ഐ ആം ഹാപ്പി ആൽഫി
""നാ​യി​ക എ​ന്ന​തി​ന​പ്പു​റം ക്യാ​ര​ക്ട​ർ റോ​ൾ ആ​യാ​ലും എ​നി​ക്ക് ഇ​ഷ്ട​പ്പെ​ടു​ന്ന ക​ഥാ​പാ​ത്ര​ങ്ങ​ൾ ചെ​യ്യാ​നാ​ണ് ശ്ര​മി​ക്കു​ന്ന​ത്. ഹീ​റോ​യി​ൻ ആ​യി മാ​ത്രം നി​ന്നാ​ൽ അ​ത്ത​ര​ത്തി​ൽ വെ​ല്ലു​വി​ളി​ക​ളു​ള്ള ക​ഥാ​പാ​ത്ര​ങ്ങ​ൾ കി​ട്ട​ണ​മെ​ന്നി​ല്ല. അ​തു​കൊ​ണ്ടു ത​ന്നെ വി​ല്ല​ത്തി റോ​ൾ ചെ​യ്യാ​നും വ​ള​രെ ഇ​ഷ്ട​മാ​ണ്’’ ക​ഥാ​പാ​ത്ര​ങ്ങ​ളു​ടെ വൈ​വി​ധ്യം തേ​ടു​ന്ന മ​ല​യാ​ള​ത്തി​ന്‍റെ പു​തി​യ നാ​യി​ക ആ​ൽ​ഫി പ​ഞ്ഞി​ക്കാ​ര​ന്‍റെ വാ​ക്കു​ക​ളാ​ണ്...

ശി​ക്കാ​രി ശം​ഭു​വി​ലെ തേ​ൻ​മു​ട്ടാ​യി ഇ​ഷ്ട​പ്പെ​ടു​ന്ന രേ​വ​തി എ​ന്ന ക​ഥാ​പാ​ത്ര​ത്തി​ലൂ​ടെ പ്രേ​ക്ഷ​ക മ​ന​സി​ൽ ഇ​ടം നേ​ടി​യ​താ​ണ് ആ​ൽ​ഫി പ​ഞ്ഞി​ക്കാ​ര​ൻ. സാ​ധാ​ര​ണ കു​ടും​ബ​ത്തി​ൽ നി​ന്നും സി​നി​മ​യി​ലേ​ക്ക് ഏ​റെ ആ​ഗ്ര​ഹ​ത്തോ​ടെ​യെ​ത്തി​യ ആ​ൽ​ഫി​യു​ടെ വാ​ക്കു​ക​ളി​ൽ ആ​ന​ന്ദം നി​റ​ഞ്ഞു നി​ൽ​ക്കു​ന്നു.

സി​നി​മ​യു​ടെ തു​ട​ക്കം

ഒ​രു പ്ര​മു​ഖ വ​നി​താ മാ​ഗ​സി​ന്‍റെ ഫോ​ട്ടോ ക്യൂ​നാ​യി എ​ന്നെ തെ​ര​ഞ്ഞെ​ടു​ത്തി​രു​ന്നു. അ​വി​ടെ നി​ന്നു​മാ​ണ് മോ​ഡ​ലിം​ഗ് രം​ഗ​ത്തു തു​ട​ക്കം കു​റി​ക്കു​ന്ന​ത്. നി​ര​വ​ധി പരസ്യ ചിത്രങ്ങൾ ചെയ്തു. അ​വി​ടെ നി​ന്നും ഓ​ഡി​ഷ​നി​ൽ പ​ങ്കെ​ടു​ത്താ​ണ് സി​നി​മ​യി​ലേ​ക്ക് അ​വ​സ​രം കി​ട്ടു​ന്ന​ത്. സ​ണ്‍​ഡേ ഹോ​ളി​ഡേ​യി​ൽ ആ​സി​ഫ് അ​ലി​യു​ടെ സ​ഹോ​ദ​രി​യു​ടെ വേ​ഷം ചെ​യ്തു​കൊ​ണ്ടാ​ണ് തു​ട​ക്കം കു​റി​ക്കു​ന്ന​ത്. പി​ന്നീ​ട് ശി​ക്കാ​രി ശം​ഭു, വ​ള്ളി​ക്കു​ടി​ലി​ലെ വെ​ള്ള​ക്കാ​ര​ൻ എ​ന്നീ ചി​ത്ര​ങ്ങ​ൾ. എ​ന്‍റെ നാ​ലാ​മ​ത്തെ ചി​ത്ര​മാ​ണ് മാ​ർ​ക്കോ​ണി മ​ത്താ​യി. ഗി​ന്ന​സ് പ​ക്രു​ച്ചേ​ട്ട​ൻ നാ​യ​ക​നാ​യി മാ​ധ​വ് രാം​ദാ​സ് സം​വി​ധാ​നം ചെ​യ്ത ഇ​ള​യ​രാ​ജ​യാ​ണ് ഇ​നി റി​ലീ​സ് ചെ​യ്യാ​നു​ള്ള ചി​ത്രം.

