യേ​ശു​പ​ഥ​ത്തി​ലെ കർമയോഗി
ഗ്ര​ന്ഥ​കാ​ര​നും പ്ര​ഭാ​ഷ​ക​നു​മാ​യ സാ​ധു ഇ​ട്ടി​യ​വി​ര​യെ ക​ഥാ​കൃ​ത്തും കേ​ര​ള സാ​ഹി​ത്യ​ അ​ക്കാ​ദ​മി മു​ൻ സെ​ക്ര​ട്ട​റി​യു​മാ​യ പാ​യി​പ്ര രാ​ധാ​കൃ​ഷ്ണ​ൻ അ​നു​സ്മ​രി​ക്കു​ന്നു.

ആ​ൽ​ബ​ർ​ട്ട് ഷ്വൈ​റ്റ്സ​റി​ന്‍റെ പേ​രി​ലു​ള്ള അ​ന്താ​രാ​ഷ്ട്ര പു​ര​സ്കാ​രം ഇ​ന്ത്യ​യി​ൽ ല​ഭി​ച്ച ര​ണ്ടാ​മ​ത്തെ​യാ​ൾ ഈ​യി​ടെ അ​ന്ത​രി​ച്ച സാ​ധു ഇ​ട്ടി​യ​വി​ര​യാ​ണ്. ആ​ദ്യ​ത്തേ​ത് മ​ദ​ർ തെ​രേ​സ.

ഗാ​ന്ധി​യ​ൻ ജീ​വി​ത​ശൈ​ലി ജീ​വി​ത​ത്തി​ലു​ട​നീ​ളം പു​ല​ർ​ത്തി​പ്പോ​ന്ന സു​വി​ശേ​ഷ​ക​നാ​യ ക​ർ​മ​യോ​ഗി​യാ​യി​രു​ന്നു സാ​ധു ഇ​ട്ടി​യ​വി​ര. അ​തില​ളി​ത​മാ​യ ജീ​വി​ത​രീ​തി​യും സൗ​മ്യ​ഭാ​ഷ​ണ​വും അ​ദ്ദേ​ഹ​ത്തെ വ്യ​ത്യ​സ്ത​നാ​ക്കി. ഗ​ഹ​ന​മാ​യ ആ​ശ​യ​ങ്ങ​ളെ ഋ​ജു​വാ​യും ല​ളി​ത​മാ​യും ആ​വി​ഷ്ക​രി​ക്കു​ന്ന​താ​ണ് അ​ദ്ദേ​ഹ​ത്തി​ന്‍റെ ര​ച​നാ​ശൈ​ലി.

ല​ഘു​വാ​യ ഉ​പ​ക​ര​ണ​ങ്ങ​ൾ​കൊ​ണ്ടു​ള്ള പ​രീ​ക്ഷ​ണ​ങ്ങ​ൾ, പ്ര​ഭാ​ഷ​ണ​ങ്ങ​ൾ എ​ന്നി​വ​യെ​ല്ലാം ലാ​ളി​ത്യ​ത്തി​ന്‍റെ പാ​ഠ​ഭേ​ദ​ങ്ങ​ളാ​യി​രു​ന്നു. കൊ​ച്ചു​കൊ​ച്ചു ക​ഥ​ക​ളും ഉ​പ​മ​ക​ളും കോ​ർ​ത്ത് സം​ഭാ​ഷ​ണ​ശൈ​ലി​യി​ലു​ള്ള പ്ര​ഭാ​ഷ​ണ​ങ്ങ​ൾ കു​ട്ടി​ക​ൾ​ക്കു​പോ​ലും പ്രി​യ​ങ്ക​ര​മാ​യി​രു​ന്നു.

1975ൽ ​കോ​ത​മം​ഗം​ലം എം.​എ. കോ​ള​ജ് ഹൈ​സ്കൂ​ളി​ൽ (ഇ​ന്ന​ത്തെ ഇ​ന്‍റ​ർ​നാ​ഷ​ണ​ൽ സ്കൂ​ൾ) അ​ധ്യാ​പ​ക​നാ​യി​രി​ക്കെ, അ​വി​ട​ത്തെ ഒ​രു ച​ട​ങ്ങി​ന് അ​തി​ഥി​യെ തേ​ടി​യാ​ണ് ഞാ​ൻ സാ​ധു ഇ​ട്ടി​യ​വി​ര​യു​ടെ കോ​ത​മം​ഗ​ലം ഇ​ര​മ​ല്ലൂ​ർ ഇ​ടു​പ്പ​ക്കു​ന്നി​ലെ വ​സ​തി​യി​ലെ​ത്തു​ന്ന​ത്.

