അനുഭവങ്ങളുടെ കരുത്തിൽ ഇന്ദ്രൻസ്
“ചി​ര​പ​രി​ചി​ത​മാ​യ ലോ​ക​ത്തി​ൽ ക​ണ്ട​തും കേ​ട്ട​തു​മാ​യ സം​ഭ​വ​ങ്ങ​ളും പ​ര​ന്ന പു​സ്ത​ക വാ​യ​ന​യും സ്വാ​ത​ന്ത്ര്യ​ത്തോ​ടെ​യു​ള്ള യാ​ത്ര​യു​മൊ​ക്കെ സൃ​ഷ്ടി​ച്ച അ​നു​ഭ​വ സ​ത്യ​ങ്ങ​ളാ​ണ് എ​ന്നി​ലെ ന​ട​നെ ഉൗ​തി​ക്കാ​ച്ചി​യെ​ടു​ത്ത​ത് ” ഏ​റെ ലാ​ളി​ത്യ​ത്തോ​ടെ ന​ട​ൻ ഇ​ന്ദ്ര​ൻ​സ് മ​ന​സ് തു​റ​ക്കു​ക​യാ​ണ്. പ​തി​റ്റാ​ണ്ടു​ക​ളാ​യി സി​നി​മ​യി​ൽ നി​റ​സാ​ന്നി​ധ്യ​മെ​ങ്കി​ലും പ്രേ​ക്ഷ​ക​രെ വി​സ്മ​യി​പ്പി​ച്ച ക​ഥാ​പാ​ത്ര​ങ്ങ​ൾ ഈ ​ന​ട​നി​ൽ നി​ന്നും കാ​ണാ​ൻ തു​ട​ങ്ങി​യി​ട്ട് കു​റ​ച്ചു കാ​ല​മേ ആ​യു​ള്ളു. പോ​യ വ​ർ​ഷ​ത്തെ മി​ക​ച്ച ന​ട​നു​ള്ള സം​സ്ഥാ​ന പു​ര​സ്കാ​ര നേ​ട്ടം പോ​ലും ആ ​അ​ഭി​ന​യ മി​ക​വി​നു​ള്ള അം​ഗീ​കാ​ര​മാ​ണ്. കൃ​ത്രി​മ ഭാ​വ​ങ്ങ​ൾ മു​ഖ​ത്ത​ണി​യാ​ത്ത അനുഭവങ്ങളുടെ കരുത്തിൽ പ​ച്ച മ​നു​ഷ്യ​നാ​യി ഇ​ന്ദ്ര​ൻ​സ്...

തിരിഞ്ഞു നോക്കുന്പോൾ സി​നി​മാ ജീ​വി​ത​ത്തി​ൽ സംഭവിച്ച മാറ്റം അനുഭവപ്പെടാറു​ണ്ടോ?

ഇ​പ്പോ​ൾ എ​ന്നെ തേ​ടി വ​രു​ന്ന കാ​ര​ക്ടേ​ഴ്സ് സി​നി​മ​യി​ൽ കൂ​ടു​ത​ൽ സ​മ​യം ഉ​ള്ള​താ​ണ് എ​നി​ക്കു തോ​ന്നി​യ മാ​റ്റം. മു​ന്പ് എ​ണ്ണ​ത്തി​ൽ കൂ​ടു​ത​ൽ ചി​ത്ര​ങ്ങ​ൾ ഓ​ടി ന​ട​ന്നു ചെ​യ്യാ​നു​ള്ള അ​വ​സ​രം ഉ​ണ്ടാ​യി​രു​ന്നു. എ​ന്നാ​ൽ ഇ​പ്പോ​ൾ കൂ​ടു​ത​ൽ സ​മ​യം ഒ​രു സി​നി​മ​യ്ക്കാ​യി മാ​റ്റി​വ​യ്ക്കേ​ണ്ടി വ​രു​ന്നു. വ​ലി​യ ക​ഥാ​പാ​ത്ര​ങ്ങ​ളാ​കു​ന്പോ​ൾ ഒ​രു നൂ​ലി​ൽ കൂ​ടി കു​റേ ദൂ​രം സ​ഞ്ച​രി​ക്കേ​ണ്ടി വ​രു​ന്ന​തു പോ​ലെ​യാ​ണ്. ചെ​റി​യ കു​റേ ക​ഥാ​പാ​ത്ര​ങ്ങ​ൾ ചെ​യ്യാ​നു​ള്ള സ്വാ​ത​ന്ത്ര്യം ന​ഷ്ട​പ്പെ​ടു​ന്നു​ണ്ട്.

