അവസരങ്ങളുണ്ട്, ലക്ഷ്യം നന്മയാകട്ടെ
മൈ​ക്രോസോ​ഫ്റ്റി​ന്‍റെ ബി​ൽ ഗേറ്റ്സി​നെ​പ്പോ​ലെ കം​പ്യൂ​ട്ട​ർ​രം​ഗ​ത്ത് വി​പ്ല​വം സൃ​ഷ്ടി​ച്ച പ്ര​തി​ഭാ​ശാ​ലി​യാ​യി​രു​ന്നു സ്റ്റീ​വ് ജോ​ബ്സ് (1955-2011). കം​പ്യൂ​ട്ട​ർ പ്ര​തി​ഭ​യാ​യി​രു​ന്ന സ്റ്റീ​വ് വോ​സ്നി​യാ​ക്കി​നോ​ടൊ​പ്പം ആ​പ്പി​ൾ കം​പ്യൂ​ട്ട​ർ ക​ന്പ​നി സ്ഥാ​പി​ച്ച​ത് അ​ദ്ദേ​ഹ​മാ​യി​രു​ന്നു.
ജോ​ബ്സും വോ​സ്നി​യാ​ക്കും​കൂ​ടി ഒ​രു ഡ​സ്ക് ടോ​പ് കം​പ്യൂ​ട്ട​ർ നി​ർ​മി​ച്ചി​ട്ട് ആ ​കം​പ്യൂ​ട്ട​റും​കൊ​ണ്ട് അ​വ​ർ ഒ​രു കം​പ്യൂ​ട്ട​ർ ക​ന്പ​നി​യി​ൽ എ​ത്തി. ത​ങ്ങ​ളു​ടെ ക​ണ്ടു​പി​ടി​ത്തം ആ ​ക​ന്പ​നി​ക്കു വി​ൽ​ക്കു​ക​യാ​യി​രു​ന്നു അ​വ​രു​ടെ ല​ക്ഷ്യം. പ​ക്ഷേ അ​തി​ൽ അ​വ​ർ വി​ജ​യി​ച്ചി​ല്ല. അ​പ്പോ​ൾ മ​റ്റൊ​രു ക​ന്പ​നി​യെ അ​വ​ർ സ​മീ​പി​ച്ചു. അ​വി​ടെ​യും അ​വ​ർ​ക്കു വി​ജ​യം ഉ​ണ്ടാ​യി​ല്ല.
അ​ങ്ങ​നെ​യാ​ണ് അ​വ​ർ ത​ന്നെ ഒ​രു കം​പ്യൂ​ട്ട​ർ ക​ന്പ​നി തു​ട​ങ്ങു​വാ​ൻ തീ​രു​മാ​നി​ച്ച​ത്. പ​ക്ഷേ പ​ണം സ​മാ​ഹ​രി​ക്കു​ക അ​ത്ര എ​ളു​പ്പ​മാ​യി​രു​ന്നി​ല്ല. ത‌ന്മൂലം, ജോ​ബ്സ് ത​ന്‍റെ കാ​ർ വി​റ്റു കു​റെ പ​ണം സ​ന്പാ​ദി​ച്ചു. വോ​സ്നി​യാ​ക്കും ചെ​റി​യൊ​രു തു​ക സം​ഘ​ടി​പ്പി​ച്ചു. അ​ങ്ങ​നെ അ​വ​ർ ക​ന്പ​നി തു​ട​ങ്ങി.‌

വ​ലി​യ ആ​വേ​ശ​ത്തോ​ടു​കൂ​ടി​യാ​ണ് അ​വ​ർ ക​ന്പ​നി തു​ട​ങ്ങി​യ​ത്. ത​ങ്ങ​ളു​ടെ കം​പ്യൂ​ട്ട​ർ ആ​ളു​ക​ൾ ര​ണ്ടു കൈ​യും​നീ​ട്ടി സ്വീ​ക​രി​ക്കു​മെ​ന്നാ​ണ് അ​വ​ർ ക​രു​തി​യ​ത്. എ​ന്നാ​ൽ, മാ​ർ​ക്ക​റ്റിം​ഗി​ൽ അ​വ​ർ​ക്കു പ​രി​ച​യ​മി​ല്ലാ​യി​രു​ന്നു. തന്മൂ​ലം, കം​പ്യൂ​ട്ട​ർ വി​ല്പ​ന​യി​ൽ വ​ലി​യ ച​ല​നം സൃ​ഷ്ടി​ക്കു​വാ​ൻ ആ​ദ്യം അ​വ​ർ​ക്കു സാ​ധി​ച്ചി​ല്ല.

