വിവാഹിതരിൽ ചിലരുടെ വികല കാഴ്ചപ്പാടുകൾ
അ​പ്പു എ​ന്ന് വി​ളി​പ്പേ​രു​ള്ള അ​വ​ന്‍റെ പേ​ര് അ​ഗ​സ്റ്റ്യ​ൻ എ​ന്നാ​ണ്. ബി​എ​സ്‌സി ന​ഴ്സി​ംഗ് പൂ​ർ​ത്തി​യാ​ക്കി​യെ​ങ്കി​ലും ന​ഴ്സിംഗ് തൊ​ഴി​ലി​നോ​ട് താ​ത്​പ​ര്യം ഇ​ല്ലാ​ത്ത​തി​നാ​ൽ ഇ​പ്പോ​ൾ അ​വ​ൻ ത​ന്‍റെ പി​താ​വി​നൊ​പ്പം റി​യ​ൽ എ​സ്റ്റേ​റ്റ് മേ​ഖ​ല​യി​ലാ​ണ്. സ്ഥ​ലം വാ​ങ്ങി വീ​ട് വ​ച്ച് വി​ൽ​ക്കു​ക​കൂ​ടി ചെ​യ്യു​ന്നു​ണ്ടെ​ന്ന​തി​നാ​ൽ അ​തി​ന്‍റെ പ​ണി​ക​ളോ​ട് ബ​ന്ധ​പ്പെ​ട്ട് എ​പ്പോ​ഴും അ​വ​ന് ന​ല്ല തി​ര​ക്കാ​ണ്. അ​പ്പു​വി​നെ കൂ​ടാ​തെ അ​വ​ന്‍റെ മാ​താ​പി​താ​ക്ക​ൾ​ക്ക് ര​ണ്ട് മ​ക്ക​ൾ​കൂ​ടി​യു​ണ്ട്. അ​പ്പു ന​ടു​ക്ക​ത്തെ ആ​ളാ​ണ്. ഇ​ള​യ​ത് പെ​ണ്ണാ​ണ്. അ​പ്പു​വി​ന്‍റെ അ​പ്പ​ൻ ലാ​ല​പ്പ​ൻ, അ​മ്മ അ​മ്മു​ക്കു​ട്ടി. അ​മ്മു​ക്കു​ട്ടി കോ​ത​മം​ഗ​ലം​കാ​രി​യാ​ണ്. അ​പ്പു​വി​ന്‍റെ വി​വാ​ഹം അ​വ​ന്‍റെ മൂ​ത്ത ജ്യേ​ഷ്ഠ​ന്‍റെ​യും ഇ​ള​യ സ​ഹോ​ദ​രി​യു​ടെ​യും വി​വാ​ഹം ക​ഴി​ഞ്ഞാ​ണ് ന​ട​ന്ന​ത്. അ​വ​ന്‍റെ ഭാ​ര്യ ജ​ലീ​ന ബം​ഗളൂ​രിൽ ജ​നി​ച്ചു വ​ള​ർ​ന്ന ആ​ളാ​ണ്. മ​ക്ക​ളി​ൽ മൂ​ത്ത​വ​ളാ​ണ് ജ​ലീ​ന. ജ​ലീ​ന​യു​ടെ മാ​താ​പി​താ​ക്ക​ൾ​ക്ക് ജോ​ലി ബം​ഗളൂ​രുവിൽ ആ​യി​രു​ന്ന​തി​നാ​ലാ​ണ് ജ​ലീ​ന​യു​ടെ​യും അ​വ​ളു​ടെ ഇ​ള​യ ആ​ങ്ങ​ള ജി​ക്കു​വി​ന്‍റെ​യും ജ​ന​ന​വും പ​ഠ​ന​വു​മൊ​ക്കെ അവിടെ ന​ട​ക്കാ​ൻ ഇ​ട​യാ​യ​ത്. ഇ​പ്പോ​ൾ സ​കു​ടും​ബം അ​വ​ർ ചെ​ങ്ങ​ന്നൂ​രാ​ണ് താ​മ​സി​ക്കു​ന്ന​ത്.

