ഏ​തു വി​ധേ​നെ​യും വീ​ട്ടി​ലെ​ത്താ​നു​ള്ള വ്യ​ഗ്ര​ത​യി​ൽ ലൂ​വീ​സും റോ​സി​യും ട്ര​ക്കി​ൽ ക​യ​റി. പി​റ​കി​ലാ​ണ് അ​വ​രെ ക​യ​റ്റി​യ​ത്. ഒ​ഴി​ഞ്ഞ കോ​ണി​ൽ അ​വ​ർ ഒ​തു​ങ്ങി​ക്കൂ​ടി. തോ​മ​സു പൗ​ലോ​സും സം​തൃ​പ്തി​യോ​ടെ നോ​ക്കി​നി​ൽ​ക്കെ ട്ര​ക്ക് ചാ​ല​ക്കു​ടി വി​ട്ടു. എ​ന്നാ​ൽ, പി​ന്നീ​ട് സം​ഭ​വി​ച്ച​ത്...

എ​ന്‍റെ ബാ​ല്യ​ത്തി​ലെ ഏ​റ്റ​വും വേ​ദ​നാ​ജ​ന​ക​മാ​യ ഒ​ര​നു​ഭ​വ​ത്തെ​പ്പ​റ്റി​യാ​ണ് ഇ​വി​ടെ കു​റി​ക്കു​ന്ന​ത്. ഹൃ​ദ​യ​ത്തി​ൽ സൂ​ചി​മു​ന​കൊ​ണ്ട് കോ​റി​യി​ട്ട​പോ​ലെ​യു​ള്ള ഒ​ര​നു​ഭ​വം. സം​ഭ​വം ന​ട​ക്കു​ന്ന​ത് ര​ണ്ടാം ലോ​ക​മ​ഹാ​യു​ദ്ധ കാ​ല​ത്തി​ന്‍റെ അ​ന്ത്യ​ത്തി​ൽ, അ​താ​യ​ത് 1945ൽ.

​ഞ​ങ്ങ​ൾ വാ​ട​ക​യ്ക്കു താ​മ​സി​ച്ചി​രു​ന്ന വീ​ട്ടി​ൽ​നി​ന്നു കൈ​കൊ​ട്ടി​യാ​ൽ കേ​ൾ​ക്കു​ന്ന ദൂ​ര​ത്താ​ണ് തൃ​ശൂ​ർ ക​ത്തോ​ലി​ക്കാ ബി​ഷ​പ്പി​ന്‍റെ അ​ര​മ​ന. അ​വി​ട​ത്തെ മു​ഖ്യ പാ​ച​ക​ക്കാ​ര​നാ​ണ് യു​വാ​വാ​യ ലൂ​വീ​സ്. അ​യാ​ളെ ഞാ​ൻ പ​ല​പ്പോ​ഴും ക​ണ്ടി​ട്ടു​ണ്ട്. സം​സാ​രി​ച്ചി​ട്ടു​ണ്ട്. പ​ര​മ സാ​ധു​വും വി​ന​യ​സ​ന്പ​ന്ന​നും.

എ​ന്‍റെ മ​ങ്ങി​പ്പോ​യ ഓ​ർ​മ​ക​ൾ​ക്കു തെ​ളി​ച്ചം കി​ട്ടാ​നും സം​ഭ​വ​ങ്ങ​ൾ​ക്കു വി​ശ്വാ​സ്യ​ത ക​വ​രാ​നും വി​ട്ടു​നി​ൽ​ക്കു​ന്ന ചി​ല ക​ണ്ണി​ക​ളെ കൂ​ട്ടി​യോ​ജി​പ്പി​ക്കാ​നും​വേ​ണ്ടി ലൂ​വീ​സു​മാ​യി ബ​ന്ധ​പ്പെ​ട്ട പ്രാ​യ​മാ​യ ചി​ല വ്യ​ക്തി​ക​ളെ കു​റ​ച്ചു​കാ​ലം മു​ന്പ് ഞാ​ൻ തേ​ടി​പ്പി​ടി​ച്ചു ക​ണ്ടി​രു​ന്നു.

