മ​ഹാ​ന​ഗ​രി​യിലെ ബേക്കറി പെരുമ
എ​ണ്ണ, തീ ​എ​ന്നി​വ​യു​ടെ നേ​രി​ട്ടു​ള്ള സ്പ​ർ​ശ​മി​ല്ലാ​ത്ത പാ​ച​ക​വി​ദ്യ​യാ​യ ബേ​ക്കിം​ഗ് ഇ​ന്ത്യ​യി​ലെ​ത്തി​ച്ച​ത് യൂ​റോ​പ്യ​ൻ​മാ​രാ​ണെ​ന്നാ​ണ് വി​ശ്വാ​സം. പോ​ർ​ച്ചു​ഗീ​സ്, ഡ​ച്ച്, ഫ്ര​ഞ്ച് അ​ധി​നി​വേ​ശ​ങ്ങ​ളി​ലൂ​ടെ​യാ​ണ് ബേ​ക്കിം​ഗ് ഇ​ന്ത്യ​യി​ൽ സ​ജീ​വ​മാ​യ​ത്.

യൂ​റോ​പ്യ​ൻ​മാ​ർ മ​ട​ങ്ങി​പ്പോ​യെ​ങ്കി​ലും അ​വ​ർ ഇ​വി​ടെ പ്ര​ച​രി​പ്പി​ച്ച പാ​ച​ക​ക​ല അ​തേ​പ​ടി ഇ​ക്കാ​ല​ത്തും രു​ചി​യും മ​ണ​വും പ​ര​ത്തു​ന്നു. ഏ​റെ​ക്കാ​ലം ബ്രി​ട്ടീ​ഷ് ഇ​ന്ത്യ​യു​ടെ ത​ല​സ്ഥാ​ന​മാ​യി​രു​ന്ന കോ​ൽ​ക്ക​ത്ത​ക്കു​മു​ണ്ട് ചെ​റു​ത​ല്ലാ​ത്ത ബേ​ക്കിം​ഗ് വി​ശേ​ഷ​ങ്ങ​ൾ. പ്ര​ശ​സ്ത ബം​ഗാ​ളി ഫോ​ട്ടോ​ഗ്രാ​ഫ​ർ അ​നി​ർ​ബ​ൻ മി​ത്ര​യു​ടെ ചി​ത്ര​ങ്ങ​ളു​ടെ പ​ശ്ചാ​ത്ത​ല​ത്തി​ൽ ഗൗ​രി ബ​സു എ​ഴു​തി​യ ‘ചെ​റീ​സ് ആ​ന്‍റ് ക്രീം, ​ദി ബേ​ക്കിം​ഗ് ആ​ന്‍റ് ക​ണ്‍​ഫെ​ക്ഷ​ൻ ലെ​ഗ​സി ഓ​ഫ് ബം​ഗാ​ൾ’ എ​ന്ന പു​സ്ത​ക​ത്തി​ൽ ബം​ഗാ​ളി​ലെ ബേ​ക്ക​റി​ക​ളു​ടെ​യും ബേ​ക്കിം​ഗി​ന്‍റെ​യും ക​ഥ​ക​ൾ രു​ചി​ക​ര​മാ​യി വി​വ​രി​ക്കു​ന്നു.

ക്രി​സ്മ​സ്കാ​ല സാ​യാ​ഹ്ന​ങ്ങ​ളി​ൽ പ്ലം ​കേ​ക്കു​ക​ളു​ടെ സു​ഗ​ന്ധം പ​ര​ക്കു​ന്ന കോ​ൽ​ക്ക​ത്ത തെ​രു​വു​ക​ളി​ലൂ​ടെ പോ​കു​ന്പോ​ൾ മു​ൻ​പെ​ന്നോ ക​ഴി​ച്ച കേ​ക്കി​ന്‍റെ രു​ചി നാ​വി​ൽ തു​ടി​ച്ചു​നി​ൽ​ക്കും. പ​ഴ​മ​യു​ടെ പാ​ര​ന്പ​ര്യം പേ​റു​ന്ന ബേ​ക്ക​റി​ക​ൾ​ക്ക് വൈ​വി​ധ്യ​മാ​ർ​ന്ന വി​ഭ​വ​ങ്ങ​ളു​ടെ​യും ക​ഠി​ന​മാ​യ അ​ധ്വാ​ന​ത്തി​ന്‍റെ​യും ച​രി​ത്രം പ​റ​യാ​നു​ണ്ട്. ഹൂ​ഗ്ലി ന​ദീ​തീ​ര​ത്തെ ആ​ദ്യ​കാ​ല ബേ​ക്ക​റി​ക​ളെ​ല്ലാം​ത​ന്നെ യൂ​റോ​പ്യ​ൻ​മാ​ർ​ക്കു​വേ​ണ്ടി മാ​ത്ര​മു​ള്ള​താ​യി​രു​ന്നു. പ​തി​യെ​പ്പ​തി​യെ ഈ ​ബേ​ക്ക​റി​ക​ളും പ​ല​ഹാ​ര​ങ്ങ​ളും വ​രേ​ണ്യ​വ​ർ​ഗ​ത്തി​ന്‍റെ മേ​ശ​ക​ളി​ലേ​ക്കും ക​ട​ന്നു​വ​ന്നു. കാ​ല​പ്രാ​യാ​ണ​ത്തി​ൽ അ​വ​യൊ​ക്കെ സാ​ധാ​ര​ണ​ക്കാ​രു​ടെ​യും വീ​ടു​ക​ളി​ലെ​ത്തി.

