ആ​ത്മീ​യ സൂ​ര്യ​വെ​ളി​ച്ചം
വി​ജ്ഞാ​ന​ത്തി​ന്‍റെ മ​ഹാ​സാ​ഗ​ര​വും ആ​ത്മീ​യ​ത​യു​ടെ അ​മൃ​ത​ധാ​ര​യും ത​ന്നി​ൽ ല​യി​പ്പി​ക്കു​ന്ന ഡോ. ​ബി.​സി. ബാ​ല​കൃ​ഷ്ണ​ന് ഇ​ന്നു ന​വ​തി​യു​ടെ തി​രു​മ​ധു​രം. ലോ​ക​ത്ത് അ​ക്ഷ​ര​വി​സ്ഫോ​ട​നം​തീ​ർ​ത്ത നി​ര​വ​ധി മ​ഹാ​നി​ഘ​ണ്ടു​ക്ക​ളു​ടെ ശി​ല്പി​യും നി​ഘ​ണ്ടു​നി​ർ​മാ​ണ​വു​മാ​യി ബ​ന്ധ​പ്പെ​ട്ട ലോ​ക​ത്തി​ലെ ആ​ദ്യ​സം​രം​ഭ​മാ​യ ’ലെ​ക്സി​ക്ക​ൺ സൊ​സൈ​റ്റി ഓ​ഫ് ഇ​ന്ത്യ’ യു​ടെ സ്രഷ്ടാ​വു​മാ​ണ് ബി.​സി. ബാ​ല​കൃ​ഷ്ണ​ൻ. മ​ല​യാ​ളം ലെ​ക്സി​ക്ക​ൻ മു​ൻ മേ​ധാ​വി​യും ആ​ധ്യാ​ത്മി​ക ഗ്ര​ന്ഥ​ക​ർ​ത്താ​വും വ്യാ​ഖ്യാ​ത​വും പ്ര​ഭാ​ഷ​ക​നു​മാ​യ ഡോ. ​ബി.​സി. ബാ​ല​കൃ​ഷ്ണ​ൻ തൊ​ണ്ണൂ​റാം പി​റ​ന്നാ​ളി​ലും ക​ർ​മ​നി​ര​ത​നാ​ണ്. 18000 ശ്ലോ​ക​ങ്ങ​ളു​ള്ള ദേ​വി ഭാ​ഗ​വ​ത​ത്തി​ന്‍റെ വ്യാ​ഖ്യാ​ന​ത്തി​ര​ക്കി​ലാ​ണ് അ​ദ്ദേ​ഹം.

വി​ന​യ​വും ല​ളി​ത​ജീ​വി​ത​വു​മാ​ണ് ഒ​രു പ​ണ്ഡി​ത​ന്‍റെ ഏ​റ്റ​വും വ​ലി​യ കി​രീ​ട​മെ​ന്നു ഡോ. ​ബി.​സി. ബാ​ല​കൃ​ഷ്ണ​ൻ നി​ര​ന്ത​രം ന​മ്മെ ഓ​ർ​മി​പ്പി​ക്കു​ന്നു. തി​രു​വ​ന​ന്ത​പു​രം ജി​ല്ല​യി​ലെ നെ​ടു​മ​ങ്ങാ​ട് ഇ​രി​ഞ്ച​യ​ത്ത് വേ​ട​ക്കുട്ടി​ക​ൾ​ക്കും കാ​ണി​ക്കാ​ർ​ക്കു​മൊ​പ്പം കാ​ട്ടു​വ​ഴി​ക​ളി​ൽ ചെ​ല​വ​ഴി​ച്ച ബാ​ല്യ​കാ​ല​ത്തെ​ക്കു​റി​ച്ച് ഇ​ന്നും പ​റ​യു​ന്ന, എ​ഴു​തു​ന്ന ബി.​സി​ക്കു കാ​ണി​ക്കാ​രു​ടെ മൂ​പ്പ​ൻ കൊ​ച്ചു​മ്മു​ണി ആ​ശാ​ൻ ത​ന്നെ​യാ​ണ് ആ​ദ്യ​ഗു​രു​നാ​ഥ​നും. യു​ക്തി​വാ​ദ​ത്തി​ൽ​നി​ന്നും ഭ​ക്തി​സാ​ഗ​ര​ത്തി​ലെ​ത്തി​യ ഡോ. ​ബി.​സി. ബാ​ല​കൃ​ഷ്ണ​ന്‍റെ ജീ​വി​ത​ത്തി​ലെ കൊ​ച്ചു​കൊച്ചുസ്വ​പ്ന​ങ്ങ​ളും വ​ലി​യ നി​യോ​ഗ​വും അ​ദ്ദേ​ഹം പ​ങ്കു​വ​യ്ക്കു​ന്നു...