ലൂ​വീ​സി​ന്‍റെ കു​ടും​ബം

ലൂ​വീ​സ് ആ​രോ​ഗ്യ​വാ​നാ​ണെ​ങ്കി​ലും കാ​ഴ്ച​യ്ക്ക് അ​ത്ര സു​ന്ദ​ര​ന​ല്ല. എ​ന്നാ​ൽ, ലൂ​വീ​സി​ന്‍റെ ഭാ​ര്യ റോ​സി കാ​ണാ​ൻ ന​ല്ല സു​ന്ദ​രി. അ​ന്ന് അ​വ​ൾ​ക്ക് ഇ​രു​പ​ത്തി​നാ​ല് വ​യ​സ്. താ​രു​ണ്യം ത​ഴ​ച്ചു​നി​ല്ക്കു​ന്ന പ്രാ​യം. അ​വ​ർ​ക്കു മൂ​ന്ന​ര​യും ഒ​ന്ന​ര​യും വ​യ​സു​ള്ള ര​ണ്ട് ആ​ൺ​കു​ട്ടി​ക​ളു​ണ്ട്. റോ​സി​യു​ടെ സൗ​ന്ദ​ര്യം ലൂ​വീ​സി​ൽ സ​ന്തോ​ഷ​ത്തേ​ക്കാ​ൾ കൂ​ടു​ത​ൽ സ്വ​സ്ഥ​ത​ക്കു​റ​വാ​ണു​ണ്ടാ​ക്കി​യ​ത്. അ​കാ​ര​ണ​മാ​യി റോ​സി​യെ സം​ശ​യി​ക്കാ​ൻ തു​ട​ങ്ങി. അ​തു വ​ള​ർ​ന്നു ലൂ​വീ​സ് ഒ​രു സം​ശ​യ​രോ​ഗി​യു​ടെ മ​ട്ടി​ലാ​യി. മ​ന​സു നീ​റി​യ റോ​സി ക​ണ്ണീ​രും പ്രാ​ർ​ഥ​ന​യും നേ​ർ​ച്ച​യു​മാ​യി നാ​ളു​ക​ൾ നീ​ക്കി.

ചാ​ല​ക്കു​ടി​യി​ൽ​നി​ന്നു കു​റെ ദൂ​രെ കോ​ട​ശേ​രി​ക്ക​ടു​ത്തു ക​ന​ക​മ​ല​യി​ൽ കു​രി​ശു​മു​ത്ത​പ്പ​ന്‍റെ പേ​രി​ൽ തീ​ർ​ഥ​കേ​ന്ദ്ര​മു​ണ്ട്. അ​ന്ന് അ​ത് ആ​രം​ഭി​ച്ചി​ട്ട് അ​ധി​കം കാ​ല​മാ​യി​ല്ല. അ​വി​ട​ത്തെ പ​ള്ളി​യി​ൽ അ​ദ്ഭു​ത പ്ര​വ​ർ​ത്ത​ക​നാ​യ അ​ന്തോ​നീ​സ് പു​ണ്യ​വാ​ള​ന്‍റെ നൊ​വേ​ന​യു​ണ്ടെ​ന്നും രോ​ഗ​ശാ​ന്തി ല​ഭി​ക്കു​മെ​ന്നും ആ​രോ പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ൽ 14 ദി​വ​സ​ത്തെ നോ​ന്പെ​ടു​ത്തും നേ​ർ​ച്ച നേ​ർ​ന്നും ലൂ​വീ​സും റോ​സി​യും ഒ​രു ദി​വ​സം ഉ​ച്ച​യ്ക്കു​ശേ​ഷം ക​ന​ക​മ​ല​യി​ലേ​ക്കു പോ​യി.

ഇ​ന്ന​ത്തെ​പ്പോ​ലെ യാ​ത്രാ​സൗ​ക​ര്യ​ങ്ങ​ളി​ല്ലാ​ത്ത കാ​ലം. പ്രാ​ർ​ഥ​ന​യും വ​ഴി​പാ​ടും ക​ഴി​ച്ച​ശേ​ഷം അ​വ​ർ തി​രി​ച്ചു​പോ​ന്ന​പ്പോ​ൾ സ​മ​യം വൈ​കി. ക​ന​ക​മ​ല​യി​ൽ​നി​ന്നു എ​ട്ടൊ​ന്പ​തു നാ​ഴി​ക ന​ട​ന്നാ​ണ് അ​വ​ർ ചാ​ല​ക്കു​ടി സെ​ന്‍റ​റി​ൽ എ​ത്തി​യ​ത്. അ​പ്പോ​ഴേ​യ്ക്കും സ​മ​യം രാ​ത്രി ഏ​ഴ​ര​യാ​യി. തൃ​ശൂ​ർ​ക്കു​ള്ള ലാ​സ്റ്റ് ബ​സ് പോ​യി​ക്ക​ഴി​ഞ്ഞു. രാ​ത്രി​യാ​യാ​ൽ അ​ക്കാ​ല​ത്തു ബ​സ് സ​ർ​വീ​സു​ക​ളി​ല്ല.