പുരസ്കാര നേട്ടത്തിനു ശേ​ഷം കേ​ന്ദ്ര​ക​ഥാ​പാ​ത്ര​ങ്ങ​ൾ കൂ​ടു​ത​ൽ എ​ത്തു​ന്നു​ണ്ടോ?

മു​ന്പു​ത​ന്നെ കേ​ന്ദ്ര​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കാ​നു​ള്ള സി​നി​മ​ക​ൾ വ​രാ​റു​ണ്ട്. എ​ന്നാ​ൽ പ്രേ​ക്ഷ​ക​രി​ലേ​ക്ക് ആ ​സി​നി​മ​ക​ൾ എ​ത്താ​തെ പോ​യാ​ൽ ന​ട​ൻ എ​ന്ന നി​ല​യി​ൽ ന​മ്മു​ടെ വീ​ര്യ​ത്തെ ന​ഷ്ട​പ്പെ​ടു​ത്തു​ക​യാ​ണ്. എ​ങ്കി​ലും ചി​ല ധൈ​ര്യ​ങ്ങ​ളാ​ണ് ആ​ളൊ​രു​ക്ക​വും മ​ണ്‍​ട്രോ​തു​രു​ത്തു​മൊ​ക്കെ ചെ​യ്യാ​ൻ കാ​ര​ണ​മാ​കു​ന്ന​ത്. ആ​ൾ​ക്കാ​ർ കാ​ണു​ന്നി​ല്ലെ​ങ്കി​ൽ പി​ന്നെ അ​ഭി​ന​യി​ച്ചി​ട്ട് കാ​ര്യ​മി​ല്ല.

ക​ഥാ​പാ​ത്ര​ങ്ങ​ൾ തേ​ടി​വ​രു​ന്പോ​ഴു​ള്ള ത​യാ​റെ​ടു​പ്പ്?

അ​പൂ​ർ​വം ക​ഥാ​പാ​ത്ര​ങ്ങ​ൾ​ക്കു​വേ​ണ്ടി​യാ​ണ് അ​ത്ത​ര​ത്തി​ൽ എ​ന്തെ​ങ്കി​ലും ത​യാ​റെ​ടു​പ്പ് വേ​ണ്ടി​വ​രു​ന്ന​ത്. ഒ​രു സി​നി​മ​യി​ൽ അ​ഭി​ന​യി​ക്കാ​നെ​ത്തു​ന്പോ​ൾ സം​വി​ധാ​യ​ക​ന്‍റെ മ​ന​സി​ലു​ള്ള ക​ഥാ​പാ​ത്ര​ത്തി​നാ​യി ന​മ്മ​ളെ ത​ന്നെ വ​ശം​വ​ദ​രാ​യി കൊ​ടു​ക്കു​ക​യാ​ണ് ചെ​യ്യു​ന്ന​ത്. സം​വി​ധാ​യ​ക​ന്‍റെ മ​ന​സി​ൽ ഓ​രോ ക​ഥാ​പാ​ത്ര​ങ്ങ​ൾ​ക്കും ഒ​രു മീ​റ്റ​ർ കൊ​ടു​ത്തി​ട്ടു​ണ്ട്. അ​തി​ന​നു​സ​രി​ച്ച് നി​ൽ​ക്കു​ക​യാ​ണ് ചെ​യ്യു​ന്ന​ത്.

സി​നി​മ​യു​ടെ മ​റ്റ് മേ​ഖ​ല​യി​ലേ​ക്ക് ഇ​നി എ​ന്നാ​ണ് കാ​ണാ​നാ​കു​ന്ന​ത്?