ബ​സ് ക​ണ്ട​ക്‌ട​റാ​കു​വാ​ൻ കൊ​തി​ച്ച ബാ​ല്യം

കു​ട്ടി​ക്കാ​ല​ത്ത് എ​ന്‍റെ വ​ലി​യ ആ​ഗ്ര​ഹം ഒ​രു ബ​സ് ക​ണ്ട​ക്ട​ർ ആ​ക​ണ​മെ​ന്നാ​യി​രു​ന്നു. ക​ണ്ട​ക്ട​റു​ടെ കൈ​യി​ലെ ബാ​ഗി​ലെ പ​ണ​മാ​ണ് എ​ന്നെ ഈ ​മോ​ഹ​ത്തി​ലെ​ത്തി​ച്ച​ത്. ക​ണ്ട​ക്ട​റാ​യാ​ൽ ബാ​ഗി​ലെ പ​ണം​കൊ​ണ്ട് ഇ​ഷ്ട​മു​ള്ള പ​ല​ഹാ​ര​ങ്ങ​ൾ വാ​ങ്ങി ക​ഴി​ക്കാ​മെ​ന്നും ക​രു​തി! വ​ള​ർ​ന്ന​പ്പോ​ൾ ക​ണ്ട​ക്ട​റു​ടെ ബാ​ഗി​ലെ പൈ​സ​കൊ​ണ്ട് പ​ല​ഹാ​ര​ങ്ങ​ൾ വാ​ങ്ങി ക​ഴി​ക്കാ​ൻ പ​റ്റി​ല്ല എ​ന്ന് അ​റി​ഞ്ഞു​വെ​ങ്കി​ലും ക​ണ്ട​ക്ട​ർ മോ​ഹം എ​ന്നെ വി​ട്ടു​പോ​യി​ല്ല. അ​തു​കൊ​ണ്ടു​ത​ന്നെ ആ ​ത​സ്തി​ക​യി​ലേ​ക്ക് അ​പേ​ക്ഷ അ​യ​ച്ചു. ജോ​ലി കി​ട്ടി​യി​ല്ല. അ​ന്നു വ​ള​രെ സ​ങ്ക​ട​പ്പെ​ട്ടു. തീ​വ്ര ക​മ്യൂ​ണി​സ്റ്റ് പാ​ർ​ട്ടി പ്ര​വ​ർ​ത്ത​ന​ത്തി​ന്‍റെ പേ​രി​ൽ ഐ​എ​എ​സും പി​ന്നീ​ട് നി​ഷേ​ധി​ക്ക​പ്പെ​ട്ടു. ഇ​പ്പോ​ൾ ര​ണ്ടും കി​ട്ടാ​ത്ത​ത് ന​ന്നാ​യി എ​ന്നു ക​രു​തു​ന്നു. ആ​ധ്യാ​ത്മി​ക​രം​ഗ​ത്ത് നി​ല​നി​ൽ​ക്കു​വാ​ൻ സാ​ധി​ച്ചു​വ​ല്ലോ.

ആ​ർ​ച്ച്ബി​ഷ​പ് ബേ​ന​ഡി​ക്ട് മാ​ർ ഗ്രി​ഗോ​റി​യോ​സ് തി​രു​മേ​നി​വ​ഴി വ​ന്ന നി​യോ​ഗം

