ഫെല്ലിനി തീവണ്ടിയുടെ അമരക്കാരൻ
ടോ​വി​നോ നാ​യ​ക​നാ​യി എ​ത്തി​യ തീ​വ​ണ്ടി എ​ന്ന ചി​ത്രം മെ​ട്രോ തീ​വ​ണ്ടി​യേ​ക്കാ​ളും വേ​ഗ​ത്തി​ലാ​ണ് ബോ​ക്സോ​ഫീ​സി​ൽ കു​തി​ച്ചു ക​യ​റു​ന്ന​ത്. ചെ​യി​ൻ സ്മോ​ക്ക​റാ​യ നാ​യ​ക​ന്‍റെ ക​ഥ​യെ ഒ​രു നാ​ട്ടി​ൻ പു​റ​ത്തെ രാ​ഷ്ട്രീ​യ പാ​ർ​ട്ടി​യു​ടെ സം​ഭ​വ​ങ്ങ​ളു​മാ​യി കോ​ർ​ത്തി​ണ​ക്കി അ​വ​ത​രി​പ്പി​ച്ച​പ്പോ​ൾ ഈ ​വ​ർ​ഷ​ത്തെ ശ്ര​ദ്ധേ​യ വി​ജ​യ​മാ​ക്കി തീ​വ​ണ്ടി​യെ മാ​റ്റു​ക​യാ​ണ് മ​ല​യാ​ളി​ക​ൾ. ചി​രി​യും ക​ളി​യും പ്ര​ണ​യ​വും ആ​ക്ഷേ​പ​ഹാ​സ്യ​വു​മൊ​ക്കെ​യാ​യി ചി​ത്രം മു​ന്നേ​റു​ന്പോ​ൾ ഏ​റെ സ​ന്തോ​ഷ​ത്തി​ലാ​ണ് ചി​ത്ര​ത്തി​ന്‍റെ സം​വി​ധാ​യ​ക​ൻ ഫെ​ല്ലി​നി ടി.​പി. ത​ന്‍റെ ആ​ദ്യ സം​വി​ധാ​ന സം​രം​ഭം മ​ല​യാ​ളി പ്രേ​ക്ഷ​ക​ർ ഏ​റ്റെ​ടു​ത്ത​പ്പോ​ൾ സം​വി​ധാ​യ​ക​ൻ ഫെ​ല്ലി​നി​ക്കും പ​റ​യാ​നുണ്ട് ഏ​റെ വി​ശേ​ഷ​ങ്ങ​ൾ...

തീ​വ​ണ്ടി​യു​ടെ ക​ഥ​യി​ലേ​ക്ക്

ഞാ​നും സു​ഹൃ​ത്തു വി​നി​യും പ​ല ക​ഥ​ക​ൾ സം​സാ​രി​ച്ചി​രു​ന്നു. എ​ന്നാ​ൽ ഞ​ങ്ങ​ൾ​ക്കു ര​ണ്ടു​പേ​ർ​ക്കും ഇ​ഷ്ട​പ്പെ​ടു​ന്ന ഒ​രു ക​ഥ​യി​ലേ​ക്കെ​ത്തി​യി​ല്ല. പ​ല​തും സം​സാ​രി​ക്കു​ന്ന കൂ​ട്ട​ത്തി​ലാ​ണ് സി​ഗ​ര​റ്റ് വ​ലി​ക്കു​ന്ന​തി​നെ​ക്കു​റി​ച്ച് ഒ​രു സി​നി​മ ഒ​രു​ക്കി​യാ​ലോ എ​ന്നു ഞാ​ൻ പ​റ​യു​ന്ന​ത്. അ​ത് അ​വ​നും വ​ള​രെ ഇ​ഷ്ട​പ്പെ​ട്ടു. ലോ​ക സി​നി​മ​യി​ൽ ത​ന്നെ വ​ള​രെ അ​പൂ​ർ​വ​മാ​യി​ട്ടാ​ണ് സി​ഗ​ര​റ്റി​നെ​ക്കു​റി​ച്ച് സി​നി​മ വ​ന്നി​ട്ടു​ള്ള​ത്. വ​ള​രെ സു​ല​ഭ​മാ​യി കി​ട്ടു​ന്ന​തും എ​ന്നാ​ൽ വേ​ഗ​ത്തി​ൽ അ​തി​ന​ടി​മ​പ്പെ​ട്ടു പോ​കു​ന്ന​തു​മാ​യ ഒ​രു ല​ഹ​രി വ​സ്തു​വാ​ണ് സി​ഗ​ര​റ്റ്. സി​നി​മ ചെ​യ്യു​ന്പോ​ൾ അ​തു ഡാ​ർ​ക്ക് ആ​കാ​തെ ലൈ​റ്റ് മൂ​ഡി​ൽ പ്രേ​ക്ഷ​ക​ർ​ക്ക് എ​ന്‍റ​ർ​ടെ​യ്ൻ​മെ​ന്‍റാ​ക​ണ​മെ​ന്നു ക​രു​തി​യി​രു​ന്നു. പി​ന്നെ അ​തെ​ഴു​തി വ​ന്ന​പ്പോ​ൾ ഒ​രു പൊ​ളി​റ്റി​ക്ക​ൽ സ​റ്റയറാ​യി മാ​റി. അ​ങ്ങ​നെ​യാ​ണ് തീ​വ​ണ്ടി എ​ന്ന സി​നി​മ​യു​ടെ തു​ട​ക്കം.

