എന്‍റെ ശബ്ദത്തിൽ ഞാനൊരു മറിമായവും ചെയ്യുന്നില്ല
ത​ന്‍റെ മാ​യി​ക​ശ​ബ്ദ​ത്തി​ലൂ​ടെ ഒ​രു​കാ​ല​ത്ത് ആ​യി​ര​ക്ക​ണ​ക്കി​നു മ​ല​യാ​ള റേ​ഡി​യോ ശ്രോ​താ​ക്ക​ളു​ടെ ഹ​ര​മാ​യിരു​ന്നു ടി.​പി.​രാ​ധാ​മ​ണി. പു​തി​യ കാ​ല​ത്തെ ആ​സ്വാ​ദ​ക​ർ​ക്കു ചി​ല​പ്പോ​ൾ വി​ശ്വ​സി​ക്കാ​ൻ​പോ​ലും ക​ഴി​യാ​ത്ത ശ​ബ്‌​ദ​സാ​ന്നി​ധ്യം; ശ​ബ്‌​ദ​ഭാ​വം - അ​താ​യി​രു​ന്നു ടി.​പി.​രാ​ധാ​മ​ണി. റേ​ഡി​യോ അ​ല്ലാ​തെ മ​റ്റൊ​രു വി​ജ്ഞാ​ന-​വി​നോ​ദ​മാ​ധ്യ​മ​വും കേ​ര​ളീ​യ വീ​ട്ട​ക​ങ്ങ​ളി​ൽ എ​ത്താ​ത്ത ഒ​രു ഇ​ന്ന​ലെ​യി​ൽ റേ​ഡി​യോ നാ​ട​ക​ങ്ങ​ളി​ലൂ​ടെ ടി.​പി.​രാ​ധാ​മ​ണി ആ​സ്വാ​ദ​ക​ഹൃ​ദ​യ​ങ്ങ​ളി​ൽ നേ​രി​ട്ടു​ക​യ​റി ഇ​ടം​പി​ടി​ക്കു​ക​യാ​യി​രു​ന്നു. ജീ​വി​ത​ത്തി​ലൊ​രി​ക്ക​ലും ടി.​പി.​രാ​ധാ​മ​ണി​യെ ക​ണ്ടി​ട്ടി​ല്ലാ​ത്ത​വ​ർ ആ ​ശ​ബ്ദം എ​വി​ടെ കേ​ട്ടാ​ലും തി​രി​ച്ച​റി​ഞ്ഞി​രു​ന്നു. റോ​ഡി​ൽ​വ​ച്ചും ആ​ൾ​ക്കൂ​ട്ട​ത്തി​ൽ​വ​ച്ചും ഫോ​ണി​ലു​മെ​ല്ലാം ആ ​ശ​ബ്ദം ജ​നം തി​രി​ച്ച​റി​ഞ്ഞു. ദൈ​വം ന​ൽ​കി​യൊ​രു ശ​ബ്ദം​കൊ​ണ്ട് അ​മ്മ​യാ​യും കാ​മു​കി​യാ​യും ഭാ​ര്യ​യാ​യു​മെ​ല്ലാം നി​റ​ഞ്ഞ രാ​ധാ​മ​ണി​യു​ടെ അ​വ​സാ​ന നാ​ളു​ക​ളി​ൽ അ​ർ​ബു​ദം ആ ​തൊ​ണ്ട​യി​ൽ പി​ടി​മു​റു​ക്കി എ​ന്ന സ​ത്യം ഒ​രു വ​ലി​യ വൈ​രു​ധ്യ​മാ​കു​ന്നു, വേ​ദ​ന​യാ​കു​ന്നു.

""എ​ന്‍റെ ശ​ബ്‌​ദ​ത്തെ പാ​ക​പ്പെ​ടു​ത്തി ഞാ​ൻ ഡ​ബ്ബ് ചെ​യ്തി​ട്ടി​ല്ല. റേ​ഡി​യോ നാ​ട​ക​ങ്ങ​ളി​ലാ​യാ​ലും സി​നി​മാ ഡ​ബ്ബിം​ഗി​ലാ​യാ​ലും എ​ന്‍റെ യ​ഥാ​ർ​ഥ ശ​ബ്‌​ദ​ത്തി​ൽ ത​ന്നെ​യാ​ണ് പ​റ​യു​ന്ന​ത്. ക​ഥാ​പാ​ത്ര​മ​നു​സ​രി​ച്ചും സ​ന്ദ​ർ​ഭ​മ​നു​സ​രി​ച്ചും ഭാ​വം മാ​റ്റും. അ​ത്ര മാ​ത്രം.''