എ​ന്‍റെ ജീ​വി​ത​ത്തി​ൽ ഞാ​ൻ ക​ണ്ടു​മു​ട്ടി​യി​ട്ടു​ള്ള മ​ഹാ​ത്മാ​ക്ക​ളി​ൽ ഉ​ന്ന​ത​ശീ​ർ​ഷ​നാ​ണ് ആ​ർ​ച്ച്ബി​ഷ​പ് ബേ​ന​ഡി​ക്ട് മാ​ർ ഗ്രി​ഗോ​റി​യോ​സ് തി​രു​മേ​നി. ഭാ​ര​ത​ത്തി​ന്‍റെ ആ​ത്മാ​വ് തൊ​ട്ട​റി​യു​ന്ന, വ​ള​രെ വി​ശാ​ല​മാ​യ വീ​ക്ഷ​ണ​മു​ള്ള തി​രു​മേ​നി​യു​മാ​യി അ​ടു​ത്ത് പ​രി​ച​യ​പ്പെ​ടു​വാ​ൻ സാ​ധി​ച്ച​ത്് ദൈ​വ​നി​യോ​ഗ​മാ​യി ഞാ​ൻ ക​രു​തു​ക​യാ​ണ്. തി​രു​വ​ന​ന്ത​പു​ര​ത്ത് പ​ട്ട​ത്തു​ള്ള അ​ദ്ദേ​ഹ​ത്തി​ന്‍റെ അ​ര​മ​ന​യി​ലേ​ക്ക് ഒ​രി​ക്ക​ൽ എ​ന്നെ ക്ഷ​ണി​ച്ചി​രു​ന്നു. അ​ന്നാ​ണ് ഹൈ​ന്ദ​വ​പു​രാ​ണ​ങ്ങ​ളെ​ക്കു​റി​ച്ചും ധ​ർ​മ​ശാ​സ്ത്ര​ങ്ങ​ളെ​ക്കു​റി​ച്ചും തി​രു​മേ​നി​ക്കു​ള്ള അ​ഗാ​ധ​മാ​യ അ​റി​വ് ഞാ​ൻ തി​രി​ച്ച​റി​യു​ന്ന​ത്. മ​ല​യാ​ളം ലെ​ക്സി​ക്ക​നി​ലെ എ​ന്‍റെ പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് വി​ശ​ദ​മാ​യി തി​രു​മേ​നി ചോ​ദി​ച്ചു മ​ന​സി​ലാ​ക്കി. ഇ​തി​നി​ട​യി​ൽ എ​ക്‌സി​ജ​റ്റി​ക് ഡി​ക്‌ഷണ​റി​യെ​ക്കു​റി​ച്ച് എ​ന്നോ​ട് പ​റ​ഞ്ഞു.

ഏ​തൊ​രു ഗ്ര​ന്ഥ​ത്തി​ന്‍റെ​യും സ​മ​ഗ്ര​മാ​യ വ്യാ​ഖ്യാ​നം ന​ല്കു​ന്ന​താ​ണ് വ്യാ​ഖ്യാ​ന​കോ​ശം നി​ഘ​ണ്ടു അ​ഥ​വാ എ​ക്സി​ജ​റ്റി​ക്ക് നി​ഘ​ണ്ടു. പു​രാ​ണേ​തി​ഹാ​സ​ങ്ങ​ളു​ടെ​യും സാ​ഹി​ത്യ​കൃ​തി​ക​ളു​ടെ​യും പ​ഠ​ന​ത്തി​നും ആ​സ്വാ​ദ​ന​ത്തി​നും വ​ള​രെ പ്ര​യോ​ജ​ന​ക​ര​മാ​ണ്.

