മറ്റുള്ളവരെ സന്പന്നരാക്കൂ, കാര്യമുണ്ട്
അ​ന്ധ​നാ​യി​ട്ടാ​യി​രു​ന്നു ശ്രീ​കാ​ന്ത് ജ​നി​ച്ച​ത്. ആ​ന്ധ്രാ​പ്ര​ദേ​ശി​ലെ സീ​താ​രാ​മ​പു​ര​മാ​യി​രു​ന്നു ജന്മസ്ഥ​ലം. ദ​രി​ദ്ര​രാ​യ ക​ർ​ഷ​ക​രാ​യി​രു​ന്നു ശ്രീ​കാ​ന്തി​ന്‍റെ മാ​താ​പി​താ​ക്ക​ൾ. അ​വ​ർ ശ്രീ​കാ​ന്തി​നെ ഗ്രാ​മ​ത്തി​ന​ടു​ത്തു​ള്ള ഒ​രു സ്കൂ​ളി​ൽ ചേ​ർ​ത്തു. പ​ക്ഷേ ശ്രീ​കാ​ന്തി​ന്‍റെ പ​ഠ​ന​കാ​ര്യ​ത്തി​ൽ ആ​രും അ​വി​ടെ ശ്ര​ദ്ധി​ച്ചി​ല്ല. ശ്രീ​കാ​ന്താ​ണെ​ങ്കി​ൽ അ​വി​ടെ ആ​കെ ഒ​റ്റ​പ്പെ​ട്ട​നി​ല​യി​ലു​മാ​യി​രു​ന്നു.
അ​ങ്ങ​നെ​യൊ​രു സാ​ഹ​ച​ര്യ​ത്തി​ലാ​ണു ശ്രീ​കാ​ന്തി​നെ ഹൈ​ദ​രാ​ബാ​ദി​ലു​ള്ള അ​ന്ധ​വി​ദ്യാ​ല​യ​ത്തി​ൽ ചേ​ർ​ത്ത​ത്. അ​വി​ടെ​വ​ച്ചു ശ്രീ​കാ​ന്ത് പ​ഠ​ന​ത്തി​ൽ ഒ​ന്നാ​മ​നാ​യി. ഉ​യ​ർ​ന്ന മാ​ർ​ക്കോ​ടെ പ​ത്താം ക്ലാ​സ് പാ​സാ​യെ​ങ്കി​ലും പ്ല​സ്ടു ക്ലാ​സി​ൽ സ​യ​ൻ​സ് ഗ്രൂ​പ്പ് എ​ടു​ക്കു​വാ​ൻ നി​യ​മം അ​നു​വ​ദി​ച്ചി​ല്ല. ഗ​വ​ണ്‍​മെ​ന്‍റി​നെ​തി​രാ​യി കോ​ട​തി​യി​ൽ കേ​സ് ന​ട​ത്തി​യാ​ണ് ആ​റു​മാ​സ​ത്തി​നു​ശേ​ഷം ശ്രീ​കാ​ന്തി​നു പ​തി​നൊ​ന്നാം ക്ലാ​സി​ൽ ചേ​രാ​ൻ സാ​ധി​ച്ച​ത്.

പ​ന്ത്ര​ണ്ടാം ക്ലാ​സി​ലെ ബോ​ർ​ഡ് പ​രീ​ക്ഷ​യ്ക്ക് ശ്രീ​കാ​ന്തി​ന് 98 ശ​ത​മാ​നം മാ​ർ​ക്കു​ണ്ടാ​യി​രു​ന്നു. ഐ​ഐ​ടി​യി​ൽ എ​ൻ​ജി​നി​യ​റിം​ഗ് പ​ഠി​ക്കു​വാ​നു​ള്ള ആ​ഗ്ര​ഹ​ത്തോ​ടെ അ​വി​ട​ത്തെ പ്ര​വേ​ശ​ന പ​രീ​ക്ഷ​യി​ൽ പ​ങ്കെ​ടു​ക്കു​വാ​ൻ ശ്രീ​കാ​ന്ത് അ​പേ​ക്ഷി​ച്ചു. പ​ക്ഷേ അ​ന്ധ​നാ​യി​രു​ന്ന​തു​കൊ​ണ്ടു പ​രീ​ക്ഷ​യി​ൽ പ​ങ്കെ​ടു​ക്കു​വാ​ൻ​പോ​ലും അ​നു​വാ​ദം ല​ഭി​ച്ചി​ല്ല.

