മ​ല​ബാ​റി​ലെ മ​ല​യാ​റ്റൂ​ർ കൊ​ള​ക്കാ​ട് കു​രി​ശു​മ​ല
മ​ല​യാ​റ്റൂ​രി​നെ അ​നു​സ്മ​രി​പ്പി​ക്കു​ന്ന കു​ത്ത​നെ​യു​ള്ള ക​യ​റ്റ​വും ഇ​ടു​ങ്ങി​യ പാ​ത​യും ത​ന്നെ​യാ​ണ് ക​ണ്ണൂ​ർ ജി​ല്ല​യി​ലെ പേ​രാ​വൂ​ർ കൊ​ള​ക്കാ​ട് കു​രി​ശു​മ​ല​യെ വ്യ​ത്യ​സ്ത​മാ​ക്കു​ന്ന​ത്. അ​തു​കൊ​ണ്ടുത​ന്നെ "മ​ല​ബാ​റി​ലെ മ​ല​യാ​റ്റൂ​ർ’ എ​ന്നാ​ണ് കൊ​ള​ക്കാ​ട് സെ​ന്‍റ് തോ​മ​സ് ദേ​വാ​ല​യ​വും കു​രി​ശു​മ​ല​യും അ​റി​യ​പ്പെ​ടു​ന്ന​ത്. ആ​ദ്യ കു​ടി​യേ​റ്റ​ക്കാ​രു​ടെ തീ​വ്ര​മാ​യ ആ​ഗ്ര​ഹ​മാ​ണ് കൊ​ള​ക്കാ​ടി​നെ​യും നെ​ടും​പു​റം​ചാ​ലി​നെ​യും വേ​ർ​തി​രി​ക്കു​ന്ന മ​ല​യെ കു​രി​ശു​മ​ല​യാ​യി ഉ​യ​ർ​ത്തി​യ​ത്.

1955 ഏ​പ്രി​ലി​ലെ പു​തു​ഞാ​യ​റാ​ഴ്ച​യാ​ണ് കൊ​ള​ക്കാ​ട് കു​രി​ശു​മ​ല ക​യ​റ്റം ആ​രം​ഭി​ക്കു​ന്ന​ത്. ആ​റ് പ​തി​റ്റാ​ണ്ടു​ക​ൾ പി​ന്നി​ടു​ന്പോ​ഴും ഓ​രോ പു​തു​ഞാ​യ​റാ​ഴ്ച​യും കു​രി​ശു​മ​ല​യി​ലേ​ക്ക് വി​ശ്വാ​സി​ക​ളു​ടെ പ്ര​വാ​ഹ​മേ​റു​ക​യാ​ണ്. കു​ടി​യേ​റ്റ​ത്തി​ന്‍റെ ആ​ദ്യ​കാ​ല​ത്ത് ഈ ​മേ​ഖ​ല​യി​ൽ പേ​രാ​വൂ​ർ സെ​ന്‍റ് ജോ​സ​ഫ്സ് ദേ​വാ​ല​യം മാ​ത്ര​മാ​ണ് ഉ​ണ്ടാ​യി​രു​ന്ന​ത്. ദേ​വാ​ല​യം സ്ഥി​തി​ചെ​യ്യു​ന്ന തൊ​ണ്ടി​യി​ൽ ദുഃ​ഖ​വെ​ള്ളി ആ​ച​ര​ണം ന​ട​ക്കു​ന്ന​തി​നാ​ൽ ആ​ളു​ക​ളു​ടെ സൗ​ക​ര്യം ക​ണ​ക്കി​ലെ​ടു​ത്ത് പു​തു​ഞാ​യ​റാ​ഴ്ച കൊ​ള​ക്കാ​ട് കു​രി​ശു​മ​ല ക​യ​റ്റം തു​ട​ങ്ങു​ക​യാ​യി​രു​ന്നു​വെ​ന്ന് പ​ഴ​മ​ക്കാ​ർ പ​റ​യു​ന്നു.

ഒ​രി​ക്ക​ൽ ഭ​വ​ന​സ​ന്ദ​ർ​ശ​ന​ത്തി​ന്‍റെ ഭാ​ഗ​മാ​യി എ​ത്തി​യ അ​ക്കാ​ല​ത്തെ പേ​രാ​വൂ​ർ സെ​ന്‍റ് ജോ​സ​ഫ്സ് ദേ​വാ​ല​യ വി​കാ​രി ഫാ.​ഫി​ലി​പ്പ് മു​റി​ഞ്ഞ​ക​ല്ലേ​ലാ​ണ് കു​രി​ശു​മ​ല ക​യ​റ്റ​ത്തി​ന് കൊ​ള​ക്കാ​ട് മ​ല തെ​ര​ഞ്ഞെ​ടു​ക്കു​ന്ന​ത്.

ഇ​പ്പോ​ൾ കു​രി​ശു​മ​ല​യി​ൽ ഒ​രു ക​പ്പേ​ള​യും കു​രി​ശ​ടി​ക​ളും മ​റ്റ് സൗ​ക​ര്യ​ങ്ങ​ളു​മു​ണ്ട്. മ​റ്റ​ത്തി​ൽ ഏ​ബ്ര​ഹാം, കൊ​ല്ലി​രി​ക്ക​ൽ ഉ​ല​ഹ​ന്നാ​ൻ എ​ന്നി​വ​രാ​ണ് ഓ​രോ ഏ​ക്ക​ർ വീ​തം സ്ഥ​ലം ക​പ്പേ​ള​യ്ക്കും അ​നു​ബ​ന്ധ സൗ​ക​ര്യ​ങ്ങ​ൾ​ക്കു​മാ​യി വി​ട്ടു​ന​ൽ​കി​യ​ത്. പേ​രാ​വൂ​ർ തൊ​ണ്ടി​യി​ൽ വ​ഴി​യും കേ​ള​കം​മ​ഞ്ഞ​ളാം​പു​റം ചെ​ങ്ങോം വ​ഴി​യും നെ​ടും​പൊ​യി​ൽ വാ​ര​പ്പീ​ടി​ക പെ​രു​ന്തോ​ടി വ​ഴി​യും മാ​ന​ന്ത​വാ​ടി ഏ​ല​പ്പീ​ടി​ക കാ​ട​ൻ​മ​ല വ​ഴി​യും തീ​ർ​ഥാ​ട​ക​ർ​ക്ക് കൊ​ള​ക്കാ​ട് കു​രി​ശു​മ​ല​യി​ലേ​ക്ക് എ​ത്താം.

മ​ഞ്ഞി​ൽ മു​ങ്ങി കൊ​ട്ട​ത്ത​ല​ച്ചി

പ​ച്ച​വി​രി​ച്ച പു​ൽ​മേ​ടു​ക​ൾ... മ​ഞ്ഞി​ൽ മു​ങ്ങി​യ പാ​റ​ക​ൾ... പീ​ഡാ​നു​ഭ​വ സ്മ​ര​ണ​ക​ളു​യ​ർ​ത്തി കു​രി​ശു​ക​ൾ... ചെ​ഞ്ചാ​യം പൂ​ശി​യ ക​പ്പേ​ള... ഇ​ത് ക​ണ്ണൂ​ർ ജി​ല്ല​യി​ലെ കൊ​ട്ട​ത്ത​ല​ച്ചി കു​രി​ശു​മ​ല. ചൂ​ര​പ്പ​ട​വ് ഹോ​ളി​ക്രോ​സ് ദേ​വാ​ല​യ​ത്തി​ന്‍റെ ആ​ഭി​മു​ഖ്യ​ത്തി​ലാ​ണ് കൊ​ട്ട​ത്ത​ല​ച്ചി​യി​ൽ വി​ശ്വാ​സ​തീ​ർ​ഥാ​ട​ന​വും പു​തു​ഞാ​യ​ർ ആ​ച​ര​ണ​വും കു​രി​ശു​മ​ല ക​യ​റ്റ​വും ന​ട​ക്കു​ന്ന​ത്.