അ​ങ്ങ​നെ​യാ​യിരുന്നു അവരുടെ ശ​ബ്‌​ദ​ത്തി​ന്‍റെ "ര​സ​ത​ന്ത്രം'. സി​നി​മ​യി​ൽ പ്ര​ശ​സ്ത നാ​യി​ക​മാ​രാ​യ ശാ​ര​ദ, വി​ജ​യ​ശ്രീ, അം​ബി​ക, ജ​ല​ജ, പൂ​ർ​ണി​മ ജ​യ​റാം, ന​ന്ദി​ത​ബോ​സ് തു​ട​ങ്ങി​യ​വ​ർ​ക്കു​വേ​ണ്ടി ഡ​ബ്ബ് ചെ​യ്തി​ട്ടു​ണ്ട് ടി.​പി.​രാ​ധാ​മ​ണി. ല​ജ്ജാ​വ​തി എ​ന്ന സി​നി​മ​യി​ൽ അ​ഭി​ന​യി​ക്കു​ന്പോ​ൾ അം​ബി​ക കൗ​മാ​ര​ക്കാ​രി​യാ​ണ്. അം​ബി​ക​യേ​ക്കാ​ൾ പ്രാ​യ​ത്തി​ൽ വ​ള​രെ മു​തി​ർ​ന്ന ടി.​പി.​രാ​ധാ​മ​ണി​യാ​ണ് അം​ബി​ക​യു​ടെ പ്ര​ണ​യാ​ർ​ദ്ര ശ​ബ്‌​ദ​ഭാ​വ​ങ്ങ​ൾ പ്രേ​ക്ഷ​ക​ർ​ക്കു ന​ൽ​കി​യ​തെ​ന്നു പ​ല​രും അ​റി​ഞ്ഞി​ല്ല!

മ​ല​യാ​ള​സി​നി​മാ സം​വി​ധാ​ന രം​ഗം അ​ട​ക്കി​വാ​ണി​രു​ന്ന പി.​സു​ബ്ര​ഹ്‌​മ​ണ്യം "ദേ​വി ക​ന്യാ​കു​മാ​രി' എ​ന്ന സി​നി​മ​യെ​ടു​ക്കു​ന്ന സ​മ​യം. വി​നോ​ദി​നി എ​ന്ന പു​തു​മു​ഖ നാ​യി​ക​യെ (നൃ​ത്താ​ചാ​ര്യ​ൻ ഗു​രു ഗോ​പി​നാ​ഥി​ന്‍റെ മ​ക​ളാ​ണ്. ബാ​ല​ന​ടി​യാ​യി അ​ഭി​ന​യി​ച്ചി​ട്ടു​ണ്ട്)​യാ​ണ് ക​ന്യാ​കു​മാ​രി ദേ​വി​യാ​യി നി​ശ്ച​യി​ച്ച​ത്. സി​നി​മ​യി​ൽ എ​പ്പോ​ഴും കേ​ൾ​ക്കാ​ത്ത വ്യ​ത്യ​സ്ത ശ​ബ്‌​ദം വേ​ണം. ""ദേ​വി​യാ​യി ടി.​പി.​രാ​ധാ​മ​ണി​യ​മ്മ മ​തി...'' സു​ബ്ര​ഹ്‌​മ​ണ്യം മു​ത​ലാ​ളി തീ​രു​മാ​നി​ച്ചു.

നാ​ലു​പ​തി​റ്റാ​ണ്ടു​കാ​ലം ആ​കാ​ശ​വാ​ണി​യു​ടെ നാ​ട​ക​ങ്ങ​ളി​ലും അ​റു​പ​തോ​ളം സി​നി​മ​ക​ളി​ലും ശ​ബ്ദം പ​ക​ർ​ന്നി​ട്ടു​ണ്ട് ടി.​പി.​രാ​ധാ​മ​ണി.