ശ്രീ​കാ​ന്ത് നി​രാ​ശ​നാ​യി​ല്ല. ഇ​ന്‍റ​ർ​നെ​റ്റി​ലൂ​ടെ അ​മേ​രി​ക്ക​യി​ലെ സാ​ധ്യ​ത​ക​ൾ ആ​രാ​ഞ്ഞ് അ​വി​ടെ​യു​ള്ള പ​ല യൂ​ണി​വേ​ഴ്സി​റ്റി​ക​ളി​ലേ​ക്ക് അ​പേ​ക്ഷ അ​യ​ച്ചു. എം​ഐ​ടി, സ്റ്റാ​ൻ​ഫോ​ഡ്, ബ​ർ​ക്‌ലി എ​ന്നി​വി​ട​ങ്ങ​ളി​ൽ ശ്രീ​കാ​ന്തി​ന് അ​ഡ്മി​ഷ​ൻ ല​ഭി​ച്ചു. ശ്രീ​കാ​ന്ത് തെ​ര​ഞ്ഞെ​ടു​ത്ത​തു ബോ​സ്റ്റ​ണി​ലെ പ്ര​സി​ദ്ധ​മാ​യ എം​ഐ​ടി​യാ​യി​രു​ന്നു. അ​വി​ടെ പ്ര​വേ​ശ​നം ല​ഭി​ച്ച ആ​ദ്യ​ത്തെ വിദേശ അ​ന്ധ​വി​ദ്യാ​ർ​ഥി​യാ​യി​രു​ന്നു ശ്രീ​കാ​ന്ത്.

പ​ഠ​ന​ത്തി​ൽ പ്ര​ശോ​ഭി​ച്ച ശ്രീ​കാ​ന്ത് പ​ഠ​ന​കാ​ല​ഘ​ട്ട​ത്തി​ൽ​ത്ത​ന്നെ അ​വ​ധി​ക്കാ​ല​ത്തു ഹൈ​ദ​രാ​ബാ​ദി​ൽ ബ്രെ​യി​ൽ ലി​പി​യി​ൽ അ​ച്ച​ടി​ക്കു​വാ​നു​ള്ള ഒ​രു പ്രി​ന്‍റിം​ഗ് പ്ര​സ് തു​ട​ങ്ങി. അ​ന്ധ​വി​ദ്യാ​ർ​ഥി​ക​ൾ​ക്ക് ഏ​റ്റ​വും ചു​രു​ങ്ങി​യ ചെ​ല​വി​ൽ പാ​ഠ്യ​പു​സ്ത​ക​ങ്ങ​ളും മ​റ്റും എ​ത്തി​ക്കു​വാ​ൻ വേ​ണ്ടി​യാ​യി​രു​ന്നു അ​ത്.

അ​തെ​ത്തു​ട​ർ​ന്ന് അ​ന്ധ​വി​ദ്യാ​ർ​ഥി​ക​ളു​ടെ പ​രി​ശീ​ല​ന​ത്തി​നാ​യി എം​ഐ​ടി​യു​ടെ സ​ഹാ​യ​ത്തോ​ടു​കൂ​ടി ഹൈ​ദ​രാ​ബാ​ദി​ൽ കം​പ്യൂ​ട്ട​ർ ട്രെ​യി​നിം​ഗ് സെ​ന്‍റ​റും സ്ഥാ​പി​ച്ചു. എം​ഐ​ടി​യി​ൽ​നി​ന്നു ശ്രീ​കാ​ന്ത് ബി​സി​ന​സി​ൽ ബി​രു​ദം സ​ന്പാ​ദി​ച്ച​പ്പോ​ൾ അ​മേ​രി​ക്ക​യി​ലെ വ​ൻ​കി​ട കോ​ർ​പ​റേ​ഷ​നു​ക​ളി​ലെ​വി​ടെ​യെ​ങ്കി​ലും ജോ​ലി സ​ന്പാ​ദി​ച്ചു ശ്രീ​കാ​ന്തി​നു ത​ന്‍റെ സാ​ന്പ​ത്തി​ക​നി​ല ഭ​ദ്ര​മാ​ക്കാ​മാ​യി​രു​ന്നു.

