ഒരു നിധിയുടെ കഥ
അ​ത് ഒ​രു മ​ഴ​ക്കാ​ലം ക​ഴി​ഞ്ഞു​ള്ളൊ​രു മാ​സ​മാ​യി​രു​ന്നു. ക​ല്യാ​ണം ക​ഴി​ഞ്ഞെ​ത്തി​യ പു​തു​പ്പെ​ണ്ണ് വീ​ടി​ന്‍റെ മു​ക്കും​മൂ​ല​യും വൃ​ത്തി​യാ​ക്കി​ക്കൊ​ണ്ടി​രു​ന്ന നേ​ര​ത്ത് ത​ട്ടി​ൻ​പു​റ​ത്ത് ഒ​രു വ​സ്തു​വി​ൽ ക​ണ്ണു​ക​ൾ ഉ​ട​ക്കി നി​ന്നു. ജീ​ർ​ണി​ച്ചു​തു​ട​ങ്ങി​യ ഒ​രു പ​ഴ​യ ത​ക​ര​പ്പെ​ട്ടി. തു​രു​ന്പും പൊ​ടി​യും ആ ​പെ​ട്ടി​യെ വി​ഴു​ങ്ങി​യി​രി​ക്കു​ന്നു. അ​തി​ൽ എ​ന്താ​കു​മെ​ന്ന കൗ​തു​കം അ​വ​ളെ അ​തി​ന് അ​രി​കി​ൽ എ​ത്തി​ച്ചു. കൈ​യി​ൽ ഇ​രു​ന്ന ചൂ​ലു​കൊ​ണ്ട് പെ​ട്ടി​യു​ടെ മു​ക​ളി​ൽ ജീ​വി​ച്ചി​രു​ന്ന വ​ല​നെ​യ്ത്തു​കാ​രെ ആ​ദ്യം പു​റ​ത്താ​ക്കി. സൂ​ക്ഷി​ച്ച് നോ​ക്കി​യ​പ്പോ​ൾ ദ്ര​വി​ച്ച ഒ​രു ക​ട​ലാ​സി​ൻ ക​ഷ​ണം അ​തി​ൻ​മേ​ൽ ഒ​ട്ടി​ച്ചു​വ​ച്ചി​രി​ക്കു​ന്നു. അ​തി​ൽ ഇ​പ്ര​കാ​രം എ​ഴു​തി​യി​ട്ടു​ണ്ട്. സൂ​ക്ഷി​ക്കു​ക, ഇ​ത് തു​റ​ക്കു​ന്ന​ത് അ​പ​ക​ടം.. ഇ​വ​ളു​ടെ ക​ണ്ണു​ക​ൾ അ​തി​ന്‍റെ പൂ​ട്ടു​ക​ളി​ലേ​ക്ക് നീ​ണ്ടു. ചു​വ​ന്ന റി​ബ​ണ്‍​കൊ​ണ്ട് കെ​ട്ടി​യി​രി​ക്കു​ന്നു. യ​ക്ഷി​സി​നി​മ​ക​ൾ അ​വ​ളു​ടെ മ​ന​സി​ലൂ​ടെ ഒ​രു നി​മി​ഷം ഓ​ടി​മ​റ​ഞ്ഞു. പെ​ട്ടി നി​വ​ർ​ത്താ​ൻ ഒ​ന്ന് ശ്ര​മി​ച്ചെ​ങ്കി​ലും ഭാ​ര​വും മ​ണി​കിലു​ക്ക​ത്തി​ന്‍റെ ശ​ബ്ദ​വും അ​വ​ളി​ൽ ഭ​യം വ​ർ​ധി​പ്പി​ച്ചു. പെ​ട്ടി​യ​വി​ടെ ഉ​പേ​ക്ഷി​ച്ച് വേ​ഗം ഗോ​വ​ണി​പ്പ​ടി​ക​ൾ ഇ​റ​ങ്ങി. ആ ​പെ​ട്ടി​യി​ൽ എ​ന്താ​യി​രി​ക്കും എ​ന്ന ചി​ന്ത അ​വ​ളു​ടെ ഉ​റ​ക്കം കെ​ടു​ത്തി. അ​വ​സാ​നം ഭ​ർ​ത്താ​വി​നോ​ട് ത​ന്നെ ചോ​ദി​ക്കാ​ൻ തീ​രു​മാ​നി​ച്ചു. ക​ഥ കേ​ട്ട അ​യാ​ൾ ആ​ദ്യം​ഒ​ന്ന് അ​ന്പ​ര​ന്നെ​ങ്കി​ലും പെ​ട്ടി ക​ണ്ട​തോ​ടെ പൊ​ട്ടി​ച്ചി​രി​യാ​യി​രു​ന്നു ഉ​ത്ത​രം.