ചെ​റു​പു​ഴ​യി​ൽ നി​ന്ന് ചൂ​ര​പ്പ​ട​വി​ൽ എ​ത്തി ര​ണ്ടു​കി​ലോ​മീ​റ്റ​ർ സ​ഞ്ച​രി​ച്ചാ​ൽ കൊ​ട്ട​ത്ത​ല​ച്ചി​മ​ല​യി​ലെ​ത്താം. പു​ളി​ങ്ങോം, താ​ബോ​ർ തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നും മ​ല​മു​ക​ളി​ലേ​ക്ക് വ​ഴി​ക​ളു​ണ്ട്. മ​ല വെ​ട്ടി​ച്ചാ​യി​ച്ച മ​ൺ​പാ​ത​യി​ലൂ​ടെ​യാ​ണ് യാ​ത്ര. ഇ​രു​വ​ശ​വും കാ​ട്ടു​വൃ​ക്ഷ​ങ്ങ​ളും പ​ന്ത​ലി​ച്ച ചൂ​ര​ൽ​വ​ള്ളി​ക​ളും തെ​ക്കു​വ​ശ​ത്ത് കി​ഴു​ക്കാം​തൂ​ക്കാ​യ അ​ടി​വാ​ര​വും.

അ​ര​മ​ണി​ക്കൂ​ർ കൊ​ണ്ട് വ​ന​ത്തി​ൽ കൂ​ടി​യു​ള്ള യാ​ത്ര അ​വ​സാ​നി​ക്കും. തു​ട​ർ​ന്ന് തെ​ളി​ഞ്ഞ പ്ര​ദേ​ശ​മാ​ണ്. ഇ​വി​ടെ തീ​ർ​ഥാ​ട​ക​രെ സ്വാ​ഗ​തം ചെ​യ്ത് വ​ലി​യൊ​രു കു​രി​ശു​ണ്ട്. ഒ​പ്പം "​കൊ​ട്ട​ത്ത​ല​ച്ചി കു​രി​ശു​മ​ല’ എ​ന്ന ബോ​ർ​ഡും. പി​ന്നെ മു​ക​ളി​ലേ​ക്ക് മ​ര​ങ്ങ​ളി​ല്ല, പു​ൽ​മേ​ടു​ക​ൾ മാ​ത്രം. ഇ​വി​ടെ മു​ത​ലാ​ണ് "കു​രി​ശി​ന്‍റെ വ​ഴി’ തു​ട​ങ്ങു​ന്ന​ത്.

ദൃ​ശ്യ​ഭം​ഗി നി​റ​ഞ്ഞ​താ​ണ് മ​ല​മു​ക​ൾ. ഇ​വി​ടെ​യാ​ണ് ക​പ്പേ​ള. പു​തു​ഞാ​യ​റാ​ഴ്ച പു​ല​ർ​ച്ചെ മൂ​ന്നി​ന് കൊ​ടി​യേ​റ്റ​ത്തോ​ടെ മ​ല​മു​ക​ളി​ൽ തി​രു​ക്ക​ർ​മ​ങ്ങ​ൾ ആ​രം​ഭി​ക്കു​മെ​ന്ന് വി​കാ​രി ഫാ. ​ജോ​സ​ഫ് മ​ഞ്ഞ​ളാം​കു​ന്നേ​ൽ പ​റ​ഞ്ഞു.

​ബോ​ണ​ക്കാ​ട് കു​രി​ശു​മ​ല

കി​ഴ​ക്കി​ന്‍റെ കാ​ൽ​വ​രി​യെ​ന്ന​റി​യ​പ്പെ​ടു​ന്ന നെ​യ്യാ​റ്റി​ൻ​ക​ര രൂ​പ​ത​യി​ലെ തീ​ർ​ഥാ​ട​ന കേ​ന്ദ്രം . ബോ​ണ​ക്കാ​ട് തേ​യി​ല എ​സ്റ്റേ​റ്റി​ലും വ​ന​ഭൂ​മി​യി​ലു​മാ​യാ​ണ് കു​രി​ശി​ന്‍റെ വ​ഴി പാ​ത.1965 ൽ ​ബോ​ണ​ക്കാ​ട് അ​മ​ലോ​ത്ഭ​വ​മാ​താ പ​ള​ളി​യി​ൽ വി​കാ​രി​യാ​യി ഫാ.​ടെ​ല​സ്ഫോ​ർ ഗോ​മ​സ് എ​ത്തി​യ​തോ​ടെ​യാ​ണ് കു​രി​ശു​മ​ല​യി​ൽ പ്രാ​ർ​ഥ​ന​ക​ൾ ആ​രം​ഭി​ച്ച​ത്. 1957 ൽ ​ബോ​ണ​ക്കാ​ട് കു​രി​ശ​മ​ല​യു​ടെ നെ​റു​ക​യി​ൽ കു​രി​ശു​നാ​ട്ടി പ്രാ​ർ​ഥ​ന​ക​ൾ ആ​രം​ഭി​ച്ചു. സ​ർ​ക്കാ​രി​ന്‍റെ​യും വ​നം വ​കു​പ്പി​ന്‍റെ​യും സ​ഹ​ക​ര​ണ​ത്തോ​ടെ​യാ​ണ് ബോ​ണ​ക്കാ​ട് കു​രി​ശു​മ​ല തീ​ർ​ഥാ​ട​നം ന​ട​ക്കു​ന്ന​ത്. തി​രു​വ​ന​ന്ത​പു​ര​ത്തുനി​ന്ന് നെ​ടു​മ​ങ്ങാ​ട് വി​തു​ര വ​ഴി ബോ​ണ​ക്കാ​ട്ടെ​ത്താം.

ഒ​ട്ട​ക​പാ​ത​യി​ലെ ത​ട്ടു​പാ​റ

പ​ഴ​മ​യു​ടെ ശേ​ഷി​പ്പു​ക​ൾ കാ​ടു​മൂ​ടി​ക്കി​ട​ക്കു​ന്പോ​ഴും, അ​തു പു​റം​ലോ​ക​മ​റി​യാ​ത്ത​തി​ന്‍റെ ച​രി​ത്ര​സ​ങ്ക​ട​മാ​ണു ത​ട്ടു​പാ​റ മ​ല​യ്ക്കു പ​റ​യാ​നു​ള്ള​ത്. രാ​ജ്യ​ത്തി​ന്‍റെ തീ​ർ​ഥാ​ട​ന ഭൂ​പ​ട​ത്തി​ൽ പ്ര​സി​ദ്ധ​മാ​യ മ​ല​യാ​റ്റൂ​ർ മ​ല​നി​ര​ക​ളി​ൽ നി​ന്നേ​റെ ദൂ​ര​ത്ത​ല്ലെ​ങ്കി​ലും, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ക​ഥ പ​റ​യാ​നു​ള്ള ത​ട്ടു​പാ​റ അത്ര ശ്രദ്ധിക്കപ്പെട്ടില്ല.

ക്രി​സ്്തു​ശി​ഷ്യ​നാ​യ മാ​ർ​ത്തോ​മാ​ശ്ലീ​ഹാ പാ​ണ്ഡ്യ​രാ​ജ്യ​ത്തേ​ക്കു​ള്ള യാ​ത്ര​യ്ക്കു​പ​യോ​ഗി​ച്ച ഒ​ട്ട​ക​പാ​ത ക​ട​ന്നു​പോ​കു​ന്ന ഭാ​ഗം എ​ന്ന​താ​ണു മ​ഞ്ഞ​പ്ര​യ്ക്ക​ടു​ത്തു ത​ട്ടു​പാ​റ​യു​ടെ ച​രി​ത്ര​പ്രാ​ധാ​ന്യം. കാ​ന​ന​ത്തി​ലൂ​ടെ​യു​ള്ള ഒ​ട്ട​ക​പാ​ത ത​ട്ടു​പാ​റ വ​ഴി മ​ല​യാ​റ്റൂ​രി​ലേ​ക്കും അ​വി​ടെനിന്നു പാ​ണ്ഡ്യ​രാ​ജ്യ​ത്തേ​ക്കും എ​ത്തി​യെ​ന്നു രേ​ഖ​ക​ൾ ചൂ​ണ്ടി​ക്കാ​ട്ടു​ന്നു.