എ​ന്നാ​ൽ അ​തി​നു​പ​ക​രം ഇ​ന്ത്യ​യി​ലേ​ക്കു മ​ട​ങ്ങു​വാ​നാ​ണു ശ്രീ​കാ​ന്ത് തീ​രു​മാ​നി​ച്ച​ത്. അ​പ്പോ​ഴേ​ക്കും നൂ​റു​ക​ണ​ക്കി​ന് അ​ന്ധ​വി​ദ്യാ​ർ​ഥി​ക​ൾ ശ്രീ​കാ​ന്ത് ഹൈ​ദ​രാ​ബാ​ദി​ൽ സ്ഥാ​പി​ച്ച കം​പ്യൂ​ട്ട​ർ സെ​ന്‍റ​റി​ൽ പ​ഠി​ച്ചു ജോ​ലി തേ​ടി അ​ല​യു​ന്നു​ണ്ടാ​യി​രു​ന്നു. അ​പ്പോ​ഴാ​ണ് അ​ന്ധ​ർ​ക്കു ജോ​ലി ന​ല്കു​ന്ന​തി​നു​വേ​ണ്ടി ഒ​രു ക​ന്പ​നി സ്ഥാ​പി​ക്കു​വാ​ൻ ശ്രീ​കാ​ന്ത് തീ​രു​മാ​നി​ച്ച​ത്.

ശ്രീ​കാ​ന്ത് സ്കൂ​ളി​ൽ പ​ഠി​ക്കു​ന്ന കാ​ല​ത്തു ശ്രീ​കാ​ന്തി​നെ വേ​ണ്ട​രീ​തി​യി​ൽ പ്രോ​ത്സാ​ഹി​പ്പി​ച്ചു സ​ഹാ​യി​ച്ച സ്പെ​ഷ​ൽ നീ​ഡ്സ് ടീ​ച്ച​റാ​യി​രു​ന്നു സ്വ​ർ​ണ​ല​ത. ശ്രീ​കാ​ന്ത് അ​മേ​രി​ക്ക​യി​ൽ​നി​ന്നു മ​ട​ങ്ങി​യെ​ത്തി​യ​പ്പോ​ൾ സ്വ​ർ​ണ​ല​ത​യു​ടെ സ​ഹാ​യ​ത്തോ​ടു​കൂ​ടി ബോ​ള്ള​ന്‍റ് ഇ​ൻ​ഡ​സ്ട്രീ​സ് എ​ന്ന പേ​രി​ൽ ഒ​രു ക​ന്പ​നി സ്ഥാ​പി​ച്ചു. അ​പ്പോ​ൾ അ​വി​ടെ ജോ​ലി​ക്കു ചേ​ർ​ന്ന അ​ന്ധ​വി​ദ്യാ​ർ​ഥി​ക​ൾ​ക്കു പ​രി​ശീ​ല​നം ന​ല്കി​യ​തു പ്ര​ധാ​ന​മാ​യും സ്വ​ർ​ണ​ല​ത ആ​യി​രു​ന്നു.

എ​ക്കോ-​ഫ്ര​ണ്ട്ലി​യാ​യ പാ​ക്കേ​ജിം​ഗ് ഐ​റ്റ​ങ്ങ​ൾ നി​ർ​മി​ക്കു​ന്ന ശ്രീ​കാ​ന്തി​ന്‍റെ ക​ന്പ​നി​യെ സ​ഹാ​യി​ക്കു​ന്ന​തി​നു ചി​ല​ർ മു​ന്നോ​ട്ടു​വ​ന്നു. അ​തി​ലൊ​രാ​ൾ ടാ​റ്റ ക​ന്പ​നി​യു​ടെ ചെ​യ​ർ​മാ​ൻ ര​ത്ത​ൻ ടാ​റ്റ ആ​യി​രു​ന്നു. ക​ന്പ​നി​യു​ടെ വി​ജ​യ​ത്തി​നാ​യി വ​ലി​യൊ​രു തു​ക അ​ദ്ദേ​ഹം ശ്രീ​കാ​ന്തി​നു ന​ല്കി. തന്മൂ​ലം ക​ന്പ​നി അ​തി​വേ​ഗം വ​ള​ർ​ന്നു. അ​ന്പ​തു കോ​ടി​യു​ടെ ആസ്തിയുള്ള ശ്രീ​കാ​ന്തി​ന്‍റെ ക​ന്പ​നി​ക്കു നാ​ലു സ്ഥ​ല​ത്ത് ഇ​പ്പോ​ൾ യൂ​ണി​റ്റു​ക​ളു​ണ്ട്.