ഈ ​ക​ലാ​കാ​രി​യു​ടെ റേ​ഡി​യോ നാ​ട​ക പ്ര​വേ​ശം പ​ക്ഷേ തി​ക​ച്ചും യാ​ദൃ​ച്ഛി​ക​മാ​യി​രു​ന്നു. തി​രു​വ​ന​ന്ത​പു​ര​ത്തെ ശ്രീ​സ്വാ​തി​തി​രു​നാ​ൾ സം​ഗീ​ത അ​ക്കാ​ദ​മി​യി​ൽ​നി​ന്ന് (ഇ​ന്ന​ത്തെ സം​ഗീ​ത​കോ​ള​ജ്) ഗാ​ന​ഭൂ​ഷ​ണം വി​ജ​യി​ച്ച ടി.​പി.​രാ​ധാ​മ​ണി ആ​കാ​ശ​വാ​ണി​യി​ൽ (അ​ന്ന് തി​രു​വി​താം​കൂ​ർ റേ​ഡി​യോ നി​ല​യം) എ​ത്തു​ന്ന​ത് ഗാ​യി​ക​യാ​യാ​ണ്. അ​ന്ന​വി​ടെ ന​ട​ക്കു​ന്ന റേ​ഡി​യോ നാ​ട​ക​ങ്ങ​ൾ കാ​ണു​ന്പോ​ൾ അ​തു​പോ​ലെ അ​ഭി​ന​യി​ക്ക​ണ​മെ​ന്ന മോ​ഹ​മു​ണ്ടാ​യി​രു​ന്നു. ഇ​തി​നി​ടെ ഒ​രു​ദി​വ​സം പ്ര​ശ​സ്ത നാ​ട​ക​ന​ട​ൻ പി.​കെ.​വി​ക്ര​മ​ൻ നാ​യ​ർ ഡോ​ക്‌​ട​റാ​യി അ​ഭി​ന​യി​ക്കു​ന്ന ഒ​രു റേ​ഡി​യോ നാ​ട​കം ന​ട​ക്കു​ന്നു. നാ​ട​ക​ത്തി​ൽ വെ​ള്ള​ത്തി​ൽ വീ​ണ ഒ​രു സ്ത്രീ​യെ ഡോ​ക്‌​ട​ർ പ​രി​ശോ​ധി​ക്കു​ന്ന രം​ഗ​മു​ണ്ട്. അ​ബോ​ധാ​വ​സ്ഥ​യി​ലാ​യ സ്ത്രീ​യെ ഡോ​ക്‌​ട​ർ പ​രി​ശോ​ധി​ക്കു​ക​യാ​ണെ​ന്നു റേ​ഡി​യോ നാ​ട​ക​ത്തി​ലൂ​ടെ അ​റി​യി​ക്ക​ണ​മെ​ങ്കി​ൽ സ്ത്രീ​യു​ടെ ച​ല​ന​ങ്ങ​ൾ വേ​ണം. ഡോ​ക്‌​ട​ർ പ​രി​ശോ​ധി​ക്കു​ന്പോ​ൾ സ്ത്രീ​യു​ടെ കൈ​യി​ലെ കു​പ്പി​വ​ള​ക​ൾ കി​ലു​ങ്ങി​യാ​ൽ സ്ത്രീ​യു​ടെ സാ​ന്നി​ധ്യം നാ​ട​കാ​സ്വാ​ദ​ക​ർ തി​രി​ച്ച​റി​യും. അ​തി​നാ​ൽ കു​പ്പി​വ​ള അ​ണി​ഞ്ഞ കൈ​ക​ൾ അ​ന്വേ​ഷി​ച്ചു നാ​ട​ക​ത്തി​ന്‍റെ സം​ഘാ​ട​ക​ർ ന​ട​ക്കു​ന്പോ​ഴാ​ണ് പാ​ട്ടു​പാ​ടാ​നെ​ത്തി​യ രാ​ധാ​മ​ണി​യെ കാ​ണു​ന്ന​ത്. ത​ന്‍റെ കൈ​യി​ലെ കു​പ്പി​വ​ള​ക​ൾ ക​ണ്ട പി.​കെ.​വി​ക്ര​മ​ൻ നാ​യ​ർ പ​റ​ഞ്ഞ​ത്, ""നീ ​ഇ​ങ്ങ് വാ... ​കു​പ്പി​വ​ള​ക​ൾ കു​റ​ച്ചു​നേ​രം കി​ലു​ക്ക്...'' എ​ന്ന് ടി.​പി.​രാ​ധാ​മ​ണി പ​റ​ഞ്ഞി​ട്ടു​ണ്ട്. കു​പ്പി​വ​ള കി​ലു​ക്കം മാ​ത്ര​മ​ല്ല ഒ​രു ഡോ​ക്‌​ട​ർ, ""ന​ഴ്സ് ആ​രാ​ണി​വ​ൾ'' എ​ന്നു ചോ​ദി​ക്കു​ന്പോ​ൾ ""അ​റി​യി​ല്ല സാ​ർ...'' എ​ന്ന ഡ​യ​ലോ​ഗും അ​ന്ന് പ​റ​ഞ്ഞു.