മ​ല​യാ​റ്റൂ​ർ, ത​ട്ടു​പാ​റ മ​ല​ക​ൾ ഉ​ൾ​പ്പെ​ടു​ന്ന ഒ​ട്ട​ക​പാ​ത​യി​ലൂ​ടെ​യാ​ണു തോ​മാ​ശ്ലീ​ഹ പാ​ണ്ഡ്യ​രാ​ജ്യ​ത്തേ​ക്കു യാ​ത്ര ന​ട​ത്തി​യ​തെ​ന്നു, ച​രി​ത്ര​ഗ്ര​ന്ഥ​മാ​യ ട്രാ​വ​ൻ​കൂ​ർ മാ​നു​വ​ൽ രേ​ഖ​പ്പെ​ടു​ത്തി​യി​ട്ടു​ണ്ട്. മ​ല​മു​ക​ളി​ലു​ള്ള ത​ട്ടു​പാ​റ പ​ള്ളി​മു​റ്റ​ത്തു പാ​റ​യി​ലു​ള്ള പു​രാ​ത​ന​മാ​യ പാ​ദ​മു​ദ്ര തോ​മ്മാശ്ലീ​ഹാ​യു​ടേ​തെ​ന്നു ക​രു​തു​ന്ന​വ​രു​ണ്ട്. ഇ​തി​ന​ട​ത്തു​ള്ള ഗു​ഹ തോ​മാ​ശ്ലീ​ഹ ശ​ത്രു​ക്ക​ളി​ൽ നി​ന്നു ര​ക്ഷ​നേ​ടാ​നും വി​ശ്ര​മ​ത്തി​നു​മാ​യി ഉ​പ​യോ​ഗി​ച്ചി​രു​ന്ന​താ​ണെ​ന്നും പ​ഴ​മ​ക്കാ​ർ പ​റ​യു​ന്നു.

തി​രു​വി​താം​കൂ​ർ ദി​വാ​നാ​യി​രു​ന്ന സി.​പി. രാ​മ​സ്വാ​മി അ​യ്യ​ർ, പ​ള്ളി​യി​രി​ക്കു​ന്ന ഭാ​ഗ​ത്തെ സ്വ​ത്തു​ക്ക​ളു​ടെ കൈ​വ​ശാ​വ​കാ​ശം ന​ൽ​കി​യ​തി​ന്‍റെ അ​ട​യാ​ള​മാ​യി പ​തി​പ്പി​ച്ച മൂ​ന്നു ശം​ഖു​മു​ദ്ര​ക​ൾ, പ​ള്ളി​യു​ടെ ചു​റ്റു​മു​ള്ള പാ​റ​യി​ൽ പ​തി​പ്പി​ച്ചി​ട്ടു​ണ്ട്. ത​ട്ടു​പാ​റ​യി​ൽ പ​ള്ളി നി​ർ​മി​ക്കാ​ൻ തി​രു​നെ​ൽ​വേ​ലി​യി​ൽ നി​ന്നു പാ​ണ്ഡ്യ​ൻ എ​ന്ന ശി​ല്പി എ​ത്തി​യ​താ​യി ഐ​തി​ഹ്യ​മു​ണ്ട്. എ​റ​ണാ​കു​ളം-​അ​ങ്ക​മാ​ലി അ​തി​രൂ​പ​ത​യു​ടെ ച​രി​ത്രാ​വ​ലോ​ക​നത്തി​ൽ ത​ട്ടു​പാ​റ പ​ള്ളി​യു​ടെ ച​രി​ത്ര​പ്രാ​ധാ​ന്യം സൂ​ചി​പ്പി​ക്കു​ന്നു​ണ്ട് (പേ​ജ് 386).

മ​ഞ്ഞ​പ്ര ഫൊ​റോ​ന​യി​ലെ മേ​രി​ഗി​രി ഇ​ട​വ​ക​യു​ടെ കീ​ഴി​ലാ​ണു ത​ട്ടു​പാ​റ പ​ള്ളി.എ​ല്ലാ വെ​ള്ളി​യാ​ഴ്ച​ക​ളി​ലും വൈ​കു​ന്നേ​രം ദി​വ്യ​ബ​ലി​യു​ണ്ട്. വ​ലി​യ​നോ​ന്പി​ലെ എ​ല്ലാ വെ​ള്ളി​യാ​ഴ്ച​ക​ളി​ലും പ്ര​ദേ​ശ​വാ​സി​ക​ൾ കു​രി​ശി​ന്‍റെ വ​ഴി പ്രാ​ർ​ഥ​ന ചൊ​ല്ലി ത​ട്ടു​പാ​റ​യി​ലെ​ത്തി ദി​വ്യ​ബ​ലി​യ​ർ​പ്പി​ക്കും. നാ​ൽ​പ​താം വെ​ള്ളി​യി​ൽ ഇ​വി​ടെ ആ​ഘോ​ഷ​മാ​യ കു​രി​ശി​ന്‍റെ വ​ഴി​യും തി​രു​ക്ക​ർ​മ​ങ്ങ​ളും ന​ട​ക്കും. പു​തു​ഞാ​യ​റാ​ഴ്ച​യാ​ണു പ​ള്ളി​യി​ലെ തി​രു​നാ​ൾ ആ​ഘോ​ഷമെ​ന്നു വി​കാ​രി റ​വ.​ഡോ. പോ​ൾ കൈ​പ്ര​ൻ​പാ​ട​ൻ പ​റ​ഞ്ഞു.