1992-ൽ ​ജ​നി​ച്ച ശ്രീ​കാ​ന്തി​ന് ഇ​പ്പോ​ൾ ഇ​രു​പ​ത്താ​റു വ​യ​സ് മാ​ത്ര​മേ ആ​യി​ട്ടു​ള്ളൂ. അ​തി​നി​ട​യി​ലാ​ണ് അ​ന്ധ​നാ​യി​രു​ന്നി​ട്ടും വ​ൻ​കാ​ര്യ​ങ്ങ​ൾ ചെ​യ്യു​വാ​ൻ ശ്രീ​കാ​ന്തി​നു സാ​ധി​ച്ച​ത്. ശ്രീ​കാ​ന്തി​ന്‍റെ ജീ​വി​ത​പ്ര​മാ​ണം എ​ന്താ​ണെ​ന്നോ? ശ്രീ​കാ​ന്ത് പ​റ​യു​ന്നു:
"​മ​റ്റു​ള്ള​വ​രോ​ടു ക​രു​ണ കാ​ണി​ക്കു​ക​യും അ​വ​രെ സ​ന്പ​ന്ന​രാ​ക്കു​ക​യും ചെ​യ്യു​ക. മ​റ്റു​ള്ള​വ​രെ നി​ങ്ങ​ളു​ടെ ജീ​വി​ത​ത്തി​ൽ ഉ​ൾ​പ്പെ​ടു​ത്തി അ​വ​രു​ടെ ഏ​കാ​ന്ത​ത​യി​ൽ​നി​ന്നു മോ​ചി​പ്പി​ക്കു​ക. എ​പ്പോ​ഴും എ​ന്തെ​ങ്കി​ലും ന·​ചെ​യ്യു​ക. ആ ​നന്മ നി​ങ്ങ​ളി​ലേ​ക്കു തി​രി​കെ​വ​രും’. ശ്രീ​കാ​ന്ത് പ​റ​ഞ്ഞ ഈ ​കാ​ര്യ​ങ്ങ​ൾ താ​ഴെ​പ്പ​റ​യു​ന്ന രീ​തി​യി​ൽ ശ്രീ​കാ​ന്ത് ത​ന്നെ വി​ശ​ദീ​ക​രി​ച്ചി​ട്ടു​ണ്ട്:

"ക​രു​ണ കാ​ണി​ക്കു​ക എ​ന്നു​പ​റ​ഞ്ഞാ​ൽ എ​ങ്ങ​നെ​യാ​ണു ജീ​വി​ക്കേ​ണ്ട​ത് എ​ന്ന് ഒ​രാ​ളെ കാ​ണി​ച്ചു​കൊ​ടു​ക്കു​ന്ന​താ​ണ്. വ​ള​രാ​നും സ​ന്പ​ന്ന​നാ​കാ​നു​മു​ള്ള ഒ​രു അ​വ​സ​രം ന​ല്കു​ക എ​ന്നു​ള്ള​താ​ണ്. സ​ന്പ​ത്ത് അ​ട​ങ്ങി​യി​രി​ക്കു​ന്ന​തു പ​ണം ഉ​ണ്ടാ​കു​ന്ന​തി​ല​ല്ല, പ്ര​ത്യു​ത സ​ന്തോ​ഷം ഉ​ണ്ടാ​കു​ന്ന​തി​ലാ​ണ്’.

