വ​രൂ, ന​മു​ക്കു ബെ​ത്‌ല​ഹേ​മി​ലേ​ക്കു പോ​കാം
ന​മു​ക്കു ബെ​ത്‌​ല​ഹേം വ​രെ പോ​കാം. ക​ർ​ത്താ​വ് ന​മ്മെ അ​റി​യി​ച്ച ഈ ​സം​ഭ​വം ന​മു​ക്ക് കാ​ണാം. (ലൂ​ക്ക. 2, 15) ന​മ്മു​ടെ അ​നു​ദി​ന ജീ​വി​ത​ത്തി​ലെ സു​ര​ക്ഷി​ത​യി​ട​ങ്ങ​ളി​ൽ​നി​ന്ന് എ​ഴു​ന്നേ​റ്റ് ഇ​ന്ന​ത്തെ ബെ​ത്‌​ല​ഹേ​മി​ലേ​ക്കു പോ​കാ​ൻ ക്രി​സ്മ​സ് ന​മ്മെ വി​ളി​ക്കു​ന്നു. ഇ​പ്പോ​ൾ ആ​യി​രി​ക്കു​ന്ന ഇ​ട​ങ്ങ​ൾ തി​രി​ച്ച​റി​യു​ക പ​ര​മ​പ്ര​ധാ​നം. അ​പ്പോ​ൾ ബെ​ത്‌​ല​ഹേ​മി​ൽ​നി​ന്നു​ള്ള എ​ന്‍റെ അ​ക​ലം ന​ട​ക്കു​വാ​ൻ എ​ന്നെ പ്രേ​രി​പ്പി​ക്കും.

ദൈ​വം ഇ​ന്നു വ​ന്നു പി​റ​ക്കാ​ൻ ആ​ഗ്ര​ഹി​ക്കു​ന്ന​ത് സ​മൂ​ഹ​ത്തി​ൽ​നി​ന്ന് നി​ഷ്കാ​സി​ത​രാ​യ​വ​രു​ടെ​യും മു​ഖ്യ​ധാ​ര​യി​ൽ​നി​ന്ന് മാ​റ്റി​നി​റു​ത്ത​പ്പെ​ട്ട​വ​രു​ടെ​യും ഇ​ട​യി​ലാ​ണ്. പ്ര​ള​യ​ദി​ന​ങ്ങ​ളി​ൽ ദു​രി​ത​ക്ക​യ​ങ്ങ​ളി​ലും ദു​രി​താ​ശ്വാ​സ ക്യാ​ന്പു​ക​ളി​ലും ദൈ​വ​ത്തെ ക​ണ്ടെ​ത്തി. അ​നേ​കം ആ​ട്ടി​ട​യന്മാാ​ർ ത​ങ്ങ​ളു​ടെ സു​ര​ക്ഷി​ത​യി​ട​ങ്ങ​ളി​ൽ​നി​ന്ന് ബെ​ത്‌ലഹേം ല​ക്ഷ്യ​മാ​ക്കി ന​ട​ന്നു. എ​ന്നാ​ൽ ന​മു​ക്ക് ഇ​റ​ങ്ങി​പ്പു​റ​പ്പെ​ടാ​ൻ പ്ര​ള​യ​വും ദു​ര​ന്ത​ങ്ങ​ളും​വ​രെ കാ​ത്തുനി​ൽ​ക്കേ​ണ്ട​തു​ണ്ടോ?
സ​ദ്വാ​ർ​ത്ത ല​ഭി​ച്ച​വ​ർ എ​ന്നും യാ​ത്ര​യി​ലാ​യി​രി​ക്ക​ണം; അ​വ​നെ ക​ണ്ടെ​ത്താ​ൻ, അ​വ​നെ ശു​ശ്രൂ​ഷി​ക്കാ​ൻ, അ​ര​ക്ഷി​ത​ത്വ​ത്തി​ന്‍റെ ഇ​ട​ങ്ങ​ളി​ൽ ത​ന്പു​രാ​ന്‍റെ അ​നു​ഗ്ര​ഹ സാ​ന്നി​ധ്യ​മാ ​കാ​ൻ. അ​ഭി​ഷി​ക്ത​ൻ അ​യ​യ്ക്ക​പ്പെ​ട്ട​തി​ന്‍റെ ആ​ഘോ​ഷ​മാ​ണ് ക്രി​സ്മ​സ്.
ക്രി​സ്തു എ​ന്തി​നാ​ണ്, എ​ങ്ങ​നെ​യാ​ണ് അ​യ​യ്ക്ക​പ്പെ​ട്ട​ത്? ""വ​ച​നം മാം​സ​മാ​യി ന​മ്മു​ടെ ഇ​ട​യി​ൽ കൂ​ടാ​ര​മ​ടി​ച്ചു''​കൊ​ണ്ടാ​ണ് മാ​ന​വ​ര​ക്ഷ​യ്ക്കു​വേ​ണ്ടി അ​യ​യ്ക്ക​പ്പെ​ട്ട​ത്.

