പേ​ര​ക്കു​ട്ടി​ക​ളെ തേ​ടി സിറിയൻ ക്യാന്പിൽ ഒ​രാ​ൾ!
ചി​ലി​യി​ൽ ജ​നി​ച്ചു വ​ള​ർ​ന്ന പ​ട്രീ​ഷ്യോ സാ​ൽ​വ​സ് അ​ഗ​സ്തോ​ഹ​നോ​ച്ചെ​യു​ടെ മ​ർ​ദ​ക​ഭ​ര​ണ​ത്തി​ൽ​നി​ന്നും അ​ഭ​യാ​ർ​ഥി​യാ​യി സ്വീ​ഡ​നി​ലെ​ത്തി അ​വി​ടെ ഒ​രു പോ​പ് സം​ഗീ​ത​ജ്ഞ​നും ച​ല​ച്ചി​ത്ര നി​ർ​മാ​താ​വു​മാ​യി അ​റി​യ​പ്പെ​ട്ടു. ബാ​ക്കി​യു​ണ്ടാ​യി​രു​ന്ന​ത് മ​ക​ൾ അ​മ​ൻ​ഡ മാ​ത്രം.

ലോ​ക​ത്തി​ന്‍റെ പ്ര​തീ​ക്ഷ​യ്ക്കു വി​രു​ദ്ധ​മാ​യി 21-ാം നൂ​റ്റാ​ണ്ട് പി​റ​ന്ന​ത് സ​മാ​ധാ​ന​ത്തി​ന്‍റെ തൊ​ട്ടി​ലി​ലേ​യ്ക്ക​ല്ല. ആ​ഗോ​ള ഭീ​ക​ര​ത​യു​ടെ ഇ​രു​ണ്ട നാ​ളു​ക​ളി​ലേ​ക്കാ​യി​രു​ന്നു. തു​റ​ന്നി​ട്ട അ​തി​രു​ക​ളു​മാ​യി ബ​ഹു​സ്വ​ര​ത​യെ സ്വാ​ഗ​തം​ചെ​യ്ത പാ​ശ്ചാ​ത്യ​ലോ​കം അ​തി​നു കൊ​ടു​ക്കേ​ണ്ടി​വ​ന്ന വി​ല എ​ന്താ​ണെ​ന്ന് ഇ​പ്പോ​ൾ തി​രി​ച്ച​റി​യു​ന്നു. ആ​ഫ്രി​ക്ക​ൻ-​ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്ന് അ​ഭ​യാ​ർ​ഥി​ക​ളാ​യി വ​ന്ന ചെ​റു​സ​മൂ​ഹ​ങ്ങ​ൾ ഒ​പ്പം കൊ​ണ്ടു​ചെ​ന്ന​ത് പ്രാ​കൃ​ത​മാ​യ ഗോ​ത്ര​സം​സ്കാ​ര​വും മ​ത​ഭീ​ക​ര​ത​യു​ടെ പ്ര​ത്യ​യ​ശാ​സ്ത്ര​വു​മാ​യി​രു​ന്നു.

സെ​പ്റ്റം​ബ​ർ 11 മു​ത​ൽ ഇ​ന്ന​ത്തെ പ​ല​സ്തീ​ൻ യു​ദ്ധം വ​രെ ഇ​തി​ന്‍റെ ആ​വി​ഷ്കാ​ര​ങ്ങ​ളാ​ണ്. പ​ട്രീ​ഷ്യോ ഗാ​ൽ​വ​സും ഗോ​ർ​ക്കി ഗ്രാ​സ​ർ മു​ള്ള​റും ചേ​ർ​ന്ന് നി​ർ​മി​ച്ച ഈ ​ഡോ​ക്യു ഡ്രാ​മ ന​മ്മോ​ടു പ​റ​യു​ന്ന​ത് മേ​ൽ​പ​റ​ഞ്ഞ പ​ശ്ചാ​ത്ത​ല​ത്തി​ൽ​നി​ന്നു വ​രു​ന്ന സം​ഭ​വ​ക​ഥ​യാ​ണ്. ഒ​ര​ർ​ഥ​ത്തി​ൽ ഗാ​ൽ​വ​സി​ന്‍റെ ആ​ത്മ​ക​ഥ ത​ന്നെ. സ​സ്പെ​ൻ​സ് -ത്രി​ല്ല​ർ പോ​ലെ​യും അ​തേ​സ​മ​യം ആ​ർ​ദ്ര​ത​യു​ണ​ർ​ത്തു​ന്ന​തു​മാ​യ ഒ​രു അ​ന്വേ​ഷ​ണ​ത്തി​ന്‍റെ ചി​ത്ര​ണം.