സി​ഗ​ര​റ്റ് വ​ലി​ക്കു​ന്ന നാ​യ​ക​ൻ

ക​ഥ പ​റ​ഞ്ഞ​പ്പോ​ൾ ത​ന്നെ നാ​യ​ക ക​ഥാ​പാ​ത്ര​മെ​ങ്ങ​നെ​യാ​ണെ​ന്നു ടോ​വി​നോ​യ്ക്കു പി​ടി​കി​ട്ടി​യി​രു​ന്നു. ത​നി നാ​ട്ടി​ൻപു​റ​ത്തു​കാ​ര​നാ​യ എ​ന്നാ​ൽ അ​ല​സ​നാ​യ ഒ​രു ക​ഥാ​പാ​ത്ര​മാ​ണ് ബി​നീ​ഷ് ദാ​മോ​ദ​ര​ൻ. ടോ​വി​നോ അ​ത്ത​രം ക​ഥാ​പാ​ത്ര​ങ്ങ​ൾ ചെ​യ്ത​ട്ടി​ല്ല എ​ന്ന​തു ഒ​രു പു​തു​മ​യാ​യി തോ​ന്നി. എ​ല്ലാ​വ​രി​ലേ​ക്കും മി​ക​ച്ച രീ​തീ​യി​ൽ സി​നി​മ​യെ കൊ​ണ്ടെ​ത്തി​ക്ക​ണം എ​ന്നു ക​രു​തി​യി​രു​ന്നു. അ​തു​കൊ​ണ്ടു ത​ന്നെ മ​റ്റൊ​ന്നും വെ​ല്ലു​വി​ളി​യാ​യി മാ​റി​യി​രു​ന്നി​ല്ല.

നാ​യ​ക​നാ​യി ടോ​വി​നോ

തി​ര​ക്ക​ഥ എ​ഴു​തി​ത്തീ​ർ​ന്ന​പ്പോ​ൾ ത​ന്നെ ബി​നീ​ഷ് ദാ​മോ​ദ​ര​ൻ എ​ന്ന ക​ഥാ​പാ​ത്ര​മാ​യി ടോ​വി​നോ ആ​യി​രു​ന്നു ആ​ദ്യ പ​രി​ഗ​ണ​ന. ടോ​വി​നോ​യെ നേ​ര​ത്തെ ത​ന്നെ പ​രി​ചയ​മു​ണ്ടാ​യി​രു​ന്നു. വി​ളി​ച്ചി​ട്ട് ഒ​രു ക​ഥ പ​റ​യാ​നു​ണ്ടെ​ന്നു പ​റ​ഞ്ഞു. ക​ഥ കേ​ട്ടു​ക​ഴി​ഞ്ഞ​പ്പോ​ൾ ന​മു​ക്ക് ഈ ​സി​നി​മ ചെ​യ്യാം എ​ന്നു ടോ​വി​നോ സ​മ്മ​തി​ക്കു​ക​യാ​യി​രു​ന്നു.