കൂ​ടാ​ര​മ​ടി​ച്ചു എ​ന്ന യ​ഹൂ​ദ​പ​ശ്ചാ​ത്ത​ല പ​ദ​ത്തി​നു പാ​ർ​ക്കു​ക, വ​സി​ക്കു​ക എ​ന്നൊ​ക്കെ​യാ​ണ് അ​ർ​ഥം. ഈ​ജി​പ്തി​ൽ​നി​ന്ന് വാ​ഗ്ദ​ത്ത ഭൂ​മി​യി​ലേ​ക്കു​ള്ള യാ​ത്ര​യി​ൽ യ​ഹൂ​ദ​ർ രാ​ത്രി ത​ങ്ങി​യ​തു കൂ​ടാ​ര​ങ്ങ​ളി​ലാ​യി​രു​ന്നു. ആ ​യാ​ത്ര​യി​ൽ ദൈ​വം അ​വ​രു​ടെ ഇ​ട​യി​ൽ "വാ​ഗ്ദ​ത്ത കൂ​ടാ​ര’​മാ​യി വ​സി​ച്ചു. "വാ​ഗ്ദ​ത്ത കൂ​ടാ​രം’ അ​വ​ർ​ക്കൊ​പ്പം സ​ഞ്ച​രി​ച്ചു; ദൈ​വം പ​ക​ൽ മേ​ഘ​ത്തി​ലും രാ​ത്രി അ​ഗ്നി​യി​ലു​മാ​യി അ​വ​രെ വ​ഴി​ന​ട​ത്തി.

പു​തി​യനി​യ​മ​ത്തി​ൽ ദൈ​വ​ത്തി​ന്‍റെ വ​ച​നം​ത​ന്നെ മൂ​ർ​ത്ത​രൂ​പം മ​നു​ഷ്യ​രു​ടെ ഇ​ട​യി​ലെ ഭ​വ​ന​മാ​യി​ത്തീ​ർ​ന്നു. അ​ങ്ങ​നെ ദൈ​വം മ​നു​ഷ്യ​ർ​ക്കി​ട​യി​ലെ ഭ​വ​ന​മാ​യി​ത്തീ​ർ​ന്ന​താ​ണു ക്രി​സ്മ​സ്.
ദൈ​വം വെ​റു​തേ സ​ന്ദ​ർ​ശി​ച്ചു പോ​കു​ക​യ​ല്ല ചെ​യ്യു​ന്ന​ത്. സ​ന്ദ​ർ​ശ​ക​ർ ഏ​താ​നും സ​മ​യം ക​ഴി​യു​ന്പോ​ൾ തി​രി​കേ​പോ​കൂം. ദൈ​വ​മാ​ക​ട്ടേ, മ​നു​ഷ്യ​നാ​യി പി​റ​ന്ന്, ന​മ്മു​ടെ​യി​ട​യി​ൽ വ​സി​ക്കു​ക​യാ​ണ് ചെ​യ്ത​ത്. സ്ഥി​ര​മാ​യ അ​വി​ടു​ത്തെ സാ​ന്നി​ധ്യം ന​മു​ക്കി​ട​യി​ൽ സ്ഥാ​പി​ക്ക​പ്പെ​ടു​ന്ന​താ​ണു ക്രി​സ്മ​സ്. അ​തു​കൊ​ണ്ടാ​ണ് അ​വ​ന്‍റെ നാ​മം ’ദൈ​വം ന​മ്മോ​ടു​കൂ​ടെ’ എ​ന്ന് അ​ർ​ത്ഥം വ​രു​ന്ന ’എ​മ്മാ​നു​വേ​ൽ’ എ​ന്നാ​ണെ​ന്ന് ദൈ​വം മാ​ലാ​ഖ വ​ഴി മ​റി​യ​ത്തെ അ​റി​യി​ച്ച​ത്.