ആ ​ലോ​റി​യി​ൽ

ലൂ​വീ​സും റോ​സി​യും അ​വി​ട​ത്തെ പെ​ട്രോ​ൾ പ​ന്പി​ൽ ക​യ​റി​നി​ന്നു. എ​ങ്ങ​നെ വീ​ട്ടി​ലെ​ത്തു​മെ​ന്ന വേ​വ​ലാ​തി​യോ​ടെ അ​വ​ർ വി​ഷ​മി​ച്ചു​നി​ൽ​ക്കു​ന്പോ​ൾ തൃ​ശൂ​ർ സെ​ൻ​ട്ര​ൽ ഹോ​ട്ട​ലു​ട​മ​യാ​യ വി​ല്യം​സ് സാ​യി​പ്പി​ന്‍റെ ലോ​റി ഓ​ടി​ക്കു​ന്ന തോ​മ​സും ക്ലീ​ന​ർ പൗ​ലോ​സും പെ​ട്രോ​ള​ടി​ക്കാ​നാ​യി അ​വി​ടെ​യെ​ത്തി. അ​വ​ർ ചാ​ല​ക്കു​ടി​യി​ലാ​ണ് താ​മ​സം. ലൂ​വീ​സി​നെ അ​വ​ർ​ക്കു നേ​ര​ത്തേ പ​രി​ച​യ​മു​ണ്ട്. അ​തു​കൊ​ണ്ട് തോ​മ​സും പൗ​ലോ​സും അ​വ​ർ വാ​ട​ക​യ്ക്കു താ​മ​സി​ക്കു​ന്നി​ട​ത്തേ​ക്കു ദ​ന്പ​തി​ക​ളെ ക്ഷ​ണി​ച്ചു.

""നി​ങ്ങ​ൾ ര​ണ്ടു​പേ​രും ഇ​ന്നു രാ​ത്രി ഞ​ങ്ങ​ളു​ടെ വീ​ട്ടി​ൽ കൂ​ടി​ക്കോ, ഞ​ങ്ങ​ളു ര​ണ്ടു​പേ​രും ഉ​മ്മ​റ​ത്തു കി​ട​ന്നോ​ളാം.''

പ​ക്ഷേ, റോ​സി സ​മ്മ​തി​ച്ചി​ല്ല, ഒ​ന്ന​ര വ​യ​സു​ള്ള മു​ല​കു​ടി​ക്കു​ന്ന കു​ഞ്ഞി​നെ അ​മ്മ​യു​ടെ അ​ടു​ത്താ​ക്കി​യി​ട്ടാ​ണ് പോ​ന്നി​ട്ടു​ള്ള​ത്. രാ​ത്രി​ത​ന്നെ വീ​ട്ടി​ലെ​ത്ത​ണം. ഒ​ല്ലൂ​രാ​ണ് ലൂ​വീ​സി​ന്‍റെ വീ​ട്.

സ​ഹ​താ​പം തോ​ന്നി​യ തോ​മ​സും പൗ​ലോ​സും വേ​റെ ഏ​തെ​ങ്കി​ലും വ​ണ്ടി​യി​ൽ ഇ​രു​വ​രെ​യും ക​യ​റ്റി​വി​ടാ​ൻ വേ​ണ്ടി കു​റെ നേ​രം കാ​ത്തു​നി​ന്നു. ആ ​സ​മ​യ​ത്ത് ഒ​രു മി​ലി​ട്ട​റി ട്ര​ക്ക് പെ​ട്രോ​ള​ടി​ക്കാ​നാ​യി അ​വി​ടെ​യെ​ത്തി. കൊ​ച്ചി​യി​ൽ​നി​ന്നു കോ​യ​ന്പ​ത്തൂ​ർ​ക്കു പോ​കു​ന്ന വ​ണ്ടി​യാ​ണ്. അ​തി​ന്‍റെ ഡ്രൈ​വ​ർ മ​ല​യാ​ളി​യാ​ണെ​ന്ന​റി​ഞ്ഞ​പ്പോ​ൾ സ​ന്തോ​ഷ​മാ​യി.

തോ​മ​സും പൗ​ലോ​സും ആ​വ​ശ്യം പ​റ​ഞ്ഞു. ഡ്രൈ​വ​ർ സ​മ്മ​തി​ച്ചു. ട്ര​ക്കി​ൽ മ​ല​യാ​ളി​ക​ള​ല്ലാ​ത്ത അ​ഞ്ചെ​ട്ടു മി​ലി​ട്ട​റി​ക്കാ​ർ വേ​റെ​യു​ണ്ട്. ഏ​തു വി​ധേ​നെ​യും വീ​ട്ടി​ലെ​ത്താ​നു​ള്ള വ്യ​ഗ്ര​ത​യി​ൽ ലൂ​വീ​സും റോ​സി​യും ട്ര​ക്കി​ൽ ക​യ​റി. പി​റ​കി​ലാ​ണ് അ​വ​രെ ക​യ​റ്റി​യ​ത്. ഒ​ഴി​ഞ്ഞ കോ​ണി​ൽ അ​വ​ർ ഒ​തു​ങ്ങി​ക്കൂ​ടി. തോ​മ​സു പൗ​ലോ​സും സം​തൃ​പ്തി​യോ​ടെ നോ​ക്കി​നി​ൽ​ക്കെ ട്ര​ക്ക് ചാ​ല​ക്കു​ടി വി​ട്ടു.