സു​ധീ​ഷും സു​രാ​ജും ശ്ര​ദ്ധേ​യ​മാ​യി

സു​ധീ​ഷേ​ട്ട​നെ ന​മ്മ​ൾ അ​ന്നും ഇ​ന്നും കാ​ണു​ന്ന​ത് കോ​ളജ് കു​മാ​ര​നാ​യി​ട്ടൊ​ക്കെ​യാ​ണ്. മി​ക​ച്ചൊ​രു ന​ട​നാ​ണ് സു​ധീ​ഷേ​ട്ട​ൻ. എ​ന്നാ​ൽ അ​തു വേ​ണ്ട​വി​ധം സി​നി​മ​യി​ൽ ഉ​പ​യോ​ഗി​ച്ചി​ട്ടി​ല്ല. അ​മ്മാ​വ​ൻ എ​ന്ന ക​ഥാ​പാ​ത്രം സു​ധീ​ഷേ​ട്ട​ൻ അ​വ​ത​രി​പ്പി​ച്ചാ​ൽ പു​തു​മ കി​ട്ടു​മെ​ന്നു ക​രു​തി. ആ ​നാ​ട്ടി​ലെ ഒ​രു ആ​ഭാ​സ​നാ​ണ് ഈ ​അ​മ്മാ​വ​ൻ. സി​നി​മ ക​ഴി​യു​ന്പോ​ഴും സ്വ​ഭാ​വ​ത്തി​ൽ ഒ​രു മാ​റ്റ​വു​മി​ല്ലാ​തെ ന​ന്നാ​വാ​നൊ​രു​ക്ക​മി​ല്ലാ​ത്ത ഒ​രു ക​ഥാ​പാ​ത്ര​മാ​ണ​ത്. ഈ ​ക​ഥാ​പാ​ത്ര​ത്തെ​ക്കു​റി​ച്ച് സു​ധീ​ഷേ​ട്ട​നോ​ട് പ​റ​ഞ്ഞ​പ്പോ​ൾ​ത​ന്നെ അ​ദ്ദേ​ഹ​ത്തി​നു വ​ലി​യ താ​ല്പ​ര്യ​മാ​യി. സ്ഥി​രം കി​ട്ടു​ന്ന ക​ഥാ​പാ​ത്ര​ങ്ങ​ളി​ൽ നി​ന്നു​ള്ള മാ​റ്റം പു​ള്ളി​ക്കാ​ര​നും ആ​ഗ്ര​ഹി​ച്ചി​രു​ന്നു. പി​ന്നെ, എ​നി​ക്കും വി​ശ്വാ​സ​മു​ണ്ടാ​യി​രു​ന്നു ഇ​തു വ​ർ​ക്കൗ​ട്ടാ​കു​മെ​ന്നും പ്രേ​ക്ഷ​ക​ർ അ​തു സ്വീ​ക​രി​ക്കു​മെ​ന്നും.

സു​രാ​ജേ​ട്ട​ൻ കു​റ​ച്ചു നാ​ളാ​യി വ്യ​ത്യ​സ്ത​മാ​യ ക​ഥാ​പാ​ത്ര​ങ്ങ​ളി​ലൂ​ടെ ന​മ്മ​ളെ അ​തി​ശ​യി​പ്പി​ക്കു​ന്ന ന​ട​നാ​ണ്. ഈ ​ചി​ത്ര​ത്തി​ലെ മ​ധു എ​ന്ന ക​ഥാ​പാ​ത്ര​വും ഏ​റെ ച​ല​ഞ്ചിം​ഗാ​യി​രു​ന്നു. കാ​ര​ണം നാ​യി​ക​യു​ടെ അ​ച്ഛ​നാ​യി​ട്ടു​ള്ള ക​ഥാ​പാ​ത്ര​മാ​യി​രു​ന്നു. സ്​ക്രി​പ്ട് വ​ള​രെ ഇ​ഷ്ട​പ്പെ​ട്ടി​ട്ടാ​ണ് അ​ദ്ദേ​ഹം ചിത്രത്തിലേക്കെ​ത്തു​ന്ന​ത്.

പു​തു​മു​ഖ നാ​യി​ക സം​യു​ക്ത മേ​നോ​ൻ

ഈ ​ചി​ത്ര​ത്തി​ലേ​ക്കു നാ​യി​ക​യ്ക്കു​വേ​ണ്ടി അ​വ​സാ​നം ഒ​രു ഓ​ട്ടം ഉ​ണ്ടാ​യി​രു​ന്നു. അ​പ്പോ​ൾ ഒ​രു സു​ഹൃ​ത്താ​ണ് സം​യുക്ത​യു​ടെ പേ​രു റെ​ക്ക​മെ​ന്‍റ് ചെ​യ്യു​ന്ന​ത്. പ്രൊ​ഫൈ​ലു ക​ണ്ട് ഞ​ങ്ങ​ൾ​ക്കും ഇ​ഷ്ട​പ്പെ​ട്ടു. പി​ന്നെ അ​പ്പു ഭ​ട്ട​തി​രി​യോ​ട് സം​സാ​രി​ച്ചു​പ്പോ​ൾ അ​വ​നും വ​ള​രെ സ​പ്പോ​ർ​ട്ടു ചെ​യ്തു സം​യു​ക്ത​യെ. തീ​വ​ണ്ടി​യു​ടെ എ​ഡി​റ്റ​റാ​യി​രു​ന്ന അ​പ്പു ഭ​ട്ട​തി​രി​യാ​ണ് സം​യു​ക്ത​യു​ടെ മു​ൻ ചി​ത്രം ലി​ല്ലി​യു​ടേ​യും​എ​ഡി​റ്റ​ർ. അ​ങ്ങ​നെ​യാ​ണ് സം​യു​ക്ത​യോ​ട് ദേ​വി എ​ന്ന ക​ഥാ​പാ​ത്ര​ത്തെ​ക്കു​റി​ച്ച് സം​സാ​രി​ക്കു​ന്ന​തും നാ​യി​ക​യാ​യി എ​ത്തു​ന്ന​തും.