ജ​ലീ​ന നാ​ലു മാ​സ​മാ​യി ചെ​ങ്ങ​ന്നൂ​രെ വീ​ട്ടി​ലാ​ണ്. അ​വ​ളു​ടെ അ​പ്പ​ൻ അ​വ​ൾ ഫോ​ണ്‍ ചെ​യ്ത​തി​ൻ പ്ര​കാ​രം അ​വ​ളെ കൂ​ട്ടി​ക്കൊ​ണ്ടു പോ​കു​ക​യാ​യി​രു​ന്നു. എ​ന്താ​ണ് സം​ഭ​വി​ച്ച​തെ​ന്നോ, ചെ​ങ്ങ​ന്നൂ​ർ​ക്ക് ഇ​പ്പോ​ൾ ത​നി​ക്കൊ​പ്പം പോ​രേ​ണ്ട​തി​ന്‍റെ ആ​വ​ശ്യ​മെ​ന്താ​ണെ​ന്നോ ഒ​ന്നും അ​യാ​ൾ അ​വ​ളോ​ട് ചോ​ദി​ച്ചി​ല്ല. ലാ​ല​പ്പ​നോ​ടും അ​പ്പു​വി​നോ​ടും ഞാ​ൻ മ​ക​ളെ കൂ​ട്ടി​ക്കൊ​ണ്ടു പോ​കു​ക​യാ​ണെ​ന്നു മാ​ത്രം പ​റ​ഞ്ഞ് ത​നി​ക്കൊ​പ്പം ത​ന്‍റെ മ​ക​ളെ അ​യാ​ൾ കൊ​ണ്ടു​പോ​കു​ക​യാ​യി​രു​ന്നു. ചോ​ദി​ക്കു​കേം പ​റ​യു​കേം ചെ​യ്യാ​തെ ത​ന്നി​ഷ്ട​പ്ര​കാ​രം വീ​ട്ടി​ൽ​നി​ന്ന് ഇ​റ​ങ്ങിപ്പോ​യ​വ​ൾ തോ​ന്നു​ന്പോ​ൾ തി​രി​ച്ചു​വ​ര​ട്ടെ എ​ന്ന പി​ടി​വാ​ശി​യി​ലാ​ണ് അ​പ്പു​വും അ​വ​ന്‍റെ മാ​താ​പി​താ​ക്ക​ളും.

അ​പ്പു ബിഎ​സ്‌സി ന​ഴ്സി​ംഗുകാ​ര​നാ​യ​തി​നാ​ൽ അ​വ​ന് ഭാ​വി​യി​ൽ വി​ദേ​ശ​ത്ത് ജോ​ലി ല​ഭി​ക്കാ​ൻ സാ​ധ്യ​ത ഉ​ണ്ടെ​ന്നും അ​ങ്ങ​നെ​യാ​കു​ന്പോ​ൾ ത​നി​ക്കും അ​പ്പു​വി​നൊ​പ്പം വി​ദേ​ശ​ത്തേ​ക്ക് പ​റ​ക്കാ​മെ​ന്നും ജ​ലീ​ന ക​ണ​ക്കു​കൂ​ട്ടി​യി​രു​ന്നു. എ​ന്നാ​ൽ നാ​ടും വീ​ടും നാ​ട്ടി​ലെ ജോ​ലി​യു​മൊ​ക്കെ ഇ​ഷ്ട​പ്പെ​ട്ടി​രു​ന്ന അ​പ്പു​വി​ന് അ​ത്ത​ര​മൊ​രു ജോ​ലി ഇ​ഷ്ട​മേ അ​ല്ലാ​യി​രു​ന്നു. ഈ​യൊ​രു കാ​ര്യം അ​പ്പു ജ​ലീ​ന​യോ​ട് വി​വാ​ഹ​ത്തി​നു​മു​ന്പ് പ​റ​ഞ്ഞി​രു​ന്നെ​ങ്കി​ലും വി​വാ​ഹ​ശേ​ഷം അ​പ്പു​വി​ന്‍റെ മ​ന​സ് മാ​റ്റി എ​ടു​ക്കാ​മെ​ന്നാ​ണ് ജ​ലീ​ന ക​രു​തി​യി​രു​ന്ന​ത്. അ​വ​ളു​ടെ അ​ത്ത​ര​മൊ​രു ചി​ന്ത​യ്ക്ക് പി​ന്നി​ൽ അ​വ​ളു​ടെ മാ​താ​പി​താ​ക്ക​ളു​ടെ പി​ന്തു​ണ​യു​മു​ണ്ടാ​യി​രു​ന്നു. ത​ന്‍റെ മാ​താ​പി​താ​ക്ക​ളു​ടെ വാ​ക്കു​ക​ളെ ധി​ക്ക​രി​ക്കാ​ത്ത​വ​നാ​ണ് അ​പ്പു. അ​പ്ര​കാ​രം ഒ​രി​ക്ക​ലും പാ​ടി​ല്ല എ​ന്ന് ചി​ന്തി​ക്കു​ന്ന ആ​ളു​മാ​ണ് അ​വ​ൻ. അ​തി​നാ​ലാ​ണ് ത​നി​ക്കി​ഷ്ട​മി​ല്ലാ​തി​രു​ന്നി​ട്ടും ജ​ലീ​ന​യെ വി​വാ​ഹം ക​ഴി​ക്കാ​ൻ അ​പ്പു ത​യാ​റാ​യ​ത്. ജ​ലീ​ന പി​ടി​വാ​ശി​ക്കാ​രി​യാ​ണെ​ന്നും സു​ഖ​മോ​ഹി​യാ​ണെ​ന്നും വി​വാ​ഹ​ത്തി​ന് മു​ന്പ് താ​ൻ അ​വ​ളു​മാ​യി സം​സാ​രി​ച്ച​പ്പോ​ൾ​ത​ന്നെ ത​നി​ക്ക​ത് മ​ന​സി​ലാ​ക്കാ​ൻ ക​ഴി​ഞ്ഞെ​ന്നു​മാ​ണ് അ​പ്പു എ​ന്നോ​ട് പ​റ​ഞ്ഞ​ത്. ഇ​ക്കാ​ര്യ​ങ്ങ​ൾ അ​പ്പു ത​ന്‍റെ അ​മ്മ​യോ​ട് പ​റ​ഞ്ഞ​പ്പോ​ൾ വി​വാ​ഹ​ശേ​ഷം എ​ല്ലാം നേ​രെ​യാ​കു​മെ​ന്നാ​ണ് അ​മ്മ അ​വ​നോ​ട് പ​റ​ഞ്ഞ​ത്.