ഇ​രു​ട്ടി​ലെ ക്രൂ​ര​ത

കു​റ​ച്ചു ദൂ​രം ചെ​ന്ന​പ്പോ​ൾ വി​ജ​ന​മാ​യ ഒ​രു സ്ഥ​ല​ത്തു വ​ണ്ടി നി​ർ​ത്താ​ൻ മി​ല​ട്ട​റി​ക്കാ​ർ ഡ്രൈ​വ​ർ​ക്കു നി​ർ​ദേ​ശം കൊ​ടു​ത്തു. ക​ണ്ണി​ൽ​കു​ത്തി​യാ​ൽ അ​റി​യാ​ത്ത കൂ​രി​രു​ട്ട്. ചി​ല​ർ താ​ഴെ​യി​റ​ങ്ങി. ബാ​റ്റ​റി​യി​ൽ​നി​ന്നു ക​ണ​ക്‌​ഷ​ൻ കൊ​ടു​ത്തു​കൊ​ണ്ടു​ള്ള പ്ല​ഗ് ലൈ​റ്റ​ടി​ച്ചു ചു​റ്റു​പാ​ടും നി​രീ​ക്ഷ​ണം ന​ട​ത്തി. എ​ന്നി​ട്ട് ലൂ​വീ​സി​നോ​ടു ഡ്രൈ​വ​റു​ടെ അ​ടു​ത്തു പോ​യി​രി​ക്കാ​ൻ പ​റ​ഞ്ഞു. വീ​ടെ​ത്തു​ന്പോ​ൾ അ​റി​യാ​നും സ്ഥ​ലം കൃ​ത്യ​മാ​യി ചൂ​ണ്ടി​ക്കാ​ണി​ക്കാ​നും അ​താ​ണ് സൗ​ക​ര്യ​മെ​ന്നു ഡ്രൈ​വ​റും പ​റ​ഞ്ഞു. വി​സ​മ്മ​തം പ്ര​ക​ടി​പ്പി​ച്ചെ​ങ്കി​ലും നി​ർ​ബ​ന്ധ​ത്തി​നു വ​ഴ​ങ്ങി ലൂ​വീ​സ് മു​ൻ സീ​റ്റി​ലേ​ക്കു പോ​ന്നു, പോ​കേ​ണ്ട​താ​യി വ​ന്നു.

പി​ന്നെ അ​വി​ടെ ന​ട​ന്ന​ത് ന​ര​ഭോ​ജി​ക​ളു​ടെ ഭീ​ഭ​ത്സ​വും ഭീ​ക​ര​വു​മാ​യ ചെ​യ്തി​ക​ളാ​യി​രു​ന്നു. റോ​സി​യു​ടെ ശ​ബ്ദം പു​റ​ത്തു​വ​ന്നി​ല്ല. അ​വ​ർ അ​വ​ളെ ബ​ല​മാ​യി കീ​ഴ്പ്പെ​ടു​ത്തി. ട്ര​ക്ക് ഓ​ടി​ക്കൊ​ണ്ടി​രി​ക്കു​ന്പോ​ഴും ചെ​ന്നാ​യ്ക്ക​ൾ ആ ​പാ​വ​ത്തി​നെ മാ​റി​മാ​റി ക​ടി​ച്ചു​കീ​റി. ക​ഴു​ക​ന്മാ​രു​ടെ പി​ടി​യി​ൽ​പ്പെ​ട്ട കി​ളി​ക്കു​ഞ്ഞി​ന്‍റെ അ​വ​സ്ഥ!

അ​വ​ൾ ര​ക്ത​ത്തി​ൽ കു​ളി​ച്ചു. കൂ​രി​രു​ട്ടി​ൽ ഒ​ന്നും ക​ണ്ടു​കൂ​ടാ. അ​വ​ളു​ടെ നാ​ഡീ​ഞ​ര​ന്പു​ക​ൾ ത​ള​ർ​ന്നു. ബോ​ധം മ​റ​ഞ്ഞു. ശ​രീ​ര​ത്തി​ന് അ​ന​ക്ക​മി​ല്ലാ​ത്ത സ്ഥി​തി. ശു​ദ്ധ​നാ​യ ലൂ​വീ​സ് ഇ​തൊ​ന്നു​മ​റി​യാ​തെ ആ​ശ​ങ്ക​യോ​ടെ മു​ൻ​സീ​റ്റി​ൽ ഇ​രി​ക്കു​ന്നു​ണ്ടാ​യി​രു​ന്നു.