ശ്രീ​കാ​ന്തി​ന്‍റെ വീ​ക്ഷ​ണ​ത്തി​ൽ ജീ​വി​ത​ത്തി​ൽ ശ​രി​യാ​യ സ​ന്തോ​ഷം ക​ണ്ടെ​ത്തു​വാ​ൻ മ​റ്റു​ള്ള​വ​രെ സ​ഹാ​യി​ക്കു​ക എ​ന്ന​താ​യി​രി​ക്ക​ണം ന​മ്മു​ടെ ജീ​വി​ത​പ്ര​മാ​ണ​ങ്ങ​ളി​ൽ പ്ര​ധാ​ന​പ്പെ​ട്ട ഒ​രെ​ണ്ണം. ത​ന്‍റെ ജീ​വി​താ​നു​ഭ​വ​ത്തി​ൽ​നി​ന്നു ശ്രീ​കാ​ന്ത് രൂ​പ​പ്പെ​ടു​ത്തി​യ ആ ​ജീ​വി​ത​പ്ര​മാ​ണം ന​മ്മു​ടെ​യും ജീ​വി​ത​ത്തി​ന്‍റെ ഭാ​ഗ​മാ​ക്കു​ന്ന​ത് എ​ല്ലാ രീ​തി​യി​ലും ന​ന്നാ​യി​രി​ക്കും.

ശ്രീ​കാ​ന്തി​ന്‍റെ ബാ​ല്യ​കാ​ല ജീ​വി​ത​ത്തി​ൽ ശ്രീ​കാ​ന്തി​നെ ഏ​റെ വ്യ​സ​നി​പ്പി​ച്ച​ത് അ​ന്ധ​ത മാ​ത്ര​മാ​യി​രു​ന്നി​ല്ല. ദാ​രി​ദ്ര്യവും ത​നി​ക്കു സ​ഹാ​യ​ത്തി​നാ​യി ആ​രു​മി​ല്ലെ​ന്ന ചി​ന്ത​യു​മാ​യി​രു​ന്നു. അ​ങ്ങ​നെ​യൊ​രു ജീ​വി​ത​സാ​ഹ​ച​ര്യ​ത്തി​ൽ​നി​ന്നാ​ണു സ്വ​പ​രി​ശ്ര​മ​വും കു​റെ ന​ല്ല മ​നു​ഷ്യ​രു​ടെ അ​വ​സ​രോ​ചി​ത​മാ​യ സ​ഹാ​യ​വും​മൂ​ലം ശ്രീ​കാ​ന്ത് ക​ര​ക​യ​റി​യ​ത്.

ശ്രീ​കാ​ന്ത് ഇ​ന്നു ത​ന്‍റെ അ​റി​വും ക​ഴി​വു​ക​ളും സ​ന്പ​ത്തും ഉ​പ​യോ​ഗി​ച്ചു മ​റ്റു​ള്ള​വ​രെ ത​നി​ക്കു സാ​ധി​ക്കു​ന്ന രീ​തി​യി​ൽ സ​ന്പ​ന്ന​രാ​ക്കു​വാ​ൻ പ​രി​ശ്ര​മി​ക്കു​ക​യാ​ണ്. ശ്രീ​കാ​ന്ത് അ​തു ചെ​യ്യു​ന്ന​താ​ക​ട്ടെ അ​വ​രു​ടെ ജീ​വി​ത​ത്തി​ൽ സ​ന്തോ​ഷം ഉ​ണ്ടാ​കു​വാ​നു​ള്ള സ​ഹാ​യ​ങ്ങ​ൾ ചെ​യ്തു​കൊ​ണ്ടും.
ശ്രീ​കാ​ന്തി​ന്‍റെ മാ​തൃ​ക അ​നു​സ​രി​ച്ചു ന​മു​ക്കും മ​റ്റു​ള്ള​വ​രെ സ​ന്പ​ന്ന​രാ​ക്കു​വാ​ൻ ശ്ര​മി​ക്കാം. അ​താ​യ​ത്, അ​വ​ർ​ക്കു നന്മചെ​യ്തു​കൊ​ണ്ട് അ​വ​ർ​ക്കു സ​ന്തോ​ഷം ന​ല്കാം. അ​പ്പോ​ൾ അ​തി​ന്‍റെ ഒ​രു ഓ​ഹ​രി ന​മ്മി​ലേ​ക്കും മ​ട​ങ്ങി​യെ​ത്തും.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.