കാ​ര്യ​മാ​യ മു​ൻ​ധാ​ര​ണ​ക​ളി​ല്ലാ​തെ​യാ​യി​രു​ന്നു ആ ​സ​മാ​ഗ​മം. വെ​ള്ള​വും വൈ​ദ്യു​തി​യു​മി​ല്ലാ​ത്ത ഇ​ടു​പ്പ​ക്കു​ന്ന് ഒ​റ്റ​പ്പെ​ട്ട ഒ​രു കു​ന്നി​ൻ​മ​കു​ട​മാ​യി​രു​ന്നു. പ​ശു​ക്ക​ളെ വ​ള​ർ​ത്തി​യും ലി​ഫ്റ്റ് ഇ​റി​ഗേ​ഷ​ൻ പ​ദ്ധ​തി ന​ട​പ്പാ​ക്കി​യും ശാ​സ്ത്രീ​യ കൃ​ഷി​രീ​തി​ക​ൾ ത​ന​താ​യി ആ​വി​ഷ്ക​രി​ച്ച് ക​ഠി​നാ​ധ്വാ​ന​ത്തി​ലൂ​ടെ അ​വി​ടം ഹ​രി​താ​ഭ​മാ​യ കൃ​ഷി​യി​ട​വും ആ​ശ്ര​മ​സ​ങ്കേ​ത​വു​മാ​ക്കി അ​ദ്ദേ​ഹം പ​രു​വ​പ്പെ​ടു​ത്തി.

ആ​റാ​യി​ര​ത്തി​ലേ​റെ ലേ​ഖ​ന​ങ്ങ​ളും അ​ൻ​പ​തി​നാ​യി​ര​ത്തി​ലേ​റെ പ്ര​സം​ഗ​ങ്ങ​ളും 140ലേ​റെ ഗ്ര​ന്ഥ​ങ്ങ​ളും ഇ​ട്ടി​യ​വി​ര​യു​ടേ​താ​യി​ട്ടു​ണ്ട്. പ​ട്ടാ​ള​ക്കാ​ര​നാ​യും ത​ടി​മി​ല്ലി​ൽ ക്ലാ​ർ​ക്കാ​യും ജീ​വി​ത​മാ​രം​ഭി​ച്ച ഇ​ട്ടി​യ​വി​ര മ​ത​സൗ​ഹാ​ർ​ദ​ത്തി​ന്‍റെ​യും മാ​ന​വി​ക​ത​യു​ടെ​യും ക്രി​സ്തു​ദ​ർ​ശ​ന​ത്തി​ന്‍റെ​യും സു​വി​ശേ​ഷ​ക​നാ​യി​രു​ന്നു. കേ​ര​ള​ത്തി​ലെ ഒ​ട്ട​ന​വ​ധി പ്രൈ​മ​റി വി​ദ്യാ​ല​യ​ങ്ങ​ളി​ലും കാ​ൽ​ന​ട​യാ​യി സ​ന്ദ​ർ​ശി​ച്ച് സൗ​ജ​ന്യ പ്ര​ഭാ​ഷ​ണ​ങ്ങ​ൾ അ​ദ്ദേ​ഹം ന​ട​ത്തി​യി​ട്ടു​ണ്ട്.

വീ​ടി​നോ​ടു​ചേ​ർ​ന്നു ജീ​വ​ജ്യോ​തി എ​ന്നൊ​രു ഗ​വേ​ഷ​ണ സ്ഥാ​പ​ന​വും ന​ട​ത്തി​യി​രു​ന്നു. സ​ർ​വ​ചരാ​ച​ര​ങ്ങ​ളെ​യും സ്നേ​ഹി​ക്കു​ക​യും എ​ല്ലാ​വ​രി​ലും നന്മ ​കാ​ണു​ക​യും ചെ​യ്യു​ന്ന അ​ദ്ദേ​ഹം നി​ര​വ​ധി വി​ദേ​ശ​രാ​ജ്യ​ങ്ങ​ൾ സ​ന്ദ​ർ​ശി​ക്കു​ക​യും പ്ര​ഭാ​ഷ​ണ​ങ്ങ​ൾ ന​ട​ത്തു​ക​യും ചെ​യ്തു. റാ​യ്പൂ​രി​ൽ അ​നു​സ​ന്ധാ​ൻ ആ​ശ്ര​മം എ​ന്ന പേ​രി​ലൊ​രു ഗ​വേ​ഷ​ണ​കേ​ന്ദ്രം കു​റേ​ക്കാ​ലം ന​ട​ത്തി​യി​രു​ന്നു.