""റോ​സി, റോ​സി'' എ​ന്ന ലൂ​വീ​സ് ഇ​ട​യ്ക്കി​ടെ വി​ളി​ച്ചെ​ങ്കി​ലും വ​ണ്ടി​യു​ടെ ഇ​ര​ന്പി​പ്പാ​ച്ചി​ലി​നി​ട​യി​ൽ ആ ​വി​ളി​ക​ൾ ല​യി​ച്ചു​പോ​യി.

മ​ര​ണ​വേ​ദ​ന

പ​ന്തി​കേ​ടു തോ​ന്നി​യ പ​ട്ടാ​ള​ക്കാ​ർ വ​ണ്ടി നി​ർ​ത്താ​ൻ നി​ർ​ദേ​ശം കൊ​ടു​ത്തു. വ​ണ്ടി നി​ന്നു. വേ​ഗം റോ​സി​യെ എ​ടു​ത്ത് വ​ഴി​യ​രി​കി​ൽ കി​ട​ത്തി. ഉ​ട​നെ ലൂ​വീ​സി​നോ​ട് ഇ​റ​ങ്ങാ​ൻ പ​റ​ഞ്ഞു. ലൂ​വീ​സ് വേ​ഗ​മി​റ​ങ്ങി.

""റോ​സീ എ​വി​ടെ''
""അ​താ അ​വി​ടെ​യു​ണ്ട്.'' ഇ​രു​ട്ടി​ലേ​ക്കു ചൂ​ണ്ടി​ക്കൊ​ണ്ട് അ​വ​ർ പ​റ​ഞ്ഞു.
നി​മി​ഷ​ങ്ങ​ൾ​ക്ക​കം ട്ര​ക്ക് കു​തി​ച്ചു​പാ​ഞ്ഞു.

ചു​റ്റും അ​ന്ധ​കാ​രം. ആ​കാ​ശ​ത്തി​ലെ ന​ക്ഷ​ത്ര​ങ്ങ​ളു​ടെ വെ​ളി​ച്ചം മാ​ത്രം. ആ​ള​ന​ക്ക​മി​ല്ലാ​ത്ത സ്ഥ​ലം. പ​രി​പൂ​ർ​ണ നി​ശ​ബ്ദ​ത. ""റോ​സീ!... റോ​സീ...'' എ​ന്നു വി​ളി​ച്ചു ലൂ​വീ​സ് സ​മീ​പി​ച്ച​പ്പോ​ൾ ക​ണ്ട കാ​ഴ്ച്ച! മു​റി​ച്ചി​ട്ട ത​ടി​പോ​ലെ അ​വ​ൾ കി​ട​ക്കു​ന്നു. നേ​രി​യ ഓ​ർ​മ​യു​ണ്ട്. ഉ​ടു​ത്ത വ​സ്ത്രം ര​ക്ത​ത്തി​ൽ കു​തി​ർ​ന്നി​രി​ക്കു​ന്നു. ച​ട്ട കീ​റി​പ്പ​റ​ഞ്ഞി​രി​ക്കു​ന്നു. ലൂ​വീ​സ് നെ​ഞ്ച​ത്ത​ടി​ച്ചു ക​ര​ഞ്ഞു.
അ​വ​ശ​യാ​യ റോ​സി​യു​ടെ ചു​ണ്ടു​ക​ൾ ച​ലി​ച്ചു.

""വെ​ള്ളം... വെ​ള്ളം....!''
വെ​ള്ള​ത്തി​ന് എ​വി​ടെ​പ്പോ​കും? ലൂ​വീ​സ് അ​വ​ളെ കോ​രി​യെ​ടു​ത്ത് ഏ​റ്റ​വും അ​ടു​ത്തു​ക​ണ്ട ഒ​രു പ്ര​മാ​ണി​യു​ടെ വീ​ട്ടി​ലേ​ക്കു ചെ​ന്നു. വി​തു​ന്പി​ക്ക​ര​ഞ്ഞു​കൊ​ണ്ട് വീ​ട്ടു​കാ​ര​നോ​ടു സ​ത്യാ​വ​സ്ഥ മു​ഴു​വ​ൻ പ​റ​ഞ്ഞു.

""പെ​ണ്ണി​നെ മി​ലി​ട്ട​റി​ക്കാ​ർ​ക്കു കൊ​ടു​ത്തി​ട്ട് നീ ​വ​ന്നി​രി​ക്കു​ക​യാ​ണോ​ടാ പ​ട്ടീ'' എ​ന്നാ​ക്രോ​ശി​ച്ചു കൊ​ണ്ട് ആ ​ദു​ഷ്ട​ൻ ലൂ​വീ​സി​ന്‍റെ ചെ​കി​ട്ട​ത്ത് ര​ണ്ടു പൊ​ട്ടി​ച്ചു.

