എ​ന്‍​ജി​നി​യ​റിം​ഗി​ന്‍റെ സം​ഗീ​തം!
സം​ഗീ​ത​രം​ഗ​ത്ത് ഒ​ട്ടേ​റെ എ​ന്‍​ജി​നി​യ​ര്‍​മാ​രു​ണ്ട്. പ​റ​യു​ന്ന​ത് സൗ​ണ്ട് എ​ന്‍​ജി​നി​യ​ര്‍​മാ​രെ​ക്കു​റി​ച്ച​ല്ല, പാ​ടു​ന്ന, ഈ​ണ​മൊ​രു​ക്കു​ന്ന, ഉ​പ​ക​ര​ണ​ങ്ങ​ള്‍ വാ​യി​ക്കു​ന്ന​വ​രെ​ക്കു​റി​ച്ചാ​ണ്. എ​ന്താ​ണ് എ​ന്‍​ജി​നി​യ​റിം​ഗും ശാ​സ്ത്രീ​യ സം​ഗീ​ത​വും ത​മ്മി​ലു​ള്ള ബ​ന്ധം? ഒ​ട്ടേ​റെ സ​മാ​ന​ത​ക​ളും അ​ത്ര​ത​ന്നെ വ്യ​ത്യ​സ്ത​ത​ക​ളു​മു​ണ്ട് ര​ണ്ടി​നും ത​മ്മി​ല്‍. ഇ​താ, ഒ​രു എ​ന്‍​ജി​നി​യ​റിം​ഗ് അ​ധ്യാ​പ​ക​നാ​യ വ​യ​ലി​നി​സ്റ്റ്...

തൃ​ശൂ​ര്‍ പൂ​ര​ത്തി​ന്‍റെ തി​രു​വ​മ്പാ​ടി വി​ഭാ​ഗം ന​ട​ത്തി​പ്പു​കാ​രി​ല്‍ പ്ര​ധാ​നി​യാ​യി​രു​ന്നു പൂ​ങ്കു​ന്ന​ത്തെ മ​ണി മേ​നോ​ന്‍ എ​ന്ന​റി​യ​പ്പെ​ട്ട എ​ന്‍. വേ​ലാ​യു​ധ​മേ​നോ​ന്‍. ന​ഗ​ര​ത്തി​ന്‍റെ സാം​സ്‌​കാ​രി​ക രം​ഗ​ത്തു നി​റ​ഞ്ഞു​നി​ന്ന വ്യ​ക്തി​ത്വം. സം​ഗീ​ത​ത്തോ​ടും മ​റ്റു ക​ല​ക​ളോ​ടും അ​തീ​വ താ​ത്പ​ര്യം. ചെ​ണ്ട​യി​ല്‍ അ​വ​ഗാ​ഹം. വ​യ​ലി​നോ​ട് അ​ല്പം ഇ​ഷ്ട​ക്കൂ​ടു​ത​ല്‍ ഉ​ണ്ടാ​യി​രു​ന്നെ​ങ്കി​ലും പ​ഠി​ക്കാ​ന്‍ മ​ണി മേ​നോ​നു സാ​ധി​ച്ചി​ല്ല. അ​ങ്ങ​നെ​യാ​ണ് ഒ​മ്പ​തു വ​യ​സു​കാ​ര​നാ​യ മ​ക​ന്‍ ര​തീ​ഷ് മേ​നോ​നെ വ​യ​ലി​ന്‍ വി​ദ്വാ​ന്‍ ചേ​ര്‍​ത്ത​ല സ​ത്യ​മൂ​ര്‍​ത്തി​യു​ടെ അ​ടു​ത്തെ​ത്തി​ക്കു​ന്ന​ത്.