ആ​ര​ക്കു​ഴ മ​ലേ​ക്കു​രി​ശ് പ​ള്ളി

മ​ധ്യ​കേ​ര​ള​ത്തി​ലെ പ്ര​മു​ഖ തീ​ർ​ഥാ​ട​ന കേ​ന്ദ്ര​ങ്ങ​ളാ​ണ് കോ​ത​മം​ഗ​ലം രൂ​പ​ത​യു​ടെ കീ​ഴി​ലു​ള്ള ആ​ര​ക്കു​ഴ സെ​ന്‍റ് മേ​രീ​സ് ഫൊ​റോ​ന​പ​ള്ളി​യും പ​ള്ളി​യു​ടെ കീ​ഴി​ലു​ള്ള മ​ലേ​ക്കു​രി​ശ് പ​ള്ളി​യും.​ആ​യി​രം മാ​പ്പി​ള​മാ​ർ​ക്കു​വേ​ണ്ടി ആ​യി​ര​ത്തി​ൽ സ്ഥാ​പി​ച്ച പ​ള്ളി​യെ​ന്നാ​ണ് ഇ​ട​വ​ക ദേ​വാ​ല​യ​ത്തെ വി​ശേ​ഷി​പ്പി​ച്ചി​രു​ന്ന​ത്.​എ​ഡി 999-ൽ ​പ​രി​ശു​ദ്ധ​ക​ന്യ​കാ മ​റി​യ​ത്തി​ന്‍റെ നാ​മ​ധേ​യ​ത്തി​ലാ​ണ് പ​ള്ളി സ്ഥാ​പി​ക്ക​പ്പെ​ട്ട​ത്. ആ​ര​ക്കു​ഴ പ​ള്ളി​യു​ടെ കു​രി​ശു​പ​ള്ളി​യാ​യി 1800നും1810​നും ഇ​ട​യി​ൽ പ​ള്ളി​യു​ടെ തെ​ക്കു​വ​ശ​ത്തു​ള്ള മ​ല​യി​ലാ​ണ് തീ​ർ​ഥാ​ട​ന കേ​ന്ദ്ര​മാ​യ മ​ലേ​ക്കു​രി​ശ് പ​ള്ളി സ്ഥാ​പി​ച്ച​ത്. മ​ല​യു​ടെ മു​ക​ളി​ൽ സ്ഥാ​പി​ത​മാ​യ കു​രി​ശു​പ​ള്ളി​യാ​യ​തി​നാ​ൽ മ​ലേ​ക്കു​രി​ശെ​ന്ന് അ​റി​യ​പ്പെ​ട്ടു തു​ട​ങ്ങി. വി​ശു​ദ്ധ സെ​ബ​സ്ത്യാ​നോ​സി​ന്‍റെ നാ​മ​ധേ​യ​ത്തി​ലാ​ണ് മ​ലേ​ക്കു​രി​ശ് പ​ള്ളി സ്ഥാ​പി​ച്ച​ത്.​മ​ലേ​ക്കു​രി​ശി​ന്‍റെ അ​ടി​വാ​ര​ത്തു​ള്ള വി​ശു​ദ്ധ അ​ന്തോ​നീ​സി​ന്‍റെ ക​പ്പേ​ള​മു​ത​ൽ വി​ശു​ദ്ധ സെ​ബ​സ്ത്യാ​നോ​സി​ന്‍റെ ക​പ്പേ​ള വ​രെ​യു​ള്ള ഭാ​ഗ​ത്ത് കു​രി​ശി​ന്‍റെ വ​ഴി​യു​ടെ 14 സ്ഥ​ല​ങ്ങ​ൾ മ​നോ​ഹ​ര​മാ​യി ക്ര​മീ​ക​രി​ച്ചി​ട്ടു​ണ്ട്.​അ​ക്കാ​ല​ത്ത് വി​കാ​രി​യാ​യി​രു​ന്ന ഫാ.​ജോ​ർ​ജ് എ​ട​ത്തൊ​ട്ടി​യു​ടെ പ​രി​ശ്ര​മ​ഫ​ല​മാ​യാ​ണ് ഇ​തു സ്ഥാ​പി​ക്ക​പ്പെ​ട്ട​ത്.​ വ​ലി​യ നോ​ന്പി​ൽ ശ​നി,ഞാ​യ​ർ ഒ​ഴി​കെ​യു​ള്ള ദി​വ​സ​ങ്ങ​ളി​ൽ വൈ​കു​ന്നേ​രം 4.45ന് ​ഭ​ക്തി നി​ർ​ഭ​ര​മാ​യ കു​രി​ശി​ന്‍റെ വ​ഴി​യും തു​ട​ർ​ന്നു മ​ല​മു​ക​ളി​ൽ വി​ശു​ദ്ധ​കു​ർ​ബാ​ന​യും ന​ട​ന്നു​വ​രു​ന്നു​ണ്ട്. മ​ല​മു​ക​ളി​ൽ ജ​പ​മാ​ല​വ​ഴി​യും ക്ര​മീ​ക​രി​ച്ചി​ട്ടു​ണ്ട്.
1957നു ​ശേ​ഷ​മാ​ണ് മ​ലേ​ക്കു​രി​ശി​ൽ പു​തു​ഞാ​യ​ർ തി​രു​നാ​ൾ ആ​ഘോ​ഷി​ച്ചു​തു​ട​ങ്ങി​യ​ത്.​ 2012 ഒ​ക്ടോ​ബ​ർ 14ന് ​അ​ന്ന​ത്തെ കോ​ത​മം​ഗ​ലം രൂ​പ​ത ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ൽ ആ​ര​ക്കു​ഴ പ​ള്ളി​യും മ​ലേ​ക്കു​രി​ശും തീ​ർ​ഥാ​ട​ന കേ​ന്ദ്ര​മാ​യി പ്ര​ഖ്യാ​പി​ച്ചു. ക​ഴി​ഞ്ഞ വ​ർ​ഷം മു​ത​ൽ വ​ലി​യ നോ​ന്പി​ലെ 40-ാംവെ​ള്ളി​യാ​ഴ്ച കോ​ത​മം​ഗ​ലം രൂ​പ​ത ബി​ഷ​പ് മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ലി​ന്‍റെ നേ​തൃ​ത്വ​ത്തി​ൽ രൂ​പ​ത​യി​ലെ വി​വി​ധ ഇ​ട​വ​ക​ക​ളി​ൽ നി​ന്നു​ള്ള വി​ശ്വാ​സി​ക​ൾ മ​ലേ​ക്കു​രി​ശി​ലേ​ക്ക് കു​രി​ശി​ന്‍റെ​വ​ഴി ചൊ​ല്ലി തീ​ർ​ഥാ​ട​നം ന​ട​ത്തി​വ​രു​ന്നു​ണ്ട്.​മൂ​വാ​റ്റു​പു​ഴ ടൗ​ണി​ൽ നി​ന്ന് ആ​റു കി​ലോ​മീ​റ്റ​ർ യാ​ത്ര ചെ​യ്താ​ൽ ആ​ര​ക്കു​ഴ ഫൊ​റോ​ന പ​ള്ളി​യി​ൽ എ​ത്തി​ച്ചേ​രാം.​പ​ള്ളി​ക്കു സ​മീ​പ​ത്തെ സെ​ന്‍റ് ആ​ന്‍റ​ണീ​സ് ചാ​പ്പ​ലി​ൽ നി​ന്നു​മാ​ണ് മ​ലേ​ക്കു​രി​ശി​ലേ​ക്കു​ള്ള തീ​ർ​ഥാ​ട​നം ആ​രം​ഭി​ക്കു​ന്ന​ത്. റ​വ.​ഡോ.​ഫ്രാ​ൻ​സി​സ് കീ​രം​പാ​റ​യാ​ണ് ആ​ര​ക്കു​ഴ ഫൊ​റോ​ന പ​ള്ളി വി​കാ​രി.​ഫാ.​എ​മ്മാ​നു​വ​ൽ മു​ണ്ട​യ്ക്ക​ൽ അ​സി​സ്റ്റ​ന്‍റ് വി​കാ​രി​യാ​യും ഇ​വി​ടെ സേ​വ​ന​മ​നു​ഷ്ഠിക്കു​ന്നു.