(അ​ന്ന​ത്തെ ഹൃ​ദ​യ​ശൂ​ന്യ​നാ​യ ആ ​ക്രി​സ്ത്യ​ൻ പ്ര​മാ​ണി​യു​ടെ പേ​ര് എ​നി​ക്ക​റി​യാ​മെ​ങ്കി​ലും അ​യാ​ളു​ടെ പി​ൻ​ത​ല​മു​റ​ക്കാ​രെ വേ​ദ​നി​പ്പി​ക്കേ​ണ്ടെ​ന്നു ക​രു​തി വെ​ളി​പ്പെ​ടു​ത്തു​ന്നി​ല്ല.)

കു​റ്റ​വാ​ളി​ക​ൾ ര​ക്ഷ​പ്പെ​ടു​ന്നു

ഇ​നി​യെ​ന്തു വേ​ണ​മെ​ന്ന​റി​യാ​തെ വെ​ന്തെ​രി​യു​ന്ന മ​ന​സും ഒ​ഴു​കു​ന്ന ക​ണ്ണു​ക​ളു​മാ​യി ലൂ​വീ​സ് നി​സ​ഹാ​യ​നാ​യി നി​ൽ​ക്കു​ന്പോ​ൾ അ​താ തെ​ക്കു​നി​ന്ന് ഒ​രു കാ​ള​വ​ണ്ടി വ​രു​ന്നു. അ​ങ്ക​മാ​ലി​യി​ൽ​നി​ന്നു പോ​ർ​ക്കു​ക​ളെ ക​യ​റ്റി ഒ​ല്ലൂ​ർ​ക്കു കൊ​ണ്ടു​പോ​കു​ന്ന വ​ണ്ടി​യാ​ണ്.

ആ ​സ​മ​യ​ത്ത് ഇ​ങ്ങ​നെ ര​ണ്ടു​പേ​രെ ക​ണ്ട് അ​വ​ൻ വ​ണ്ടി നി​ർ​ത്തി. ഉ​ട​മ​സ്ഥ​ൻ ഇ​റ​ങ്ങി​വ​ന്നു. ത​ന്‍റെ പ​രി​ച​യ​ക്കാ​ര​നും ഒ​ല്ലൂ​ർ​ക്കാ​ര​നു​മാ​യ ലൂ​വീ​സി​നെ ക​ണ്ട് ഉ​ട​മ​സ്ഥ​ൻ അ​ന്പ​ര​ന്നു. അ​യാ​ൾ സ​ന്ദ​ർ​ഭ​ത്തി​ന്‍റെ ഗൗ​ര​വം മ​ന​സി​ലാ​ക്കി വേ​റൊ​ന്നും ചി​ന്തി​ച്ചി​ല്ല. കാ​ലു​ക​ൾ ബ​ന്ധി​ച്ച പോ​ർ​ക്കു​ക​ളെ വേ​ഗം താ​ഴെ​യി​റ​ക്കി. റോ​സി​യെ കാ​ള​വ​ണ്ടി​യി​ൽ ക​യ​റ്റി​ക്കി​ട​ത്തി. ഒ​പ്പം ലൂ​വീ​സും ക​യ​റി. ഉ​ട​മ​സ്ഥ​ൻ അ​വി​ടെ​ത്ത​ന്നെ നി​ന്നു. അ​യാ​ൾ വ​ണ്ടി​ക്കാ​ര​നു നി​ർ​ദേ​ശം കൊ​ടു​ത്തു. വ​ണ്ടി തൃ​ശൂ​ർ സി​വി​ൽ ആ​ശു​പ​ത്രി​യെ ല​ക്ഷ്യ​മാ​ക്കി നീ​ങ്ങി.

നേ​രം വെ​ളു​ക്കാ​റാ​യ​പ്പോ​ൾ കാ​ള​വ​ണ്ടി കു​ടു​ങ്ങി​ക്കു​ടു​ങ്ങി തൃ​ശൂ​രെ​ത്തി. അ​പ്പോ​ഴേ​യേ​ക്കും റോ​സി​യു​ടെ ബോ​ധം മ​റ​ഞ്ഞു. ഇ​തി​ന​കം ര​ക്തം കു​റെ​ക്കൂ​ടി വാ​ർ​ന്നു​പോ​യി​രു​ന്നു. റോ​സി​യെ ആ​ശു​പ​ത്രി​യി​ൽ അ​ഡ്മി​റ്റ് ചെ​യ്തു. ഉ​ട​നെ ലൂ​വീ​സ് ബി​ഷി​പ്പി​ന്‍റെ അ​ര​മ​ന​യി​ലേ​ക്കോ​ടി. വി​വ​ര​ങ്ങ​ൾ ധ​രി​പ്പി​ച്ചു.

