മലയാളികളുടെ സ്വന്തം കേരളഹൗസ്
രാ​ജ്യ ത​ല​സ്ഥാ​നം സ​ന്ദ​ർ​ശി​ക്കാ​നെ​ത്തു​ന്ന മ​ല​യാ​ളി​ക​ളെ കാ​ത്തി​രി​ക്കു​ന്നൊ​രു ത​ണ​ലാ​ണ് കേ​ര​ള ഹൗ​സ്. ജ​ന്ത​ർ മ​ന്ദ​ർ റോ​ഡി​ന്‍റെ ഓ​ര​ത്ത് ഡ​ൽ​ഹി​യി​ലെ കേ​ര​ള​ത്തി​ന്‍റെ സ്ഥി​രം പ്ര​തി​നി​ധി​യാ​യി കേ​ര​ള ഹൗ​സ് ത​ല​യു​യ​ർ​ത്തി നി​ൽ​ക്കു​ന്നു. സം​സ്ഥാ​ന പൊ​തു​ഭ​ര​ണ വ​കു​പ്പി​ന്‍റെ കീ​ഴി​ലു​ള്ള കേ​ര​ള​ത്തി​ന്‍റെ ഈ ​ആ​സ്ഥാ​ന​മ​ന്ദി​ര​ത്തി​ന് ഒ​രു നൂ​റ്റാ​ണ്ടി​ലേ​റെ പ്രാ​യ​വും അ​തി​നോ​ളം പ്രൗ​ഢി​യു​ള്ള ച​രി​ത്ര​വും സ്വ​ന്ത​മാ​യു​ണ്ട്.
‘എ​ല്ലാ​വ​രോ​രോ​ടും പ​ക​യോ​ടെ’ എ​ന്ന കോ​ള​ത്തി​ലൂ​ടെ മു​ൻ​പ് ദീ​പി​ക വാ​യ​ന​ക്കാ​ർ​ക്കും പ​രി​ചി​ത​നാ​യി​രു​ന്ന എ​ഴു​ത്തു​കാ​ര​ൻ കു​ഷ്‌വന്ത് സിം​ഗ് ത​ന്‍റെ കു​ട്ടി​ക്കാ​ലം ചെ​ല​വ​ഴി​ച്ച വീ​ടാ​യി​രു​ന്നു ഇ​ന്ന​ത്തെ കേ​ര​ള ഹൗ​സ് ആ​യി മാ​റി​യി​രി​ക്കു​ന്ന മ​ന്ദി​രം. വ്യു​കു​ന്ദ് എ​ന്നാ​യി​രു​ന്നു ആ ​വീ​ടി​ന്‍റെ പേ​ര്. കു​ഷ്വ​ന്ത് സിം​ഗി​ന്‍റെ മു​ത്ത​ച്ഛ​ൻ സു​ജാ​ൻ സിം​ഗ് ആ​ണ് 1911ൽ ​ഈ മ​ന്ദി​ര​ത്തി​ന്‍റെ പ​ണി പൂ​ർ​ത്തീ​ക​രി​ച്ച​ത്.
11,000 ച​തു​ശ്ര​മീ​റ്റ​ർ വി​സ്തൃ​തി​യു​ള്ള കെ​ട്ടി​ട​ത്തി​ന്‍റെ നി​ർ​മാ​ണം 1903ൽ ​ത​ന്നെ ആ​രം​ഭി​ച്ചി​രു​ന്നു എ​ങ്കി​ലും വ​ർ​ഷ​ങ്ങ​ൾ​ക്ക് ശേ​ഷ​മാ​ണ് പൂ​ർ​ത്തീ​ക​രി​ച്ച​ത്. സു​ജാ​ൻ സിം​ഗി​ന്‍റെ മ​ക​നും കുഷ്്‌വന്ത് സിം​ഗി​ന്‍റെ പി​താ​വു​മാ​യ ശോ​ഭ സിം​ഗ് അ​ക്കാ​ല​ത്തെ ഡ​ൽ​ഹി​യി​ലെ പ്ര​മു​ഖ കോ​ണ്‍​ട്രാ​ക്ട​റാ​യി​രു​ന്നു. രാ​ഷ്ട്ര​പ​തി ഭ​വ​ൻ ഉ​ൾ​പ്പെ​ടെ​ ത​ല​സ്ഥാ​ന​ത്തെ വി​വി​ധ മ​ന്ദി​ര​ങ്ങ​ളു​ടെ നി​ർ​മാ​ണ​ത്തി​ൽ ശോ​ഭ സിം​ഗ് പ​ങ്കാ​ളി​യാ​യി​രു​ന്നു. പി​ന്നീ​ട് കു​ടും​ബം ക​ടു​ത്ത സാ​ന്പ​ത്തി​ക പ്ര​തി​സ​ന്ധി നേ​രി​ട്ട​പ്പോ​ൾ ശോ​ഭ സിം​ഗ് ത​ന്‍റെ വീ​ട് അ​ന്ന​ത്തെ കൊ​ച്ചി രാ​ജാ​വാ​യി​രു​ന്ന രാ​മ​വ​ർ​മ​യ്ക്കു വി​റ്റു. 1920ൽ ​ഡ​ൽ​ഹി​യി​ൽ ന​ട​ന്ന ചേം​ബ​ർ ഓ​ഫ് പ്രി​ൻ​സ​സി​ൽ പ​ങ്കെ​ടു​ക്കാ​ൻ എ​ത്തി​യ​താ​യി​രു​ന്നു കൊ​ച്ചി രാ​ജാ​വ്.