പെ​ട്ടി​യു​ടെ ഭൂ​ത​കാ​ല​ത്തി​ലേ​ക്ക്

കു​ഞ്ഞാ​യി​രി​ക്കു​ന്പോ​ൾ ഈ ​ക​ഥ​യി​ലെ നാ​യ​ക​ൻ റി​ജു​വി​ന് അ​മ്മ​യു​ടെ അ​പ്പ​ൻ ഫി​ലി​പ്പ് സ​മ്മാ​നി​ച്ച​താ​ണ് ത​ക​ര​പ്പെ​ട്ടി. നാ​ണ​യ​ങ്ങ​ൾ ശേ​ഖ​രി​ക്കു​ന്ന​തി​നോ​ട് ക​ന്പ​മു​ണ്ടാ​യി​രു​ന്ന അ​ദ്ദേ​ഹം കൊ​ച്ചു​മ​ക​നി​ൽ ആ ​ശീ​ലം വ​ള​ർ​ത്തു​വാ​ൻ ശ്ര​മി​ച്ചു. പീ​രു​മേ​ട്ടി​ലെ വ​ല്യ​മ്മ​യു​ടെ അ​നി​യ​ത്തി​യു​ടെ വീ​ട്ടി​ൽ നി​ന്ന് പ​ഠി​ച്ചി​രു​ന്ന റി​ജു അ​വ​ധി​ക്ക് വീ​ട്ടി​ൽ എ​ത്തു​ന്പോ​ഴാ​ണ് ഫി​ലി​പ്പ് പ​ഴ​യ നാ​ണ​യ​ങ്ങ​ളും നോ​ട്ടു​ക​ളും സ​മ്മാ​നി​ച്ചി​രു​ന്ന​ത്. ഇ​വ​യൊ​ക്കെ​യാ​യി മ​ല​ക​യ​റി സ്കൂ​ളി​ൽ എ​ത്തു​ന്പോ​ൾ റി​ജു കൂ​ട്ടു​കാ​ർ​ക്കി​ട​യി​ൽ താ​ര​മാ​യി. സ്കൂ​ൾ​ത​ല നാ​ണ​യ​ശേ​ഖ​ര മ​ത്സ​ര​ങ്ങ​ളി​ൽ നി​ര​വ​ധി ത​വ​ണ വി​ജ​യി​യാ​യി​ട്ടു​ണ്ട്. കൂ​ട്ടു​കാ​ർ​ക്ക് മ​ത്സ​രി​ക്കാ​ൻ ത​ന്‍റെ നാ​ണ​യ​ശേ​ഖ​രം കൊ​ടു​ത്തു​വി​ടു​മാ​യി​രു​ന്നു. അ​ങ്ങ​നെ ത​ന്‍റെ കൈ​യി​ലു​ള്ള നാ​ണ​യ​ങ്ങ​ളു​ടെ​യും നോ​ട്ടു​ക​ളു​ടെ​യും മൂ​ല്യ​മ​റി​യാ​ത്ത ആ ​ബാ​ല​ൻ കൂ​ട്ടു​കാ​ർ വാ​ഗ്ദാ​നം ചെ​യ്യു​ന്ന പ​ല​ഹാ​ര​ങ്ങ​ളി​ൽ വീ​ണ് അ​വ അ​വ​ർ​ക്ക് ന​ൽ​കി. ഈ ​നാ​ണ​യ​ങ്ങ​ളു​ടെ മൂ​ല്യ​മ​റി​യാ​വു​ന്ന കൂ​ട്ടു​കാ​ർ അ​വ​ധി ക​ഴി​ഞ്ഞു​ള്ള റി​ജു​വി​ന്‍റെ വ​ര​വി​നാ​യി കാ​ത്തി​രു​ന്നു. വീ​ട്ടി​ൽ നി​ന്ന് കൊ​ണ്ടു​വ​ന്നി​രു​ന്ന