മീ​ങ്കു​ന്നം തി​രു​ര​ക്ത​മ​ല

എംസി റോ​ഡി​ൽ മൂ​വാ​റ്റു​പു​ഴ ടൗ​ണി​ൽ നി​ന്നു എ​ട്ടു​കി​ലോ​മീ​റ്റ​ർ തെ​ക്കു ഭാ​ഗ​ത്താ​യാ​ണ് മീ​ങ്കു​ന്നം സെ​ന്‍റ് ജോ​സ​ഫ്സ് പ​ള്ളി സ്ഥി​തി​ചെ​യ്യു​ന്ന​ത്. പ​ള്ളി​യു​ടെ മു​ൻ​ഭാ​ഗ​ത്ത് എം​സി റോ​ഡ​രു​കി​ൽ 1988-ൽ ​സ്ഥാ​പി​ച്ചി​ട്ടു​ള്ള പി​യേ​ത്ത രൂ​പം ഏ​റെ പ്ര​സി​ദ്ധ​മാ​ണ്.​നൂ​റു​ക​ണ​ക്കി​നു വി​ശ്വാ​സി​ക​ൾ കു​രി​ശി​ന്‍റെ വ​ഴി പ്രാ​ർ​ഥ​ന​ക​ളു​മാ​യി എ​ത്തു​ന്ന തി​രു​ര​ക്ത​മ​ല​യും പ​ള്ളി​യു​ടെ കീ​ഴി​ൽ സ്ഥി​തി​ചെ​യ്യു​ന്നു.​ കു​രി​ശി​ന്‍റെ വ​ഴി പ്രാ​ർ​ഥ​ന​ക​ളു​മാ​യി മ​ല​മു​ക​ളി​ൽ എ​ത്തു​ന്ന നൂ​റു​ക​ണ​ക്കി​നു തീ​ർ​ഥാ​ട​ക​ർ​ക്കും എം​സി റോ​ഡി​ലൂ​ടെ സ​ഞ്ച​രി​ക്കു​ന്ന​വ​ർ​ക്കും ആ​ത്മീ​യ​ത ഉ​ണ​ർ​ത്തു​ന്ന​തി​നാ​യി ക​ഴി​ഞ്ഞ 23ന് ​തി​രു​ര​ക്ത​മ​ല​യി​ൽ 22 അ​ടി ഉ​യ​ര​മു​ള്ള സ്റ്റാ​ച്യൂ ഓ​ഫ് ശാ​ലോം ക്രി​സ്തു​രൂ​പ​വും പ്ര​തി​ഷ്ഠി​ച്ചു. ഫാ.​അ​ഗ​സ്റ്റി​ൻ ന​ന്ദ​ല​ത്ത് വി​കാ​രി​യാ​യി​രി​ക്കു​ന്പോ​ഴാ​ണ് മ​ല​മു​ക​ളി​ലേ​ക്ക് കു​രി​ശി​ന്‍റെ വ​ഴി ന​ട​ത്താ​നു​ള്ള റോ​ഡ് നി​ർ​മി​ക്കു​ക​യും താ​ത്കാ​ലി​ക രൂ​പ​ങ്ങ​ൾ സ്ഥാ​പി​ക്കു​ക​യും ചെ​യ്ത​ത്. നോ​ന്പു​കാ​ല​ത്ത് 50 ദി​വ​സ​വും തി​രു​ര​ക്ത​മ​ല​യി​ലേ​ക്ക് അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ൽ കു​രി​ശി​ന്‍റെ വ​ഴി ന​ട​ത്തു​ക​യും അ​വി​ടെ​യു​ള്ള ചാ​പ്പ​ലി​ൽ വി​ശു​ദ്ധ​കു​ർ​ബാ​ന​യ​ർ​പ്പി​ക്കു​ക​യും ചെ​യ്തു വ​ന്നി​രു​ന്നു. തു​ട​ർ​ന്ന് എ​ല്ലാ 50 നോ​ന്പി​ലും വി​ശ്വാ​സി​ക​ൾ കു​രി​ശി​ന്‍റെ വ​ഴി ന​ട​ത്തി മു​ട​ങ്ങാ​തെ മ​ല​ക​യ​റു​ന്നു​ണ്ട്.​നാ​ൽ​പ​താം വെ​ള്ളി​യാ​ഴ്ച ഇ​വി​ടെ ന​ട​ത്തി​വ​രു​ന്ന പ​രി​ഹാ​ര പ്ര​ദ​ക്ഷി​ണ​ത്തി​ലും മ​ല​മു​ക​ളി​ൽ ന​ട​ത്തു​ന്ന ക​ണ്‍​വ​ൻ​ഷ​നി​ലും നിരവധി വിശ്വാസികൾ പങ്കെടുക്കുന്നു. എം​സി റോ​ഡി​നോ​ടു ചേ​ർ​ന്നാ​ണ് തി​രു​ര​ക്ത​മ​ല സ്ഥി​തി​ചെ​യ്യു​ന്ന​ത്.​റോ​ഡി​ൽ നി​ന്നാ​ൽ തി​രു​ര​ക്ത​മ​ല​യി​ലേ​ക്കു​ള്ള കു​രി​ശി​ന്‍റെ വ​ഴി​യു​ടെ സ്ഥ​ല​ങ്ങ​ളും ക​പ്പേ​ള​യും ദൃ​ശ്യ​മാ​ണ്. ഇ​വി​ടു​ത്തെ ന​വീ​ക​രി​ച്ച ചാ​പ്പ​ലി​ന്‍റെ​യും കു​രി​ശി​ന്‍റെ വ​ഴി​യു​ടെ​യും വെ​ഞ്ച​രി​പ്പ് 2017 ജ​നു​വ​രി 27ന് ​മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ൽ നി​ർ​വ​ഹി​ച്ചു.​ രാ​ത്രി​കാ​ല​ങ്ങ​ളി​ൽ മ​ല​ക​യ​റു​ന്ന​തി​നും പ്രാ​ർ​ഥി​ക്കു​ന്ന​തി​നും ആ​വ​ശ്യ​മാ​യ വെ​ളി​ച്ച​വും മ​റ്റു സൗ​ക​ര്യ​ങ്ങ​ളും ഇ​വി​ടെ ഏ​ർ​പ്പെ​ടു​ത്തി​യി​ട്ടു​ണ്ട്.​എ​ല്ലാ വെ​ള്ളി​യാ​ഴ്ച​ക​ളി​ലും വൈ​കു​ന്നേ​രം നാ​ലു​മു​ത​ൽ മ​ല​മു​ക​ളി​ലെ ചാ​പ്പ​ലി​ൽ കു​ർ​ബാ​ന​യും തി​രു​ര​ക്താ​ഭി​ഷേ​ക പ്രാ​ർ​ഥ​ന​യും വ​ച​ന പ്ര​ഘോ​ഷ​ണ​വും ആ​രാ​ധ​ന​യും രോ​ഗ​ശാ​ന്തി ശു​ശ്രൂ​ഷ​യും നേ​ർ​ച്ച​യും ന​ട​ത്തി​വ​രു​ന്നു​ണ്ട്.​ഫാ.​ജോ​ണ്‍ കൊ​ച്ചു​മു​ട്ട​മാ​ണ് ഇ​പ്പോ​ൾ വി​കാ​രി​യാ​യി സേ​വ​ന​മ​നു​ഷ്ഠി​ക്കു​ന്ന​ത്.

അ​റു​നൂ​റ്റി​മം​ഗ​ലം

കോട്ടയം കടു​ത്തു​രു​ത്തി മാ​ർ​ക്ക​റ്റ് ജം​ഗ്ഷ​നി​ൽ​നി​ന്നും പെ​രു​വ റൂ​ട്ടി​ൽ നാ​ലു കി​ലോ​മീ​റ്റ​ർ അ​ക​ലെ​യാ​ണ് അ​റു​നൂ​റ്റി മം​ഗ​ലം മ​ല​ക​യ​റ്റ​പ​ള്ളി. വ​ലി​യ നോ​യ​ന്പി​ലെ നാ​ൽ​പ​താം വെ​ള്ളി​യാ​ഴ്ച​യാ​ണ് പ്ര​ധാ​ന മ​ല​ക​യ​റ്റം. ദു:​ഖ​വെ​ള്ളി​യാ​ഴ്ച​യും തീ​ർ​ഥാ​ട​ക തി​ര​ക്കു​ണ്ട്. വി​ശു​ദ്ധ വാ​ര​ത്തി​ൽ വി​ശു​ദ്ധ കു​രി​ശി​ന്‍റെ തി​രു​ശേ​ഷി​പ്പ് മ​ല​യി​ൽ പ്ര​തി​ഷ്ഠി​ക്കും. വ​ലി​യ നോ​യ​ന്പി​ലെ എ​ല്ലാ ദി​വ​സ​വും ഇ​വി​ടേ​ക്ക് കു​രി​ശി​ന്‍റെ വ​ഴി​യു​ണ്ട്.

വ​ല്യ​ച്ച​ൻ​മ​ല

അ​രു​വി​ത്തു​റ അ​ന്പാ​റ​നി​ര​പ്പേ​ൽ റോ​ഡി​ലാ​ണ് അ​രു​വി​ത്തു​റ സെ​ന്‍റ് ജോ​ർ​ജ് ഫൊ​റോ​ന പ​ള്ളി​യു​ടെ വ​ല്യ​ച്ച​ൻ​മ​ല. നാ​ൽ​പ​താം വെ​ള്ളി, ദു:​ഖ​വെ​ള്ളി, പു​തു​ഞാ​യ​ർ ദി​ന​ങ്ങ​ളി​ൽ നൂ​റു​ക​ണ​ക്കി​നു തീ​ർ​ഥാ​ട​ക​രാ​ണ് ഇ​വി​ടെ​യെ​ത്തു​ന്ന​ത്. ശി​ൽ​പ​ചാ​തു​രി​കൊ​ണ്ട് ഏ​റെ വ​ശ്യ​മാ​ണ് വ​ല്യ​ച്ച​ൻ​മ​ല​യി​ലെ പ​തി​നാ​ലാം സ്ഥ​ല​വും ഇ​ത​ര നി​ർ​മി​തി​ക​ളും. മ​ല​മു​ക​ളി​ൽ പ​ള്ളി​യും യേ​ശു​വി​ന്‍റെ ക​ല്ല​റ​യും പി​യാ​ത്തെ​യും സ്ഥാ​പി​ച്ചി​ട്ടു​ണ്ട്്. വ​ലി​യ നോ​യ​ന്പി​ലെ എ​ല്ലാ ദി​വ​സ​വും ഇ​വി​ടെ കു​രി​ശി​ന്‍റെ വ​ഴി ന​ട​ക്കാ​റു​ണ്ട്.
ക​രി​ങ്കു​ന്നം സാ​ൻ​ജോ മൗ​ണ്ട്, തി​ട​നാ​ട് ഉൗ​ട്ടു​പാ​റ, കാ​ഞ്ഞി​ര​പ്പ​ള്ളി കൂ​വ​പ്പ​ള്ളി കു​രി​ശു​മ​ല, എ​ല​പ്പാ​റ കു​രി​ശു​മ​ല എ​ന്നി​വി​ട​ങ്ങ​ളി​ൽ ദു​ഃഖ​വെ​ള്ളി​യാ​ഴ്ച​ക​ളി​ൽ ധാ​രാ​ളം തീ​ർ​ഥാ​ട​ക​രെ​ത്തു​ന്ന കു​രി​ശു​മ​ല​ക​ളാ​ണ്.

