കോ​വി​ഡ് കാ​ലം ന​ൽ​കു​ന്ന സ​ന്ദേ​ശം
ലോ​കം ഒ​രി​ക്ക​ലും അ​നു​ഭ​വി​ക്കാ​ത്ത ഒ​രു ഭ​യ​ത്തി​ലൂ​ടെ ക​ട​ന്നുപോ​വു​ന്ന കാ​ല​ഘ​ട്ട​ത്തി​ലാ​ണ് ക്രൈ​സ്ത​വ​ർ ഇ​ക്കു​റി ഉ​യി​ർ​പ്പുതി​രു​നാ​ൾ ആ​ഘോ​ഷി​ച്ച​ത്. ആ​രെ​യാ​ണ് ഭ​യം കീഴ​ട​ക്കു​ന്ന​ത്. യേ​ശു​വി​ന്‍റെ വാ​ക്കു​ക​ൾ​ക്ക​നു​സ​രി​ച്ച് ജീ​വി​ക്കാ​ൻ ശ്ര​മി​ക്കാ​ത്ത​വ​രെ​യാ​ണ്. ദേ​വാ​ല​യ​ങ്ങ​ളെ​ല്ലാം അ​ട​ച്ചി​ട്ടു​കൊ​ണ്ടുവേണ്ടിവന്നു ഈ ​വ​ർ​ഷം ഉ​യി​ർ​പ്പുതി​രു​നാ​ൾ കൊ​ണ്ടാ​ടാൻ.

ക​ഴി​ഞ്ഞ ഏ​താ​നും കാ​ല​മാ​യി ഒ​രു സ​മൂ​ഹം എ​ന്ന നി​ല​യി​ൽ ക്രൈ​സ്ത​വ​രാ​യ നാം ​ന​ല്കി​യ സം​ഭാ​വ​ന പ​രി​ശോ​ധി​ച്ചാ​ൽ ഇ​ന്നു നാം ​അ​നു​ഭ​വി​ക്കു​ന്ന ഭ​യ​ത്തി​ന്‍റെ കാ​ര​ണം മ​ന​സി​ലാ​കും. യേ​ശുക്രി​സ്തു വ​ന്ന​തും പ​ഠി​പ്പി​ച്ച​തും ജീ​വി​ച്ചു കാ​ണി​ച്ച​തും സ്നേ​ഹ​ത്തി​ന്‍റെ പാ​ത​യാ​ണ്. സ്നേ​ഹി​ത​നു​വേ​ണ്ടി ജീ​വ​ൻ ബ​ലി ക​ഴി​ക്കു​ന്ന​തി​നേ​ക്കാ​ൾ വ​ലി​യ സ്നേ​ഹം ഇ​ല്ലെ​ന്നാ​ണ് അ​വി​ടു​ന്നു പ​റ​ഞ്ഞ​ത്. നീ ​ബ​ലി​യ​ർ​പ്പി​ക്കു​വാ​ൻ പോ​കു​ന്പോ​ൾ നി​ന്‍റെ സ​ഹോ​ദ​ര​ന് നി​ന്നോ​ട് എ​ന്തെ​ങ്കി​ലും വി​രോ​ധം ഉ​ണ്ടെ​ന്നു തോ​ന്നി​യാ​ൽ നീ ​ബ​ലി​യ​ർ​പ്പി​ക്കാ​തെ പോ​യി അ​നു​ര​ഞ്ജ​ന​പ്പെ​ടാ​നാ​ണ് അ​വി​ടു​ന്ന് ക​ല്പി​ച്ച​ത്.