ചി​ത്ര​ത്തി​ന്‍റെ നാ​ട​ൻ ലൊ​ക്കേ​ഷ​ൻ

പ​യ്യോ​ളി​യു​ടെ ഇ​തു​വ​രെ കാ​ണാ​ത്ത നാ​ട്ടി​ൻപു​റ​ത്തെ​യാ​ണ് ചി​ത്ര​ത്തി​ൽ കാ​ണി​ച്ചി​രി​ക്കു​ന്ന​ത്. പ​തി​വു കാ​ഴ്ച​ക​ളെ മാ​റ്റി നി​ർ​ത്തി ഇ​ട​വ​ഴി​യും പെ​ട്ടി​ക്ക​ട​യു​മൊ​ക്കെ​യു​ള്ള പു​തി​യ കാ​ഴ്ച​യാ​ണ് ചി​ത്ര​ത്തി​ൽ ഒ​രു​ക്കി​യ​ത്. നാ​ൽ​പ​ത്ത​ഞ്ചു ദി​വ​സ​ത്തോ​ളം പ​യ്യോ​ളി​യും പ​രി​സ​ര​വും ന​മ്മു​ടെ സി​നി​മ​യു​ടെ ഭാ​ഗ​മാ​യി.

ആ​ഗ​സ്റ്റ് ഫി​ലിം​സ് എ​ന്ന വ​ലി​യ ബാ​ന​ർ

തി​ര​ക്ക​ഥാ​കൃ​ത്ത് വി​നി​ക്കു മു​ന്പു​ത​ന്നെ ആ​ഗ​സ്റ്റ് ഫി​ലിം​സി​ന്‍റെ ഷാ​ജി ന​ടേ​ശ​നെ പ​രി​ച​യ​മു​ണ്ട്. ഞ​ങ്ങ​ൾ പ്ലോ​ട്ട് പ​റ​ഞ്ഞ​പ്പോ​ൾ ത​ന്നെ അ​ദ്ദേ​ഹ​ത്തി​ന് ഇ​ഷ്ട​പ്പെ​ട്ടു. അ​തു വ​ലി​യൊ​രു ടേ​ണിം​ഗ് പോ​യി​ന്‍റാ​യി​രു​ന്നു. അ​ത്ര​യും വ​ലി​യൊ​രു പ്രൊ​ഡ​ക്ഷ​ൻ ടീം ​ഒ​രു പു​തി​യ സം​വി​ധാ​യ​ക​ന്‍റെ ഒ​പ്പം നി​ൽ​ക്കാ​ൻ ഒ​രു​ങ്ങി എ​ന്ന​ത് ഭാ​ഗ്യ​മാ​ണ്. ഞ​ങ്ങ​ളി​ൽ ആ​ഗ​സ്റ്റ് ഫി​ലിം​സി​നൊ​രു വി​ശ്വാ​സ​മു​ണ്ടാ​യി​രു​ന്നു. പ്രേ​ക്ഷ​ക​ർ സി​നി​മ ഏ​റ്റെ​ടു​ത്ത​പ്പോ​ൾ എ​ല്ലാ​വ​ർ​ക്കും സ​ന്തോ​ഷ​മാ​യി.