വി​വി​ധ​യി​ട​ങ്ങ​ളി​ൽ അ​ക്ഷ​യ പു​സ്ത​ക​നി​ധി ന​ട​ത്തി​യ കു​ട്ടി​ക​ളു​ടെ സ​ർ​ഗ​സം​ഗ​മ​ങ്ങ​ളി​ലും സാ​ഹി​ത്യ ശി​ല്പ​ശാ​ല​ക​ളി​ലും സാം​സ്കാ​രി​ക തീ​ർ​ഥാ​ട​ന​ങ്ങ​ളി​ലും അ​ദ്ദേ​ഹം പ​ങ്കെ​ടു​ത്തി​രു​ന്നു.

ക്രി​സ്തു​വി​ൽ വി​ശ്വ​സി​ക്കു​ക​യും ഗാ​ന്ധി​യ​ൻ ജീ​വി​ത​ശൈ​ലി അ​വ​ലം​ബി​ക്കു​ക​യും പ്ര​കൃ​തി​യോ​ടും മ​നു​ഷ്യ​നോ​ടും അ​തീ​വ ആ​ർ​ദ്ര​ത​യോ​ടെ, സ്നേ​ഹ​പ​രി​ഗ​ണ​ന​ക​ളോ​ടെ സ​ല്ല​പി​ക്കു​ക​യും ചെ​യ്ത ക​ർ​മ​യോ​ഗി​യാ​യ സാ​ധു​വാ​യി​രു​ന്നു ഇ​ട്ടി​യ​വി​ര. അ​ര നൂ​റ്റാ​ണ്ടു മു​ൻ​പ്് ആ ​ഗ്രാ​മീ​ണ ഭ​വ​ന അ​ങ്ക​ണ​ത്തി​ൽ സാ​ധു ഇ​ട്ടി​യ​വി​ര ന​ട​ത്തി​യ ല​ഘു​പ​രീ​ക്ഷ​ണ​ങ്ങ​ളും കാ​ർ​ഷി​ക​രീ​തി​ക​ളും ഇ​ന്നോ​ർ​ക്കു​ന്പോ​ൾ വി​സ്മ​യം തോ​ന്നു​ന്നു. ഒ​രു ചാ​ണ്‍ ക​ന്പി​യും ഒ​രു ബാ​റ്റ​റി​യും സി​ഗ​ര​റ്റു​ഫോ​യി​ലും ഉ​പ​യോ​ഗി​ച്ചു ഡൈ​നാ​മോ ക​ണ്ടു​പി​ടി​ച്ച ശാ​സ്ത്ര​ജ്ഞ​നെ​ക്കു​റി​ച്ച് സാ​ധു ഇ​ട്ടി​യ​വി​ര കു​ട്ടി​ക​ളോ​ടു പ​റ​യു​മാ​യി​രു​ന്നു, ലോ​ക​ത്തെ വ​ലി​യ ക​ണ്ടു​പി​ടി​ത്ത​ങ്ങ​ളൊ​ന്നും വ​ലി​യ ല​ബോ​റ​ട്ട​റി​ക​ളി​ല​ല്ല സം​ഭ​വി​ച്ച​തെ​ന്ന്.

മ​ദ​ർ തെ​രേ​സ​യ്ക്ക് ഉ​ന്ന​ത ബ​ഹു​മ​തി​ക​ൾ കി​ട്ടി​യി​ട്ടും ലോ​കം മു​ഴു​വ​ൻ സ​ഞ്ച​രി​ച്ചി​ട്ടും വാ​ക്കി​ലോ പ്ര​വൃ​ത്തി​യി​ലോ അ​ഹ​ങ്കാ​ര​ത്തി​ന്‍റെ നി​ഴ​ൽ ഒ​രി​ക്ക​ൽ​പോ​ലും പ​തി​ച്ചി​രു​ന്നി​ല്ല. അ​ത്ത​ര​ത്തി​ലാ​യി​രു​ന്നു സാ​ധു​വി​ന്‍റെ ജീ​വി​ത​വും. ക്രി​സ്തു​വി​ന്‍റെ ലാ​ളി​ത്യ വ​ഴി​യേ സ​ഞ്ച​രി​ച്ച ഗാ​ന്ധി​യ​നാ​യി​രു​ന്നു സാ​ധു ഇ​ട്ടി​യ​വി​ര.

പാ​യി​പ്ര രാ​ധാ​കൃ​ഷ്ണ​ൻ


Copyright @ 2022 , Rashtra Deepika Ltd.