എ​ന്നാ​ൽ ഇ​ക്കാ​ല​ഘ​ട്ട​ത്തി​ൽ നാം ​ലോ​ക​ത്തി​നു ന​ല്കി​യ മാ​തൃ​ക എ​ന്താ​ണ്? നീ​തിന്യാ​യ രം​ഗ​ത്ത് 40 വ​ർ​ഷ​മാ​യി പ്ര​വ​ർ​ത്തി​ക്കു​ന്ന എ​ന്നെ വ​ല്ലാ​തെ വേ​ദ​നി​പ്പി​ക്കു​ന്ന ചി​ന്ത​യാ​ണി​ത്. സ്നേ​ഹ​വും ക്ഷ​മ​യും അ​നു​ര​ഞ്ജ​ന​വും എ​ല്ലാം പ്ര​ദാ​നം ചെ​യ്യേ​ണ്ട നാം ​ഹൃ​ദ​യ​പൂ​ർ​വം ന​മ്മു​ടെ സ​ഹോ​ദ​ര​നോ​ട് ക്ഷ​മി​ക്കു​ന്നു​ണ്ടോ? നാം ​ക്ഷ​മി​ച്ചി​ല്ലെ​ങ്കി​ൽ സ്വ​ർ​ഗ​സ്ഥ​നാ​യ ന​മ്മു​ടെ പി​താ​വും ന​മ്മോ​ട് ക്ഷ​മി​ക്കി​ല്ല എ​ന്ന് ഈ​ശോ തീ​ർ​ത്തു പ​റ​ഞ്ഞി​ട്ടു​ണ്ട്. നാം ​ക്ഷ​മി​ക്കു​വാ​ൻ ത​യാ​റാ​യി​രു​ന്നെ​ങ്കി​ൽ കോ​ട​തിമു​റി​ക​ളി​ൽ കെ​ട്ടി​ക്കി​ട​ക്കു​ന്ന എ​ത്ര​യോ കേ​സു​ക​ൾ ഇ​ല്ലാ​താ​കു​മാ​യി​രു​ന്നു.! സ​മാ​ധാ​നം സ്ഥാ​പി​ക്കേ​ണ്ട നാം ​എ​ത്ര​മാ​ത്രം അ​സ​മാ​ധാ​നം ഉ​ണ്ടാ​ക്കി. സ​മു​ഹ​ത്തി​ലാ​കെ അ​സ​മാ​ധാ​നം ഉ​ണ്ടാ​ക്കി​യ ശേ​ഷം പ​ള്ളി​യി​ൽ ക​യ​റി പ​ര​പ്സ​രം സ​മാ​ധാ​നം ആ​ശം​സി​ച്ചാ​ൽ സ​മാ​ധാ​നം കി​ട്ടു​മോ? അ​വ​ർ​ക്ക് ലോ​ക​ത്തി​ലേ​ക്ക് സ​മാ​ധാ​നം കൊ​ണ്ടുപോ​കാ​നാ​കു​മോ? യേ​ശു ന​മ്മെ ആ​രാ​ധ​ന​യ്ക്കാ​യി വി​ളി​ക്കു​ന്ന​ത് സ​മാ​ധാ​നം അ​നു​ഭ​വി​ക്കു​വാ​നും അ​തി​ന്‍റെ ഉ​പ​ക​ര​ണം ആ​കു​വാ​നും അ​ല്ലേ? ന​മ്മു​ടെ ദേ​വാ​ല​യ​ങ്ങ​ൾ​ക്ക്, അ​വ പ്ര​തി​നി​ധാ​നം ചെ​യ്യു​ന്ന സ​ഭ​ക​ൾ​ക്ക് സ​മാ​ധാ​ന​ത്തി​ന്‍റെ​യും ക്ഷ​മ​യു​ടെ​യും അ​നു​ര​ഞ്ജ​ന​ത്തി​ന്‍റെ​യും സ​ന്ദേ​ശം ലോ​ക​ത്തി​ന് കൊ​ടു​ക്കാ​നാ​വു​ന്നു​ണ്ടോ?

മ​ര​ണ​ത്തോ​ടെ ന​മ്മു​ടെ ഈ ​ലോ​ക ജീ​വി​തം അ​വ​സാ​നി​ക്കു​ന്നു. ഉ​യി​ർ​പ്പ് ന​മ്മെ എ​ത്തി​ക്കു​ന്ന​ത് ഒ​രു പു​തി​യ ജീ​വ​നി​ലേ​ക്കാ​ണ്. അ​തു നേ​ട​ണ​മെ​ങ്കി​ൽ നാം ​തീ​രു​മാ​നി​ക്ക​ണം.​ അ​തി​നു സോ​വ്യ​റ്റ് യൂണി​യ​നി​ൽ മി​ഖാ​യേ​ൽ ഗോ​ർ​ബ​ച്ചോ​വ് കൊ​ണ്ടു​വ​ന്ന​തു​പോ​ലെ ഒ​രു ഗ്ലാ​സ്നോ​സ്റ്റി​നും പെ​രി​സ്ട്രോ​യി​ക്ക​യ്ക്കും നാം ​ത​യാ​റാ​ക​ണം. സ​ഭ ത​യാ​റാ​ക​ണം. ഗ്ലാ​സ്നോ​സ്റ്റ് എ​ന്നാ​ൽ തി​രി​ഞ്ഞു നോ​ട്ടം എ​ന്നും പെ​രി​സ്ട്രോ​യി​ക്ക എ​ന്നാ​ൽ പു​നഃ​സം​ഘ​ട​ന എ​ന്നു​മാ​ണ് അ​ർ​ഥം.