ന​ന്നാ​യി ഒ​ന്ന് അ​ഭി​ന​യി​ച്ച്, ഒ​ന്നു ര​ണ്ടു ന​ല്ല ക​ഥാ​പാ​ത്ര​ങ്ങ​ളൊ​ക്കെ ചെ​യ്തി​ട്ടു വേ​ണം സി​നി​മ​യു​ടെ മ​റ്റ് മേ​ഖ​ല​യി​ലേ​ക്കും നോ​ക്കാ​ൻ. ആ​ദ്യം അ​ഭി​ന​യം ന​ന്നാ​ക്ക​ണ​മ​ല്ലോ. ഇ​പ്പോ​ഴും ന​ട​ൻ എ​ന്ന നി​ല​യി​ൽ ഞാ​ൻ പ​ഠി​ച്ചു​വ​രു​ന്ന​തേ​യു​ള്ളു. ഓ​രോ ക​ഥാ​പാ​ത്രം അ​ഭി​ന​യി​ക്കു​ന്പോ​ഴും സം​വി​ധാ​യ​ക​ന്‍റെ​യൊ​ക്കെ മു​ഖം തെ​ളി​യു​ന്ന​തു​വ​രെ പേ​ടി​യാ​ണ്. അ​വ​ർ​ക്കു തൃ​പ്തി​യാ​കു​ന്പോ​ഴാ​ണ് ന​മു​ക്കും ആ​ത്മ​വി​ശ്വാ​സം ഉ​ണ്ടാ​കു​ന്ന​ത്.

കാ​ല​ഘ​ട്ട​ത്തി​ന​നു​സ​രി​ച്ചു​ള്ള സി​നി​മ​യു​ടെ മാ​റ്റ​ത്തെ എ​ങ്ങ​നെ നോ​ക്കി​ക്കാ​ണു​ന്നു?

ഇ​ന്നു ഒ​രു​പാ​ട് മു​ന്നേ​റു​ന്പോ​ഴും മ​ല​യാ​ള സി​നി​മ​യു​ടെ വ​ള​ർ​ച്ച ഇ​ത്ര​യും പോ​രാ എ​ന്നാ​ണ് എ​ന്‍റെ അ​ഭി​പ്രാ​യം. ഇ​വി​ടെ ഇ​നി​യും മി​ടു​ക്കന്മാ​ർ വ​ര​ണം. കാ​ര​ണം ഇ​ന്നു പു​തി​യ ടെ​ക്നോ​ള​ജി​യും ഒ​രു​പാ​ട് സ​ജ്ജീ​ക​ര​ണ​ങ്ങ​ളും സൗ​ക​ര്യ​ങ്ങ​ളും പു​തി​യാ​ൾ​ക്കാ​ർ​ക്ക് കി​ട്ടു​ന്നു​ണ്ട്. എ​ന്നി​ട്ടും പ​ഴ​യ ത​ല​മു​റ ചെ​യ്തു​വെ​ച്ച​തി​ൽ ത​ന്നെ​യാ​ണ് പു​തി​യ കു​ട്ടി​ക​ൾ ഇ​പ്പോ​ഴും ക​റ​ങ്ങി​ത്തി​രി​യു​ന്ന​ത്. എന്നാൽ പു​തി​യ ത​ല​മു​റ സി​നി​മ​യോ​ടു​ള്ള പാ​ഷ​നി​ൽ എ​ത്തു​ന്ന​വ​രാ​ണ്. മ​ന​സി​ലു​ള്ള സി​നി​മ​യെ വ​ള​രെ ഭം​ഗി​യാ​യി ഒരുക്കാൻ ശ്രമിക്കുന്നവരാണ്.

ഇ​തു ബ്ര​ഹ്മാ​ണ്ഡ സി​നി​മ​ക​ളു​ടെ കാ​ല​മാ​ണ്. മ​ല​യാ​ള​ത്തി​ൽ അ​ത്ത​രം സി​നി​മ​ക​ൾ സാ​ധ്യ​മാ​കേണ്ടതില്ലേ?