ക​രു​വ​ള്ളി​ക്കാ​ട് കു​രി​ശു​മ​ല

നി​ർ​മ​ല​പു​രം - ക​രു​വ​ള്ളി​ക്കാ​ട് മാ​ർ​ത്തോ​മ്മ​ൻ തീ​ർ​ഥാ​ട​ന​കേ​ന്ദ്ര​ത്തി​ലേ​ക്കു​ള്ള കു​രി​ശി​ന്‍റെ വ​ഴി 40-ാം വെ​ള്ളി​യാ​ഴ്ച​യാ​ണ്. പ​ത്ത​നം​തി​ട്ട ജി​ല്ല​യി​ൽ പൊ​ന്ത​ൻ​പു​ഴ വ​ലി​യ​കാ​വ് റി​സ​ർ​വ് വ​ന​ത്തോ​ടു ചേ​ർ​ന്ന് സ​മു​ദ്ര​നി​ര​പ്പി​ൽ നി​ന്നും 1200 അ​ടി ഉ​യ​ര​ത്തി​ലാ​ണ് നി​ർ​മ​ല​പു​രം - ക​രു​വ​ള്ളി​ക്കാ​ട് മാ​ർ​ത്തോ​മ്മ​ൻ തീ​ർ​ഥാ​ട​ന​കേ​ന്ദ്രം. വി​വി​ധ റീ​ത്തു​ക​ളി​ലെ പി​താ​ക്ക​ൻ​മാ​രു​ടെ നേ​തൃ​ത്വ​ത്തി​ലാ​ണ് വി​ശ്വാ​സി​ക​ൾ പ്രാ​ർ​ഥ​നാ​പൂ​ർ​വം കു​രി​ശു​മാ​യി തീ​ർ​ഥാ​ട​ന​കേ​ന്ദ്ര​ത്തി​ലേ​ക്കു നീ​ങ്ങു​ന്ന​ത്. ചു​ങ്ക​പ്പാ​റ സെ​ന്‍റ് ജോ​ർ​ജ് പ​ള്ളി​യി​ൽ കേ​ന്ദ്രീ​ക​രി​ക്കു​ന്ന വി​ശ്വാ​സി​ക​ൾ ര​ണ്ടു കി​ലോ​മീ​റ്റ​ർ കാ​ൽ​ന​ട​യാ​യി മ​ല ക​യ​റും. 40- ാം വെ​ള്ളി ആ​ച​ര​ണ​ത്തെത്തു​ട​ർ​ന്ന് വി​ശു​ദ്ധ​വാ​ര​ത്തി​ലും ധാ​രാ​ളം വി​ശ്വാ​സി​ക​ൾ ക​രു​വ​ള്ളി​ക്കാ​ട് കു​രി​ശു​മ​ല​യി​ലെ​ത്താ​റു​ണ്ട്. പു​തു​ഞാ​യ​റാ​ഴ്ച കു​രി​ശു​മ​ല​യി​ൽ തി​രു​നാ​ളും നേ​ർ​ച്ച​വി​ത​ര​ണ​വും ന​ട​ന്നു​വ​രു​ന്നു.

കോ​ട്ട​യം ജി​ല്ല​യി​ലെ മ​ണി​മ​ല​യി​ൽ നി​ന്നും ക​റു​ക​ച്ചാ​ൽ, കു​ള​ത്തൂ​ർ ഭാ​ഗ​ത്തു​നി​ന്നും ചു​ങ്ക​പ്പാ​റ വ​ഴി കു​രി​ശു​മ​ല​യി​ലേ​ക്കെ​ത്താം. മ​ല്ല​പ്പ​ള്ളി​യി​ൽ നി​ന്നും വാ​യ്പൂ​ര് വ​ഴി​യും ചാ​ലാ​പ്പ​ള്ളി വ​ഴി​യും കു​രി​ശു​മ​ല​യി​ലേ​ക്ക് എ​ത്താ​നാ​കും.

റാ​ന്നി - പെ​രു​നാ​ട് തീ​ർ​ഥാ​ട​ന​കേ​ന്ദ്രം

മ​ല​ങ്ക​ര ക​ത്തോ​ലി​ക്കാ സ​ഭ​യി​ലെ പ്ര​ധാ​ന തീ​ർ​ഥാ​ട​ന​കേ​ന്ദ്ര​മാ​ണ് റാ​ന്നി പെ​രു​നാ​ട് കു​രി​ശു​മ​ല സെ​ന്‍റ് മേ​രീ​സ് ദേ​വാ​ല​യം. പ​ത്ത​നം​തി​ട്ട​യി​ൽ നി​ന്നും വ​ട​ശേ​രി​ക്ക​ര വ​ഴി​യു​ള്ള ശ​ബ​രി​മ​ല പാ​ത​യി​ൽ പെ​രു​നാ​ട് മാ​ന്പാ​റ ജം​ഗ്ഷ​നു സ​മീ​പ​ത്താ​ണ് ദേ​വാ​ല​യം. മ​ല​മു​ക​ളി​ൽ സ്ഥി​തി ചെ​യ്യു​ന്ന ദേ​വാ​ല​യ​ത്തി​ലേ​ക്ക് താ​ഴെ​യു​ള്ള ക​പ്പേ​ള​യി​ൽ നി​ന്നാ​ണ് കു​രി​ശി​ന്‍റെ വ​ഴി ക്ര​മീ​ക​രി​ക്കു​ന്ന​ത്. എ​ല്ലാ​വ​ർ​ഷ​വും വ​ലി​യ​നോ​ന്പി​ലെ പ​കു​തി നോ​ന്പ് ദി​ന​ത്തി​ലാ​ണ് പെ​രു​നാ​ട്ടി​ലെ കു​രി​ശു​മ​ല തീ​ർ​ഥാ​ട​നം. തീ​ർ​ഥാ​ട​ന​വാ​ര​വും ഇ​തോ​ട​നു​ബ​ന്ധി​ച്ചു​ണ്ടാ​കും.

പ​ത്ത​നം​തി​ട്ട രൂ​പ​ത​യി​ലെ വി​വി​ധ ദേ​വാ​ല​യ​ങ്ങ​ളി​ൽ നി​ന്ന് വി​ശ്വാ​സി​ക​ൾ കാ​ൽ​ന​ട​യാ​യി പെ​രു​നാ​ട്ടി​ലേ​ക്കെ​ത്തു​ന്നു. ക​പ്പേ​ള​യി​ൽ പി​താ​ക്ക​ൻ​മാ​രോ​ടും വൈ​ദി​ക​രോ​ടും ഒ​പ്പം ചേ​ർ​ന്ന് പ്രാ​ർ​ഥ​ന ന​ട​ത്തി കു​രി​ശു​മ​ല ക​യ​റു​ന്നു. 14 കേ​ന്ദ്ര​ങ്ങ​ളി​ൽ മു​ട്ടി​ന്മേ​ൽ നി​ന്നു പ്രാ​ർ​ഥ​ന ന​ട​ത്തി​യാ​ണ് വി​ശ്വാ​സി​ക​ൾ കു​രി​ശു​മ​ല ച​വി​ട്ടു​ന്ന​ത്. വി​ശു​ദ്ധ​വാ​ര​ത്തി​ലും ദുഃ​ഖ​വെ​ള്ളി​യാ​ഴ്ച​യും പെ​രു​നാ​ട്ടി​ൽ കു​രി​ശി​ന്‍റെ വ​ഴി ന​ട​ത്താ​റു​ണ്ട്.