ഞെ​ട്ടി​ക്കു​ന്ന ക​ഥ

ചി​ലി​യി​ൽ ജ​നി​ച്ചു വ​ള​ർ​ന്ന പ​ട്രീ​ഷ്യോ സാ​ൽ​വ​സ് അ​ഗ​സ്തോ​ഹ​നോ​ച്ചെ​യു​ടെ മ​ർ​ദ​ക​ഭ​ര​ണ​ത്തി​ൽ​നി​ന്നും അ​ഭ​യാ​ർ​ഥി​യാ​യി സ്വീ​ഡ​നി​ലെ​ത്തി അ​വി​ടെ ഒ​രു പോ​പ് സം​ഗീ​ത​ജ്ഞ​നും ച​ല​ച്ചി​ത്ര നി​ർ​മാ​താ​വു​മാ​യി അ​റി​യ​പ്പെ​ട്ടു. ബാ​ക്കി​യു​ണ്ടാ​യി​രു​ന്ന​ത് മ​ക​ൾ അ​മ​ൻ​ഡ മാ​ത്രം. എ​ന്നാ​ൽ, മ​ക​ൾ തെ​ര​ഞ്ഞെ​ടു​ത്ത വ​ഴി പി​താ​വി​ന്‍റെ ജീ​വി​തം ത​കി​ടം​മ​റി​ച്ചു. സ​ല​ഫി​സ​ത്തി​ൽ ആ​കൃ​ഷ്ട​നാ​യി മ​തം​മാ​റി അ​ബ്ദു​ൾ സ​മ​ദ് എ​ന്ന പേ​രു സ്വീ​ക​രി​ച്ച മൈ​ക്കേ​ൽ സ്ക്രാ​മോ എ​ന്ന ഭീ​ക​ര​വാ​ദി​യെ വി​വാ​ഹം ചെ​യ്ത് ഇ​സ്‌​ലാ​മി​ക് സ്റ്റേ​റ്റി​ന്‍റെ ഭാ​ഗ​മാ​യി.

സ്വീ​ഡ​നി​ലെ ഇ​സ്ലാ​മി​ക് സ്റ്റേ​റ്റി​ന്‍റെ പ്ര​ചാ​ര​ക​നും റി​ക്രൂ​ട്ട​റു​മാ​യി​രു​ന്ന സ്ക്രാ​മോ 2014ൽ ​അ​മ​ൻ​ഡ​യെ​യും മ​ക്ക​ളെ​യും കൂ​ട്ടി സി​റി​യ​യി​ലേ​ക്കു ജി​ഹാ​ദി​യാ​യി പോ​യി. 2018ൽ ​ത​ന്‍റെ എ​ട്ടാ​മ​ത്തെ കു​ട്ടി​യെ ഗ​ർ​ഭം ധ​രി​ച്ചി​രു​ന്ന അ​മ​ൻ​ഡ, വ്യോ​മാ​ക്ര​മ​ണ​ത്തി​ൽ കൊ​ല്ല​പ്പെ​ട്ടു. സ്ക്രാ​മോ വീ​ണ്ടും വി​വാ​ഹം ക​ഴി​ച്ചു, അ​ധി​കം ക​ഴി​യും​മു​ന്പേ അ​യാ​ൾ യു​ദ്ധ​ഭൂ​മി​യി​ൽ വ​ധി​ക്ക​പ്പെ​ടു​ക​യും ചെ​യ്തു. ഈ ​ദ​ന്പ​തി​ക​ൾ​ക്കു​ണ്ടാ​യ ഏ​ഴു മ​ക്ക​ൾ സ്വ​ന്ത രാ​ജ്യ​വും ഉ​ട​യോ​രു​മി​ല്ലാ​ത്ത​വ​രാ​യി സി​റി​യ​ൻ മ​രു​ഭൂ​മി​യി​ലെ ന​ര​ക​സ​മാ​ന​മാ​യ അ​ഭ​യാ​ർ​ഥി ക്യാ​ന്പു​ക​ളി​ലെ​ത്തി​പ്പെ​ട്ടു.