അ​പ്പോ​ഴാ​ണു ത​ങ്ങ​ളു​ടെ ക​ന്പ​നി​യു​ടെ വി​ജ​യ​ത്തി​നു സ​മ​ർ​ഥ​നാ​യ ഒ​രു മാ​നേ​ജ്മെ​ന്‍റ് വി​ദ​ഗ്ധ​നെ വേ​ണ​മെ​ന്ന് അ​വ​ർ​ക്കു തോ​ന്നി​യ​ത്. ജോ​ബ്സ് അ​ന്വേ​ഷി​ച്ച​പ്പോ​ൾ പെ​പ്സി കോ​ള ക​ന്പ​നി​യു​ടെ പ്ര​സി​ഡ​ന്‍റാ​യി​രു​ന്ന ജോ​ണ്‍ സ്ക​ളി ത​ന്‍റെ ക​ന്പ​നി​ക്കു പ​റ്റി​യ ആ​ളാ​യി​രി​ക്കു​മെ​ന്നു തോ​ന്നി. കൊ​ക്ക​കോ​ള ക​ന്പ​നി​യു​മാ​യി മ​ത്സ​രി​ച്ചു പെ​പ്സി കോ​ള​യെ ന​ല്ല​നി​ല​യി​ലെ​ത്തി​ച്ച​തു സ്ക​ളി ആ​യി​രു​ന്നു.

ആ​പ്പി​ൾ കം​പ്യൂ​ട്ട​ർ ക​ന്പ​നി​യു​ടെ ചു​മ​ത​ല ഏ​റ്റെ​ടു​ക്കാ​ൻ ജോ​ബ്സ് സ്ക​ളി​യോ​ട് അ​ഭ്യ​ർ​ഥി​ച്ച​പ്പോ​ൾ അ​തു ത​മാ​ശ​യാ​യി​ട്ടാ​ണു സ്ക​ളി​ക്കു തോ​ന്നി​യ​ത്. മാ​ർ​ക്ക​റ്റി​ൽ അ​ല്പം​പോ​ലും ച​ല​നം സൃ​ഷ്ടി​ക്കു​വാ​ൻ സാ​ധി​ക്കാ​ത്ത ആ​പ്പി​ൾ കം​പ്യൂ​ട്ട​ർ ക​ന്പ​നി​യി​ൽ ചേ​രു​ന്ന​തി​നെ​ക്കു​റി​ച്ച് അ​ദ്ദേ​ഹ​ത്തി​ന് അ​പ്പോ​ൾ ചി​ന്തി​ക്കു​വാ​ൻ​പോ​ലും സാ​ധി​ച്ചി​ല്ല.

എ​ന്നാ​ൽ, സ്ക​ളി​യെ​ത്ത​ന്നെ ത​ന്‍റെ ക​ന്പ​നി​യി​ൽ വേ​ണ​മെ​ന്നാ​യി​രു​ന്നു ജോ​ബ്സി​ന്‍റെ ആ​ഗ്ര​ഹം. തന്മൂ​ലം, അ​ദ്ദേ​ഹം വീ​ണ്ടും സ്ക​ളി​യെ സ​മീ​പി​ച്ചു. അ​പ്പോ​ഴും ജോ​ബ്സി​ന്‍റെ അ​ഭ്യ​ർ​ഥ​ന മാ​നി​ക്കു​വാ​ൻ സ്ക​ളി ത​യാ​റാ​യി​ല്ല.

ജോ​ബ്സ് ഒ​രി​ക്ക​ൽ​കൂ​ടി സ്ക​ളി​യെ സ​മീ​പി​ച്ചു ത​ന്‍റെ ക​ന്പ​നി​യെ​ക്കു​റി​ച്ചു​ള്ള വി​ശ​ദ​വി​വ​ര​ങ്ങ​ൾ ന​ൽ​കി. അ​തു​പോ​ലെ, ത​ന്‍റെ ക​ന്പ​നി ഭാ​വി​യി​ൽ ചെ​യ്യു​വാ​ൻ പോ​കു​ന്ന കാ​ര്യ​ങ്ങ​ളും ജോ​ബ്സ് വി​വ​രി​ച്ചു. അ​തി​നു​ശേ​ഷം ജോ​ബ്സ് സ്ക​ളി​യോ​ടു ചോ​ദി​ച്ചു: ജീ​വി​ത​ത്തി​ന്‍റെ ശി​ഷ്ട​കാ​ലം മു​ഴു​വ​ൻ പ​ഞ്ച​സാ​ര​വെ​ള്ളം വി​റ്റു​കൊ​ണ്ടി​രി​ക്കു​ന്ന ഒ​രു ജോ​ലി നി​ങ്ങ​ൾ​ക്കു മ​തി​യോ അ​തോ ലോ​ക​ത്തെ​ത്ത​ന്നെ മാ​റ്റി​മ​റി​ക്കാ​ൻ സാ​ധി​ക്കു​ന്ന ഒ​രു അ​വ​സ​രം നി​ങ്ങ​ൾ​ക്കു വേ​ണോ?​ അ​ല്പം ചി​ന്തി​ച്ച​പ്പോ​ൾ ജോ​ബ്സ് പ​റ​യു​ന്ന​തി​ൽ കാ​ര്യ​മു​ണ്ടെ​ന്നു സ്ക​ളി​ക്കു തോ​ന്നി. അ​ങ്ങ​നെ​യാ​ണു ബ​ഹു​രാ​ഷ്്ട്ര​ക​ന്പ​നി​യാ​യ പെ​പ്സി കോ​ള​യി​ൽ​നി​ന്നു രാ​ജി​വ​ച്ചു ചെ​റി​യൊ​രു ക​ന്പ​നി​യാ​യ ആ​പ്പി​ളി​ൽ സ്ക​ളി ചേ​ർ​ന്ന​ത്.

