ബ്ര​ഹ്മ​പു​ര​മ​ല്ല ഇ​ൻ​ഡോ​ർ
ഇ​ൻ​ഡോ​റി​ൽ നാ​നൂ​റ് ടൗ​ണ്‍ ബ​സു​ക​ളും ആയിരത്തിലേറെ ഓ​ട്ടോ റി​ക്ഷ​ക​ളു​മാ​ണ് ന​ഗ​ര​മാ​ലി​ന്യ​ത്തി​ൽനി​ന്ന് ഉ​ത്പാ​ദി​പ്പി​ക്കു​ന്ന ബ​യോ സി​എ​ൻ​ജി​യി​ൽ ഓ​ടു​ന്ന​ത്. കാ​ർ​ബ​ണ്‍ ബ​ഹി​ർ​ഗ​മ​ന​ത്തി​നി​ട​യാ​ക്കു​ന്ന ഡീ​സ​ൽ എ​ൻ​ജി​നു​ക​ൾ മാ​റ്റി​യാ​ണ് ബ​സു​ക​ൾ പ്ര​കൃ​തിവാ​ത​ക​ത്തി​ലേ​ക്ക് മാ​റ്റി​യി​രി​ക്കു​ന്ന​ത്.


ബ്ര​ഹ്മ​പു​രം മാ​ലി​ന്യ​സം​ഭ​ര​ണി​യി​ലെ തീ​യും പു​ക​യും വാ​ർ​ത്ത​യും വി​വാ​ദ​വു​മാ​യി പ​ട​ർ​ന്നു​കൊ​ണ്ടി​രി​ക്കെ​യാ​ണ് മ​ധ്യ​പ്ര​ദേ​ശി​ലെ ഇ​ൻ​ഡോ​ർ ന​ഗ​ര​മാ​ലി​ന്യം അ​വ​ർ സം​സ്ക​രി​ക്കു​ന്ന രീ​തി കേ​ര​ളം മാ​തൃ​ക​യാ​ക്കേ​ണ്ട​ത്. കൊ​ച്ചി‍യേ​ക്കാ​ൾ മാ​ലി​ന്യം ദി​വ​സ​വും സം​ഭ​രി​ച്ച് സം​സ്ക​രി​ക്കു​ന്ന ഇ​ൻ​ഡോ​ർ ഏ​റെ​ക്കാ​ല​മാ​യി രാ​ജ്യ​ത്തെ ഏ​റ്റ​വും വൃ​ത്തി​യു​ള്ള ന​ഗ​ര​മാ​ണ്.

കൃ​ത്യ​മാ​യ ആ​സൂ​ത്ര​ണ​ത്തി​ൽ സ​മ​യ​ബ​ന്ധി​ത​മാ​യി മാ​ലി​ന്യം ശേ​ഖ​രി​ച്ച് ഉ​റ​വി​ട​ങ്ങ​ളി​ൽ ത​രം​തി​രി​ച്ച് സം​സ്ക​രി​ക്കു​ന്ന​തി​നേ​ക്കാ​ൾ പ​ഠ​നാ​ർ​ഹ​മാ​ണ് മാ​ലി​ന്യം അ​വ​ർ വ​രു​മാ​ന​മാ​യി മാ​റ്റു​ന്ന പ​ദ്ധ​തി​ക​ൾ. മാ​ലി​ന്യം വൈ​ദ്യു​തി, സി​എ​ൻ​ജി, ജൈ​വ​വ​ളം തു​ട​ങ്ങി​വ​യാ​യി പ്ര​യോ​ജ​ന​പ്പെ​ടു​ത്തു​ന്ന ഇ​ൻ​ഡോ​ർ കോ​ർ​പ​റേ​ഷ​ന്‍റെ സം​സ്ക​ര​ണ മോ​ഡ​ൽ ലോ​ക​ശ്ര​ദ്ധ നേ​ടി​ക്ക​ഴി​ഞ്ഞു.

ഇ​ൻ​ഡോ​റി​ൽ നാ​നൂ​റ് ടൗ​ണ്‍ ബ​സു​ക​ളും ആയിരത്തിലേറെ ഓ​ട്ടോ റി​ക്ഷ​ക​ളു​മാ​ണ് ന​ഗ​ര​മാ​ലി​ന്യ​ത്തി​ൽനി​ന്ന് ഉ​ത്പാ​ദി​പ്പി​ക്കു​ന്ന ബ​യോ സി​എ​ൻ​ജി​യി​ൽ ഓ​ടു​ന്ന​ത്. കാ​ർ​ബ​ണ്‍ ബ​ഹി​ർ​ഗ​മ​ന​ത്തി​നി​ട​യാ​ക്കു​ന്ന ഡീ​സ​ൽ എ​ൻ​ജി​നു​ക​ൾ മാ​റ്റി​യാ​ണ് ബ​സു​ക​ൾ പ്ര​കൃ​തിവാ​ത​ക​ത്തി​ലേ​ക്ക് മാ​റ്റി​യി​രി​ക്കു​ന്ന​ത്.