ബ്ര​ഹ്മാ​ണ്ഡ സി​നി​മ​ക​ൾ ധൂ​ർ​ത്താ​യി മാ​ത്ര​മാ​ണ് തോ​ന്നി​യി​ട്ടു​ള്ള​ത്. കു​റേ വ​ർ​ണ​ങ്ങ​ൾ പി​ടി​പ്പി​ക്കാ​ൻ വേ​ണ്ടി മാ​ത്ര​മു​ള്ള സി​നി​മ​ക​ളാ​ണ​ത്. സി​നി​മ എ​ന്നും ജീ​വി​ത​ത്തെ​യാ​ണ് മു​ന്ന​ിലേ​ക്കു കൊ​ണ്ടു​വ​രു​ന്ന​ത്. അ​പ്പോ​ൾ യ​ഥാ​ർ​ഥ ജീ​വി​തം പ​റ​യു​ന്ന​തി​ൽ ബ​ജ​റ്റി​ന്‍റെ പെ​രു​മ ഒ​രു വി​ഷ​യ​മ​ല്ല. എ​ല്ലാ കാ​ല​വും സി​നി​മ അ​ങ്ങ​നെ​യാ​യി​രു​ന്നു. കാ​ര​ണം സി​നി​മ എ​ന്ന ക​ലാ​രൂ​പ​ത്തി​നു ജീ​വി​ത​ത്തോ​ട് ചേ​രു​ന്പോ​ഴാ​ണ് ആ​യു​സു​ള്ള​ത്.

റി​യ​ലി​സ്റ്റി​ക് സി​നി​മ​ക​ളു​ടെ ച​ർ​ച്ച​യാ​ണ് ന​ട​ക്കു​ന്ന​ത്. ഇ​തു പു​തി​യ കാ​ല​ത്തി​ന്‍റെ സി​നി​മ​യാ​ണോ?

മു​ന്പും ഇ​വി​ടെ റി​യ​ലി​സ്റ്റി​ക് സി​നി​മ​ക​ൾ ഉ​ണ്ടാ​യി​രു​ന്നു. ഒ​രി​ട​ത്തൊ​രു ഫ​യ​ൽ​വാ​നും പെ​രു​വ​ഴി​യ​ന്പ​ല​വു​മൊ​ക്കെ ആ ​കാ​ല​ത്തു പ്രേ​ക്ഷ​ക​രെ ഞെ​ട്ടി​ച്ച സി​നി​മ​ക​ളാ​ണ്. ഭ​ര​ത​ൻ​സാ​റി​ന്‍റെ പ്ര​യാ​ണ​മൊ​ക്കെ റി​യ​ലി​സ്റ്റി​ക് സി​നി​മ​ക​ളാ​യി​രു​ന്നു. പ​തി​വു​കാ​ഴ്ച​ക​ളി​ൽ നി​ന്നു മാ​റി​യു​ള്ള അ​ത്ത​രം സി​നി​മ​ക​ൾ എ​ല്ലാ​ക്കാ​ല​വും ഉ​ണ്ടാ​യി​രു​ന്നു.

ക​രി​യ​റി​ൽ മാറ്റം സം​ഭ​വി​ക്കു​ന്ന​ത് എ​വി​ടെ മു​ത​ലാ​ണ്?

