മൈ​ഥി​ലി, മിടുമിടുക്കി!
മൂ​ന്നു കു​ട്ടി​ക​ൾ. ചേ​ച്ചി​യും ര​ണ്ട് അ​നി​യന്മാ​രും. പെ​ണ്‍​കു​ട്ടി​യു​ടെ വി​ര​ലു​ക​ളും മ​ന​സും മു​ന്നി​ലു​ള്ള ഹാ​ർ​മോ​ണി​യ​ത്തി​ലാ​ണ്. സം​ഗീ​ത​മ​ല്ലാ​തെ മ​റ്റൊ​ന്നു​മി​ല്ല ഈ ​ലോ​ക​ത്ത് എ​ന്ന​മ​ട്ടി​ൽ, ആ​ത്മ​വി​ശ്വാ​സം നി​റ​യു​ന്ന പു​ഞ്ചി​രി​യോ​ടെ സൂ​ക്ഷ്മ​സു​ന്ദ​ര​മാ​യി അ​വ​ൾ പാ​ടു​ക​യാ​ണ്. ആ​ണ്‍​കു​ട്ടി​ക​ളി​ലൊ​രാ​ൾ ത​ബ​ല​യി​ൽ ഹൃ​ദ​യ​താ​ള​മി​ടു​ന്നു. മ​റ്റേ​യാ​ൾ ചേ​ച്ചി​ക്കൊ​പ്പം കൈ​കൊ​ട്ടി താ​ളം​പി​ടി​ച്ചു പാ​ടു​ന്നു​ണ്ട്. കു​ട്ടി​ക​ൾ ഇ​ത്ര​മേ​ൽ ആ​സ്വ​ദി​ച്ച്, ആ​ന​ന്ദി​ച്ച് പാ​ടു​മോ​യെ​ന്ന് അ​ദ്ഭു​ത​പ്പെ​ടും കേ​ൾ​വി​ക്കാ​ർ.

സോ​ഷ്യ​ൽ മീ​ഡി​യ​യി​ൽ ആ​ദ്യം കേ​ട്ട​വ​ർ സ്വ​യം ചോ​ദി​ച്ചു​കാ​ണും- ആ​രാ​ണി​വ​ർ?!

ഈ ​സ​ഹോ​ദ​ര​ങ്ങ​ൾ ബി​ഹാ​റി​ൽ​നി​ന്നു​ള്ള​വ​രാ​ണ്. ചേ​ച്ചി മൈ​ഥി​ലി ഠാ​ക്കൂ​ർ. ഋ​ഷ​ഭ് ഠാ​ക്കൂ​റും അ​യാ​ചി ഠാ​ക്കൂ​റും അ​നു​ജന്മാ​ർ. ഒ​രു സാ​ധാ​ര​ണ മൊ​ബൈ​ൽ ഫോ​ണി​ൽ പാ​ട്ടു​ക​ൾ റെ​ക്കോ​ർ​ഡ് ചെ​യ്ത് ഫേ​സ്ബു​ക്കി​ലി​ട്ട​താ​ണ് അ​വ​ർ. പ്ര​തി​ഭ​ക​ളെ ലോ​കം തി​രി​ച്ച​റി​ഞ്ഞു., ദ​ശ​ല​ക്ഷ​ക്ക​ണ​ക്കി​നു ഹൃ​ദ​യ​ങ്ങ​ളി​ൽ സ​ന്തോ​ഷ​വും സ്നേ​ഹ​വും നി​റ​ഞ്ഞു. പ​തി​നെ​ട്ടു​കാ​രി​യാ​യ മൈ​ഥി​ലി ഇ​പ്പോ​ൾ രാ​ജ്യ​മ​റി​യു​ന്ന ഗാ​യി​ക​യാ​ണ്. റി​യാ​ലി​റ്റി ഷോ​ക​ളി​ലൂ​ടെ​യും ലൈ​വ് പ്രോ​ഗ്രാ​മു​ക​ളി​ലൂ​ടെ​യും അ​വ​ൾ പാ​ട്ടി​ന്‍റെ പു​തു​സ്വ​രം കേ​ൾ​പ്പി​ക്കു​ന്നു.