ഇ​ൻ​ഡോ​ർ മു​നി​സി​പ്പ​ൽ കോ​ർ​പ​റേ​ഷ​ൻ (ഐ​എം​സി) ന​ഗ​ര​പ്രാ​ന്ത​ത്തി​ലെ ദേ​വ്ഗു​രേ​ദി​യ മൈ​താ​ന​ത്ത് ഇ​ൻ​ഡോ എ​ൻ​വി​റോ ഇ​ന്‍റ​ഗ്രേ​റ്റ​ഡ് സൊ​ല്യൂ​ഷ​ൻ ലി​മി​റ്റ​ഡ് എ​ന്ന സ്വ​കാ​ര്യ ക​ന്പ​നി​ക്കാ​ണ് ഇ​തി​നു​ള്ള ചു​മ​ത​ല ന​ൽ​കി​യി​രി​ക്കു​ന്ന​ത്.

150 ഏ​ക്ക​റി​ൽ 150 കോ​ടി രൂ​പ ചെ​ല​വി​ൽ നി​ർ​മി​ച്ച പ്ലാ​ന്‍റി​ലാ​ണ് പ്ര​കൃ​തി​വാ​ത​കം നി​ർ​മി​ക്കു​ന്ന​ത്. ഏ​ഷ്യ​യി​ലെ​ത​ന്നെ ഏ​റ്റ​വും വ​ലി​യ ഈ ​പ്ലാ​ന്‍റി​ൽ സം​സ്ക​ര​ണ ആ​വ​ശ്യ​ത്തി​നു​ള്ള വൈ​ദ്യു​തി​യു​ടെ 20 ശ​ത​മാ​ന​വും സൗ​രോ​ർ​ജ​മാ​ണ് ഉ​പ​യോ​ഗി​ക്കു​ന്ന​ത്. ദി​വ​സേ​ന സം​ഭ​രി​ക്കു​ന്ന 550 ട​ണ്‍ മാ​ലി​ന്യ​ത്തി​ൽനി​ന്ന് 19,000 കി​ലോ ബ​യോ സി​എ​ൻ​ജി​യും ​പ്ലാ​ന്‍റി​ലെ അ​വ​ശി​ഷ്ട​ങ്ങ​ളി​ൽ​നി​ന്ന് നൂ​റു ട​ണ്‍ ജൈ​വ​വ​ള​വും ഉ​ത്പാ​ദി​പ്പി​ക്കു​ന്നു. വീ​ടു​ക​ളി​ൽ സ​ബ്സി​ഡി നി​ര​ക്കി​ൽ പാ​ച​ക​വാ​ത​ക​വും എ​ത്തി​ക്കു​ന്നു.

ന​ഗ​ര​ത്തി​ലെ ദേ​വി അ​ഖി​ല്യ​ക്ഷേ​ത്ര മൈ​താ​ന​ത്തി​ലാ​യി​രു​ന്നു മു​ൻ​പ് കാ​ല​ങ്ങ​ളോ​ളം മാ​ലി​ന്യം ത​ള്ളി​യി​രു​ന്ന​ത്. അ​ഴു​ക്കു​ചാ​ലു​ക​ളും ദു​ർ​ഗ​ന്ധ​വും ക്ഷു​ദ്ര​ജീ​വി​ക​ളു​മാ​യി ജീ​വി​തം ദു​സ്‌​സ​ഹ​മാ​യി​രു​ന്ന ഇ​വി​ടെ​യി​പ്പോ​ൾ ജ​ന​ങ്ങ​ൾ​ക്ക് ശു​ദ്ധ​വാ​യു ശ്വ​സി​ക്കാം. കോ​ർ​പ​റേ​ഷ​ൻ പ്ര​ദേ​ശ​മൊ​രു പൂ​ന്തോ​ട്ട​മാ​യി മാ​റ്റു​ക​യും ചെ​യ്തി​രി​ക്കു​ന്നു. മു​ൻ​പ് മാ​ലി​ന്യം പ​തി​വാ​യി ചാ​ന്പ​ലാ​ക്കി പ​രി​സ്ഥി​തി​ക്കും ജ​ന​ങ്ങ​ൾ​ക്കും ഭീ​ഷ​ണി ഉ​യ​ർ​ത്തി​യി​രു​ന്നു. തീ​യി​ടീ​ൽ ഒ​ഴി​വാ​യ​തോ​ടെ വ​ർ​ഷ​വും അ​ന്ത​രീ​ക്ഷ​ത്തി​ലെ​ത്തി​യി​രു​ന്ന 1.3 ല​ക്ഷം ട​ണ്‍ കാ​ർ​ബ​ണ്‍ ഡ​യോ​ക്സൈ​ഡ് ഒ​ഴി​വാ​ക്കാ​നു​മാ​യി.