നാ​ണ​യ​ങ്ങ​ളും നോ​ട്ടു​ക​ളും പു​സ്ത​കം ഇ​ട്ടു​വെ​ച്ചി​രു​ന്ന ത​ക​ര​പ്പെ​ട്ടി​യി​ലാ​ണ് അ​വ​ൻ നി​ക്ഷേ​പി​ച്ചി​രു​ന്ന​ത്. വീ​ട്ടി​ൽ എ​ത്തു​ന്ന കൂ​ട്ടു​കാ​ർ പ​ല​പ്പോ​ഴും ഇ​ത് കു​ത്തി​ത്തു​റ​ന്ന് നാ​ണ​യ​ങ്ങ​ൾ മോ​ഷ്ടി​ച്ചി​രു​ന്നു. ചെ​റു​മ​ക​ന്‍റെ നാ​ണ​യ​ശേ​ഖ​ര​ത്തോ​ടു​ള്ള അ​ല​സ​മാ​യ സ​മീ​പ​നം ഫി​ലി​പ്പി​ന്‍റെ സ്വ​പ്ന​ങ്ങ​ൾ​ക്ക് തി​രി​ച്ച​ടി​യാ​യി. അ​ദ്ദേ​ഹം ചെ​റു​മ​ക​നെ ന​ന്നാ​ക്കാ​ൻ ഇ​റ​ങ്ങി​ത്തി​രി​ച്ചു. നാ​ണ​യം സൂ​ക്ഷി​ക്കു​ന്ന പെ​ട്ടി​ക്കു മു​ക​ളി​ൽ ’സൂ​ക്ഷി​ക്കു​ക, ഇ​ത് തു​റ​ക്കു​ന്ന​ത് അ​പ​ക​ടം’ എ​ന്നൊ​രു കു​റി​പ്പും ഒ​രു ചു​വ​ന്ന റി​ബ​ണും കെ​ട്ടി. കു​ട്ടി​ക​ളെ പേ​ടി​പ്പി​ക്കു​ക​യെ​ന്ന​താ​യി​രു​ന്നു ല​ക്ഷ്യം. യ​ക്ഷി​പ്പ​ട​ങ്ങ​ൾ സി​നി​മ​ക്കൊട്ടക നി​റ​ഞ്ഞ് ക​ളി​ക്കു​ന്ന കാ​ല​മാ​യി​രു​ന്ന​തി​നാ​ൽ സം​ഗ​തി​യേ​റ്റൂ. കാ​ല​ച​ക്രം ച​ലി​ച്ചു​കൊ​ണ്ടി​രു​ന്നു, ത​ക​ര​പ്പെ​ട്ടി നി​റ​ഞ്ഞു​കൊ​ണ്ടു​മി​രു​ന്നു. പ​ക്ഷേ, കൊ​ച്ചു​മ​ക​നി​ൽ ത​ന്‍റെ സ്വ​പ​നം മു​ള​യ്ക്കാ​ത്ത വി​ത്താ​യി കി​ട​ക്കു​ന്ന​ത് ക​ണ്ട് അ​ദ്ദേ​ഹം യാ​ത്ര​യാ​യി. പ​തി​യെ പ​തി​യെ ആ ​പെ​ട്ടി ശ​ല്യ​മാ​യി മാ​റി. ആ​രോ എ​പ്പോ​ഴോ ത​ട്ടി​ൻ​പു​റ​ത്തേ​ക്ക് എ​റി​ഞ്ഞു. ആ ​മു​ള​യ്ക്കാ​ത്ത സ്വ​പ്ന വി​ത്ത് എ​ല്ലാ​വ​രു​ടെ​യും ഓ​ർ​മ്മ​യി​ൽ​നി​ന്ന് മ​റ​ഞ്ഞു.