ബി​ഹാ​റി​ൽ​നി​ന്നു ഡ​ൽ​ഹി​യി​ലേ​ക്ക്, തി​രി​ച്ചും

ബി​ഹാ​റി​ലെ മ​ധു​ബ​നി​യാ​ണ് മൈ​ഥി​ലി​യു​ടെ പി​താ​വ് ര​മേ​ഷ് ഠാ​ക്കൂ​റി​ന്‍റെ സ്വ​ദേ​ശം. ഇ​രു​പ​തു വ​ർ​ഷം മു​ന്പ് അ​ദ്ദേ​ഹം തൊ​ഴി​ൽ​തേ​ടി ഡ​ൽ​ഹി​യി​ലെ​ത്തി. തു​ട​ക്ക​ത്തി​ൽ ക​ഷ്ട​പ്പാ​ടി​ന്‍റെ ലോ​ക​മാ​യി​രു​ന്നു അ​ത്. ഇ​പ്പോ​ൾ ഡ​ൽ​ഹി​യി​ൽ ഒ​രു മ്യൂ​സി​ക് സ്കൂ​ൾ ന​ട​ത്തു​ക​യാ​ണ് അ​ദ്ദേ​ഹം. ദ്വാ​ര​ക​യി​ലാ​ണ് താ​മ​സം. മൈ​ഥി​ലി പ​ന്ത്ര​ണ്ടാം ക്ലാ​സ് പൂ​ർ​ത്തി​യാ​ക്കി. ത​നു എ​ന്നാ​യി​രു​ന്നു മൈ​ഥി​ലി​യു​ടെ വി​ളി​പ്പേ​ര്. പ​ക്ഷേ ബി​ഹാ​റി​ലെ മി​ഥി​ല​യി​ൽ​നി​ന്നു​ള്ള മു​ത്ത​ച്ഛ​ൻ ശോ​ഭാ​സി​ന​ന്തു ഠാ​ക്കൂ​ർ പേ​ര​ക്കു​ട്ടി​യെ മൈ​ഥി​ലി എ​ന്നു വി​ളി​ച്ചു​തു​ട​ങ്ങി. പ​ഠ​ന​വും സം​ഗീ​ത​പ​രി​ശീ​ല​ന​വു​മെ​ല്ലാം ഡ​ൽ​ഹി​യി​ലാ​ണെ​ങ്കി​ലും അ​വ​ർ ഇ​ട​യ്ക്കി​ടെ മു​ത്ത​ച്ഛ​നെ കാ​ണാ​ൻ ബി​ഹാ​റി​ലെ​ത്തും. അ​ദ്ദേ​ഹ​ത്തി​ന്‍റെ സം​ഗീ​ത പാ​ര​ന്പ​ര്യ​മാ​ണ് അ​ച്ഛ​നി​ലൂ​ടെ കു​ട്ടി​ക​ളി​ലേ​ക്കെ​ത്തി​യ​ത്.

പി​താ​വ് ര​മേ​ഷ് ഠാ​ക്കൂ​ർ​ത​ന്നെ​യാ​ണ് മൂ​വ​രു​ടെ​യും ആ​ദ്യ ഗു​രു. "എ​ന്‍റെ പി​താ​വി​ൽ​നി​ന്നു പ​ക​ർ​ന്നു​കി​ട്ടി​യ​താ​ണ് ഞാ​ൻ ഇ​വ​ർ​ക്കു ന​ൽ​കു​ന്ന സം​ഗീ​തം. മൂ​ന്നു​പേ​രും ക​ഠി​ന​മാ​യി പ​രി​ശീ​ലി​ക്കാ​ൻ മ​ടി​യി​ല്ലാ​ത്ത​വ​രാ​ണ്. ആ ​മ​നോ​ഭാ​വം​ത​ന്നെ​യാ​ണ് ഏ​റ്റ​വും വ​ലി​യ ഗു​രു​വെ​ന്ന് ഞാ​ൻ വി​ശ്വ​സി​ക്കു​ന്നു'- ര​മേ​ഷ് ഠാ​ക്കൂ​ർ പ​റ​യു​ന്നു.