ആ​ദ്യ​കാ​ല​ത്ത് കോ​ൽ​ക്ക​ത്ത​യി​ലെ ഓ​ക്ക്‌​ലാ​ൻ​ഡ് ഹോ​ട്ട​ലി​ലാ​യി​രു​ന്നു ഏ​റ്റ​വും രു​ചി​ക​ര​മാ​യ ബ്രെ​ഡ് ബേ​ക്ക് ചെ​യ്തി​രു​ന്ന​ത്. ദി ​ബ്ര​ഡ് ബാ​സ്ക​റ്റ് ഓ​ഫ് ദി ​ഈ​സ്റ്റ് എ​ന്നാ​ണ് ഓ​ക്ക്്‌​ലാ​ൻ​ഡ് ഇം​ഗ്ലീ​ഷു​കാ​ർ​ക്കി​ട​യി​ൽ അ​റി​യ​പ്പെ​ട്ടി​രു​ന്ന​ത്. റൊ​ട്ടി​യി​ന​ങ്ങ​ൾ ബേ​ക്ക് ചെ​യ്തെ​ടു​ത്തി​രു​ന്ന​തി​ൽ പ്ര​ശ​സ്ത​മാ​യ ഒ​ന്നാ​യി​രു​ന്നു ഫി​ർ​പോ​സ്. ജ്യൂ​വി​ഷ് ബേ​ക്ക​റി ന​ഹൗം​സ്, ഗോ​വ​ൻ സാ​ൽ​ധാ​ന ബേ​ക്ക​റി എ​ന്നി​വ​യൊ​ക്കെ ബേ​ക്കിം​ഗ് ച​രി​ത്ര​ത്തി​ൽ ഇ​ന്നും മു​ടി​ചൂ​ടി നി​ൽ​ക്കു​ന്ന ചി​ല ചി​മ്മി​നി​ക​ളാ​ണ്.

ഈ ​ന​ഗ​ര​ച​രി​ത്ര​ത്തി​ൽ തു​ട​ച്ചു​മാ​റ്റാ​ൻ ക​ഴി​യാ​ത്ത ബേ​ക്കിം​ഗ് അ​നു​ഭ​വ​ങ്ങ​ളെ ദൃ​ശ്യ​വ​ത്ക​രി​ക്കു​ക​യാ​യി​രു​ന്നു ത​ങ്ങ​ളു​ടെ ല​ക്ഷ്യ​മെ​ന്നാ​ണ് ചെ​റീ​സ് ആ​ന്‍റ് ക്രീം ​എ​ന്ന പു​സ്ത​ക​ത്തി​ലേ​ക്ക് ഇ​റ​ങ്ങി​ത്തി​രി​ച്ച​തി​നെ​ക്കു​റി​ച്ച് ഗൗ​രി ബ​സു പ​റ​ഞ്ഞ​ത്. ച​രി​ത്ര​ത്തി​ലും പൈ​തൃ​ക​ത്തി​ലും, പ്ര​ത്യേ​കി​ച്ച് വി​ഭ​വ​വൈ​വി​ധ്യ​ത്തി​ൽ കൗ​തു​ക​വും താ​ത്പ​ര്യ​വു​മു​ള്ള​വ​രു​ടെ മു​ന്നി​ൽ സ​ചി​ത്ര വി​വ​ര​ണ ശേ​ഷി​പ്പാ​യി മാ​റു​ക​യാ​ണ് ഈ ​ഗ്ര​ന്ഥം. അ​ഭി​മു​ഖ​ങ്ങ​ൾ, പ​ഴ​യ കാ​ല പ​ര​സ്യ​ങ്ങ​ൾ, ഓ​ർ​മ​ക്കു​റി​പ്പു​ക​ൾ, അ​പൂ​ർ​വ ചി​ത്ര​ങ്ങ​ൾ, ച​രി​ത്രം എ​ന്നി​വ​യെ​ല്ലാം പു​സ്ത​ക​ത്തെ കോ​ൽ​ക്ക​ത്ത​യു​ടെ ഭ​ക്ഷ​ണ സാം​സ്കാ​രി​ക​ച​രി​ത്ര​ത്തി​ന്‍റെ ആ​ധി​കാ​രി​ക രേ​ഖ​യാ​യി മാ​റ്റു​ന്നു.