തി​രു​മേ​നി​നി​ധി​പോ​ലെ സൂ​ക്ഷി​ച്ചി​രു​ന്ന ബൈ​ബി​ളി​ന്‍റെ എ​ക്സി​ജ​റ്റി​ക് നി​ഘ​ണ്ടു​വി​ന്‍റെ ര​ണ്ടു​മൂ​ന്നു പു​റ​ങ്ങ​ൾ എ​ന്നെ കാ​ണി​ക്കു​ക​യും ചെ​യ്തു. സു​റി​യാ​നി ഭാ​ഷ​യി​ലെ വ്യാ​ഖ്യാ​ന​മാ​യി​രു​ന്നു അ​തെ​ന്നാ​ണ് എ​ന്‍റെ ഓ​ർ​മ. അ​തി​ലെ ഒ​രു പേ​ജ് പ​ഠ​ന​മേ​ശ​യു​ടെ പ​കു​തി​യോ​ളം വ​ന്നി​രു​ന്നു.
ഇ​തു​പോ​ലെ വ​ലി​പ്പ​മു​ള്ള 64000 പേ​ജു​ക​ൾ ബൈ​ബി​ൾ എ​ക്സി​ജ​റ്റി​ക് ഡി​ക്‌ഷണ​റി​യി​ൽ ഉ​ണ്ടെ​ന്നും ഞാ​ൻ മ​ന​സി​ലാ​ക്കി. വ്യാ​ഖ്യാ​ന​കോ​ശ നി​ഘ​ണ്ടു​ക്ക​ൾ ഇ​ന്ത്യ​യി​ൽ ത​ന്നെ നി​ല​വി​ലി​ല്ല എ​ന്നു തി​രു​മേ​നി എ​ന്നെ ഓ​ർ​മി​പ്പി​ച്ചു. മാ​ത്ര​മ​ല്ല ഭാ​ര​ത​ത്തി​ന്‍റെ മ​ഹ​ദ്‌ഗ്ര​ന്ഥ​ത്തി​ൽ മ​ഹാ​ഭാ​ര​ത​ത്തി​ന് ഒ​രു എ​ക്സി​ജ​റ്റി​ക് നി​ഘ​ണ്ടു​വേ​ണം. അ​തി​നു ബി.​സി. ബാ​ല​കൃ​ഷ്ണ​ൻ മുൻ​കൈ എ​ടു​ക്ക​ണം എ​ന്നും പ​റ​ഞ്ഞു. തി​രു​മേ​നി​യു​ടെ ആ​ഗ്ര​ഹ​പ്ര​കാ​രം മ​ഹാ​ഭാ​ര​ത​ത്തി​ന്‍റെ ഒ​രു വ്യാ​ഖ്യാ​ന​കോ​ശം നി​ഘ​ണ്ടു​വി​നു വേ​ണ്ടി​യു​ള്ള ഒ​രു നി​ർ​ദേ​ശം കേ​ന്ദ്ര​സ​ർ​ക്കാ​രി​നു ഞാ​ൻ സ​മ​ർ​പ്പി​ക്കു​ക​യും ചെ​യ്തു.

നീ​ണ്ട നാ​ളു​ക​ൾ അ​തി​നാ​യി കാ​ത്തി​രു​ന്നു​വെ​ങ്കി​ലും അ​നു​കൂ​ല​മാ​യ ന​ട​പ​ടി ഉ​ണ്ടാ​യി​ല്ല. തി​രു​മേ​നി​യു​ടെ ആ​ഗ്ര​ഹ​പ്ര​കാ​രം ഇ​ന്ത്യ​യി​ൽ ഒ​രു എ​ക്സി​ജ​റ്റി​ക് ഡി​ക്‌ഷ​ണ​റി നി​ല​വി​ൽ കൊ​ണ്ടു​വ​ര​ണ​മെ​ന്ന ചി​ന്ത എ​ന്നി​ലും ശ​ക്ത​മാ​യി. അ​ങ്ങ​നെ​യാ​ണ് സി.​വി. വി​ജ്ഞാ​ന​കോ​ശം നി​ർ​മി​ക്കു​ന്ന​ത്.

പി​ന്നീ​ട് അ​ധ്യാ​ത്മ​രാ​മാ​യ​ണം വ്യാ​ഖ്യാ​ന​കോ​ശം നി​ഘ​ണ്ടു​വും പു​റ​ത്തി​റ​ക്കി. ഇ​ന്ത്യ​യി​ൽ ത​ന്നെ അ​ധ്യാ​ത്മ രാ​മാ​യ​ണ​ത്തി​ന്‍റെ ആ​ദ്യ എ​ക്സി​ജ​റ്റി​ക് ഡി​ക്‌ഷ​ണ​റി​യാ​ണ് ഇ​ത്. രാ​മാ​യ​ണ​മാ​സ​ത്തി​ൽ വ​ലി​യ ആ​ത്മീ​യ​ത​യും ജ്ഞാ​ന​വും പ​ക​രു​ന്ന​താ​ണ്. ഇ​തി​നെ​ല്ലാം കാ​ര​ണ​മാ​കു​ന്ന​ത് മാ​ർ ഗ്രി​ഗോ​റി​യോ​സ് തി​രു​മേ​നി​യു​ടെ അ​നു​ഗ്ര​ഹ​വാ​ക്കു​ക​ൾ ആ​ണെ​ന്നു ഞാ​ൻ ന​ന്ദി​യോ​ടെ ഓ​ർ​മി​ക്കു​ന്നു.