ശു​ദ്ധ​സം​ഗീ​ത​ത്തി​ന്‍റെ ഭം​ഗി

ഒ​രു നി​മി​ഷം​പോ​ലും കൈ​വി​ടാ​ത്ത ആ​ത്മ​വി​ശ്വാ​സ​ത്തി​ന്‍റെ പു​ഞ്ചി​രി​യാ​ണ് മൈ​ഥി​ലി​യു​ടെ​യും സ​ഹോ​ദ​രന്മാ​രു​ടെ​യും പ്ര​ത്യേ​ക​ത. അ​ത്ര​യ്ക്ക് സ്വ​യം ആ​സ്വ​ദി​ച്ചാ​ണ് മൈ​ഥി​ലി പാ​ടു​ന്ന​ത്. ചെ​റു​പ്രാ​യ​ത്തി​ൽ​ത​ന്നെ അ​വ​ളു​ടെ വി​ര​ലു​ക​ൾ ഹാ​ർ​മോ​ണി​യ​ത്തി​ൽ അ​സു​ല​ഭ​സ​ഞ്ചാ​ര​ങ്ങ​ൾ ന​ട​ത്തി​യി​രു​ന്നു.

ഇ​ന്ന് അ​വ​ളു​ടെ പാ​ട്ടു​കേ​ൾ​ക്കു​ന്പോ​ൾ ആ​ലാ​പ​ന​ത്തി​നാ​ണോ ഹാ​ർ​മോ​ണി​യം ഉ​തി​ർ​ക്കു​ന്ന സ്വ​ര​ക്കൂ​ട്ടി​നാ​ണോ കൂ​ടു​ത​ൽ ഭം​ഗി​യെ​ന്ന് വി​സ്മ​യി​ച്ചു​കൊ​ണ്ടി​രി​ക്കും. തീ​ർ​ച്ച​പ്പെ​ടു​ത്താ​നാ​വാ​തെ വ​രി​ക​യും അ​തൊ​രു തു​ട​ർ​പ്ര​ക്രി​യ​യാ​യി മാ​റു​ക​യും ചെ​യ്യും. മൈ​ഥി​ലി​യു​ടെ ലാ​ളി​ത്യം ശാ​സ്ത്രീ​യ സം​ഗീ​തം പാ​ടി​ത്തു​ട​ങ്ങു​ന്പോ​ൾ സു​ന്ദ​ര​മാ​യ ഗാം​ഭീ​ര്യ​മാ​കും. അപ്പോഴും അവളുടെ മുഖത്തെ കുട്ടിത്തം വഴിമാറില്ല.

റൈ​സിം​ഗ് സ്റ്റാ​ർ എ​ന്ന മ്യൂ​സി​ക് റി​യാ​ലി​റ്റി ഷോ​യി​ൽ റ​ണ്ണ​ർ അ​പ്പ് ആ​യ​തോ​ടെ​യാ​ണ് മൈ​ഥി​ലി ഏ​റെ ശ്ര​ദ്ധി​ക്ക​പ്പെ​ട്ട​ത്. ഒ​ട്ട​ന​വ​ധി ലൈ​വ് വീ​ഡി​യോ​ക​ളി​ലൂ​ടെ ഫേ​സ്ബു​ക്ക് വ​ഴി അ​തി​ന​കം അ​വ​ളു​ടെ പാ​ട്ടു​ക​ൾ വൈ​റ​ലാ​യി​രു​ന്നു.

