സീ​റോ പ​റ​യു​ക​യാ​ണ്, "നി​ങ്ങ​ൾ​ക്കു​വേ​ണ്ടി ഞാ​ൻ ഈ ​കി​ച്ച​ൻ വൃ​ത്തി​യാ​യി ക്ലീ​ൻ ചെ​യ്തു ത​ര​ട്ടേ?​’

നാ​ലാ​മ​ത്തെ പാ​ന​ലി​ൽ സീ​റോ തീ​റ്റ​പ്രി​യ​നാ​യ സ്നോ​ർ​ക്ക​ലി​ന്‍റെ മു​ന്പി​ൽ ഒ​രു ല​ഞ്ചു​പാ​ക്ക​റ്റു​മാ​യി എ​ത്തി​യി​ട്ടു പ​റ​യു​ന്നു, "അ​ങ്ങേ​യ്ക്കു​വേ​ണ്ടി ഞാ​ൻ ല​ഞ്ച് കൊ​ണ്ടു​വ​ന്നി​ട്ടു​ണ്ട്’.​
അ​ഞ്ചാ​മ​ത്തെ പാ​ന​ലി​ൽ നാം ​കാ​ണു​ന്ന​തു സീ​റോ ലു​ഫ്റ്റ​ന​ന്‍റ് ഫ​സി​ന്‍റെ ഓ​ഫീ​സി​ൽ​നി​ന്നു വേ​സ്റ്റ്ബോ​ക്സ് എ​ടു​ത്തു​കൊ​ണ്ടു​പോ​കു​ന്ന​താ​ണ്. അ​പ്പോ​ൾ സീ​റോ പ​റ​യു​ന്നു, "ഞാ​ൻ നി​ങ്ങ​ളു​ടെ വേ​സ്റ്റെ​ല്ലാം ക​ള​ഞ്ഞി​ട്ടു വ​രാം’.​

ആ​റാം പാ​ന​ലി​ൽ ഫ​സി​നെ​യും സീ​റോ​യെ​യും സ്നോ​ർ​ക്ക​ലി​നെ​യും കാ​ണാം. ഫസ് ​ചോ​ദി​ക്കു​ന്നു, "എ​ന്താ​ണി​ത്, സീ​റോ?​’ ഉ​ട​നെ സീ​റോ പ​റ​യു​ന്നു, "ഞാ​ൻ അ​മേ​രി​ക്ക​യെ വീ​ണ്ടും ദ​യ​യു​ള്ള​താ​ക്കാ​ൻ ശ്ര​മി​ക്കു​ക​യാ​ണ്’.​ അ​പ്പോ​ൾ സ്നോ​ർ​ക്ക​ൽ പ​റ​യു​ന്നു, "നീ പ്ര​സി​ഡ​ന്‍റ് സ്ഥാ​ന​ത്തേ​ക്കു മ​ത്സ​രി​ക്ക​ണം’.
അ​മേ​രി​ക്ക​ക്കാ​രു​ടെ ഭാ​വ​ന​യെ സ്വാ​ധീ​നി​ച്ച ഒ​രു മു​ദ്രാ​വാ​ക്യ​മാ​യി​രു​ന്നു ഡോ​ണ​ൾ​ഡ് ട്രം​പ് മു​ന്നോ​ട്ടു​വ​ച്ച "മേ​ക്ക് അ​മേ​രി​ക്ക ഗ്രേ​റ്റ് എ​ഗെ​യ്ൻ’ എ​ന്ന​ത്. പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ വി​ജ​യി​ക്കാ​ൻ ഈ ​മു​ദ്രാ​വാ​ക്യം കു​റ​ച്ചൊ​ന്നു​മ​ല്ല അ​ദ്ദേ​ഹ​ത്തെ സ​ഹാ​യി​ച്ച​ത്.

നി​ഷ്ക​ള​ങ്ക​നാ​യ സീ​റോ​യു​ടെ വീ​ക്ഷ​ണ​ത്തി​ൽ അ​മേ​രി​ക്ക​യ്ക്കു വേ​ണ്ട​ത് ദ​യ​യു​ള്ള മ​നു​ഷ്യ​രെ​യാ​ണ്. അ​തി​നു​വേ​ണ്ടി ത​ന്‍റെ സം​ഭാ​വ​ന എ​ന്ന രീ​തി​യി​ൽ സ​ഹാ​യി​ക്കാ​ൻ ത​യാ​റാ​കു​ന്ന​ത്. അ​മേ​രി​ക്ക​യെ വീ​ണ്ടും കാ​രു​ണ്യ​മു​ള്ള​താ​ക്കി മാ​റ്റ​ണ​മെ​ന്നു സീ​റോ പ​റ​യു​ന്പോ​ൾ ആ ​സ​ന്ദേ​ശം അ​മേ​രി​ക്ക​യ്ക്കും അ​വി​ടെ​യു​ള്ള​വ​ർ​ക്കും വേ​ണ്ടി മാ​ത്ര​മു​ള്ള​ത​ല്ല. അ​തു ലോ​ക​മെ​ന്പാ​ടു​മു​ള്ള മ​നു​ഷ്യ​ർ​ക്കും രാ​ഷ്‌ട്രങ്ങ​ൾ​ക്കു​മു​ള്ള​താ​ണ്.