ക​ഴി​ഞ്ഞ കാ​ല​ങ്ങ​ളി​ലേ​ക്ക് നാം ​തി​രി​ഞ്ഞുനോ​ക്ക​ണം. ക്രൈ​സ്ത​വ സ​ഭ​ക​ളു​ടെ പൊ​തുസാ​ക്ഷ്യം എ​ന്താ​യി​രു​ന്നു? സ​ഭ​ക​ളി​ൽ സ​മാ​ധാ​ന​മു​ണ്ടോ? സ​ഭ​ക​ൾ ത​മ്മി​ൽ സ​മാ​ധാ​ന​മു​ണ്ടോ? എ​ന്തുമാ​ത്രം കേ​സു​ക​ളാ​ണ് ഓ​രോ സ​ഭ​യി​ലും സ​ഭ​ക​ൾ ത​മ്മി​ലും ഉ​ള്ള​ത്? ഈ ​സ്ഥി​തി​യി​ൽ ഈ​ശോ സ​ന്തോ​ഷി​ക്കു​മോ? നാം ​യേ​ശു​വി​നെ ഏ​റ്റുപ​റ​യു​ക​യാ​ണോ അ​തോ ഒ​റ്റി​ക്കൊ​ടു​ക്കു​ക​യാ​ണോ? യേ​ശു​വി​നെ ഏ​റ്റു പ​റ​യു​ന്നു​വെ​ങ്കി​ൽ കോ​ട​തി​ക​ളി​ലെ വ്യ​വ​ഹാ​ര​ങ്ങ​ളി​ൽനി​ന്നു പിന്മാ​റ​ണം. ഹൃ​ദ​യ​പൂ​ർ​വം ക്ഷ​മി​ക്ക​ണം. തെ​റ്റു ചെ​യ്ത​വ​നോ​ടാ​ണ് ക്ഷ​മി​ക്കേ​ണ്ട​ത്. തെ​റ്റ് സ​ഹി​ച്ചു​കൊ​ണ്ടേ അ​തി​ന് സാ​ധി​ക്കൂ. സ​ഹോ​ദ​ര​ൻ ചെ​യ്ത​ത് തെ​റ്റാ​ണ് എ​ന്ന് വി​ധി​ക്കാ​​ൻ ന​മു​ക്ക് എ​ന്ത് അ​വ​കാ​ശ​മാ​ണു​ള്ള​ത്? ദൈ​വ​വും അ​തു​പോ​ലെ ന​മ്മോ​ട് പെ​രു​മാ​റി​യാ​ൽ എ​ന്താ​വും ന​മ്മു​ടെ അ​വ​സ്ഥ. നാം ​ക്ഷ​മി​ച്ചാ​ൽ മാ​ത്ര​മേ സ്വ​ർ​ഗ​സ്ഥ​നാ​യ പി​താ​വ് ന​മ്മോ​ടും ക്ഷ​മി​ക്കൂ. അ​നു​ര​ഞ്ജ​ന​പ്പെ​ടാ​തെ, സ​ഹോ​ദ​ര​നെ സ്നേ​ഹി​ക്കാ​തെ, കാ​ണ​പ്പെ​ടാ​ത്ത ദൈ​വ​ത്തെ ആ​രാ​ധി​ക്കു​ന്ന​ത് കാ​പ​ട്യ​മാ​ണെ​ന്ന് ഈ​ശോ പ​ഠി​പ്പി​ക്കു​ന്നു.