ഇ​നി മ​റ്റൊ​രു പ്ര​ധാ​ന​കാ​ര്യം​കൂ​ടി ഉ​ണ്ട്. ബൈ​ബി​ൾ എ​ക്സി​ജ​റ്റി​ക് നി​ഘ​ണ്ടു എ​ന്നെ കാ​ണി​ച്ച സ​മ​യം ധ​ന​വാ​ൻ സ്വ​ർ​ഗ​രാ​ജ്യ​ത്ത് പ്ര​വേ​ശി​ക്കു​ന്ന​തി​നെ​ക്കാ​ൾ എ​ളു​പ്പം ഒ​ട്ട​കം സൂ​ചി​ക്കു​ഴ​ലി​ലൂ​ടെ ക​ട​ക്കു​ന്ന​താ​ണ് എ​ന്ന ബൈ​ബി​ൾ വ​ച​നം നി​റ​യു​ന്ന പേ​ജ് തി​രു​മേ​നി എ​നി​ക്കു കാ​ട്ടി​ത്ത​ന്നു. ഇ​ങ്ങ​നെ തി​ക​ച്ചും അ​സാ​ധ്യ​മാ​യ ഒ​രു ഉ​പ​മ എ​ന്തി​നാ​ണ് ഉ​പ​യോ​ഗി​ച്ചി​രി​ക്കുന്ന​ത് എ​ന്നും ഇ​തൊ​രു വൈ​രു​ധ്യം​പോ​ലെ എ​നി​ക്കു തോ​ന്നു​ന്നു എ​ന്നും ഞാ​ൻ പ​റ​ഞ്ഞു. തി​രു​മേ​നി പു​ഞ്ചി​രി​യോ​ടെ എ​ന്താ​ണ് ഈ ​ഉ​പ​മ​യു​ടെ ശ​രി​യാ​യ അ​ർ​ഥം എ​ന്നും സൂ​ചി​ക്കു​ഴ​ പ്ര​യോ​ഗ​സാ​ധ്യ​ത​യും വി​ശ​ദ​മാ​യി പ​റ​ഞ്ഞു​ത​ന്നു.

പ​ഴ​യ​കാ​ല​ത്ത് ഒ​രു സം​സ്ഥാ​ന​ത്തു​നി​ന്നും മ​റ്റൊ​രു സം​സ്ഥാ​ന​ത്തേ​ക്കു​ള്ള യാ​ത്ര​യെ നി​യ​ന്ത്രി​ക്കു​ന്ന ചു​ങ്ക​പ്പു​ര​യ്ക്കു സൂ​ചി​ക്കു​ഴ​ൽ എ​ന്ന അ​ർ​ഥ​മു​ള്ള ഒ​രു പേ​രാ​യി​രു​ന്നു നി​ല​നി​ന്നി​രു​ന്ന​ത്. അന്ന് ​ഒ​ട്ട​ക​ത്തി​ന്‍റെ പു​റ​ത്തു​കൊ​ണ്ടു​വ​രു​ന്ന സാ​ധ​ന​ങ്ങ​ൾ ഇ​വി​ടെ ഇ​റ​ക്കി ചു​ങ്കം നി​ശ്ച​യി​ക്കും. ഭാ​ര​ങ്ങ​ൾ ഇ​ല്ലാ​ത്ത ഒ​ട്ട​ക​ത്തെ ഈ ​സൂ​ചി​ക്കു​ഴ​ലി​ലൂ​ടെ (മ​തി​ലു​ക​ൾ​ക്കി​ട​യി​ലു​ള്ള വ​ള​രെ ഇ​ടു​ങ്ങി​യ ഇ​ട​മാ​ണ്) അ​ടു​ത്ത സം​സ്ഥാ​ന​ത്തേ​ക്കു ക​ട​ത്തി​വി​ടും. സൂ​ചി​ക്കു​ഴ​ലി​ലൂ​ടെ ഭാ​ര​ങ്ങ​ൾ ചു​മ​ലി​ൽ ഇ​ല്ലാ​ത്ത ഒ​ട്ട​ക​മാ​ണ് ന​ട​ന്നു​നീ​ങ്ങു​ന്ന​ത്.