റി​ലീ​സ് മാ​റ്റി​വയ്ക്കേ​ണ്ടി വ​ന്ന​ത്

സെ​ൻ​സ​റിം​ഗ് താ​മ​സി​ച്ച​തു കാ​ര​ണം ആ​ദ്യം പ്ര​തീ​ക്ഷി​ച്ച സ​മ​യ​ത്തു ചി​ത്രം തി​യ​റ്റ​റി​ലെ​ത്തി​ക്കാ​ൻ ക​ഴി​ഞ്ഞി​ല്ല. പിന്നീട് ഫു​ട്ബോ​ൾ ലോ​ക​ക​പ്പ് എ​ത്തി. തൊ​ട്ടു​പി​ന്നാ​ലെ മ​ഴ​യും പ്ര​ള​യ​വും. അ​തൊ​ക്കെ കൊ​ണ്ടാ​ണ് റി​ലീ​സ് ഇ​ത്ര​യും താ​മ​സി​ച്ച​ത്. തി​യ​റ്റ​റി​ലെ​ത്തി​ക്ക​ഴി​ഞ്ഞ​പ്പോ​ൾ അ​തി​നെ വ​ലി​യ വി​ജ​യ​മാ​ക്കി പ്രേ​ക്ഷ​ക​ർ മാ​റ്റി​യ​തി​ൽ വ​ള​രെ സ​ന്തോ​ഷ​മു​ണ്ട്.

തീ​വ​ണ്ടി എ​ന്ന പേ​ര്

തി​ര​ക്ക​ഥ എ​ഴുതു​ന്ന​തി​നു മു​ന്പ് വി​നി ഇ​തി​നെ നാ​ല​ഞ്ചു പേ​ജു​ള്ള ഒ​രു ക​ഥ​യാ​ക്കി എ​ഴു​താ​ൻ ശ്ര​മി​ച്ചി​രു​ന്നു. എ​ഴു​ത്തി​ന്‍റെ ആ ​ഒ​ഴു​ക്കി​ൽ കി​ട്ടി​യ പേ​രാ​യി​രു​ന്നു തീ​വ​ണ്ടി. എ​ല്ലാ നാ​ട്ടി​ൻ​പു​റ​ത്തും പ​ല​ർ​ക്കും ഇ​ര​ട്ട​പ്പേ​രു​ണ്ട്. വ​ള​രെ കൗ​തു​ക​മു​ള്ള ഒ​രു ഇ​ര​ട്ട​പ്പേ​ര് വേ​ണ​മെ​ന്നു ഞ​ങ്ങ​ളും ക​രു​തി​യി​രു​ന്നു. യാ​ദൃ​ശ്ചി​ക​മാ​യി തീ​വ​ണ്ടി എ​ന്ന പേരു വന്നപ്പോൾ സി​നി​മ​യു​ടെ പേ​രും അ​താ​യി മാ​റി.

സം​വി​ധാ​ന​ത്തി​ലേ​ക്കു​ള്ള യാ​ത്ര

കോ​ഴി​ക്കോ​ടാ​ണ് എ​ന്‍റെ സ്വ​ദേ​ശം, എ​ൻ​ജി​നി​യ​റിം​ഗ് ക​ഴി​ഞ്ഞ് സി​നി​മ​യി​ല്ക്കെ​ത്തു​ക​യാ​യി​രു​ന്നു. ശ്യാ​മ​പ്ര​സാ​ദ് സാ​റി​നൊ​പ്പം ഇ​ല​ക്ട്ര എ​ന്ന സി​നി​മ​യി​ൽ വ​ർ​ക്കു ചെ​യ്തു​കൊ​ണ്ടാ​ണ് ക​രി​യ​ർ തു​ട​ങ്ങു​ന്ന​ത്. പി​ന്നീ​ട് സെ​ക്ക​ണ്ട് ഷോ ​എ​ന്ന ചി​ത്ര​ത്തി​ൽ ചീ​ഫ് അ​സോ​സി​യേ​റ്റാ​യി വ​ർ​ക്കു ചെ​യ്തു. പി​ന്നീ​ട് പ​ര​സ്യ​ങ്ങ​ളൊ​ക്കെ ചെ​യ്തു മു​ന്നോ​ട്ടു പോ​കു​ന്ന​തി​നൊ​പ്പം സി​നി​മ ചെ​യ്യാ​നു​ള്ള ഒ​രു​ക്ക​മാ​യി​രു​ന്നു. പ​ല സ​ബ്ജ​ക്ടു​ക​ളും നോ​ക്കി​യെ​ങ്കി​ലും ഒ​ന്നും ശ​രി​യാ​യി​ല്ല. നാ​ല​ഞ്ചു വ​ർ​ഷം സ്ട്ര​ഗി​ൾ ചെ​യ്തു. 2016 ആ​ഗ​സ്റ്റു മു​ത​ലാ​ണ് തീ​വ​ണ്ടി​യു​ടെ പി​ന്നാ​ലെ യാ​ത്ര തു​ട​ങ്ങു​ന്ന​ത്.

ലിജിൻ കെ. ഈപ്പൻ


Copyright @ 2022 , Rashtra Deepika Ltd.