മ​ക​നെ വ​യ​ലി​ന്‍ പ​ഠി​ക്കാ​ന്‍​വി​ട്ടു വെ​റു​തെ​യി​രു​ന്നി​ല്ല മ​ണി മേ​നോ​ന്‍. നി​ര്‍​ബ​ന്ധി​ച്ചു പ്രാ​ക്ടീ​സ് ചെ​യ്യി​ച്ചു. തു​ട​ക്ക​ത്തി​ല്‍ മ​ടി​യു​ണ്ടാ​യി​രു​ന്നെ​ങ്കി​ലും ക്ര​മേ​ണ അ​വ​നു വ​യ​ലി​ന്‍ ഇ​ഷ്ട​മാ​യി. അ​ച്ഛ​ന്‍റെ നി​ര്‍​ബ​ന്ധ​മി​ല്ലാ​തെ​ത​ന്നെ പ്രാ​ക്ടീ​സ് തു​ട​ങ്ങി. തൃ​ശൂ​ര്‍ രാ​ധ ടീ​ച്ച​ര്‍, ഗു​രു​വാ​യൂ​ര്‍ നാ​രാ​യ​ണ​ന്‍ തു​ട​ങ്ങി​യ​വ​രു​ടെ കീ​ഴി​ല്‍ പ​ഠ​നം തു​ട​ര്‍​ന്നു. വ​ലി​യ ശി​ഷ്യ​സ​മ്പ​ത്തി​ന് ഉ​ട​മ​യാ​യ നെ​ടു​മ​ങ്ങാ​ട് ശി​വാ​ന​ന്ദ​ന്‍റെ ശി​ഷ്യ​നാ​യി പി​ന്നീ​ട്. അ​ദ്ദേ​ഹ​ത്തി​ന്‍റെ ബാ​ണി പി​ന്തു​ട​ര്‍​ന്ന് ഒ​ട്ടേ​റെ ക​ച്ചേ​രി​ക​ളി​ലും സോ​ളോ പ്ര​ക​ട​ന​ങ്ങ​ളി​ലും ക​ഴി​വു തെ​ളി​യി​ച്ച ര​തീ​ഷ് ഇ​പ്പോ​ള്‍ ഡോ. ​ര​തീ​ഷ് മേ​നോ​നാ​ണ്. എ​ന്‍​ജി​നി​യ​ര്‍ വ​യ​ലി​നി​സ്റ്റ്!

എ​ന്‍​ജി​നി​യ​റിം​ഗും സം​ഗീ​ത​വും

പ​ത്താം ക്ലാ​സ് ക​ഴി​ഞ്ഞ​പ്പോ​ൾ മു​ത​ല്‍ ര​തീ​ഷ് ക​ച്ചേ​രി​ക​ള്‍​ക്കു വാ​യി​ച്ചു​തു​ട​ങ്ങി. എ​ന്‍​ജി​നി​യ​റിം​ഗ് പ​ഠ​ന​കാ​ല​ത്തും തു​ട​ര്‍​ന്നു. തു​ട​ര്‍​പ​ഠ​ന​ങ്ങ​ള്‍​ക്കു വി​ദേ​ശ രാ​ജ്യ​ങ്ങ​ളി​ലാ​യി​രു​ന്ന​പ്പോ​ഴും വ​യ​ലി​ന്‍ കൂ​ട്ടു​ണ്ടാ​യി​രു​ന്നു. ഇ​പ്പോ​ള്‍ ക​ച്ചേ​രി​ക​ളും സോ​ളോ​ക​ളും ലൈ​വ് ഡെ​മോ​ണ്‍​സ്‌​ട്രേ​ഷ​നു​ക​ളു​മാ​യി സം​ഗീ​തം സ​ജീ​വം.

എ​ന്‍​ജി​നി​യ​റിം​ഗും ക്ലാ​സി​ക്ക​ല്‍ മ്യൂ​സി​ക്കും ത​മ്മി​ലു​ള്ള സാ​മ്യ​ങ്ങ​ളും വ്യ​ത്യ​സ്ത​ത​ക​ളും ഒ​രു​പോ​ലെ ഇ​ഷ്ട​പ്പെ​ടു​ന്നു എ​ന്‍​ജി​നീ​യ​റിം​ഗ് കോ​ള​ജ് അ​ധ്യാ​പ​ക​നാ​യ ഡോ. ​ര​തീ​ഷ് മേ​നോ​ന്‍. ര​ണ്ടും സ​ര്‍​ഗാ​ത്മ​ക​മാ​ണെ​ന്നു പ​റ​യാം. ന​വീ​ക​ര​ണ​ത്തി​നും ശു​ദ്ധീ​ക​ര​ണ​ത്തി​നും ര​ണ്ടി​ലും സാ​ധ്യ​ത​ക​ളു​ണ്ട്. പാ​റ്റേ​ണു​ക​ള്‍ വ്യാ​ഖ്യാ​നി​ച്ചെ​ടു​ക്കാം.