ഒ​രു വി​ത്ത് മു​ള​യ്ക്കു​ന്നു

ചെ​റു​പ്പ​ത്തി​ൽ നാ​ണ​യ​ശേ​ഖ​ര​മു​ണ്ടാ​യി​രു​ന്ന ക​ഥ​യി​ലെ നാ​യി​ക ന​യ​ന ക​ഥ​കേ​ട്ട് ആ​വേ​ശ​ത്തോ​ടെ പെ​ട്ടി​തുറ​ന്നു. താ​ൻ ക​ണ്ടി​ട്ടു​ള്ള​തും കാ​ണാ​ത്ത​തു​മാ​യ അ​നേ​കാ​യി​രം നാ​ണ​യ​ത്തു​ട്ടു​ക​ൾ. പ്ല​സ്റ്റി​ക് ക​വ​റു​ക​ളി​ൽ സൂ​ക്ഷി​ച്ചി​രു​ന്ന​തി​നാ​ൽ നോ​ട്ടു​ക​ൾ ദ്ര​വി​ച്ചി​രു​ന്നി​ല്ല. എ​ല്ലാം ന​യ​ന പൊ​ടി​ത​ട്ടി​യെ​ടു​ത്തു. ഭാ​ര്യ​യു​ടെ ആ​വേ​ശ​വും പി​ന്തു​ണ​യും ക​ണ്ട​പ്പോ​ഴാ​ണ് ത​ന്‍റെ പെ​ട്ടി​ക്കു​ള്ളി​ലെ നി​ധി​യു​ടെ മൂ​ല്യം റി​ജു​വി​ന് മ​ന​സി​ലാ​കു​ന്ന​ത്. പി​ന്നീ​ട് അ​ങ്ങോ​ട്ട് നാ​ണ​യ​ങ്ങ​ൾ തേ​ടി​യു​ള്ള യാ​ത്ര​ക​ൾ ആ​യി​രു​ന്നു. ഇ​ന്ത്യ​യി​ലെ വ​ള​രെ അ​പൂ​ർ​വ​മാ​യ പ​ല നാ​ണ​യ​ങ്ങ​ളും സ്വ​ന്ത​മാ​ക്കി. ഇ​ന്ന് ഭാ​ര​ത​ത്തി​ന്‍റെ മാ​ത്രം നാ​ണ​യ​ങ്ങ​ളും നോ​ട്ടു​ക​ളും ശേ​ഖ​രി​ച്ച് ഭാ​ര​ത​ത്തി​ന്‍റെ നാ​ണ​യ​ച​രി​ത്രം അ​തി​ലൂ​ടെ പ​റ​യു​ന്ന ഏ​ക​നാ​ണ​യ​ശേ​ഖ​ര​ക്കാ​ര​നാ​ണ് കോ​ട്ട​യം ര​ത്ന​ഗി​രി സ്വ​ദേ​ശി റി​ജു കെ. ​തോ​മ​സ്. ഈ​സ്റ്റ് ഇ​ന്ത്യാ ക​ന്പ​നി​യു​ടെ കാ​ല​ത്ത് ഇ​റ​ക്കി​യ നാ​ണ​യ​ങ്ങ​ൾ മു​ത​ൽ ഇ​ന്ന് ഇ​ന്ത്യ​യി​ൽ ഏ​റ്റ​വും അ​വ​സാ​നം ഇ​റ​ങ്ങി​യ ഒ​രു​രൂ​പ നോ​ട്ടു​വ​രെ​യു​ണ്ട് ഈ ​ശേ​ഖ​ര​ത്തി​ൽ. ഇ​ന്ത്യ​യി​ലെ ഏ​റ്റ​വും വി​ല​കുറ​ഞ്ഞ നാ​ണ​യം പൈ​സ മു​ത​ൽ രൂ​പ വ​രെ എ​ത്തി​യ കാ​ല​യ​ള​വി​ൽ ഇ​റ​ങ്ങി​യ എ​ല്ലാ നാ​ണ​യ​ങ്ങ​ളും റി​ജു​വി​ന് സ്വ​ന്ത​മാ​ണ്. നാ​ട്ടു​രാ​ജ്യ​ങ്ങ​ളി​ൽ ഉ​പ​യോ​ഗി​ച്ചി​രു​ന്ന നാ​ണ​യ​ങ്ങ​ൾ, ഹി​ന്ദു, മു​സ്‌ലിം, സി​ക്ക്, ബു​ദ്ധ ആ​രാ​ധ​നാ​ല​യ​ങ്ങ​ളി​ൽ മാ​ത്രം ഉ​പ​യോ​ഗി​ച്ചി​രു​ന്ന നാ​ണ​യ​ങ്ങ​ൾ തു​ട​ങ്ങി തി​രു​വ​താം​കൂ​ർ രാ​ജവം​ശ​ത്തി​ന്‍റെ എ​ല്ലാ നാ​ണ​യ​ങ്ങ​ളും വ​രെ ഈ ​ആ​പൂ​ർ​വ ശേ​ഖ​ര​ത്തി​ലു​ണ്ട്. കെ​സി​വൈ​എ​മ്മി​ന്‍റെ നേ​തൃ​ത്വ​ത്തി​ൽ ന​ട​ത്തി​യ ആ​ദ്യ നാ​ണ​യ​പ്ര​ദ​ർ​ശ​നം ത​ന്നെ വ​ൻ​വി​ജ​യ​മാ​യ​തോ​ടെ റി​ജു​വി​നെ തേ​ടി നി​ര​വ​ധി കോ​ളു​ക​ൾ എ​ത്തി. കോ​ട്ട​യം, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ലെ നി​ര​വ​ധി സ്കൂ​ൾ, കോ​ള​ജ്, പ​ള്ളി എ​ന്നി​വി​ട​ങ്ങ​ളി​ൽ പ്ര​ദ​ർ​ശ​നം ന​ട​ത്തി​ക്ക​ഴി​ഞ്ഞു. 