വീ​ണ്ടും ബേ​ക്കിം​ഗ് ച​രി​ത്ര​ത്തി​ലേ​ക്ക് വ​രാം. ആ​ദ്യ​കാ​ല​ത്തെ പ്ര​ശ​സ്ത​മാ​യ എം​എ​ക്സ്ഡി ഗാ​മ, വൈ​സ് ആ​ൻ​ഡ് കോ ​തു​ട​ങ്ങി​യ സ്ഥാ​പ​ന​ങ്ങ​ളെ​ക്കു​റി​ച്ച് കോ​ൽ​ക്ക​ത്ത​യി​ലെ പു​തു​ത​ല​മു​റ​യ്ക്ക് വ​ലി​യ ധാ​ര​ണ​യു​ണ്ടാ​വി​ല്ല. എ​ന്നാ​ൽ രു​ചി​യും മ​ണ​വും പ​ര​ത്തി പ്ര​ശ​സ്തി​യു​ടെ കി​രീ​ടം ചൂ​ടി​നി​ന്ന പേ​രു​ക​ൾ കേ​ൾ​ക്കു​ന്പോ​ൾ ത​ന്നെ മ​ധു​രം കി​നി​യും. പാ​ര​ന്പ​ര്യം പേ​റി ഇ​ന്നും പ്ര​വ​ർ​ത്തി​ക്കു​ന്ന ബേ​ക്ക​റി​ക​ൾ​ക്കും ബോ​ർ​മ​ക​ൾ​ക്കും ഒ​ഴി​ച്ചു​കൂ​ടാ​നാ​കാ​ത്ത ചി​ല പ്ര​ത്യേ​ക​ത​ക​ളു​ണ്ട്.

പാ​ച​ക​ത്തി​ന്‍റെ കാ​ര്യ​ത്തി​ലും രു​ചി​ക്കൂ​ട്ടു​ക​ളി​ലും വി​ഭ​വ​ങ്ങ​ളു​ടെ പേ​രു​ക​ളി​ൽ​പോ​ലും പ്ര​ത്യേ​ക​ത​ക​ൾ ഇ​ന്നും തു​ട​രു​ന്നു​ണ്ട്. പ​ല ബേ​ക്ക​റി​ക​ളും പ​ഴ​യ​കാ​ല ബേ​ക്കിം​ഗ് രീ​തി​ക​ൾ ത​ന്നെ​യാ​ണ് തു​ട​രു​ന്ന​ത്. വി​റ​ക് ഇ​ന്ധ​ന​മാ​യി ഉ​പ​യോ​ഗി​ക്കു​ന്ന ഓ​വ​നു​ക​ൾ ഉ​പ​യോ​ഗി​ക്കു​ന്ന സ്ഥാ​പ​ന​ങ്ങ​ളു​ണ്ട് . രു​ചി​യി​ൽ ഏ​റ്റ​ക്കു​റ​ച്ചി​ലു​ക​ൾ ഉ​ണ്ടാ​കാ​തി​രി​ക്കാ​നാ​ണ് ഈ ​രീ​തി തു​ട​രു​ന്ന​തെ​ന്നാ​ണ് ഇ​വ​രു​ടെ വാ​ദം. ചി​ന്താ​ശേ​ഷി​യോ അ​ർ​പ്പ​ണ​ബോ​ധ​മോ ഇ​ല്ലാ​ത്ത യ​ന്ത്ര​ങ്ങ​ളി​ൽ പാ​ക​പ്പെ​ട്ടു വ​രും​പോ​ലെ​യ​ല്ല, മ​റി​ച്ച് മ​നു​ഷ്യ സ്പ​ർ​ശ​മേ​ൽ​ക്കു​ന്ന വി​ഭ​വ​ങ്ങ​ൾ​ക്ക് മ​ന​സ​റി​ഞ്ഞു പാ​ക​പ്പെ​ടു​ത്തു​ന്ന​തി​ന്‍റെ രു​ചി​ഭേ​ദം കാ​ണും എ​ന്നാ​ണ് പ​റ​ച്ചി​ൽ.