രാ​ജ്യ​ത്തെ ഒ​ട്ടു​മി​ക്ക​യി​ട​ങ്ങ​ളി​ലും മൈ​ഥി​ലി ത​ന്‍റെ പാ​ട്ടു​മാ​യെ​ത്തി​ക്ക​ഴി​ഞ്ഞു. കി​ഴ​ക്ക​ൻ ബി​ഹാ​റി​ലെ സ​ഹ​ർ​സ​യി​ൽ ന​ട​ക്കു​ന്ന ഉ​ഗ്ര​താ​ര മ​ഹോ​ത്സ​വ​ത്തി​ൽ പാ​ടാ​നു​ള്ള ഒ​രു​ക്ക​ത്തി​ലാ​ണ് മൈ​ഥി​ലി​യും അ​യാ​ചി​യും. പ​ത്താം ക്ലാ​സി​ലെ അ​ർ​ധ​വാ​ർ​ഷി​ക പ​രീ​ക്ഷ​യു​ടെ തി​ര​ക്കി​ലാ​യ​തി​നാ​ൽ ഋ​ഷ​ഭ് ഇ​ത്ത​വ​ണ പ​ങ്കെ​ടു​ക്കു​ന്നി​ല്ലെ​ന്ന് മൈ​ഥി​ലി പ​റ​ഞ്ഞു. ക​ഴി​ഞ്ഞ​വ​ർ​ഷ​വും ഇ​വ​ർ ഈ ​ഉ​ത്സ​വ​ത്തി​ൽ പാ​ടാ​നെ​ത്തി​യി​രു​ന്നു.

കേ​ൾ​ക്കൂ, ഒ​രി​ക്ക​ലെ​ങ്കി​ലും

മൈ​ഥി​ലി​യു​ടെ പാ​ട്ട് ഒ​രു​ത​വ​ണ​യെ​ങ്കി​ലും കേ​ൾ​ക്കാ​തെ​പോ​ക​രു​ത്. ഒ​രി​ക്ക​ൽ കേ​ട്ടാ​ൽ വീ​ണ്ടും വീ​ണ്ടും കേ​ൾ​ക്കു​മെ​ന്നു​റ​പ്പ്. യു​ട്യൂ​ബി​ലോ ഫേ​സ്ബു​ക്കി​ലോ തെ​ര​ഞ്ഞാ​ൽ പാ​ട്ടു​ക​ളു​ടെ ശേ​ഖ​രം കാണാം.

ശാ​സ്ത്രീ​യ​സം​ഗീ​ത​മാ​ണ് ത​ന്‍റെ ശ​ക്തി​യെ​ന്ന് മൈ​ഥി​ലി വി​ശ്വ​സി​ക്കു​ന്നു. കൂ​പ്പു​കൈ​ക​ളു​മാ​യി സ്വ​ത​സി​ദ്ധ​മാ​യ മ​ന്ദ​ഹാ​സ​ത്തോ​ടെ അ​വ​ൾ മൈ​ഥി​ലി ഭാ​ഷ​യി​ൽ പ​റ​യു​ം: പ്ര​ണാം സ​ബ് ഗോ​ട്ടെ കേ... ​ഹം​ചി മൈ​ഥി​ലി ഠാ​ക്കൂ​ർ.. (എ​ല്ലാ​വ​ർ​ക്കും ന​മ​സ്കാ​രം. ഞാ​ൻ മൈ​ഥി​ലി ഠാ​ക്കൂ​ർ). അ​വ​ളു​ടെ പി​ന്നി​ൽ ഋ​ഷ​ഭും അ​യാ​ചി​യും. ഹാ​ർ​മോ​ണി​യ​വും ത​ബ​ല​യും ഒ​രു​ങ്ങി.. പാ​ട്ടു​തു​ട​ങ്ങു​ക​യാ​യി...


Copyright @ 2022 , Rashtra Deepika Ltd.