ജോ​ബ്സ് സ്ക​ളി​യോ​ടു പ​റ​ഞ്ഞ​തു​പോ​ലെ ആ​പ്പി​ൾ ക​ന്പ​നി​വ​ഴി ലോ​ക​ത്തെ മാ​റ്റി​മ​റി​ക്കു​വാ​ൻ അ​വ​ർ​ക്കു സാ​ധി​ച്ചു. ആ​പ്പി​ൾ ഇ​ന്നു ലോ​ക​ത്തി​ലെ ഏ​റ്റ​വും വ​ലി​യ ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി ക​ന്പ​നി​യാ​ണ്. സാം​സം​ഗ് ക​ഴി​ഞ്ഞാ​ൽ ലോ​ക​ത്തി​ൽ ഏ​റ്റ​വും കൂ​ടു​ത​ൽ മൊ​ബൈ​ൽ ഫോ​ണു​ക​ൾ നി​ർ​മി​ക്കു​ന്ന​തും ആ​പ്പി​ൾ​ത​ന്നെ.

സ്മാ​ർ​ട്ട് ഫോ​ണ്‍ ആ​യ ഐ​ഫോ​ണ്‍, ടാ​ബ്്‌ലറ്റ് കം​പ്യൂ​ട്ട​റാ​യ ഐ​പാ​ഡ്, മാ​ക് പേ​ഴ്സ​ണ​ൽ കം​പ്യൂ​ട്ട​ർ, പോ​ർ​ട്ട​ബി​ൾ മീ​ഡി​യ​പ്ലെ​യ​റാ​യ ഐ​പോ​ഡ്, സ്മാ​ർ​ട് വാ​ച്ച് ആ​യ ആ​പ്പി​ൾ വാ​ച്ച് എ​ന്നി​വ​യെ​ല്ലാം ആ​പ്പി​ളി​ന്‍റെ സൃ​ഷ്ടി​ക​ളാ​ണ്. ഇ​വ​യെ​ല്ലാം വ​ഴി​യാ​യി ലോ​ക​ത്തി​ലു​ണ്ടാ​യി​രി​ക്കു​ന്ന മാ​റ്റ​ങ്ങ​ൾ അ​ദ്ഭു​താ​വ​ഹം​ത​ന്നെ.

മാ​നേ​ജ്മെ​ന്‍റ് രം​ഗ​ത്തു പ്ര​വ​ർ​ത്തി​ക്കു​ന്ന​വ​ർ സ്വ​പ്നം കാ​ണു​ന്ന ഒ​രു ജോ​ലി​യാ​ണു പെ​പ്സി കോ​ള​യു​ടെ പ്ര​സി​ഡ​ന്‍റ് പ​ദം. ഭ​ക്ഷ​ണ​പാ​നീ​യ​ങ്ങ​ളാ​ണ് ഈ ​ബ​ഹു​രാ​ഷ്്ട്ര​ക​ന്പ​നി​യു​ടെ ഉ​ത്പ​ന്ന​ങ്ങ​ൾ. ഈ ​ക​ന്പ​നി​യു​ടെ പ്ര​സി​ഡ​ന്‍റ് പ​ദം ഉ​പേ​ക്ഷി​ച്ചാ​യി​രു​ന്നു സ്ക​ള​ി ആ​പ്പി​ളി​ൽ ചേ​ർ​ന്ന​ത്. എ​ന്തി​നു​വേ​ണ്ടി? ലോ​ക​ത്തെ മാ​റ്റി​മ​റി​ക്കു​വാ​ൻ ല​ഭി​ച്ച ഒ​രു അ​വ​സ​രം ഉ​പ​യോ​ഗി​ക്കു​വാ​ൻ വേ​ണ്ടി.