അ​തു​കൊ​ണ്ട് കോ​വി​ഡ് കാ​ല​ത്തെ ഈ ​ഉ​യി​ർ​പ്പു തി​രു​നാ​ൾ ദിവസങ്ങൾ ന​മ്മു​ടെ സ​ഭ​ക​ളു​ടെ മ​ന​സാ​ക്ഷി​യി​ൽ വേ​ദ​ന ഉ​ണ്ടാ​ക്ക​ണം. നാം ​ലോ​ക​ത്തി​ൽ സ​മാ​ധാ​ന​ത്തി​ന്‍റെ അ​ട​യാ​ളം ആ​കാ​ത്ത​തി​ന്.​ ഉ​യി​ർ​പ്പി​ലൂ​ടെ ഈ​ശോ ന​ല്കു​ന്ന​ത് സ​മാ​ധാ​ന​വും പ്ര​ത്യാ​ശ​യു​മാ​ണെ​ങ്കി​ൽ നാം ​ലോ​ക​ത്തി​ന് കൊ​ടു​ക്കു​ന്ന​ത് എ​ന്താ​ണ്? ന​മ്മു​ടെ നി​ല​പാ​ടു​ക​ൾ മാ​റ​ണം. കാ​ല​ഘ​ട്ടം ന​മ്മോ​ട് ആ​വ​ശ്യ​പ്പെ​ടു​ന്ന​ത് അ​താ​ണ്. ക്രി​സ്തു​വി​ന്‍റെ നി​ല​പാ​ടു​ക​ളി​ൽ നി​ന്നും നാം ​ഏ​റെ പി​ന്നാ​ക്കം പോ​യി. തി​രി​ഞ്ഞുനോ​ക്കാ​നും അ​ഴി​ച്ചു പ​ണി​യാ​നു​മു​ള്ള വ​ലി​യ വി​ളി​യാ​ണ് ഈ ​കോ​വി​ഡ് കാ​ല​ത്തെ ഈ​സ്റ്റ​ർ ന​ല്കു​ന്ന​ത്.​ കോ​വി​ഡി​ലൂ​ടെ ച​രി​ത്രം വ​ലി​യ തി​രു​ത്തി എ​ഴു​തപ്പെട​ലി​ന് വി​ധേ​യ​മാ​കു​വാ​ൻ പോ​കു​ന്നു. സ​ഭ​യി​ലും അ​തു​ണ്ടാ​വ​ണം.​സ​ഭ​യ്ക്കു​ള്ളി​ൽ ഉ​യി​ർ​പ്പു​ണ്ടാ​വ​ണം.
നാം ​എ​ല്ലാം മ​രി​ക്കും.​ സി​സ്റ്റ​ർ മേ​രി ബ​നീ​ഞ്ഞ "ലോ​ക​മേ യാ​ത്ര​യി​ൽ പ​റ​യു​ന്ന​തു​പോ​ലെ ജ​ഡ​വും ജ​ഗ​വും എ​ല്ലാം ഉ​പേ​ക്ഷി​ച്ചാ​ണ് ന​മ്മു​ടെ മ​ട​ക്കം.​ ന​മു​ക്ക് എ​ത്തി​ച്ചേ​രാ​ൻ ഒ​രു സ്ഥ​ല​മു​ണ്ട്. ​ഇ​വി​ടെ വെ​ട്ടി​പ്പി​ടി​ച്ച​തൊ​ന്നും ന​മു​ക്ക് കൊ​ണ്ടു​പോ​കാ​നാ​വി​ല്ല. ഈ ​ലോ​കം വെ​ട്ടി​പ്പി​ടി​ക്കാ​ന​ല്ല ദൈ​വം ന​മ്മെ ഈ ​ലോ​ക​ത്തി​ലേ​ക്ക് അ​യ​ച്ച​ത്. ലോ​കം മു​ഴു​വ​ൻ നേ​ടി​യാ​ലും ആ​ത്മാ​വ് ന​ശി​ച്ചാ​ൽ എ​ന്തു ഫ​ലം എ​ന്ന് ഈ​ശോ ചോ​ദി​ച്ച​ത് അ​തു​കൊ​ണ്ടാ​ണ്. ഈ ​ലോ​ക​ത്ത് സ്വ​ർ​ഗം സൃ​ഷ്ടി​ച്ചു തു​ട​ങ്ങാ​തെ മ​ര​ണ​ശേ​ഷം ന​മു​ക്ക​ത് ല​ഭി​ക്കി​ല്ല. ഈ ​ലോ​ക​ത്ത് ന​ര​കം സൃ​ഷ്ടി​ക്കാ​ൻ ശ്ര​മി​ച്ചാ​ൽ മ​നു​ഷ്യ​ൻ മ​നു​ഷ്യ​നെ​തി​രാ​യ നി​ല​പാ​ട് എ​ടു​ക്കു​ന്ന​താ​ണ​ത്. അ​താ​വി​ല്ലേ ന​മു​ക്ക് നി​ത്യ​ത​യി​ലും കി​ട്ടു​ക.