അ​മ്മ അ​പ്ര​കാ​രം പ​റ​യാ​നും അ​മ്മ​യും അ​പ്പ​നും ആ ​ഒ​രു ആ​ലോ​ച​ന ത​ന്നെ മ​തി എ​ന്ന് നി​ർ​ബ​ന്ധം പി​ടി​ക്കാ​നും കാ​ര​ണം ജ​ലീ​ന​യ്ക്കു​ള്ള​താ​ണ് പു​ള്ളി​ക്കാ​ന​ത്തു​ള്ള ജ​ലീ​ന​യു​ടെ പി​താ​വി​ന്‍റെ പേ​രി​ലു​ള്ള പ​ത്തേ​ക്ക​ർ ഭൂ​മി എ​ന്ന കാ​ര്യം ആ​ലോ​ച​ന​യു​ടെ ആ​രം​ഭ​ത്തി​ൽ​ത​ന്നെ അ​യാ​ൾ അ​പ്പു​വി​നോ​ടും അ​യാ​ളു​ടെ മാ​താ​പി​താ​ക്ക​ളോ​ടും പ​റ​ഞ്ഞ​തു ത​ന്നെ​യാ​ണ്. വി​ദേ​ശ​ജോ​ലി​യും വി​ദേ​ശ​വാ​സ​വും സു​ഖ​ക​ര​മാ​ണെ​ന്നു​ള്ള വി​ചാ​രം വി​ദേ​ശ​വാ​സം എ​ന്നും സ്വ​പ്നം കാ​ണാ​ൻ ജ​ലീ​ന​യെ പ്രേ​രി​പ്പി​ച്ചി​രു​ന്നു. നാ​ട്ടും​പു​റ​ത്തു​കാ​രി​യാ​യ ഒ​രു ഭാ​ര്യ​യാ​കാ​ൻ ത​ന്നെ കി​ട്ടി​ല്ലെന്നും ഭ​ക്ഷ​ണം വെ​ച്ചും തൂ​ത്തു​തു​ട​ച്ചും അ​ടി​മ​യെ​പ്പോ​ലെ ഭ​ർ​തൃ​ഗൃ​ഹ​ത്തി​ൽ ഒ​തു​ങ്ങി​ക്കൂ​ടാ​ൻ ത​ന്നെ ഒ​രി​ക്ക​ലും കി​ട്ടു​മെ​ന്ന് ക​രു​തേ​ണ്ടെ​ന്നു​മാ​ണ് വീ​ടുവി​ട്ടു പോ​കു​ന്ന​തി​മു​ന്പ് ജ​ലീ​ന അ​പ്പു​വി​നോ​ട് പ​റ​ഞ്ഞ​ത്. എ​ന്താ​യാ​ലും അ​പ്പു​വും അ​വ​ന്‍റെ മാ​താ​പി​താ​ക്ക​ളും വ​ല്ലാ​ത്ത മാ​ന​സി​ക സം​ഘ​ർ​ഷ​ത്തി​ലാ​ണി​പ്പോ​ൾ.