1902ലാ​ണ് ബാ​ഗ്ദാ​ദി​ൽ നി​ന്നെ​ത്തി​യ ജൂ​ത വം​ശ​ജ​ൻ ന​ഹൗം​സ് സ്രാ​യേ​ൽ മോ​ർ​ദേ​കാ​യ് ആ​ണ് ന​ഹൗം​സ് ബേ​ക്ക​റി ആ​രം​ഭി​ക്കു​ന്ന​ത്. ന​ഗ​ര​ത്തി​ൽ ആ​ദ്യ​മാ​യി കേ​ക്കു​ക​ൾ വീ​ടു​ക​ളി​ൽ നേ​രി​ട്ട് എ​ത്തി​ക്കു​ന്ന രീ​തി ആ​രം​ഭി​ച്ച​തും ഇ​ദ്ദേ​ഹ​മാ​യി​രു​ന്നു. ജൂ​ത വി​ഭ​വ​ങ്ങ​ളാ​യ ബ​ക്ലാ​വ കേ​ക്ക്സ്, കാ​ഷ്യു റിം​ഗ്സ് എ​ന്നി​വ ഇ​ന്ത്യ​യി​ൽ അ​ക്കാ​ല​ത്ത് ല​ഭി​ച്ചി​രു​ന്ന​തും ഇ​വി​ടെ മാ​ത്ര​മാ​യി​രു​ന്നു. അ​തു പോ​ലെ​ത​ന്നെ രു​ചി​യു​ടെ ക​ഥ​ക​ൾ പ​റ​യാ​നു​ണ്ട് 200 വ​ർ​ഷം മു​ൻ​പ് ആ​രം​ഭി​ച്ച അ​ജ്മീ​രി ബേ​ക്ക​റി​ക്കും.

ഏ​ഴു ത​ല​മു​റ​ക​ളാ​യി ബേ​ക്ക​റി വ്യ​വ​സാ​യ രം​ഗ​ത്തു​ള്ള അ​ജ്മീ​രി ബേ​ക്ക​റി​യെ ഇ​പ്പോ​ൾ ന​യി​ക്കു​ന്ന​ത് അ​റു​പ​ത്തി​യ​ഞ്ചു​കാ​ര​നാ​യ ഷേ​യ്ക്ക് ഖാ​ദി​മു​ൾ ബാ​ഷ​ർ ആ​ണ്. ഇ​പ്പോ​ഴും വി​റ​ക​ടു​പ്പ് ഉ​പ​യോ​ഗി​ക്കു​ന്ന ബേ​ക്ക​റി വൈ​കാ​തെ അ​ട​ച്ചു പൂ​ട്ടേ​ണ്ടി വ​രു​മെ​ന്ന നി​ല​യി​ലാ​ണ്. വി​റ​ക് ക​ത്തി​ക്കു​ന്ന ഓ​വ​നു​ക​ൾ ഉ​ള്ള ബേ​ക്ക​റി​ക​ൾ​ക്ക് ത​ദ്ദേ​ശ സ്ഥാ​പ​ന​ങ്ങ​ൾ ലൈ​സ​ൻ​സ് ന​ൽ​കു​ന്നി​ല്ല എ​ന്ന​താ​ണ് കാ​ര​ണം. കൂ​ടാ​തെ ബേ​ക്ക​റി സ്ഥി​തി​ചെ​യ്യു​ന്ന കെ​ട്ടി​ടം ഇ​ടി​ച്ചു നി​ര​ത്താ​നും കോ​ർ​പ​റേ​ഷ​ൻ ആ​ലോ​ചി​ക്കു​ന്നു.

കോ​ൽ​ക്ക​ത്ത നോ​ട്ടീ​സ്/​സെ​ബി മാ​ത്യു


Copyright @ 2022 , Rashtra Deepika Ltd.