തെ​ക്ക​ൻ കു​രി​ശു​മ​ല,

സ​മു​ദ്ര​നി​ര​പ്പി​ൽ നി​ന്ന് 3000 അ​ടി ഉ​യ​ര​ത്തി​ലാണ് തിരുവനന്തപുരം വെള്ളറടയിലെ തെക്കൻ കു​രി​ശു​മ​ല . ബെ​ൽ​ജി​യം മി​ഷ​ണ​റി​യാ​യി​രു​ന്ന ഫാ.​ജോ​ണ്‍​ബാ​പ്റ്റി​സ്റ്റ് 1957 ലാ​ണ് കു​രി​ശു​മ​ല​യു​ടെ നെ​റു​ക​യി​ൽ കു​രി​ശ് സ്ഥാ​പി​ച്ച​ത് . തു​ട​ർ​ന്നു​ള​ള വ​ർ​ഷ​ങ്ങ​ളി​ൽ കു​രി​ശു​മ​ല​യു​ടെ സ​മീ​പ​ത്തുള്ള ദേ​വാ​ല​യ​ങ്ങ​ളി​ൽ നി​ന്ന് വി​ശ്വാ​സി​ക​ൾ ആ​രം​ഭി​ച്ച കു​രി​ശി​ന്‍റെ വ​ഴി പ്ര​ദ​ക്ഷി​ണം ഇ​ന്ന് ജ​ന​ല​ക്ഷ​ങ്ങ​ൾ ഏ​റ്റെ​ടു​ത്തു. നെ​യ്യാ​റ്റി​ൻ​ക​ര ല​ത്തീ​ൻ രൂ​പ​ത​യ്ക്ക് കി​ഴി​ലെ ദേ​വാ​ല​യം വി​ശ്വാ​സി​ക​ളു​ടെ അ​ഭ​യ​കേ​ന്ദ്ര​മാ​ണ്. തി​രു​വ​ന​ന്ത​പു​ര​ത്തു നി​ന്ന് നെ​യ്യാ​റ്റി​ൻ​ക​ര വ​ഴി​യും കാ​ട്ടാ​ക്ക​ട വ​ഴി​യും തെ​ക്ക​ൻ കു​രി​ശു​മ​ല​യി​ലെ​ത്താം.

അ​ട്ട​പ്പാ​ടി ജെ​ല്ലി​പ്പാ​റ കാൽ​വ​രി മൗ​ണ്ട്,

പാ​ല​ക്കാ​ട് അ​ട്ട​പ്പാ​ടി താ​വ​ളം ഫൊ​റോ​ന​യി​ലെ ജെ​ല്ലി​പ്പാ​റ സെ​ന്‍റ് പീ​റ്റേ​ഴ്സ് ദേ​വാ​ല​യ​ത്തി​നു കീ​ഴി​ലു​ള്ള കു​രി​ശു​മ​ല​യാ​ണ് ജെ​ല്ലി​പ്പാ​റ കാ​ൽ​വ​രി മൗ​ണ്ട്. പ്ര​കൃ​തി​യു​ടെ മ​ടി​ത്ത​ട്ടി​ൽ വി​ല​സു​ന്ന ഈ ​കു​രി​ശു​മ​ല അ​ട്ട​പ്പാ​ടി മ​ല​യു​ടെ ഏ​റ്റ​വും ഉ​യ​രം​കൂ​ടി​യ ഭാ​ഗ​ങ്ങ​ളി​ലൊ​ന്നാ​ണ്.

പാ​ല​ക്കാ​ടുനി​ന്നും വ​രു​ന്ന​വ​ർ​ക്കു മ​ണ്ണാ​ർ​ക്കാ​ട്ടെ​ത്തി ക​ൽ​ക്ക​ണ്ടി, ക​ള്ള​മ​ല, ഒ​മ്മ​ല വ​ഴി​ ജെ​ല്ലി​പ്പാ​റ​യി​ലെ​ത്താം. ക​ൽ​ക്ക​ണ്ടി മു​ത​ൽ കാ​ൽ​വ​രി മൗ​ണ്ടി​ലേ​ക്കു​ള്ള ദി​ശാ​ബോ​ർ​ഡു​ക​ളും കാ​ണാം. കോ​യ​ന്പ​ത്തൂ​ർ ഭാ​ഗ​ത്തു നി​ന്നും വ​രു​ന്ന​വ​ർക്ക് ആ​ന​ക്ക​ട്ടി, അ​ഗ​ളി, ഗൂ​ളി​ക്ക​ട​വ്,ദോ​ണി​ഗു​ണ്ട് വ​ഴി ജെ​ല്ലി​പ്പാ​റ​യി​ലെ​ത്താം.

1960-ലാ​ണ് സെ​ന്‍റ് പീ​റ്റേ​ഴ്സ് പ​ള്ളി സ്ഥാ​പി​ത​മാ​യ​ത്. 1970 മു​ത​ൽ കു​രി​ശു​മ​ലക​യ​റ്റം തു​ട​ങ്ങി. 2010 ഒ​ക്ടോ​ബ​റി​ൽ പാ​ല​ക്കാ​ട് രൂ​പ​ത​യു​ടെ തീ​ർ​ഥാ​ട​ന കേ​ന്ദ്ര​മാ​യി പ്ര​ഖ്യാ​പി​ച്ചു. നാ​ളി​തു​വ​രെ ഓ​രോ കു​രി​ശി​ന്‍റെ വ​ഴി​യി​ലും അ​ഭൂ​ത​പൂ​ർ​വ​മാ​യ ഭ​ക്ത​ജ​ന​പ്ര​വാ​ഹ​മാ​ണ് ഇ​വി​ടെ അ​നു​ഭ​വ​പ്പെ​ട്ടു​വ​രു​ന്ന​ത്.

താ​മ​ര​ശേ​രി ചു​ര​ത്തി​ലെ കു​രി​ശി​ന്‍റെ വ​ഴി 27 വ​ർ​ഷം പി​ന്നി​ടു​ന്നു,

താ​മ​ര​ശേ​രി ചു​ര​ത്തി​ലൂ​ടെ​യു​ള്ള പാ​പ​പ​രി​ഹാ​ര യാ​ത്ര​​യ്ക്ക് 13 കി​ലോ​മീ​റ്റ​ർ ദൈ​ർ​ഘ്യ​മു​ണ്ട്. അ​ടി​വാ​രം ഗ​ദ്സ​മേ​നി​ൽ​നി​ന്നു തു​ട​ങ്ങി ല​ക്കി​ടി​യി​ലെ മൗ​ണ്ട് സീ​നാ​യി​ൽ സ​മാ​പി​ക്കും.​നോ​ന്പി​ലെ വെ​ള്ളി​യാ​ഴ്ച​ക​ളി​ലാ​ണ് കു​രി​ശി​ന്‍റെ വ​ഴി ന​ട​ത്തു​ന്ന​ത്. 1992 ഏ​പ്രി​ൽ 17നാ​ണ് കു​രി​ശ​ന്‍റെ വ​ഴി ആ​രം​ഭി​ച്ച​ത്.