പി​ന്നീ​ട് റേ​ഡി​യോ നി​ല​യ​ത്തി​ൽ പ്ര​ശ​സ്ത ന​ട​ൻ സ​ത്യ​ൻ നാ​യ​ക​നാ​യി അ​ഭി​ന​യി​ച്ച ക​രി​നി​ഴ​ൽ എ​ന്ന നാ​ട​ക​ത്തി​ൽ അ​ഭി​ന​യി​ക്കാ​ൻ ടി.​പി.​രാ​ധാ​മ​ണി​യെ ആ​കാ​ശ​വാ​ണി​യി​ലു​ള്ള നാ​ട​ക​പ്ര​വ​ർ​ത്ത​ക​ർ ക്ഷ​ണി​ച്ചു. റേ​ഡി​യോ നാ​ട​ക​ത്തി​ന്‍റെ അ​വി​ഭാ​ജ്യ ഘ​ട​ക​മാ​യി ടി.​പി.​രാ​ധാ​മ​ണി മാ​റുകയായിരുന്നു. കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, മ​ധു, തി​ല​ക​ൻ... അ​ങ്ങ​നെ ഒ​രു​പാ​ട് അ​ഭി​ന​യ​പ്ര​തി​ഭ​ക​ൾ​ക്കൊ​പ്പം അ​വ​ർ അ​ഭി​ന​യി​ച്ചു. "അ​ഭി​ന​യി​ച്ചു' എ​ന്ന വാ​ക്കു​ത​ന്നെ​യാ​ണ് ടി.​പി.​രാ​ധാ​മ​ണി​യെ​ക്കു​റി​ച്ചു പ​റ​യേ​ണ്ട​ത്. കാ​ര​ണം വെ​റും ശ​ബ്ദം പ​ക​രലായി​രു​ന്നി​ല്ല റേ​ഡി​യോ നാ​ട​ക​ങ്ങ​ൾ​ക്കു​വേ​ണ്ടി രാ​ധാ​മ​ണി ന​ട​ത്തി​യ​ത്. മൈ​ക്കി​നു മു​ന്നി​ലെ നാ​ട​കീ​യ​മാ​യ വാ​യ​ന​യ​ല്ലേ റേ​ഡി​യോ നാ​ട​ക​ങ്ങ​ൾ എ​ന്നു പ​റ​ഞ്ഞി​രു​ന്ന​വ​ർ​ക്ക് ഒ​രു തി​രു​ത്തി​ക്കു​റി​ക്ക​ലാ​യി​രു​ന്നു രാ​ധാ​മ​ണി. വ​ർ​ഷ​ങ്ങ​ൾ​ക്കു മു​ൻ​പ് ടി.​പി.​രാ​ധാ​മ​ണി അ​വ​ത​രി​പ്പി​ച്ച ക​ഥാ​പാ​ത്ര​ങ്ങ​ളെ ഇ​ന്നും നെ​ഞ്ചോ​ടു ചേ​ർ​ക്കു​ന്ന ശ്രോ​താ​ക്ക​ൾ കേ​ര​ള​ത്തി​ലു​ണ്ട്. ഭാ​ര്യ​യാ​യും അ​ഭി​ന​യി​ച്ച രാ​ധാ​മ​ണി​ക്ക് നി​ര​വ​ധി ആ​രാ​ധ​ക​രു​ണ്ടാ​യി. ഇ​ത്ത​ര​ത്തി​ലെ "ഫാ​ൻ​സു​ക​ൾ' ത​ന്നെ അ​ന്വേ​ഷി​ച്ചു വ​ന്നി​രു​ന്ന​തി​ന്‍റെ ര​സ​ക്കാ​ഴ്ച​ക​ളും അ​വ​ർ പ​ങ്കു​വ​ച്ചി​രു​ന്നു. സ്പീ​ഡ് കൂ​ടി​യ ഫാ​ൻ എ​ന്നാ​ണ് ക​ടു​ത്ത ആ​രാ​ധ​ക​രെ രാ​ധാ​മ​ണി വി​ശേ​ഷി​പ്പി​ച്ചി​രു​ന്ന​ത്.