സ്ക​ളി​ക്കു ല​ഭി​ച്ച​തു​പോ​ലെ ലോ​ക​ത്തെ മാ​റ്റി​മ​റി​ക്കു​വാ​ൻ സാ​ധി​ക്കു​ന്ന ഒ​രു ജോ​ലി​യോ അ​വ​സ​ര​മോ ന​മു​ക്കു ല​ഭി​ച്ചു​വെ​ന്നു വ​രി​ല്ല. എ​ന്നാ​ൽ, ന​മു​ക്കു ല​ഭി​ക്കു​ന്ന ജോ​ലി​ക​ളും അ​വ​സ​ര​ങ്ങ​ളു​മൊ​ക്കെ ന​മു​ക്കു ചു​റ്റി​ലു​മു​ള്ള ലോ​ക​ത്തെ മാ​റ്റി​മ​റി​ക്കു​വാ​നാ​യി ന​മു​ക്കു വി​നി​യോ​ഗി​ക്കാ​മെ​ന്ന​താ​ണു വ​സ്തു​ത.

പ​ക്ഷേ, അ​തു സാ​ധി​ക്ക​ണ​മെ​ങ്കി​ൽ ധ​ന​സ​മാ​ഹ​ര​ണ​മാ​യി​രി​ക്ക​രു​തു ന​മ്മു​ടെ ജോ​ലി​യു​ടെ​യും സേ​വ​ന​ത്തി​ന്‍റെ​യു​മൊ​ക്കെ ല​ക്ഷ്യം. ന​മ്മു​ടെ അ​നു​ദി​ന ആ​വ​ശ്യ​ങ്ങ​ൾ​ക്കാ​യി പ​ണം ന​മു​ക്കു വേ​ണം. എ​ന്നാ​ൽ പ​ണ​സ​ന്പാ​ദ​നം മാത്ര​മാ​യി​രി​ക്ക​രു​ത് നാം ​ചെ​യ്യു​ന്ന ജോ​ലി​യു​ടെ​യോ സേ​വ​ന​ത്തി​ന്‍റെ​യോ ല​ക്ഷ്യം. അ​വ​യു​ടെ ല​ക്ഷ്യം പൊ​തു​നന്മ​യാ​യി​രി​ക്ക​ണം. നാം ​ജീ​വി​ക്കു​ന്ന ഈ ​ലോ​കം മ​റ്റു​ള്ള​വ​ർ​ക്കു കൂ​ടു​ത​ൽ മ​ധു​ര​ത​ര​മാ​ക്കി മാ​റ്റു​ന്ന​തു​വ​ഴി​യാ​ണ് അ​തു സാ​ധി​ക്കു​ക.

നാം ​മ​ന​സു​വ​ച്ചാ​ൽ ന​മു​ക്കു ചു​റ്റു​മു​ള്ള ലോ​ക​ത്തെ മ​റ്റു​ള്ള​വ​രു​ടെ നന്മയ്ക്കാ​യി മാ​റ്റി​മ​റി​ക്കു​വാ​ൻ സാ​ധി​ക്കു​മെ​ന്ന​താ​ണു യാ​ഥാ​ർ​ഥ്യം. ന​മു​ക്ക​ങ്ങ​നെ ചെ​യ്യാ​ൻ സാ​ധി​ച്ചാ​ൽ അ​തു​വ​ഴി​യു​ണ്ടാ​കു​ന്ന നന്മയി​ൽ ന​മു​ക്കും ഒ​രു ഓ​ഹ​രി ല​ഭി​ക്കു​മെ​ന്ന​തും നാം ​മ​റ​ക്കേ​ണ്ട.

പ​ഞ്ച​സാ​ര​വെ​ള്ളം വി​ൽ​ക്കു​ന്ന ഒ​രു ജോ​ലി​യാ​യി​രി​ക്കാം ഒ​രു​പ​ക്ഷേ ന​മു​ക്കു ല​ഭി​ക്കു​ക. എ​ന്നാ​ൽ, അ​തു​വ​ഴി​യാ​യും ന​മ്മു​ടെ ചു​റ്റി​ലു​മു​ള്ള ലോ​ക​ത്തെ പൊ​തു​നന്മയ്ക്കാ​യി മാ​റ്റാ​നാ​വും എ​ന്ന​ത് എ​പ്പോ​ഴും ന​മ്മു​ടെ ഓ​ർ​മ​യി​ലി​രി​ക്ക​ട്ടെ.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.