വി​വാ​ഹ ജീ​വി​ത​ത്തെ കു​ട്ടി​ക്ക​ളി​യാ​യി മാ​ത്രം കാ​ണു​ന്ന പു​തു​പു​ത്ത​ൻ വി​വാ​ഹി​ത​രി​ൽ ചി​ല​രു​ടെ പ്ര​തി​നി​ധി മാ​ത്ര​മാ​ണ് ജ​ലീ​ന. മാ​താ​പി​താ​ക്ക​ളെ ആ​ദ​രി​ക്കേ​ണ്ട​ത് വേ​ണ്ട​താ​ണെ​ങ്കി​ലും അ​വ​രോ​ടു​ള്ള അ​ന്ധ​മാ​യ വി​ധേ​യ​ത്വം വേ​ണ്ട​താ​ണോ എ​ന്ന കാ​ര്യ​ത്തി​ൽ എ​നി​ക്ക് ബ​ല​മാ​യ സം​ശ​യ​മു​ണ്ട്. അ​പ്പു അ​ത്ത​ര​ത്തി​ലു​ള​ള ഒ​രാ​ളാ​ണെ​ന്നെ​നി​ക്ക് തോ​ന്നു​ന്നു. വി​വാ​ഹ​ത്തെ​യും പ​ങ്കാ​ളി​യെയും സം​ബ​ന്ധി​ച്ച് ത​ന്‍റെ അ​ഭി​പ്രാ​യ​വും നി​ല​പാ​ടും ഭീ​തി​യെ​ന്യേ വെ​ളി​വാ​ക്കാ​നും മാ​താ​പി​താ​ക്ക​ളു​ടെ വാ​ക്കു​ക​ൾ​കൂ​ടി ശ്ര​വി​ച്ച് ഉ​ത്ത​മ​മാ​യ തീ​രു​മാ​നം എ​ടു​ക്കു​വാ​നും പ്രാ​യ​പൂ​ർ​ത്തി​യാ​യ ഏ​തൊ​രു യു​വാ​വി​നെ​പ്പോ​ലെ​യും അ​പ്പു​വി​നും സ്വാ​ത​ന്ത്ര്യ​മു​ണ്ടാ​യി​രു​ന്ന​ല്ലൊ. ആ ​സ്വാ​ത​ന്ത്ര്യം അ​യാ​ൾ വേ​ണ്ട​വ​ണ്ണം പ്ര​യോ​ജ​ന​പ്പെ​ടു​ത്താ​തെ പോ​യ​ത് പ​ന്തി​യാ​യി​ല്ല എ​ന്നാ​ണ് എ​ന്‍റെ നി​രീ​ക്ഷ​ണം.

ഭ​ർ​തൃ​ഗൃ​ഹ​ത്തെ സു​ഖ​വാ​സ​കേ​ന്ദ്ര​മാ​യോ വി​വാ​ഹ ജീ​വി​ത​ത്തെ അ​തി​നു​ള​ള വ​ഴി​യാ​യോ ഒ​ക്കെ ക​ണ്ട് അ​ല​സ​മാ​യും ആ​ഡം​ബ​ര​പൂ​ർണ​മാ​യും ജീ​വി​ത​ത്തെ കൊ​ണ്ടു​പോ​കാ​ൻ ആ​ഗ്ര​ഹി​ച്ച് വി​വാ​ഹ​ജീ​വി​ത​ത്തി​ലേ​ക്ക് പ്ര​വേ​ശി​ക്കു​ന്ന​വ​ർ ആ ​ജീ​വി​ത​ത്തി​ൽ വി​ജ​യം വ​രി​ക്കു​മെ​ന്ന് ക​രു​തു​ന്നു​ണ്ടോ? ജ​ലീ​ന​യ്ക്ക് വി​വാ​ഹ ജീ​വി​ത​ത്തെ​യും കു​ടും​ബ​ജീ​വി​ത​ത്തെ​യും സം​ബ​ന്ധി​ച്ചു​ണ്ടാ​യി​രു​ന്ന കാ​ഴ്ച​പ്പാ​ട് വി​ക​ല​മാ​യി​രു​ന്നെ​ന്ന് അ​വ​ളു​ടെ പ്ര​തി​ക​ര​ണ​ങ്ങ​ളി​ൽ നി​ന്ന് സു​വ്യ​ക്ത​മാ​ണ്. വി​വാ​ഹ ജീ​വി​ത​ത്തെ സം​ബ​ന്ധി​ച്ച് വി​ക​ല കാ​ഴ്ച​പ്പാ​ടു​ക​ൾ പു​ല​ർ​ത്തു​ന്ന​വ​ർ​ക്ക് വി​വാ​ഹ ജീ​വി​തം സ​ന്തോ​ഷ​ക​ര​മാ​യ ഒ​രു അ​നു​ഭ​വ​മാ​യി​രി​ക്കു​മോ?

സിറിയക് കോട്ടയിൽ


Copyright @ 2022 , Rashtra Deepika Ltd.