അ​തേ​സ​മ​യം എ​ന്‍​ജി​നി​യ​റിം​ഗ് ഓ​ബ്ജ​ക്ടീ​വും സം​ഗീ​തം സ​ബ്ജ​ക്ടീ​വു​മാ​ണ്. ശ്രോ​താ​ക്ക​ള്‍ സം​ഗീ​തം സ്വീ​ക​രി​ക്കു​ന്ന രീ​തി​യും കൗ​തു​ക​ക​ര​മാ​ണ്. ചി​ല​ര്‍​ക്കു ചി​ല​രു​ടെ പാ​ട്ടു​ക​ള്‍ ഇ​ഷ്ട​മാ​കു​ന്ന​തി​ന്‍റെ കാ​ര​ണം അ​താ​ണ​ല്ലോ. സാ​ങ്കേ​തി​ക​മാ​യി പ​റ​ഞ്ഞാ​ല്‍ ഇ​തു ര​ണ്ടും മ​നു​ഷ്യ​മ​സ്തി​ഷ്‌​ക​ത്തി​ന്‍റെ ര​ണ്ടു ഭാ​ഗ​ങ്ങ​ളി​ലാ​ണ് കൈ​കാ​ര്യം ചെ​യ്യ​പ്പെ​ടു​ന്ന​ത് - എ​ന്‍​ജി​നി​യ​റിം​ഗ് ഇ​ട​തു​വ​ശ​ത്തും ക​ല​ക​ള്‍ വ​ല​തു​വ​ശ​ത്തും - ര​തീ​ഷ് മേ​നോ​ന്‍ പ​റ​യു​ന്നു.

പു​തു​ത​ല​മു​റ​യ്‌​ക്കൊ​പ്പം

കോ​ള​ജു​ക​ളി​ല​ട​ക്കം ഒ​ട്ടേ​റെ ലൈ​വ് പ്രോ​ഗ്രാ​മു​ക​ള്‍ ഡോ. ​ര​തീ​ഷ് മേ​നോ​ന്‍ ചെ​യ്യു​ന്നു​ണ്ട്. ശാ​സ്ത്രീ​യ സം​ഗീ​ത​ത്തെ പു​തു​ത​ല​മു​റ സ​ഹ​ര്‍​ഷം സ്വീ​ക​രി​ക്കു​ന്നു​വെ​ന്ന​താ​ണ് അ​നു​ഭ​വം. ഒ​ട്ടൊ​ന്നു ല​ഘൂ​ക​രി​ച്ച് ഫ്യൂ​ഷ​ന്‍ രീ​തി​യി​ലും ന്യൂ​ജെ​ന്‍ ട്രെ​ന്‍​ഡി​ലു​മാ​കും മി​ക്ക​പ്പോ​ഴും അ​വ​ത​ര​ണം. ഓ​ഡി​യ​ന്‍​സി​ന്‍റെ പ്ര​തി​ക​ര​ണ​ങ്ങ​ള്‍ അ​റി​ഞ്ഞാ​വും അ​ടു​ത്ത​തെ​ന്ത് എ​ന്നു തീ​രു​മാ​നി​ക്കു​ക.

ഈ ​മേ​ഖ​ല​യി​ല്‍ വ​രാ​ന്‍ ആ​ഗ്ര​ഹി​ക്കു​ന്ന​വ​ര്‍​ക്ക് ഇ​ന്നു ധാ​രാ​ളം അ​വ​സ​ര​ങ്ങ​ളു​ണ്ട്. സോ​ഷ്യ​ല്‍ മീ​ഡി​യ വ​ഴി ലോ​ക​ത്തെ​ങ്ങു​മു​ള്ള ശ്രോ​താ​ക്ക​ളി​ലേ​ക്ക് എ​ത്താം. വാ​ഷിം​ഗ്ട​ണ്‍ യൂ​ണി​വേ​ഴ്‌​സി​റ്റി​യി​ല്‍ പ​ഠ​ന​പ​ര്യ​ട​ന​കാ​ല​ത്തു വെ​സ്റ്റേ​ണ്‍ ടെ​ക്‌​നി​ക്കു​ക​ള്‍ അ​ടു​ത്ത​റി​യാ​നാ​യി. ന​മ്മു​ടെ രീ​തി​ക​ള്‍ അ​വി​ടെ​യു​ള്ള​വ​ര്‍ വ​ലി​യ താ​ത്പ​ര്യ​ത്തോ​ടെ​യാ​ണ് ശ്ര​ദ്ധി​ക്കു​ന്ന​തും.

ക​വ​ര്‍ പ​തി​പ്പു​ക​ള്‍​ക്കും പു​തി​യ ത​ല​മു​റ​യി​ല്‍ ആ​രാ​ധ​ക​രേ​റെ​യു​ണ്ട്. ഇം​പ്രൊ​വൈ​സ് ചെ​യ്യു​ക എ​ന്ന​ത് പാ​ട്ടു​കാ​ര​ന്‍റെ സ്വാ​ത​ന്ത്ര്യ​മാ​യി കാ​ണ​ണം. സം​ഗീ​ത​ത്തെ കെ​ട്ടി​പ്പൂ​ട്ടി വ​യ്ക്കാ​നാ​വി​ല്ല. കൃ​തി​ക​ള്‍​ക്കും പാ​ട്ടു​ക​ള്‍​ക്കും കാ​ലാ​ന്ത​ര​ത്തി​ല്‍ വ​രു​ന്ന മാ​റ്റ​ങ്ങ​ളാ​ണ് അ​തി​ന്‍റെ സൗ​ന്ദ​ര്യം.