ന​മ്മ​ൾ ചെ​യ്ത വേ​ഷ​ങ്ങ​ൾ ആ​ൾ​ക്കാ​ർ ന​ല്ല​തെ​ന്നു പ​റ​യു​ന്പോ​ൾ അ​തി​നു ഞാ​ൻ പാ​ക​മാ​യോ എ​ന്നു ഇ​പ്പോ​ഴും ചി​ന്തി​ക്കാ​റു​ണ്ട്. കാ​ര​ണം ന​ല്ല സി​നി​മ​ക​ൾ ഇ​പ്പോ​ഴും ഞാ​ൻ ചെ​യ്തി​ട്ടി​ല്ല എ​ന്നാ​ണ് തോ​ന്നി​യി​ട്ടു​ള്ള​ത്. കാ​ണു​ന്ന സി​നി​മ​ക​ളും വാ​യി​ക്കു​ന്ന പു​സ്ത​ക​ങ്ങ​ളും ഇ​ട​പെ​ടു​ന്ന​ മ​നു​ഷ്യ ജീ​വി​ത​ങ്ങ​ളു​മൊ​ക്കെ കാ​ലം ക​ഴി​യു​ന്പോ​ഴേ​ക്കും അ​റി​യാ​തെ ത​ന്നെ ന​മ്മ​ളെ പാ​ക​മാ​ക്കാ​റു​ണ്ട്. ന​ല്ല​തു ചെ​യ്തു എ​ന്നു മ​റ്റു​ള്ള​വ​രു​ടെ അ​ഭി​പ്രാ​യം കേ​ട്ടു​തു​ട​ങ്ങു​ന്ന​ത് ക​ഥാ​വ​ശേ​ഷ​ൻ മു​ത​ലാ​ണ്. അ​തി​നു പി​ന്നാ​ലെ​യാ​ണ് സീ​രി​യ​സ് ക​ഥാ​പാ​ത്ര​ങ്ങ​ൾ എ​ന്നെ തേ​ടി​വ​ന്ന​ത്.

വാ​യ​ന​യും യാ​ത്ര​യു​മൊ​ക്കെ സ്വാ​ധീ​നിക്കാറുണ്ടോ?

ഓ​രോ വ്യ​ക്തി​യു​ടെ​യും സ്വ​ഭാ​വ​ത്തി​ലും ജീ​വി​ത​ത്തി​ലും വാ​യ​ന​യും യാ​ത്ര​യു​മൊ​ക്കെ മാ​റ്റം സൃ​ഷ്ടി​ക്കു​ന്നു​ണ്ട്. അ​തു മാ​ന​സി​ക​മാ​യി​ട്ടാ​കും സം​ഭ​വി​ക്കു​ന്ന​ത്. അ​പ്പോ​ൾ ന​മ്മ​ൾ ലോ​ക​ത്തെ കാ​ണു​ന്ന വീ​ക്ഷ​ണ​ത്തി​ൽ ത​ന്നെ വ്യ​ത്യാ​സം ഉ​ണ്ടാ​ക്കു​ന്നു. എ​ന്‍റെ ജീ​വി​ത​ത്തി​ൽ വ്യ​ക്തി​പ​ര​മാ​യും അ​ല്ലാ​തെ​യും മാ​റ്റം സം​ഭ​വി​ച്ച​ത് വാ​യ​ന​യി​ലൂ​ടെ​യാ​ണ്.

ഒ​രു ന​ട​നു​വേ​ണ്ട പ്ര​ധാ​ന ഗു​ണം എ​ന്താ​ണ്?
ഒ​രു ന​ട​ൻ ന​ല്ല മ​നു​ഷ്യ​നാ​യി​രി​ക്ക​ണം. അ​ഭി​ന​യി​ക്കാ​ൻ അ​റി​യ​ണം എ​ന്ന​തു മാ​ത്ര​മ​ല്ല ന​ല്ല ഗു​ണം. മ​റ്റു​ള്ള​വ​രോ​ട് ന​ല്ല രീ​തി​യി​ൽ പെ​രു​മാ​റാ​നും പ​ഠി​ക്ക​ണം. ന​ട​ൻ എ​ന്ന​തി​ന​പ്പു​റം ന​സീ​ർ സാ​ർ എ​ന്ന മ​നു​ഷ്യ​നെ​ക്കു​റി​ച്ചാ​ണ് ന​മ്മ​ൾ ഇ​പ്പോ​ഴും പ​റ​യു​ന്ന​ത്. അ​ത് അ​ദ്ദേ​ഹം ന​ല്ല ന​ട​നും മ​നു​ഷ്യ​നും ആ​യ​തു​കൊ​ണ്ടാ​ണ്.


Copyright @ 2022 , Rashtra Deepika Ltd.