ന​മ്മു​ടെ ലോ​കം സാ​ങ്കേ​തി​ക​ശാ​സ്ത്ര രം​ഗ​ത്തും മ​റ്റു വി​വി​ധ ജീ​വി​ത​രം​ഗ​ങ്ങ​ളി​ലും വ​ൻ​വി​ജ​യം നേ​ടി​യി​ട്ടു​ണ്ട്. എ​ന്നാ​ൽ രാ​ഷ്‌ട്രങ്ങ​ൾ ത​മ്മി​ലും ഓ​രോ രാ​ജ്യ​ങ്ങ​ളി​ലു​മു​ള്ള മ​നു​ഷ്യ​ർ ത​മ്മി​ലു​മു​ള്ള ബ​ന്ധ​ത്തി​ൽ എ​ന്തു​മാ​ത്രം പാ​ക​പ്പി​ഴ​ക​ളാ​ണു നാം ​കാ​ണു​ന്ന​ത്. സ്നേ​ഹ​വും സാ​ഹോ​ദ​ര്യ​വും സ​മാ​ധാ​ന​വും പു​ല​ർ​ത്തു​ന്ന​തി​നു പ​ക​രം രാ​ഷ്‌ട്രങ്ങ​ൾ ത​മ്മി​ലും വി​വി​ധ സ​മൂ​ഹ​ങ്ങ​ൾ ത​മ്മി​ലു​ള്ള ഏ​റ്റു​മു​ട്ട​ലു​ക​ള​ല്ലേ നാം ​അ​നു​ദി​നം ക​ണ്ടു​കൊ​ണ്ടി​രി​ക്കു​ന്ന​ത്.

ന​മ്മു​ടെ കൊ​ച്ചു​കേ​ര​ളം​ത​ന്നെ എ​ടു​ത്തു​നോ​ക്കാം. ന​മ്മു​ടെ നാ​ട്ടി​ലും പ​ര​സ്പ​ര​മു​ള്ള സ്നേ​ഹ​ത്തി​ന്‍റെ​യും കാ​രു​ണ്യ​ത്തി​ന്‍റെ​യു​മൊ​ക്കെ വ​ലി​യ കു​റ​വ് കാ​ണു​ന്നി​ല്ലേ? ഒ​ര​ല്പം​പോ​ലും ദ​യ​യി​ല്ലാ​തെ പെ​രു​മാ​റു​ന്ന​വ​രു​ടെ ക​ഥ​ക​ള​ല്ലേ നാം ​അ​നു​ദി​നം ദൃ​ശ്യ​ശ്രാ​വ്യ മാ​ധ്യ​മ​ങ്ങ​ളി​ൽ കാ​ണു​ന്ന​ത്. ന​മു​ക്കും ന​മ്മു​ടെ നാ​ടി​നെ കൂ​ടു​ത​ൽ സ്നേ​ഹ​വും ദ​യ​യു​മു​ള്ള​താ​ക്കി മാ​റ്റേ​ണ്ടേ?
അ​തു സാ​ധി​ക്ക​ണ​മെ​ങ്കി​ൽ സീ​റോ എ​ന്ന ക​ഥാ​പാ​ത്ര​ത്തെ അ​നു​ക​രി​ച്ച്, നാ​മും മ​റ്റു​ള്ള​വ​ർ​ക്കു സ​ഹാ​യ​ക​ര​മാ​യ രീ​തി​യി​ൽ പ്ര​വ​ർ​ത്തി​ക്ക​ണം. അ​തോ​ടൊ​പ്പം, ന​മ്മു​ടെ കൈ​യി​ൽ​നി​ന്നു മ​റ്റു​ള്ള​വ​ർ​ക്കു ദ്രോ​ഹ​പ​ര​മാ​യ ഒ​ന്നും ന​മ്മുടെ വാ​ക്കി​ലും പ്ര​വൃ​ത്തി​യി​ലും സം​ഭ​വി​ക്കു​ക​യി​ല്ലെ​ന്നു നാം ​ഉ​റ​പ്പാ​ക്കു​ക​യും വേ​ണം.

അ​മേ​രി​ക്ക​യെ​ക്കു​റി​ച്ച്, മേ​ക്ക് അ​മേ​രി​ക്ക കൈ​ൻ​ഡ് എ​ഗെ​യ്ൻ എ​ന്നു സീ​റോ പ​റ​ഞ്ഞ​തു​പോ​ലെ ന​മ്മു​ടെ കൊ​ച്ചു​കേ​ര​ള​ത്തെ​യും ഭാ​ര​ത​ത്തെ​യും ന​മു​ക്കു വീ​ണ്ടും ദ​യ​യു​ള്ള​താ​ക്കി മാ​റ്റാം. ലെ​റ്റ് അ​സ് മേ​ക്ക് അ​വ​ർ ലാ​ൻ​ഡ് കൈ​ൻ​ഡ് എ​ഗെ​യ്ൻ!

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.