’ലോ​കാ​വ​സാ​നം വ​രെ ഞാ​ൻ നി​ങ്ങ​ളോ​ടു​കൂ​ടെ ഉ​ണ്ടാ​യി​രി​ക്കു’​മെ​ന്ന യേ​ശു​ക്രി​സ്തു​വി​ന്‍റെ പ്ര​ഖ്യാ​പ​ന​ത്തോ​ടെ​യാ​ണു മ​ത്താ​യി​യു​ടെ സു​വി​ശേ​ഷം അ​വ​സാ​നി​ക്കു​ന്ന​ത്. മ​നു​ഷ്യ​ർ​ക്കി​ട​യി​ലെ ദൈ​വ​ത്തി​ന്‍റെ നി​ര​ന്ത​ര സാ​ന്നി​ധ്യ​മാ​ണ് ക്രി​സ്മ​സ്. ദൈ​വ​മാ​കു​ന്ന ഭ​വ​ന​ത്തി​ൽ വ​സി​ക്കു​ക എ​ന്ന​താ​ണ് ക്രി​സ്മ​സി​നു മ​നു​ഷ്യ​നു ന​ൽ​കാ​വു​ന്ന പ്ര​ത്യു​ത്ത​രം. ജീ​വി​ത​ത്തി​ന്‍റെ ഓ​രോ നി​മി​ഷ​ങ്ങ​ളി​ലും, അ​പ്ര​തീ​ക്ഷി​ത വേ​ള​ക​ളി​ൽ​പോ​ലും, ക്രി​സ്തു​വി​ന്‍റെ സാ​ന്നി​ധ്യം ക​ണ്ടെ​ത്താ​ൻ ക്രി​സ്മ​സ് ന​മ്മെ സ​ഹാ​യി​ക്കു​ന്നു.

ലോ​ക​ത്തെ ഭ​രി​ക്കാ​നു​ള്ള​വ​ൻ രാ​ജ​കൊ​ട്ടാ​ര​ങ്ങ​ളി​ലാ​യി​രി​ക്കു​മെ​ന്നു ക​രു​തി അ​ന്വേ​ഷി​ച്ചി​റ​ങ്ങി​യ​താ​യി​രു​ന്നു പൂ​ജ​രാ​ജാ​ക്ക​ൾ. ഒ​ട്ടും പ്ര​തീ​ക്ഷി​ക്കാ​ത്തി​ട​ത്ത്, മ​നു​ഷ്യ​ന്‍റെ സാ​ധാ​ര​ണ വാ​സ​സ്ഥ​ലം പോ​ലും അ​ല്ലാ​ത്തി​ട​ത്ത്, ക​ന്നു​കാ​ലി​ക​ൾ​ക്കി​ട​യി​ലാ​ണ് അ​വ​നെ അ​വ​ർ ക​ണ്ടെ​ത്തി​യ​ത്. ഏ​റ്റ​വും അ​വ​ഗ​ണി​ക്ക​പ്പെ​ടു​ന്പോ​ഴും, എ​ല്ലാ​വ​രാ​ലും നി​ഷ്കാ​സി​ത​രാ​കു​ന്പോ​ഴും, കൂ​ടെ വ​സി​ക്കു​ന്ന ദൈ​വ​ത്തെ തി​രി​ച്ച​റി​യാ​ൻ ക്രി​സ്മ​സ് ന​മ്മെ ക്ഷ​ണി​ക്കു​ന്നു.

ഭ​വ​ന​ത്തി​ലാ​യി​രി​ക്കു​ക എ​ന്ന​ത് കൂ​ടു​ത​ൽ വി​ചി​ന്ത​നം അ​ർ​ഹി​ക്കു​ന്നു. അ​വി​ടെ പു​ത്രി​യാ​യി​രി​ക്കു​ക, പു​ത്ര​നാ​യി​രി​ക്കു​ക എ​ന്ന​താ​ണു ന​മ്മു​ടെ വി​ളി. നാ​മെ​ല്ലാം ചേ​ർ​ന്ന് ഒ​രു ഭ​വ​ന​മാ​യി​ത്തീ​രാ​നു​ള്ള വി​ളി​യാ​ണ​ത് - ദൈ​വ​ത്തി​ന്‍റെ ഭ​വ​നം.

ക​ർ​ത്താ​വ് ശി​ര​സും നാ​മെ​ല്ലാം അ​വ​യ​വ​ങ്ങ​ളു​മാ​യ ആ ​ഭ​വ​ന​ത്തെ കൂ​ടു​ത​ൽ സ്നേ​ഹി​ക്കാ​നും നെ​ഞ്ചോ​ടു ചേ​ർ​ക്കാ​നും ക്രി​സ്മ​സ് ന​മ്മെ സ​ഹാ​യി​ക്ക​ട്ടെ.

ബി​ഷ​പ് മാ​ർ ടോ​ണി നീ​ല​ങ്കാ​വി​ൽ
(തൃശൂർ അതിരൂപത സഹായമെത്രാൻ)


Copyright @ 2022 , Rashtra Deepika Ltd.