മുരിങ്ങയില തോരൻ
വൃത്തിയാക്കിയെടുത്ത മുരിങ്ങക്കൂന്പ് ഇലകൾ - രണ്ട ു കപ്പ്, പച്ചമുളക് അരിഞ്ഞത് - മൂന്ന്,
ചെറിയ ഉ ള്ളി അരിഞ്ഞത് - നാല്, വെളിച്ചെണ്ണ - രണ്ട ് ടേബിൾസ്പൂണ്‍, കടുക് - അര ടീസ്പൂണ്‍, അരി - രണ്ട ് ടീസ്പൂണ്‍, ഉഴുന്നുപരിപ്പ് - രണ്ട ് ടീസ്പൂണ്‍, ഉണക്കമുളക് - രണ്ട ്, തേങ്ങ ചുരണ്ട ിയത് - അരക്കപ്പ്, ഉപ്പ് - പാകത്തിന്, മഞ്ഞൾപ്പൊടി.
ഉണ്ടാക്കുന്ന വിധം
എണ്ണ ചൂടാക്കി കടുകും മറ്റു താളിപ്പിനാവശ്യമായവയും ഇട്ട് വഴന്നതിനുശേഷം മുരിങ്ങയിലയും പച്ചമുളകും ചെറിയ ഉള്ളിയും ഇട്ട് വഴറ്റുക. നല്ലതുപോലെ വള്ളം വറ്റിയാൽ ഉപ്പും മഞ്ഞളും ചേർത്ത് ഇളക്കുക. ഇറക്കിവയ്ക്കുന്നതിനു മുന്പായി തേങ്ങ ചേർത്തിളക്കി മാറ്റിവയ്ക്കാം. ഇത് ചോറിനും കഞ്ഞിക്കും ചേരും.
മുളക് ചട്നി
ഉണക്കമുളക് - പത്ത്, ചെറിയ ഉള്ളി - 20, പുളി - ഒരു നെല്ലിക്കാ വിലുപ്പത്തിൽ, എണ്ണ - രണ്ട ് ടേബിൾസ്പൂണ്‍, കറിവേപ്പില, ഉപ്പ്
ഉണ്ടാക്കുന്ന വിധം
മുളക് കനൽ അടുപ്പിൽ ചുട്ടെടുത്ത് ഉള്ളിയും കൂട്ടി ചതച്ചെടുക്കുക. പുളി കട്ടിയായി പിഴിഞ്ഞതും കറിവേപ്പിലയും ഉപ്പും ചതച്ച കൂട്ടിലേക്ക് ചേർത്ത് വെളിച്ചെണ്ണയിൽ നല്ലപോലെ കുഴച്ചെടുക്കുക. കേടാകാതെ കുറച്ചുനാൾ സൂക്ഷിക്കാം.
ഏത്തക്കായ് മെഴുക്കുപുരട്ടി
തൊലി ചെത്തിമാറ്റിയ ഏത്തക്കായ് ചെറുതായി നുറുക്കിയത് - രണ്ട ്, മുളക് തരിതരിയായി പൊടിച്ചത് - ഒരു ടേബിൾ സ്പൂണ്‍, ചെറിയ ഉള്ളി പൊളിച്ചത് - 5, എണ്ണ - മൂന്ന് ടേബിൾസ്പൂണ്‍,
കറിവേപ്പില, ഉപ്പ്.
ഉണ്ടാക്കുന്ന വിധം
ഏത്തക്കായ് വെള്ളവും ഉപ്പും ചേർത്ത് മുക്കാൽ വേവിൽ വറ്റിച്ചെടുക്കുക. എണ്ണ ചൂടാക്കി ചെറിയ ഉള്ളി ഇട്ട് മൂപ്പാകുംമുന്പ് കറിവേപ്പിലയും ഏത്തക്കായും ഇട്ട് നല്ലപോലെ യോജിപ്പിക്കുക. തീ കുറച്ച് നല്ലതുപോലെ മൂക്കുന്നതുവരെ ഇളക്കി മൂപ്പിച്ചെടുക്കുക.