ഏ​ഴ് വ​ർ​ഷ​ങ്ങ​ൾ​ക്ക് ശേ​ഷം 1927ൽ ​അ​ന്ന​ത്തെ കൊ​ച്ചി ഭ​ര​ണ​കൂ​ടം കെ​ട്ടി​ട​ത്തി​ൽ ചി​ല കൂ​ട്ടി​ച്ചേ​ർ​ക്ക​ലു​ക​ൾ ന​ട​ത്തി. പ്ര​ധാ​ന കെ​ട്ടി​ട​ത്തോ​ട് ചേ​ർ​ന്ന് മ​റ്റൊ​ന്നു​കൂ​ടി പ​ണി ക​ഴി​പ്പി​ച്ചു. ഓ​ഫീ​സ് സൗ​ക​ര്യ​വും ജീ​വ​ന​ക്കാ​രു​ടെ താ​മ​സ​സ്ഥ​ല​വും ഒ​ക്കെ ഇ​തി​നോ​ട് ചേ​ർ​ന്നൊ​രു​ങ്ങി. 1940ക​ളി​ൽ ഇ​വി​ടം ബ്രി​ട്ടീ​ഷ് സ​ർ​ക്കാ​രി​ന്‍റെ സൈ​നി​ക ഉദ്യോ​ഗ​സ്ഥ​രു​ടെ താ​വ​ള​വു​മാ​യി മാ​റി. 1942 മു​ത​ൽ 1945 മു​ത​ൽ അ​മേ​രി​ക്ക​ൻ ഐ​ക്യ​നാ​ടു​ക​ളു​ടെ ബ്രി​ട്ടീ​ഷ് ഇ​ന്ത്യ​യി​ലെ ആ​സ്ഥാ​ന​വു​മാ​യി​രു​ന്നു ഈ ​കെ​ട്ടി​ടം. 1945ൽ ​ഇ​ന്ത്യ സ​ർ​ക്കാ​ർ കെ​ട്ടി​ടം കൊ​ച്ചി ഭ​ര​ണ​കൂ​ട​ത്തി​ന് തി​രി​കെ ന​ൽ​കി.
സ്വാ​ത​ന്ത്ര്യ​ല​ബ്ധി​ക്കു ശേ​ഷം കൊ​ച്ചി നാ​ട്ടു​രാ​ജ്യം ഇ​ന്ത്യ​ൻ യൂ​ണി​യ​നി​ൽ ചേ​ർ​ന്ന​തോ​ടെ കെ​ട്ടി​ട​സ​മു​ച്ച​യം കേ​ര​ള സ​ർ​ക്കാ​രി​ന്‍റെ സ്വ​ത്താ​യി മാ​റി. അ​ങ്ങ​നെ​യാ​ണ് പേ​ര് മാ​റി കേ​ര​ള ഹൗ​സ് ആ​കു​ന്ന​ത്. ഇ​തി​നോ​ട് അ​നു​ബ​ന്ധി​ച്ച് അ​ൽ​പം അ​ക​ലെ​യാ​യി തി​രു​വി​താം​കൂ​ർ മ​ഹാ​രാ​ജാ​വി​ന്‍റെ വ​സ​തി​യാ​യി​രു​ന്ന ട്രാ​വ​ൻ​കൂ​ർ ഹൗ​സു​മു​ണ്ട്.
കാ​ലാ​കാ​ല​ങ്ങ​ളി​ലാ​യി മാ​റിവ​ന്ന സം​സ്ഥാ​ന സ​ർ​ക്കാ​രു​ക​ൾ കേ​ര​ള ഹൗ​സി​ന്‍റെ മു​ഖ​വും ഛായ​യും മി​നു​ക്കി​യി​ട്ടു​ണ്ട്. പു​തി​യ കെ​ട്ടി​ട​ങ്ങ​ളും കൂ​ടു​ത​ൽ സൗ​ക​ര്യ​ങ്ങ​ളു​മാ​യി കേ​ര​ള ഹൗ​സ് ഇ​പ്പോ​ൾ ജ​ന്തർ മ​ന്ദ​റി​ൽ മ​ല​യാ​ളി​ക​ളു​ടെ ത​ല​സ്ഥാ​നം ത​ന്നെ​യാ​യി മാ​റി​യി​ട്ടു​ണ്ട്. കേ​ര​ള ഹൗ​സി​നോ​ട് ചേ​ർ​ന്ന് ജീ​വ​ന​ക്കാ​ർ ന​ട​ത്തു​ന്ന സ​മൃ​ദ്ധി കാ​ന്‍റീ​നാ​ണ് മ​റ്റൊ​രു വി​ശേ​ഷം. ത​ന​തു മ​ല​യാ​ള രു​ചി​ക​ൾ ത​ല​സ്ഥാ​ന​ത്തു​ള്ള ഏ​വ​ർ​ക്കും മൂ​ന്നു നേ​രം വി​ള​ന്പു​ന്ന ഇ​വി​ടെ അ​ന്യ​നാ​ട്ടു​കാ​രും വി​രു​ന്നു​കാ​രാ​യി എ​ത്തു​ന്നു. ബീ​ഫ് വ​ര​ട്ടു​ന്ന​തി​ന്‍റെ പേ​രി​ൽ മു​ൻ​പൊ​രി​ക്ക​ൽ സം​ഘ​പ​രി​വാ​ർ സം​ഘ​ട​ന​ക​ൾ വി​ര​ട്ടാ​ൻ നോ​ക്കി​യെ​ങ്കി​ലും മ​ല​യാ​ളി​ക​ളു​ടെ ഒ​ത്തൊ​രു​മ​യ്ക്കു മു​ന്നി​ൽ അ​ത്ത​രം പ്ര​തി​ഷേ​ധ​ങ്ങ​ളൊ​ന്നും വി​ല​പ്പോ​യി​ല്ല.