പ​ഴം, പ​ച്ച​ക്ക​റി, മ​ത്സ്യം, മാം​സം, പൂ​ക്ക​ൾ, ഭ​ക്ഷ​ണം എന്നിവയുടെ അ​വ​ശി​ഷ്ട​ങ്ങ​ളാ​ണ് പ്ലാ​ന്‍റി​ൽ സം​സ്ക​രി​ക്കു​ന്ന​ത്. അ​താ​യ​ത് 35 ല​ക്ഷം ജ​ന​ങ്ങ​ൾ പാ​ർ​ക്കു​ന്ന ഇ​ൻ​ഡോ​റി​ൽ ഈ​ർ​പ്പം ക​ല​ർ​ന്ന 1900 ട​ണ്‍ മാ​ലി​ന്യ​വും 400 ട​ണ്‍ ഉ​ണ​ങ്ങി​യ മാ​ലി​ന്യ​വു​മാ​ണ് ദി​വ​സ​വും ശേഖരിക്കുന്ന​ത്. സ്വ​ച്ഛ് ഭാ​ര​ത് മി​ഷ​ൻ ക​ഴി​ഞ്ഞ അ​ഞ്ച് വ​ർ​ഷ​മാ​യി രാ​ജ്യ​ത്തെ ഏ​റ്റ​വും വെ​ടി​പ്പു​ള്ള ന​ഗ​ര​മാ​യി ഇ​ൻ​ഡോ​റി​നെ തെ​ര​ഞ്ഞെ​ടു​ത്തി​രി​ക്കു​ന്നു. വാ​ഹ​ന​ങ്ങ​ൾ​ക്ക് ജൈ​വ ഇ​ന്ധ​നം നി​റ​യ്ക്കാ​ൻ ന​ഗ​ര​ത്തി​ന്‍റെ വി​വി​ധ​യി​ട​ങ്ങ​ളി​ലാ​യി 76 ഫി​ല്ലിം​ഗ് യൂ​ണി​റ്റു​ക​ളും സ്ഥാ​പി​ച്ചി​ട്ടു​ണ്ട്.

ഒ​രു കി​ലോ ബ​യോ സി​എ​ൻ​ജി​യി​ൽ​നി​ന്നും നാ​ലു കി​ലോ​മീ​റ്റ​റാ​ണ് ബ​സു​ക​ൾ​ക്ക് ല​ഭി​ക്കു​ന്ന മൈ​ലേ​ജ്. 2018ലാ​ണ് ന​ഗ​ര​മാ​ലി​ന്യം ജൈ​വ വാ​ഹ​ന ഇ​ന്ധ​ന​മാ​ക്കി സം​സ്ക​രി​ക്കു​ന്ന ആ​ദ്യ പ്ലാ​ന്‍റ് ഐ​എം​സി സ്ഥാ​പി​ക്കു​ന്ന​ത്.

ദേ​വി അ​ഖി​ല്യാ​ഭാ​യി ഖോ​ക്ക​ർ പ​ച്ച​ക്ക​റി മാ​ർ​ക്ക​റ്റി​ൽ ഇ​രു​പ​ത് ട​ണ്‍ മാ​ലി​ന്യം സം​സ്ക​രി​ച്ച് ആ​യി​രം കി​ലോ ബ​യോ സി​എ​ൻ​ജി ഉ​ത്പാ​ദി​പ്പി​ച്ചാണ് പ്ലാ​ന്‍റി​ന് തു​ട​ക്കം കു​റി​ച്ചത്. പ്ലാ​ന്‍റി​ലെ അ​വി​ശി​ഷ്ടം ജൈ​വ​വ​ള​മാ​ക്കി മാ​റ്റി.

ഇ​തോ​ടെ പ്ര​ദേ​ശ​ത്തെ അ​ന്ത​രീ​ക്ഷ മ​ല​നി​ക​ര​ണ​ത്തി​ന്‍റെ തോ​ത് ഗ​ണ്യ​മാ​യി കു​റ​യു​ക​യും ചെ​യ്തു. ന​ഗ​ര​ത്തി​ൽ​നി​ന്ന് ചാ​ണ​കം വി​ല​യ്ക്കു​വാ​ങ്ങു​ന്ന സം​രം​ഭം ആ​രം​ഭി​ച്ച​തോ​ടെ നാൽക്കാലികളെ ന​ഗ​ര​ത്തി​ലേ​ക്ക് അ​ഴി​ച്ചു​വി​ടു​ന്ന പ​തി​വു​ രീ​തി​ക്കും മാ​റ്റ​മാ​യി.


ഡോ. ​ലി​ജി​മോ​ൾ പി. ​ജേ​ക്ക​ബ്


Copyright @ 2022 , Rashtra Deepika Ltd.