ത​ട​വ​റ ക്യാ​ന്പ്

2019ൽ ​ക​ത്തി​ക്ക​രി​ഞ്ഞ ഒ​രു വെ​ടി​ക്കെ​ട്ടു പു​ര​യു​ടെ അ​വ​സ്ഥ​യി​ലാ​യി​രു​ന്നു സി​റി​യ. ജി​ഹാ​ദി​ക​ൾ അ​വ​ശേ​ഷി​പ്പി​ച്ചു​പോ​യ വി​ധ​വ​ക​ൾ, പി​ഞ്ചു​കു​ഞ്ഞു​ങ്ങ​ൾ, പ​രി​ക്കേ​റ്റും പ​ക​ർ​ച്ച​വ്യാ​ധി​ക​ൾ ബാ​ധി​ച്ചും മ​രി​ച്ചു​കൊ​ണ്ടി​രു​ന്ന പ​തി​നാ​യി​ര​ങ്ങ​ൾ എ​ല്ലാം സി​റി​യ-​ഇ​റാ​ക്ക് അ​തി​ർ​ത്തി​യി​ലെ മ​രു​പ്ര​ദേ​ശ​ത്ത് അ​ടി​ഞ്ഞു​കൂ​ടി. കു​ട്ടി​ക​ളാ​യി​രു​ന്നു കൂടുതൽ.

പ്രാഥമിക സൗകര്യങ്ങൾ പോലു മില്ലാതെ ത​ന്പു​ക​ളി​ൽ ത​ട​വു​കാ​രെ​പ്പോ​ലെ അ​വ​ർ ക​ഴി​ഞ്ഞു. മ​ര​ണ​ങ്ങ​ൾ ദി​നം​തോ​റും നടന്നിട്ടും അ​വ​ശേ​ഷി​ച്ച ജി​ഹാ​ദി​ക​ൾ ത​ങ്ങ​ളു​ടെ നി​യ​ന്ത്ര​ണം വി​ട്ടി​ല്ല. സ്വ​ന്ത രാ​ജ്യ​ങ്ങ​ൾ ഉ​പേ​ക്ഷി​ച്ചു പോ​ന്ന​വ​രു​ടെ കു​ടും​ബ​ങ്ങ​ളെ തി​രി​കെ എ​ടു​ക്കാ​നും പു​ന​ര​ധി​വ​സി​പ്പി​ക്കാ​നും ഒ​രു രാ​ജ്യ​വും മു​ന്നോ​ട്ടു വ​ന്ന​തു​മി​ല്ല. അ​ന്താ​രാ​ഷ്‌​ട്ര ഡി​പ്ലോ​മ​സി​യു​ടെ വൈ​ത​ര​ണി​ക​ൾ റെ​ഡ്ക്രോ​സ് പോ​ലു​ള്ള സം​ഘ​ട​ന​ക​ളെ​യും നി​ർ​വീ​ര്യ​മാ​ക്കി.

ക​ണ്ണു​നി​റ​ച്ച്

പ​ട്രീ​ഷ്യോ​യ്ക്ക് മ​ക​ളു​ടെ മ​ര​ണ​വും ബാ​ക്കി​യാ​യ ഏ​ഴു പി​ഞ്ചു കു​ഞ്ഞു​ങ്ങ​ളും ന​ൽ​കി​യ ഹൃ​ദ​യ​ഭാ​രം ചെ​റു​ത​ല്ല. ത​ന്‍റെ പേ​ര​ക്കു​ട്ടി​ക​ളെ ര​ക്ഷി​ച്ചു നാ​ട്ടി​ലെ​ത്തി​ക്കാ​ൻ ക​ഴി​യു​മോ എ​ന്നാ​യി ആ​ലോ​ച​ന. ഇ​തി​നു​ള്ള സാ​ഹ​സ​യാ​ത്ര​യു​ടെ ആ​ഖ്യാ​ന​മാ​ണ് തു​ട​ർ​ന്നു കാ​ണു​ന്ന​ത്. പ​ട്രീ​ഷ്യോ​യ്ക്കു സ​ഹാ​യി​യും ഒ​പ്പം ഈ ​യാ​ത്ര​യു​ടെ ച​ല​ച്ചി​ത്രാ​വി​ഷ്കാ​ര​ക​നു​മാ​യി ഗ്ലാ​ഡ​ർ​മു​ള്ള​റും കൂ​ടെ പോ​യി.