ചു​ങ്കം നി​ശ്ച​യി​ച്ച സാ​ധ​ന​ങ്ങ​ൾ പു​റ​ത്തെ മ​റ്റൊ​രു വ​ഴി​യെ​യാ​ണ് വീ​ണ്ടും ഒ​ട്ട​ക​ത്തി​നു​മേ​ൽ എ​ത്തി​ക്കു​ന്ന​ത്. ധ​ന​വാ​ൻ പ​ണ​ത്തി​ന്‍റെ ഭൗ​തി​ക​ഭാ​രം മു​ഴു​വ​ൻ ഇ​റ​ക്കി​വ​ച്ചാ​ലേ മോ​ക്ഷം അ​ഥ​വാ സ്വ​ർ​ഗം ല​ഭി​ക്കൂ എ​ന്ന ആ​ശ​യ​മാ​ണ് ഇ​തി​ലൂ​ടെ വെ​ളി​വാ​ക്ക​പ്പെ​ടു​ന്ന​ത്.

ടോ​യ​ൻ​ബി​യു​ടെ ഹൃ​ദ​യ​ത്തി​ലേ​ക്ക്

അ​ണ്ണാ​മ​ല യൂ​ണി​വേ​ഴ്സി​റ്റി​യി​ൽ​നി​ന്നാ​ണ് ഞാ​ൻ ലിം​ഗ്വി​സ്റ്റി​ക്‌സ് പോ​സ്റ്റ് (ഗ്രാ​ജ്വേ​റ്റ് ഡി​പ്ലോ​മ) വി​ജ​യി​ച്ച​ത്. അ​ന്നു ബി​രു​ദ​ദാ​ന സ​മ്മേ​ള​ന​ത്തി​ന് എ​ത്തി​യ​ത് ലോ​ക​പ്ര​ശ​സ്ത ബ്രി​ട്ടീ​ഷ് ച​രി​ത്ര​കാ​ര​ൻ ആ​ർ​ണോ​ൾ​ഡ് ജോ​സ​ഫ് ടോ​യ​ൻ​ബി ആ​ണ്.

ഇ​രു​പ​താം നൂ​റ്റാ​ണ്ടി​ലെ ഏ​റ്റ​വും വ​ലി​യ ച​രി​ത്ര​കാ​ര​ൻ​കൂ​ടി​യാ​ണ് അ​ദ്ദേ​ഹം. പ്ര​സം​ഗ​മ​ധ്യേ ടോ​യ​ൻ​ബി വ്യാ​സ​നെ​ക്കു​റി​ച്ച് ഒ​രു പ​രാ​മ​ർ​ശം ന​ട​ത്തി. അ​താ​യ​ത് മ​ഹാ​ഭാ​ര​ത ര​ച​യി​താ​വാ​യ വേ​ദ​വ്യാ​സ​ൻ ഒ​രു വ്യ​ക്തി​യ​ല്ല മ​റി​ച്ച് ഒ​രു പ​ര​ന്പ​ര​യാ​ണ് എ​ന്ന്. എ​നി​ക്ക​തി​നോ​ട് യോ​ജി​ക്കു​വാ​നും മി​ണ്ടാ​തി​രി​ക്കു​വാ​നും ക​ഴി​ഞ്ഞി​ല്ല. അ​തി​നാ​ൽ ഞാ​ൻ വൈ​കി​ട്ട് ഗ​സ്റ്റ്ഹൗ​സി​ൽ പോ​യി ടോ​യ​ൻ​ബി​യെ നേ​രി​ട്ടു​ക​ണ്ട് എ​ന്‍റെ വി​യോ​ജി​പ്പ് അ​റി​യി​ച്ചു. മ​ഹാ​ഭാ​ര​തം പോ​ലൊ​രു ബൃ​ഹ​ത്താ​യ ഗ്ര​ന്ഥം ര​ചി​ക്കു​വാ​ൻ ഒ​രു വ്യ​ക്തി​ക്കു സാ​ധി​ക്കു​ക​യി​ല്ല എ​ന്ന് അ​ദ്ദേ​ഹം ത​ർ​ക്കി​ച്ചു.