ദു:​ഖവെ​ള്ളി​യാ​ഴ്ച പു​ല​ർ​ച്ചെ 3 മ​ണി​ക്ക് വി​ശ്വാ​സി​ക​ൾ ക​രി​ശി​ന്‍റെ വ​ഴി ആ​രം​ഭി​ക്കും. നാ​നാ​ഭാ​ഗ​ങ്ങളി​ൽ നി​ന്നെ​ത്തു​ന്ന​വ​ർ സം​ഘ​ങ്ങ​ളാ​യെ​ത്തി​യാ​ണ് മ​ല​ക​യ​റ്റം ന​ട​ത്തു​ന്ന​ത്. രാ​വി​ലെ 10 മ​ണി​ക്ക് അ​ടി​വാ​ര​ത്ത് ആ​രം​ഭി​ക്കു​ന്ന തി​രു​ക്ക​ർ​മ്മ​ങ്ങ​ളി​ൽ പ​തി​നാ​യി​ര​ങ്ങ​ളാ​ണ് പ​ങ്കു​ചേ​രു​ന്ന​ത്. മു​ൾ​ക്കി​രീ​ട​വും ചൂ​ടി വ​ലി​യ മ​ര​ക്കു​രി​ശും വ​ഹി​ച്ചു നീ​ങ്ങു​ന്ന ക്രി​സ്തു​വും ചാ​ട്ട​വാ​റും കു​ന്ത​ങ്ങ​ളു​മാ​യി ഒ​പ്പം നീ​ങ്ങു​ന്ന പ​ട​യാ​ളി​ക​ളും തൊ​ട്ടു​പി​ന്നി​ൽ മ​റി​യ​വും ഭ​ക്ത സ്ത്രീ​ക​ളും ഇ​വ​ർ​ക്കു പി​ന്നി​ൽ ജ​പ​മാ​ല കൈ​യിലേ​ന്തി ചെ​റി​യ കു​രി​ശു​ക​ളും വ​ഹി​ച്ച് വി​ശ്വാ​സി​ക​ളും യേ​ശു​വി​ന്‍റെ പീ​ഡാ​നു​ഭ​വ​ങ്ങ​ളെ അ​നു​സ്മ​രി​ക്കു​ന്ന പ്രാ​ർ​ത്ഥ​നാ ഗീ​ത​ങ്ങ​ൾ പാ​ടി​യും പ്രാ​ർ​ത്ഥി​ച്ചു​മാ​ണ് മ​ല​ക​യ​റു​ന്ന​ത്.

ഈ​വ​ർ​ഷ​ത്തെ ദു​ഃഖ​വെ​ള്ളി ആ​ച​ര​ണം 30ന് ​രാ​വി​ലെ 10 മ​ണി​ക്ക് അ​ടി​വാ​രം ഗ​ദ്സ​മ​നി​ൽ ആ​രം​ഭി​ക്കും. ഉ​ച്ച​ക​ഴി​ഞ്ഞ് 2 മ​ണി​ക്ക് മൗ​ണ്ട് സീ​നാ​യി​ൽ ത​ല​ശേ​രി രൂ​പ​ത സ​ഹാ​യ​മെ​ത്രാ​ൻ മാ​ർ ജോ​സ​ഫ് പാം​പ്ലാ​നി സ​ന്ദേ​ശം ന​ൽ​കും. ജ​ന​റ​ൽ ക​ണ്‍​വീ​ന​ർ​മാ​രാ​യ ജോ​സ് ചി​ല​ന്പി​ൽ അ​ടി​വാ​രം, കു​ട്ടി​ച്ച​ൻ കീ​പ്പു​റം പാ​ലാ എ​ന്നി​വ​ർ ഡ​യ​റ​ക്ട​ർ ഫാ. ​തോ​മ​സ് തു​ണ്ട​ത്തി​ലി​നൊ​പ്പ​മു​ണ്ട്.

ആലപ്പുഴയിൽ തങ്കി, പൂങ്കാവ്‌

‌ആ​ല​പ്പു​ഴ​യി​ലെ പ്ര​മു​ഖ തീ​ര്‍​ഥാ​ട​ന​കേ​ന്ദ്ര​ങ്ങ​ളാ​യ പൂ​ങ്കാ​വ് ഔർ‍ ലേ​ഡി ഓ​ഫ് അ​സം​പ്ഷ​ന്‍ പ​ള്ളി, തു​മ്പോ​ളി സെന്‍റ് തോ​മ​സ് ദേ​വാ​ല​യം, ത​ങ്കി സെ​ന്‍റ് മേ​രീ​സ് ഫൊ​റോ​ന പ​ള്ളി എ​ന്നി​വി​ട​ങ്ങ​ളി​ലെ​ല്ലാം വി​ശു​ദ്ധ​വാ​ര കാ​ല​യ​ള​വി​ല്‍ തീ​ര്‍​ഥാ​ട​ക​ര്‍ ഒ​ഴു​കി​യെ​ത്തും. ഇ​വി​ട​ങ്ങ​ളി​ലെ ന​ഗ​രി കാ​ണി​ക്ക​ല്‍ ച​ട​ങ്ങു​ക​ള്‍ ത​ന്നെ വി​ശ്വാ​സി​സ​മൂ​ഹ​ത്തെ ഭ​ക്തി​യു​ടെ പാ​ര​മ്യ​ത​യി​ലെ​ത്തി​ക്കു​ന്ന​തു​മാ​ണ്. തി​രു​സ്വ​രൂ​പം വ​ണ​ങ്ങി പി​ടി​യ​രി സ​മ​ര്‍​പ്പി​ച്ചും ഇ​വി​ടേ​ക്കെ​ത്തു​ന്ന ജ​ന​സ​ഹ​സ്ര​ങ്ങ​ള്‍ പീ​ഡാ​നു​ഭ​വ​ത്തി​ന്റെ​യും കു​രി​ശു​മ​ര​ണ​ത്തി​ന്‍റെയും ഉ​യി​ര്‍​ത്തെ​ഴു​ന്നേ​ല്പിന്‍റെയും ദീ​പ്ത​സ്മ​ര​ണ​യി​ല്‍ മു​ങ്ങും. ദീ​പ​ക്കാ​ഴ്ച​ക​ളും മാ​ന​വമൈ​ത്രീ ദീ​പ​വു​മൊ​ക്കെ വി​ശു​ദ്ധ​വാ​രാ​ച​ര​ണ​ത്തി​ന്‍റെ ഭാ​ഗ​മാ​യി ഇ​വി​ടെ അ​ര​ങ്ങേ​റും.

ആ​ല​പ്പു​ഴ​യി​ല്‍ നി​ന്നും ചേ​ര്‍​ത്ത​ല​യി​ലേ​ക്കു​ള്ള ദേ​ശീ​യ​പാ​ത​യു​ടെ പ​ടി​ഞ്ഞാ​റു​ഭാ​ഗ​ത്താ​യാ​ണ് മൂ​ന്നു ദേ​വാ​ല​യ​ങ്ങ​ളും സ്ഥി​തിചെ​യ്യു​ന്ന​ത്. മൂ​ന്നു ദേ​വാ​ല​യ​ങ്ങ​ളു​ടെ പേ​രി​ലും ഇ​വി​ട​ങ്ങ​ളി​ല്‍ സ്റ്റോ​പ്പു​മു​ണ്ട്. വാ​ഹ​ന​മി​റ​ങ്ങി പ​ടി​ഞ്ഞാ​റു​ഭാ​ഗ​ത്തേ​ക്ക് ര​ണ്ടു​മൂ​ന്നു കി​ലോ​മീ​റ്റ​റോ​ളം സ​ഞ്ച​രി​ച്ചാ​ല്‍ ഈ ​ദേ​വാ​ല​യ​ങ്ങ​ളി​ലേ​ക്കെ​ത്താം. തീ​ര​ദേ​ശ​പാ​ത​യു​ടെ സ​മീ​പ​ത്തു​മാ​ണ് മൂ​ന്നു ദേ​വാ​ല​യ​ങ്ങ​ളും.

തയാറാക്കിയത് : എം.ജെ. റോബിൻ, സിജോ ഡൊമിനിക്, സിജോ പൈനാടത്ത്, ജയ്സ് വാട്ടപ്പിള്ളി,


Copyright @ 2022 , Rashtra Deepika Ltd.