10മ​ണി മു​ത​ൽ ര​ണ്ടു​മ​ണി വ​രെ വ​ച്ചി​രു​ന്ന പ്ര​ദ​ർ​ശ​നം കൂ​ടു​ത​ൽ ആ​ളു​ക​ൾ കേ​ട്ട​റി​ഞ്ഞെ​ത്തി​യ​തോ​ടെ അ​ഞ്ചു​മ​ണി​ക്ക് അ​വ​സാ​നി​പ്പി​ച്ച സം​ഭ​വം വ​രെ​യു​ണ്ടാ​യി​ട്ടു​ണ്ട്. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഒ​രു​പോ​ലെ കൗ​തു​ക​വും അ​റി​വും ന​ൽ​കു​ന്ന​താ​ണ് റി​ജു​വി​ന്‍റെ നാ​ണ​യ​പ്ര​ദ​ർ​ശ​നം. ഒ​രു നാ​ണ​യ​മെ​ടു​ത്താ​ൽ അ​തി​ന്‍റെ കാ​ല​ഘ​ട്ടം, നി​ർ​മി​തി, എ​ന്തി​ന് ഉ​പ​യോ​ഗി​ച്ചി​രു​ന്നു തു​ട​ങ്ങി നാ​ണ​യ​ത്തി​ന്‍റെ മു​ഴു​വ​ൻ ച​രി​ത്ര​വും അ​തി​ന് താ​ഴെ രേ​ഖ​പ്പെ​ടു​ത്തി​യി​ട്ടു​ണ്ട്. അ​തു​പോ​ലെ ത​ന്നെ അ​താ​ത് നാ​ണ​യ​ത്തി​ന്‍റെ വ​ലി​യൊ​രു ഫോ​ട്ടോ​കോ​പ്പി​യും അ​തി​ന് താ​ഴെ​യാ​യി കൊ​ടു​ത്തി​ട്ടു​ണ്ട്. റി​ജു​വി​ന്‍റെ നാ​ണ​യ​പ്ര​ദ​ർ​ശ​ന​ത്തി​ന്‍റെ മ​റ്റൊ​രു പ്ര​ത്യേ​ക​ത എ​വി​ടെ​യാ​ണോ പ്ര​ദ​ർ​ശനം ന​ട​ത്തു​ന്ന​ത് അ​വി​ട​ത്തെ കു​ട്ടി​ക​ളാ​യ നാ​ണ​യ​ശേ​ഖ​ര​ക്കാ​രെ പ്രോ​ൽ​സാ​ഹി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ അ​വ​രു​ടെ നാ​ണ​യ​ങ്ങ​ളും റി​ജു​വി​നോ​ടൊ​പ്പം പ്ര​ദ​ർ​ശി​പ്പി​ക്കാ​ൻ അ​വ​സ​രം ന​ൽ​കാ​റു​ണ്ട്. കൂ​ടാ​തെ അ​വ​ർ​ക്ക് വേ​ണ്ടി മ​ത്സ​ര​ങ്ങ​ളും സം​ഘ​ടി​പ്പി​ക്കാ​റു​ണ്ട്. കോ​ട്ട​യം എം​ജി യൂ​ണി​വേ​ഴ്സി​റ്റി​യി​ൽ ഫി​സി​ക്സി​ൽ പി​എ​ച്ച്ഡി ചെ​യ്യു​ന്ന റി​ജു ഞാ​യ​റാ​ഴ്ച​ക​ളാ​ണ് പ്ര​ദ​ർ​ശ​ന​ത്തി​നാ​യി മാ​റ്റി​വ​ച്ചി​രി​ക്കു​ന്ന​ത്. ഭാ​ര്യ കോ​ട്ട​യം മെ​ഡി​ക്ക​ൽ​കോ​ള​ജി​ലെ കു​ട്ടി​ക​ളു​ടെ ആ​ശു​പ​ത്രി​യി​ൽ ന​ഴ്സാ​യ ന​യ​ന ജോ​ർ​ജാ​ണ് എ​ല്ലാ​ത്തി​നും നേ​തൃ​ത്വം ന​ൽ​കു​ന്ന​ത്.

അ​രു​ണ്‍ ടോം


Copyright @ 2022 , Rashtra Deepika Ltd.