ക​ര്‍​ണാ​ട​ക സം​ഗീ​തം​ത​ന്നെ​യാ​ണ് ര​തീ​ഷ് മേ​നോ​ന്‍റെ ഇ​ഷ്ട​സം​ഗീ​ത​ധാ​ര. മ​ഹാ​രാ​ജ​പു​രം സ​ന്താ​ന​ത്തെ​യും മ​ധു​രൈ മ​ണി അ​യ്യ​രെ​യും ഇ​ഷ്ടം. ലാ​ല്‍​ഗു​ഡി ജ​യ​റാം, ടി.​എ​ന്‍. കൃ​ഷ്ണ​ന്‍, എം.​എ​സ്. ഗോ​പാ​ല​കൃ​ഷ്ണ​ന്‍, ഡോ.​എ​ല്‍. സു​ബ്ര​ഹ്മ​ണ്യം എ​ന്നി​വ​രു​ടെ വാ​യ​നാ​രീ​തി​ക​ളാ​ണ് വ​യ​ലി​നി​ല്‍ താ​ത്പ​ര്യം. ഒ​പ്പം യാ​നി, ഹാ​ന്‍​സ് സി​മ്മ​ര്‍ എ​ന്നി​വ​രു​ടെ സം​ഗീ​ത്തോ​ടും ആ​രാ​ധ​ന.

ക​റു​കു​റ്റി എ​സ്‌​സി​എം​എ​സ് സ്‌​കൂ​ള്‍ ഓ​ഫ് എ​ന്‍​ജി​നി​യ​റിം​ഗ് ആ​ന്‍​ഡ് ടെ​ക്‌​നോ​ള​ജി സി​വി​ല്‍ വി​ഭാ​ഗം പ്ര​ഫ​സ​റും വ​കു​പ്പു ത​ല​വ​നു​മാ​ണ് ഡോ. ​ര​തീ​ഷ് മേ​നോ​ന്‍. ഭാ​ര്യ വി​നീ​ത ആ​ര്‍​ക്കി​ടെ​ക്ടും അ​ധ്യാ​പി​ക​യു​മാ​ണ്. അ​ഞ്ചാം ക്ലാ​സ് വി​ദ്യാ​ര്‍​ഥി പ്ര​ണ​വും യു​കെ​ജി വി​ദ്യാ​ര്‍​ഥി​നി പ​ല്ല​വി​യും മ​ക്ക​ള്‍. വാ​യ്പ്പാ​ട്ട്, വ​യ​ലി​ന്‍, പി​യാ​നോ എ​ന്നി​വ​യി​ലൂ​ടെ സം​ഗീ​ത​ത്തി​ന്‍റെ പാ​ത​യി​ല്‍​ത്ത​ന്നെ​യാ​ണ് പ്ര​ണ​വ്.

സം​ഗീ​തം മാ​ത്ര​മാ​യി​രു​ന്നെ​ങ്കി​ല്‍?

സം​ഗീ​തം മാ​ത്രം ജീ​വി​തോ​പാ​ധി​യാ​ക്കി​യാ​ലും ഇ​ന്ന​ത്തെ കാ​ല​ത്തു മു​ന്നോ​ട്ടു പോ​കാ​മെ​ന്നാ​ണ് ഡോ. ​ര​തീ​ഷ് മേ​നോ​ന്‍റെ അ​ഭി​പ്രാ​യം. എ​ന്നാ​ല്‍, സ്വ​ന്തം താ​ത്പ​ര്യം അ​നു​സ​രി​ച്ചു പ്രോ​ഗ്രാ​മു​ക​ള്‍ തെ​ര​ഞ്ഞെ​ടു​ക്കാ​നാ​വി​ല്ല. മ​റ്റു സ്ഥി​ര​വ​രു​മാ​നം ഉ​ണ്ടാ​യാ​ലേ അ​തി​നു​ള്ള സ്വാ​ത​ന്ത്ര്യ​മു​ണ്ടാ​കൂ.. ശ​രി​യാ​ണ്, സം​ഗീ​ത​ത്തി​നു ചി​റ​കു​ക​ള്‍ ഉ​ണ്ടാ​ക​ണം.

ഹ​രി​പ്ര​സാ​ദ്‌


Copyright @ 2022 , Rashtra Deepika Ltd.