സ​ർ​ക്കാ​ർ പ്ര​തി​നി​ധി​ക​ൾ​ക്കും സ​ർ​ക്കാ​ർ ശി​പാ​ർ​ശ​യു​മാ​യി വ​രു​ന്ന​വ​ർ​ക്കും താ​മ​സ​സൗ​ക​ര്യ​ങ്ങ​ളും ഇ​വി​ടെ ല​ഭി​ക്കും. ഐ​എ​എ​സ് റാ​ങ്കു​ള്ള റ​സി​ഡ​ന്‍റ് ക​മ്മീ​ഷ​ണ​ർ​ക്കാ​ണ് കേ​ര​ള ഹൗ​സി​ന്‍റെ ഭ​ര​ണ ചു​മ​ത​ല. സം​സ്ഥാ​ന സ​ർ​ക്കാ​രും കേ​ന്ദ്ര​ഗ​വ​ണ്‍​മെ​ന്‍റും ത​മ്മി​ൽ സു​ഗ​മ​മാ​യ ആ​ശ​യ​വി​നി​മ​യം ന​ട​ത്തു​ന്ന​തി​നും സ​മ​യ​ബ​ന്ധി​ത​മാ​യി ന​ട​പ​ടി​ക​ൾ എ​ടു​ക്കു​ന്ന​തി​നു​മാ​യി ഒ​രു ലെ​യ്സ​ൻ ഓ​ഫീ​സും, സു​പ്രീം കോ​ട​തി​യു​ടെ​യും മ​റ്റു നാ​ഷ​ണ​ൽ ട്രി​ബ്യൂ​ണ​ലു​ക​ൾ, ഫോ​റ​ങ്ങ​ൾ എ​ന്നി​വ​യി​ലെ സം​സ്ഥാ​ന സ​ർ​ക്കാ​ർ ക​ക്ഷി​യാ​യ കേ​സു​ക​ളു​ടെ സ​മ​യ​ബ​ന്ധി​ത​മാ​യ മേ​ൽ​നോ​ട്ട​ത്തി​നാ​യി ഒ​രു നി​യ​മ വി​ഭാ​ഗ​വും ഇ​വി​ടെ പ്ര​വ​ർ​ത്തി​ക്കു​ന്നു.
അ​തി​നു പു​റ​മേ കേ​ര​ള ഇ​ൻ​ഫ​ർ​മേ​ഷ​ൻ വ​കു​പ്പി​ന്‍റെ കീ​ഴി​ലു​ള്ള ഒ​രു ഇ​ൻ​ഫ​ർ​മേ​ഷ​ൻ ഓ​ഫീ​സും ഉ​ണ്ട്. കേ​ര​ള ഹൗ​സി​ന്‍റെ ത​ന്നെ ഭാ​ഗ​മാ​യ കെ​ജി മാ​ർ​ഗി​ലെ ട്രാ​വ​ൻ​കൂ​ർ പാ​ല​സി​ൽ കേ​ര​ളാ ടൂ​റി​സം ഇ​ൻ​ഫ​ർ​മേ​ഷ​ൻ ഓ​ഫീ​സ്, കെ​ൽ​ട്രോ​ണ്‍,കെഎ​സ്ഇ​ബി, നോ​ർ​ക, മ​ല​യാ​ളം മി​ഷ​ൻ ഗ്ര​ന്ഥ​ശാ​ല എ​ന്നി​വ കൂ​ടാ​തെ അ​ന്ത​ർ സം​സ്ഥാ​ന ന​ദീ​ജ​ല ത​ർ​ക്ക​ങ്ങ​ളി​ൽ കേ​ര​ള താ​ത്പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​നാ​യി കാ​വേ​രി സെ​ല്ലും പ്ര​വ​ർ​ത്തി​ക്കു​ന്നു​ണ്ട്.

സെബി മാത്യു


Copyright @ 2022 , Rashtra Deepika Ltd.