43 വ​ർ​ഷ​ത്തെ റേ​ഡി​യോ നാ​ട​ക അ​വ​താ​ര​ക ജീ​വി​ത​ത്തി​ൽ ഏ​റെ ര​സ​ക​ര​മാ​യ നി​ര​വ​ധി അ​നു​ഭ​വ​ങ്ങ​ളും ഈ ​അ​തു​ല്യ ക​ലാ​കാ​രി​ക്കു സ്വ​ന്തം. നാ​ട​കം വാ​യി​ച്ചു​കൊ​ണ്ടി​രി​ക്കു​ന്ന അ​വ​സ​ര​ത്തി​ൽ നാ​ട​കം പെ​ട്ടെ​ന്നു തീ​ർ​ന്നു. (എ​ഡി​റ്റിം​ഗി​ൽ വെ​ട്ടി​ച്ചു​രു​ക്കി​യ​പ്പോ​ൾ കു​റ​ച്ച​ധി​കം വെ​ട്ടി​പ്പോ​യി) ഫ്ളോ​റി​ൽ ഉ​ണ്ടാ​യി​രു​ന്ന അ​സി​സ്റ്റ​ന്‍റ് പെ​ട്ടെ​ന്ന് വാ​യി​ച്ചു​ക​ഴി​ഞ്ഞ പേ​പ്പ​ർ വീ​ണ്ടും ന​ൽ​കി. അ​ബ​ദ്ധം മ​ന​സി​ലാ​യ അ​ഭി​നേ​താ​ക്ക​ൾ ഏ​തോ ഫി​ല്ല​റി​ട്ട് പ്ര​തി​സ​ന്ധി ത​ര​ണം ചെ​യ്യു​ക​യാ​യി​രു​ന്നു.

മ​ഹി​ളാ​ല​യം പ​രി​പാ​ടി​യി​ൽ അ​വ​തി​രി​പ്പി​ക്കാ​ൻ പ്രോഗ്രാം പ്രൊഡ്യൂസറായിരുന്ന സരസ്വതിയമ്മ യുടെ താത്പര്യപ്രകാരം അ​ന്ത​ർ​ജ​നം ര​ചി​ച്ച പ്ര​സാ​ദം എ​ന്ന ക​ഥ​യാ​ണ് പിന്നീട് അ​ഗ്നി​സാ​ക്ഷിയെന്ന നോവലാക്കിയത്. ആ​ദ്യംന​ന്പൂ​തി​രി​യു​ടെ മ​ക​ൾ ആ​ണെ​ങ്കി​ലും നാ​യ​ർ സ്ത്രീ​യി​ൽ ജ​നി​ച്ചു​പോ​യ​തി​നാ​ൽ അ​ച്ഛ​ന്‍റെ മൃ​ത​ശ​രീ​ര​ത്തി​ന് അ​രി​കി​ലേ​ക്ക് ത​ങ്കം എ​ന്ന ക​ഥാ​പാ​ത്ര​ത്തെ പോ​കാ​ൻ ബ​ന്ധു​ക്ക​ളും സ​മു​ദാ​യ​ക്കാ​രും അ​നു​വ​ദി​ക്കാ​ത്ത രം​ഗ​മു​ണ്ട്. ത​ങ്ക​ത്തി​നെ​യും അ​മ്മ​യെ​യും ഇ​ല്ല​ത്തി​നു പു​റ​ത്താ​ക്കി ശു​ദ്ധീ​ക​ര​ണം ന​ട​ത്തി​യാ​ലേ മ​ര​ണാ​ന​ന്ത​ര ക​ർ​മ​ങ്ങ​ൾ അ​നു​വ​ദി​ക്കൂ എ​ന്നും അ​വ​ർ നി​ർ​ബ​ന്ധം പി​ടി​ക്കു​ന്നു. ത​ന്‍റെ ജീ​വ​ന്‍റെ ജീ​വ​നാ​യ അ​ച്ഛ​നെ അ​വ​സാ​ന​മാ​യി കാ​ണാ​നാ​കാ​തെ പ​ടി​യി​റ​ങ്ങു​ന്ന ത​ങ്ക​ത്തി​ന്‍റെ അ​വ​സ്ഥ​യും അ​മ്മ​യു​ടെ നി​സ​ഹാ​യ​ത​യും നി​റ​യു​ന്ന വ​രി​ക​ൾ വാ​യി​ക്കാ​നാ​കാ​തെ റെ​ക്കോ​ർ​ഡിം​ഗ് സ്റ്റു​ഡി​യോ​യി​ലി​രു​ന്നു ടി.​പി.​രാ​ധാ​മ​ണി പൊ​ട്ടി​ക്ക​ര​ഞ്ഞു. അ​ടു​ത്ത​ദി​വ​സം വ​ള​രെ പ​ണി​പ്പെ​ട്ടാ​ണ് ക​ഥ വാ​യി​ച്ചു​തീ​ർ​ത്ത​ത്. അ​ന്ത​ർ​ജ​ന​ത്തി​ന്‍റെ ക​ഥ​യു​ടെ പ്ര​ക്ഷേ​പ​ണം ക​ഴി​ഞ്ഞ​തു​മു​ത​ൽ അ​ഭി​ന​ന്ദ​ന​പ്ര​വാ​ഹ​മാ​യി​രു​ന്നു. അ​തേ​ക്കു​റി​ച്ച് ല​ളി​താം​ബി​ക അ​ന്ത​ർ​ജ​നം പ​റ​ഞ്ഞ​ത്, ""അ​ത് എ​ന്‍റെ ക​ഴി​വ​ല്ല, വാ​യി​ച്ച രാ​ധാ​മ​ണി​ക്കു​ത​ന്നെ ക്രെ​ഡി​റ്റ് ന​ൽ​കൂ.'' എ​ന്നാ​ണ്.