അ​പ്പോ​ൾ ഞാ​ൻ പ​റ​ഞ്ഞു, ഞ​ങ്ങ​ളു​ടെ നാ​ട്ടി​ൽ ഒ​രു കു​ഞ്ഞി​ക്കു​ട്ട​ൻ ത​ന്പു​രാ​നു​ണ്ട്. അ​ദ്ദേ​ഹം മ​ഹാ​ഭാ​ര​തം വെ​റും മൂ​ന്നു വ​ർ​ഷം​കൊ​ണ്ട് ത​ർ​ജ്ജ​മ ചെ​യ്തി​ട്ടു​ണ്ട്. അ​തി​നാ​ൽ വ്യാ​സ​ൻ എ​ന്ന വ്യ​ക്തി​ക്കു ര​ച​ന സാ​ധ്യ​മാ​ണ്. എ​ന്നാ​ൽ ടോ​യ​ൻ​ബി ഇ​ത് സ​മ്മ​തി​ക്കു​വാ​ൻ ത​യാ​റാ​യി​ല്ല. ഒ​ടു​വി​ൽ ഞാ​ൻ പ​റ​ഞ്ഞു:

“I know a person who has written far more than what Vyasa has written, ofcourse Volume wise and he is still writing.''

(വ്യാ​സ​നേ​ക്കാ​ൾ അ​ധി​കം ബൃ​ഹ​ത്താ​യ ര​ച​ന ന​ട​ത്തി​യി​ട്ടു​ള്ള ഒ​രാ​ളെ ഞാ​ന​റി​യും. അ​ദ്ദേ​ഹം ഇ​പ്പോ​ഴും എ​ഴു​തു​ക​യാ​ണ്.)
ഇ​തു​കേ​ട്ട ടോ​യ​ൻ​ബി പെ​ട്ടെ​ന്നു ചോ​ദി​ച്ചു. "ആ​രാ​ണ​യാ​ൾ?’ ഞാ​ൻ മ​റു​പ​ടി പ​റ​ഞ്ഞു. അ​ങ്ങു​ത​ന്നെ​യാ​ണ് - ടോ​യ​ൻ​ബി’.
ടോ​യ​ൻ​ബി​യു​ടെ ച​രി​ത്ര​ര​ച​ന​ക​ളു​ടെ വ​ലി​പ്പം അ​തി​ശ​യ​ക​ര​മാ​ണ​ല്ലോ. ലോ​ക​ത്ത് അ​ങ്ങ് മാ​ത്ര​മാ​ണ് ഇ​ത്ര​യും ക​രു​ത്ത​ൻ എ​ന്നു വി​ചാ​രി​ക്കു​ന്നു​ണ്ടോ. അ​ങ്ങ​യെ​ക്കാ​ൾ കു​റ​ച്ചു​കൂ​ടി മെ​ച്ച​പ്പെ​ട്ട​വ​രും ഈ ​ഭൂ​മി​യി​ൽ ജ​നി​ച്ചൂ​കൂ​ടെ എ​ന്നും കൂ​ടി ഞാ​ൻ കൂ​ട്ടി​ച്ചേ​ർ​ത്തു. ടോ​യ​ൻ​ബി പു​ഞ്ചി​രി​ച്ചു. പി​ന്നെ പ​റ​ഞ്ഞു.

"ഐ ​എ​ഗ്രി മൈ​ സ​ണ്‍’
(ഞാ​ൻ സ​മ്മ​തി​ച്ചി​രി​ക്കു​ന്നു മ​ക​നേ).
അ​ന്നു തു​ട​ങ്ങി​യ ആ​ത്മ​ബ​ന്ധം എ​ന്നും ഉ​ണ്ടാ​യി​രു​ന്നു. ല​ണ്ട​നി​ൽ ഒ​രി​ക്ക​ൽ എ​ത്തി​യ​പ്പോ​ൾ അ​ദ്ദേ​ഹ​ത്തി​നൊ​പ്പം താ​മ​സി​ക്ക​ണ​മെ​ന്നു സ്നേ​ഹ​പൂ​ർ​വം നി​ർ​ബ​ന്ധി​ച്ചി​രു​ന്ന​തും ഞാ​ൻ ഓ​ർ​മി​ക്കു​ന്നു.

എ​സ്. മ​ഞ്ജു​ളാ​ദേ​വി


Copyright @ 2022 , Rashtra Deepika Ltd.