ചാ​ക്കോ​ച്ച​നൊ​പ്പം

കു​ഞ്ചാ​ക്കോ ബോ​ബ​ന്‍റെ മ​ധു​ര​നാ​ര​ങ്ങ​യു​ടെ ഓ​ഡി​ഷ​നിൽ പ​ങ്കെ​ടു​ത്തി​രു​ന്നു. എ​ങ്കി​ലും ആ ​ചി​ത്ര​ത്തി​ൽ അ​വ​സ​രം കി​ട്ടി​യി​രു​ന്നി​ല്ല. പി​ന്നീ​ടാണ് സു​ഗീ​തേ​ട്ട​ൻ സം​വി​ധാ​നം ചെ​യ്ത ശി​ക്കാ​രി ശം​ഭു​വി​ൽ നാ​ട്ടി​ൻ​പു​റ​ത്തു​കാ​രി പെ​ണ്‍​കു​ട്ടി​യാ​യി എ​ന്നെ പ​രി​ഗ​ണി​ക്കു​ന്ന​ത്. കു​ഞ്ചാ​ക്കോ ബോ​ബ​ൻ, ശി​വ​ദ, വി​ഷ്ണു ഉ​ണ്ണി​കൃ​ഷ്ണ​ൻ തു​ട​ങ്ങി വ​ലി​യൊ​രു താ​ര​നി​ര​യ്ക്കൊ​പ്പം ശി​ക്കാ​രി ശം​ഭു​വി​ൽ അ​ഭി​ന​യി​ക്കാ​ൻ സാ​ധി​ച്ചു. സ്കൂ​ളി​ൽ പ​ഠി​ക്കു​ന്ന സ​മ​യ​ത്ത് ചാ​ക്കോ​ച്ച​നെ കാ​ണ​ണം എ​ന്ന് ഒ​രു​പാ​ട് ആ​ഗ്ര​ഹി​ച്ചി​ട്ടു​ള്ള​താ​ണ്. ഇ​പ്പോ​ൾ കൂ​ടെ അ​ഭി​ന​യി​ക്കാ​ൻ സാ​ധി​ച്ചു. ചാ​ക്കോ​ച്ച​നെ നേ​രി​ട്ടു കാ​ണു​ന്ന​തും ശി​ക്കാ​രി ശം​ഭു​വി​ന്‍റെ ലൊ​ക്കേ​ഷ​നി​ലാ​ണ്.

ആ​ദ്യ അ​നു​ഭ​വം

ആ​ദ്യ​മാ​യി ത്രൂ​ഒൗ​ട്ട് വേ​ഷം ചെ​യ്യു​ന്ന​ത് ശി​ക്കാ​രി ശം​ഭു​വി​ലെ രേ​വ​തി എ​ന്ന ക​ഥാ​പാ​ത്ര​മായാ​ണ്. ആ ​സി​നി​മ​യി​ലെ പു​തി​യ ആ​ള് ഞാ​ൻ മാ​ത്ര​മാ​ണ്. അ​തു​കൊ​ണ്ടു ത​ന്നെ എ​ന്നെ മാ​ക്സി​മം സ​പ്പോ​ർ​ട്ട് ചെ​യ്യാ​നും ധൈ​ര്യം ന​ൽ​കാ​നും എ​ല്ലാ​വ​രും ഒ​പ്പ​മു​ണ്ടാ​യി​രു​ന്നു. ഒ​രു ഫാ​മി​ലി ഫീ​ലാ​യി​രു​ന്നു ലൊ​ക്കേ​ഷ​നിൽ. ആ​ദ്യ​മാ​യി അ​ഭി​ന​യി​ക്കു​ന്ന സ​മ​യ​ത്ത് വ​ള​രെ ടെ​ൻ​ഷ​നാ​യി​രു​ന്നു. ശി​ക്കാ​രി ശം​ഭു​വി​ൽ എ​ന്തെ​ങ്കി​ലും ചെ​യ്തി​ട്ടു​ണ്ടെ​ങ്കി​ൽ അ​തി​ന്‍റെ ഫു​ൾ ക്രെ​ഡി​റ്റും സം​വി​ധാ​യ​ക​ൻ സു​ഗീ​തി​നും ഒ​പ്പം അ​ഭി​ന​യി​ച്ച വി​ഷ്ണു ഉ​ണ്ണി​കൃ​ഷ്ണ​നു​മാ​ണ്.

കു​ടും​ബം

ചെ​ന്നൈ​യി​ൽ നാ​ലു വ​ർ​ഷ​മാ​യി സോ​ഫ്റ്റ് വെ​യ​ർ എ​ൻ​ജി​നിയ​റാ​യി വ​ർ​ക്കു ചെ​യ്യു​ക​യാ​യി​രു​ന്നു. ഇ​പ്പോ​ൾ അ​തി​ൽ​നി​ന്നും ബ്രേ​ക്ക് എ​ടു​ത്തു മു​ഴു​വ​ൻ ശ്ര​ദ്ധ​യും സി​നി​മ​യി​ലേക്കായി. ​
അ​ങ്ക​മാ​ലി​യി​ലാ​ണ് എ​ന്‍റെ വീ​ട്. അ​ച്ഛ​നും അ​മ്മ​യും ചേ​ച്ചി​യും ചേ​രു​ന്ന കു​ടു​ബം. അ​ച്ഛ​ൻ ഫ​ർ​ണി​ച്ച​ർ ഷോ​പ്പ് ന​ട​ത്തു​ന്നു. അ​മ്മ റി​ട്ട​യേ​ർ​ഡ് ഹെ​ഡ് ന​ഴ്സാ​ണ്. ചേ​ച്ചി വി​വാ​ഹി​ത​യാ​ണ്. സി​നി​മ​യി​ൽ അ​വ​സ​രം കി​ട്ടി​യ​പ്പോ​ൾ അ​മ്മ​യാ​ണ് ആ​ദ്യം സ​പ്പോ​ർ​ട്ട് ചെ​യ്ത​ത്. ശി​ക്കാ​രി ശം​ഭു ഇ​റ​ങ്ങി​യ​തി​നു ശേ​ഷം എ​ല്ലാ​വ​രും ഹാ​പ്പി​യാ​ണ്.


Copyright @ 2022 , Rashtra Deepika Ltd.