നൂ​റു​ക​ണ​ക്കി​നു ലൈ​വ് റേ​ഡി​യോ നാ​ട​ക​ങ്ങ​ളി​ൽ അ​ഭി​ന​യി​ച്ച ടി.​പി.​രാ​ധാ​മ​ണി​ക്കു മാ​ത്രം അ​ഭി​മാ​നി​ക്കാ​നു​ള്ള ഒ​രു ബ​ഹു​മ​തി​യു​ണ്ട്. 1947-ൽ ​തു​ട​ങ്ങി​യ നാ​ട​കാ​വ​ത​ര​ണ​ത്തി​ൽ ഒ​രി​ക്ക​ൽ​പോ​ലും ഒ​രു സം​ഭാ​ഷ​ണ​വും തെ​റ്റി​യി​ട്ടി​ല്ല.

ആ​കാ​ശ​വാ​ണി​യു​ടെ ബാ​ല​ലോ​ക​ത്തി​ലെ അ​മ്മാ​വ​നും ന​ല്ലൊ​രു ഡ​ബ്ബിം​ഗ് ആ​ർ​ട്ടി​സ്റ്റു​മാ​യി​രു​ന്ന പി.​ഗം​ഗാ​ധ​ര​ൻ നാ​യ​രാ​ണ് ഭ​ർ​ത്താ​വ് (ജീ​വി​ച്ചി​രി​പ്പി​ല്ല). ത​ന്‍റെ അ​ച്ഛ​നാ​യും മ​ക​നാ​യും റേ​ഡി​യോ നാ​ട​ക​ങ്ങ​ളി​ൽ ഗം​ഗാ​ധ​ര​ൻ നാ​യ​ർ അ​ഭി​ന​യി​ച്ചി​ട്ടു​ണ്ടെ​ന്ന കാ​ര്യ​വും പു​ഞ്ചി​രി​യോ​ടെ​യാ​ണ് രാ​ധാ​മ​ണി പ​ങ്കി​ട്ടി​രു​ന്ന​ത്. വി​സ്മ​യി​പ്പി​ക്കു​ന്ന ശ​ബ്ദ​വു​മാ​യി ജീ​വി​ച്ച രാ​ധാ​മ​ണി പോ​യ​കാ​ല​ത്തി​ന്‍റെ നി​റ​ത്തു​ടി​പ്പാ​യി​രു​ന്നു.

എ​സ്. മ​ഞ്ജു​ളാ​ദേ​വി


Copyright @ 2022 , Rashtra Deepika Ltd.