അ​ര​മ​ന​യി​ൽ വ​സി​ക്കു​ന്ന സെ​ന്‍റ് തോ​മ​സ് കോ​ള​ജി​ന്‍റെ അ​ന്ന​ത്തെ പ്രി​ൻ​സി​പ്പ​ലും പ്ര​ഗ​ല്ഭ​നു​മാ​യ ഫാ. ​ഡോ. ജോ​ൺ പാ​ലോ​ക്കാ​ര​ൻ, അ​വി​ടു​ത്തെ പ്യൂ​ൺ അ​ന്തോ​ണി വ​ശം തൃ​ശൂ​ർ സ​ർ​ക്കി​ൾ ഇ​ൻ​സ്പെ​ക്ട​ർ ഭാ​സ്ക​ര മാ​രാ​ർ​ക്ക് അ​ടി​യ​ന്ത​ര​മാ​യി ഒ​രു ക​ത്തു കൊ​ടു​ത്ത​യ​ച്ചു. അ​പ്പോ​ൾ സ​മ​യം രാ​വി​ലെ എ​ട്ടു​മ​ണി. അ​ദ്ദേ​ഹം ക​ത്തു വാ​യി​ച്ചു തീ​ർ​ന്ന​പ്പോ​ൾ പ്യൂ​ൺ മ​റു​പ​ടി​ക്കു വേ​ണ്ടി കാ​ത്തു​നി​ന്നു. സി​ഐ പ​റ​ഞ്ഞു, ""മ​റു​പ​ടി വേ​ണ്ട. ഞാ​ൻ ഫാ​ദ​റെ നേ​രി​ട്ടു​വ​ന്നു ക​ണ്ടു​കൊ​ള്ളാ​മെ​ന്ന് പ​റ​ഞ്ഞാ​ൽ മ​തി.''

അ​ന്തോ​ണി തി​രി​ച്ചു​പോ​ന്ന​പ്പോ​ൾ വി​വ​ര​മ​റി​യി​ക്കാ​ൻ വേ​ണ്ടി ആ​ശു​പ​ത്രി​യി​ൽ ക​യ​റി. അ​പ്പോ​ഴേ​യ്ക്കും റോ​സി മ​രി​ച്ചു​ക​ഴി​ഞ്ഞി​രു​ന്നു. ലൂ​വീ​സ് ഹൃ​ദ​യം പൊ​ട്ടി​ക്ക​ര​ഞ്ഞു. കു​ഞ്ഞി​നു മു​ല​കൊ​ടു​ക്കാ​ൻ​വേ​ണ്ടി രാ​ത്രി​ത​ന്നെ തി​രി​ച്ചെ​ത്താ​ൻ പു​റ​പ്പെ​ട്ട റോ​സി​യു​ടെ അ​തി​ദാ​രു​ണ​മാ​യ അ​ന്ത്യം.

ഭാ​സ്ക​ര​മാ​രാ​രു​ടെ സാ​ന്നി​ധ്യ​ത്തി​ൽ പോ​സ്റ്റ്മോ​ർ​ട്ടം ന​ട​ത്തി. കേ​സ് ര​ജി​സ്റ്റ​ർ ചെ​യ്തു. അ​ര​മ​ന അ​ധി​കാ​രി​ക​ൾ പ്ര​ത്യേ​ക താ​ല്പ​ര്യ​മെ​ടു​ത്തു. അ​ഭി​വ​ന്ദ്യ ഡോ. ​ജോ​ർ​ജ് ആ​ല​പ്പാ​ട്ടാ​യി​രു​ന്നു അ​ന്ന​ത്തെ ബി​ഷ​പ്. മാ​രാ​ർ ആ​ത്മാ​ർ​ഥ​മാ​യി പ​ണി​യെ​ടു​ത്തു. ശു​ഷ്കാ​ന്തി​യോ​ടെ എ​ൻ​ക്വ​യ​റി ന​ട​ത്തി. മി​ലി​ട്ട​റി ഓ​ഫീ​സു​മാ​യി ബ​ന്ധ​പ്പെ​ട്ടു. അ​വി​ട​ന്നു ല​ഭി​ച്ച മ​റു​പ​ടി ഞെ​ട്ടി​ക്കു​ന്ന​താ​യി​രു​ന്നു.

""അ​ങ്ങ​നെ ഒ​രു മി​ലി​ട്ട​റി ട്ര​ക്ക് ആ ​ദി​വ​സ​ങ്ങ​ളി​ൽ കൊ​ച്ചി​യി​ൽ​നി​ന്നു പു​റ​പ്പെ​ടു​ക​യോ കോ​യ​ന്പ​ത്തൂ​ർ​ക്കു പോ​വു​ക​യോ ചെ​യ്തി​ട്ടി​ല്ല.''