ഉള്ളി പച്ചടി
സവോള വലുത് അരിഞ്ഞത് - ഒന്ന്, ഇഞ്ചി അരിഞ്ഞത് - ഒരു ടീസ്പൂണ്‍, പ്ച്ചമുളക് - രണ്ട ്, എണ്ണ - ഒരു ടീസ്പൂണ്‍, കടുക് - ഒരു ടീസ്പൂണ്‍, ഉണക്കമുളക് - ഒന്ന്, കറിവേപ്പില ഒരു തണ്ട ്, അധികം പുളിപ്പില്ലാത്ത തൈര് - ഒരു കപ്പ്, ഉപ്പ്, പഞ്ചസാര - ഒരു നുള്ള്
ഉണ്ടാക്കുന്ന വിധം
പച്ചമുളകും ഇഞ്ചിയും കറിവേപ്പിലയും ചതച്ചെടുക്കുക. എണ്ണ ചൂടാക്കി കടുകും ഉണക്കമുളകും ഇട്ട് പൊട്ടിയാൽ സവോളയും ചതച്ച കൂട്ടും ഇട്ട് വഴറ്റുക. വഴന്നാൽ ഇറക്കിവയ്ക്കുക. ആറിക്കഴിഞ്ഞാൽ തൈരും ഉപ്പും പഞ്ചസാരയും ചേർത്തിളക്കി വിളന്പാം.
ചെറുപയർ ഉലർത്തിയത്
ചെറുപയർ - ഒരു കപ്പ്, ചതച്ച ചെറിയ ഉള്ളി - കാൽകപ്പ്, വെളുത്തുള്ളി ചതച്ചത് - പത്ത് അല്ലി, ഉണക്കമുളക് തരിതരിയായി പൊടിച്ചത്, കറിവേപ്പില, ഉപ്പ്, എണ്ണ - ഒരു ടേബിൾസ്പൂണ്‍
ഉണ്ടാക്കുന്ന വിധം
ചെറുപയർ നല്ലപോലെ കുതിർക്കുക. പിന്നീട് വേവിച്ചെടുക്കുക. എണ്ണ ചൂടാക്കി കടുക് പൊട്ടിയശേഷം തരിമുളകും ചേർത്ത് ഇളക്കുക. മൂത്താൽ ഉടനെ ബാക്കിയുള്ളതെല്ലാം കൂട്ടി ഇളക്കുക. അവസാനം പയർ ചേർത്ത് ഇളക്കി ഉപ്പും പാകത്തിനു ചേർക്കുക. നനവില്ലാതെ വറ്റിച്ചെടുക്കുക.
കൂർക്ക തോരൻ
കൂർക്ക തൊലികളഞ്ഞ് നുറുക്കിയത് - രണ്ട ് കപ്പ്, ചുരണ്ട ിയ തേങ്ങ - അരക്കപ്പ്, എണ്ണ - ഒരു ടേബിൾസ്പൂണ്‍, കടുക് - ഒരു ടീസ്പൂണ്‍, ഉഴുന്നുപരിപ്പ് - രണ്ട ് ടീസ്പൂണ്‍, ഉണക്കമുളക് - രണ്ട ്, കറിവേപ്പില - ഒരു തണ്ട ്, ചെറിയ ഉള്ളി അരിഞ്ഞത് - രണ്ട ്, പച്ചമുളക് കീറിയത് - രണ്ട , ഉപ്പ്, മഞ്ഞൾ - കാൽ ടീസ്പൂണ്‍.
ഉണ്ടാക്കുന്ന വിധം
കൂർക്ക ഉപ്പും മഞ്ഞളും ഇട്ട് വേവിക്കുക. എണ്ണ ചൂടാക്കി താളിപ്പിനുള്ള എല്ലാ കാര്യങ്ങളും ഓരോന്നായി ഇട്ട് മൂത്താൽ കൂർക്ക ചേർത്തിളക്കുക. നല്ലതുപോലെ ഇളക്കി കൂട്ടിലേക്ക് തേങ്ങാ ചുരണ്ട ിയതും ചേർത്ത് ഇളക്കുക. തോരൻ തയാർ.
തയാറാക്കിയത്: ഓമന ജേക്കബ്