സ്വീ​ഡീ​ഷ് സ​ർ​ക്കാ​ർ ഈ ​ഉ​ത്ത​ര​വാ​ദിത്വം ഏ​റ്റെ​ടു​ക്കാ​ൻ ത​യാ​റ​ല്ലാ​യി​രു​ന്നു. ചി​ലി​യ​ൻ സ​ർ​ക്കാ​രും ഇ​തേ നി​ല​പാ​ടി​ൽ നി​ന്നു. എ​ങ്കി​ലും പ്ര​തീ​ക്ഷ കൈ​വി​ടാ​തെ അ​വ​ർ വീ​സ പോ​ലും ഇ​ല്ലാ​തെ ഇ​റാ​ക്ക് അ​തി​ർ​ത്തി​വ​ഴി സി​റി​യ​യി​ലെ അ​ൽ​ഹോ​ൾ അ​ഭ​യാ​ർ​ഥി ക്യാ​ന്പി​ലെ​ത്തി.

ക്യാ​ന്പി​ന്‍റെ പ​ലേ​ട​ങ്ങ​ളി​ലാ​യി ചി​ത​റി​പ്പോ​യ ത​ന്‍റെ പേ​ര​ക്കു​ട്ടി​ക​ളെ ക്ഷ​മ​യോ​ടെ തേ​ടി​പ്പി​ടി​ച്ചു പ​ട്രീ​ഷ്യോ ഒ​ന്നി​ച്ചാ​ക്കി. ഏ​റ്റ​വും ഇ​ള​യ ഒ​രു വ​യ​സു​കാ​ര​ൻ മു​ഹ​മ്മ​ദ് പ​ട്ടി​ണി​മൂ​ലം അ​ർ​ധ​പ്രാ​ണ​നാ​യി​രു​ന്നു. മ​ന​സു മ​ര​വി​പ്പി​ക്കു​ന്ന ദു​ര​ന്ത​കാ​ഴ്ച​ക​ളാ​ണ് ചു​റ്റും കാ​ണാ​നു​ള്ള​ത്. സി​റി​യ​ൻ സ​ർ​ക്കാ​രി​നും വി​ദേ​ശ സ​ർ​ക്കാ​രു​ക​ൾ​ക്കും അ​നാ​ഥ​രാ​ക്ക​പ്പെ​ട്ട പ​തി​നാ​യി​ര​ക്ക​ണ​ക്കി​നു അ​ഭ​യാ​ർ​ഥി​ക്കു​ഞ്ഞു​ങ്ങ​ൾ ’ശ​ത്രു​വി​ന്‍റെ’ മ​ക്ക​ളാ​ണ്.

എ​ന്താ​യാ​ലും ഒ​രു മ​നു​ഷ്യ​ന്‍റെ നി​ശ്ച​യ​ദാ​ർ​ഢ്യ​വും കു​ടും​ബ​സ്നേ​ഹ​വും അ​തി​നെ​യെ​ല്ലാം അ​തി​ജീ​വി​ക്കു​ന്ന കാ​ഴ്ച നാം ​കാ​ണു​ന്നു. നാ​ട്ടി​ലേ​ക്കു കു​ഞ്ഞു​ങ്ങ​ളു​മാ​യി മ​ട​ങ്ങി എ​ത്തി​യ പ​ട്രീ​ഷ്യോ​യു​ടെ പ്ര​വ​ർ​ത്ത​ന​ത്തെ അ​ഭി​ന​ന്ദി​ക്കാ​ൻ ഏ​റെ നാ​ട്ടു​കാ​രൊ​ന്നും ഉ​ണ്ടാ​യി​രു​ന്നി​ല്ല. നി​ല​വി​ലു​ള്ള നി​യ​മ​മ​നു​സ​രി​ച്ചു കു​ട്ടി​ക​ളു​ടെ സം​ര​ക്ഷ​ണം പ​ട്രീ​ഷ്യോ​യ്ക്കു കി​ട്ടി​യ​തു​മി​ല്ല. അ​യാ​ൾ കാ​ത്തി​രി​ക്കു​ക​യാ​ണ് ത​ന്‍റെ കൊ​ച്ചു​മ​ക്ക​ളെ ഒ​ന്നി​ച്ചു ചേ​ർ​ത്തു ത​ന്‍റെ കു​ടും​ബ​മാ​ക്കാ​ൻ.

ജി​ജി ജോ​സ​ഫ് കൂ​ട്ടു​മ്മേ​ൽ


Copyright @ 2022 , Rashtra Deepika Ltd.