അ​തോ​ടെ അ​ന്വേ​ഷ​ണം വ​ഴി​മു​ട്ടി. കു​റ്റം ചെ​യ്ത​വ​ർ അ​ങ്ങ​നെ സു​ന്ദ​ര​മാ​യി ര​ക്ഷ​പ്പെ​ട്ടു. ജീ​വ​ൻ സം​ര​ക്ഷി​ക്കേ​ണ്ട​വ​ർ ത​ന്നെ അ​തു ക​വ​ർ​ന്നു. അ​താ​യി​രു​ന്നു അ​ന്ന​ത്തെ കാ​ലം. ബ്രി​ട്ടീ​ഷു​കാ​ർ ഭ​രി​ക്കു​ന്ന കാ​ല​മാ​യി​രു​ന്ന​ല്ലോ അ​ത്. സ്വ​ത​ന്ത്ര ഇ​ന്ത്യ​യി​ലെ പു​ണ്യ​പ്പെ​ട്ട ഈ ​ജ​നാ​ധി​പ​ത്യ യു​ഗ​ത്തി​ലും ഇ​തും ഇ​തി​ല​പ്പു​റ​വും ന​ട​ക്കും. ന​ട​ക്കു​ന്നി​ല്ലേ? എ​ന്നി​ട്ടാ​ണോ?

അ​നേ​ക വ​ർ​ഷ​ങ്ങ​ൾ​ക്കു മു​ന്പ് ന​ട​ന്ന ഈ ​ഭീ​ക​ര​സം​ഭ​വ​ത്തെ​ക്കു​റി​ച്ച് എ​ന്‍റെ മാ​താ​പി​താ​ക്ക​ളും അ​യ​ൽ​ക്കാ​രും പ​റ​യു​ന്ന​തു കേ​ട്ട​പ്പോ​ൾ അ​ന്ന് 13 വ​യ​സു​കാ​ര​നാ​യ ഞാ​ൻ എ​ന്തു​മാ​ത്രം ദുഃ​ഖി​ച്ചു​വെ​ന്നോ! അ​നേ​കം നാ​ൾ ആ ​ദുഃ​ഖ​വും വേ​ദ​ന​യും എ​ന്‍റെ മ​ന​സി​നെ മ​ഥി​ച്ചു​കൊ​ണ്ടി​രു​ന്നു. ആ ​ക​ശ്മ​ല​ന്മാ​രു​ടെ നേ​രേ എ​ന്‍റെ അ​മ​ർ​ഷം പ​ത​ഞ്ഞു​പൊ​ന്തി. അ​വ​രെ കൂ​ട്ട​ത്തോ​ടെ ചു​ട്ടു​ക​രി​ക്കാ​നു​ള്ള​അ​രി​ശ​മു​ണ്ടാ​യി​രു​ന്നു എ​നി​ക്ക്. പ​ട്ടാ​ള​ക്കാ​രെ​ന്നു കേ​ൾ​ക്കു​ന്പോ​ൾ​ത്ത​ന്നെ അ​മ​ർ​ഷം തോ​ന്നി​യ കാ​ലം.

ദാ​ന്പ​ത്യ​സൗ​ഭാ​ഗ്യ​ത്തി​നു​വേ​ണ്ടി നോ​ന്പു​നോ​റ്റു നേ​ർ​ച്ച നേ​ർ​ന്ന്, ഭ​ക്തി​പൂ​ർ​വം തീ​ർ​ഥാ​ട​നം ന​ട​ത്തി​യ ആ ​പാ​വ​ങ്ങ​ൾ​ക്കു വ​ന്നു​പെ​ട്ട ദു​ര​ന്തം! എ​ന്‍റെ കൊ​ച്ചു ജീ​വി​ത​ത്തി​ൽ ആ​ദ്യ​മാ​യി ദൈ​വ​ത്തോ​ടു പി​ണ​ക്കം തോ​ന്നി​യ​ത് അ​പ്പോ​ഴാ​യി​രു​ന്നു. ആ ​ലൂ​വീ​സ് കു​റെ വ​ർ​ഷ​ങ്ങ​ൾ​ക്കു​ശേ​ഷം മ​രി​ച്ചു. അ​വ​രു​ടെ പി​ഞ്ചു കു​ഞ്ഞു​ങ്ങ​ൾ ആ​യി​ട​യ്ക്കു​ത​ന്നെ മാ​ലാ​ഖ​മാ​രു​ടെ നാ​ട്ടി​ലേ​ക്കു പ​റ​ന്നു​പോ​യി. ഒ​രു​പ​ക്ഷേ അ​മ്മ​യെ തേ​ടി​യാ​വും ആ ​കു​രു​ന്നു​ക​ൾ പോ​യ​ത്.

സി.​എ​ൽ. ജോ​സ്