സ​ഭ​ക​ൾ​ക്ക് ആ​ത്മാ​വ് ന​ഷ്ട​പ്പെ​ട്ടു​വോ? കേ​ൾ​ക്കു​വാ​നു​ള്ള ചെ​വി​ക​ൾ അ​ട​ഞ്ഞു​വോ? ദൈ​വ​മേ തെ​റ്റി എ​ന്ന് ധൂ​ർ​ത്തപു​ത്ര​നെ​പ്പോ​ലെ ആ​ത്മാ​ർ​ഥ​മാ​യി വി​ല​പി​ക്കു​വാ​ൻ ന​മു​ക്കാ​വ​ണം. ദൈ​വ​ഹി​ത​ത്തി​നെ​തി​രെ​യും സ്വ​ർ​ഗ​ത്തി​നെ​തി​രെ​യും ചെ​യ്ത പ്ര​വൃത്തി​ക​ൾ ക​ണ്ടെ​ത്ത​ണം. ​ദൈ​വ​ത്തി​ന് നി​ര​ക്കാ​ത്തതാ​യി ഉ​ള്ള​തെ​ല്ലാം ഉ​പേ​ക്ഷി​ക്ക​ണം. ദൈ​വ​ത്തി​ന് വേ​ദ​ന ഉ​ണ്ടാ​ക്കു​ന്ന നി​ല​പാ​ടി​ൽനി​ന്നും പിന്മാ​റ​ണം.

വൈ​രാ​ഗ്യം, വ​ഴ​ക്ക്, കോ​ട​തി​ക്കേ​സു​ക​ൾ എ​ല്ലാം ഉ​പേ​ക്ഷി​ക്ക​ണം.​അ​തു​കൊ​ണ്ട് സ​ഭ​ക​ൾ​ക്കു​ള്ളി​ലും സ​ഭ​ക​ൾ ത​മ്മി​ലും ഉ​ള്ള എ​ല്ലാ കേ​സു​ക​ളും അ​വ​യി​ലൂ​ടെ പൊ​തു​സ​മൂ​ഹ​ത്തി​നു​ണ്ടാ​ക്കി​യ ഇ​ട​ർ​ച്ച​യ്ക്കു മാ​പ്പു​ചോ​ദി​ച്ചു നി​രു​പാ​ധി​കം പി​ൻ​വ​ലി​ക്കു​ക. ഞ​ങ്ങ​ൾ ഒ​രു അ​സ​മാ​ധാ​ന​ത്തി​നും ന​മി​ത്ത​മാ​കി​ല്ല എ​ന്നും സ​മാ​ധാ​ന​ത്തി​നു​വേ​ണ്ടി മാ​ത്രം നി​ല​കൊ​ള്ളും എ​ന്നും പ​ര​സ്യ​മാ​യി പ്ര​ഖ്യാ​പി​ക്കു​ക. ഒ​ളി​ക്കാ​ൻ ഒ​ന്നു​മി​ല്ലാ​ത്ത​വ​രാ​വു​ക. "ഭ​യ​പ്പെ​ടേ​ണ്ട' എ​ന്ന ഉ​ത്ഥി​ത​ന്‍റെ സ​ന്ദേ​ശം ന​മു​ക്ക് അ​നു​ഭ​വ​മാ​കും.
‌
ജ​സ്റ്റി​സ് കു​ര്യ​ൻ ജോ​സ​ഫ്
സു​പ്രിം കോ​ട​തി മു​ൻ ജ​ഡ്ജി


Copyright @ 2022 , Rashtra Deepika Ltd.