ഡോക്ടർ ഇവിടെയുണ്ട് ഈ പാവങ്ങൾക്കൊപ്പം
മ​നു​ഷ്യ​ന്‍റെ മാ​ത്ര​മ​ല്ല, ഒ​രു സ​മൂ​ഹ​ത്തി​ന്‍റെ ത​ന്നെ ക​ണ്ണീ​രൊ​പ്പു​ന്ന ഡോ​ക്ട​ർ. കാ​സ​ർ​ഗോ​ഡ​ൻ മ​ണ്ണി​ൽ വി​ഷ​മ​ഴ പെ​യ്യി​ച്ച എ​ൻ​ഡോ​സ​ൾ​ഫാ​ന്‍റെ കെ​ടു​തി​ക​ൾ ലോ​ക​ത്തോ​ട് വി​ളി​ച്ചു​പ​റ​ഞ്ഞ ഒ​രു ഡോ​ക്ട​ർ. 58ന്‍റെ നി​റ​വി​ലും വി​ശ്ര​മ​മി​ല്ലാ​തെ ത​ന്‍റെ ക​ർ​മ​പ​ഥ​ത്തി​ൽ ഉ​റ​ച്ചു​നി​ൽ​ക്കു​ന്ന ഒ​രു ഡോ​ക്ട​ർ. ഡോ.​വൈ.​എ​സ്.​മോ​ഹ​ൻ​കു​മാ​റി​ന് വി​ശേ​ഷ​ണ​ങ്ങ​ളേ​റെ​യാ​ണ്. കേ​ര​ള-​ക​ർ​ണാ​ട​ക അ​തി​ർ​ത്തി​യി​ലെ കും​ബ​ഡാ​ജെ പ​ഞ്ചാ​യ​ത്തി​ലെ ഏ​ത്ത​ടു​ക്ക സ്വ​ദേ​ശി​യാ​ണ് ഡോ​ക്ട​ർ വൈ.​എ​സ്.​മോ​ഹ​ൻ​കു​മാ​ർ.

ദിവസവും മൂന്നിടത്ത്

ഒ​രു ദി​വ​സം മൂ​ന്നു ഗ്രാ​മീ​ണ ക്ലി​നി​ക്കു​ക​ളി​ൽ സേ​വ​നം ന​ട​ത്തു​ന്ന മോ​ഹ​ൻ​കു​മാ​ർ കു​ട്ടി​ക​ളു​ടെ ഡോ​ക്ട​ർ അ​ങ്കി​ളാ​ണ്. മു​തി​ർ​ന്ന​വ​രു​ടെ ഡോ​ക്ട​ർ സാ​റും. പ​രി​ശോ​ധ​ന ഫീ​സി​ന്‍റെ ക​ന​മ​നു​സ​രി​ച്ച് മൂ​ല്യ​വും വ​ർ​ധി​ക്കു​മെ​ന്ന മി​ഥ്യാ​ധാ​ര​ണ​യി​ൽ വൈ​ദ്യ​ശാ​സ്ത്രം ക​ന്പോ​ള​വ​ത്ക​ര​ണ​ത്തി​ന്‍റെ ഭാ​ഗ​മാ​കു​ന്പോ​ൾ ഗ്രാ​മീ​ണ നി​ഷ്ക​ള​ങ്ക​ത​യു​ടെ നേ​ർ​ക്കാ​ഴ്ച​യാ​ണ് ഈ ​മ​നു​ഷ്യ​ൻ.

ത​ന്നെ തേ​ടി​വ​രു​ന്ന രോ​ഗി​ക​ളോ​ട് പ​രി​ശോ​ധ​ന ഫീ​സൊ​ന്നും വാ​ങ്ങാ​തെ മ​രു​ന്നി​ന്‍റെ തു​ക മാ​ത്രം വാ​ങ്ങി സ്നേ​ഹ​ത്തോ​ടെ ആ​ശ്വ​സി​പ്പി​ക്കു​ന്ന ഒ​രു ഡോ​ക്ട​ർ. ദൈ​വ​ത്തി​ന്‍റെ കൈ​യൊ​പ്പ് ഈ ​മ​നു​ഷ്യ​നി​ലൂ​ടെ ഗ്രാ​മം തി​രി​ച്ച​റി​യു​ക​യാ​ണ്. കാ​സ​ർ​ഗോ​ഡ​ൻ ഗ്രാ​മ​ങ്ങ​ളി​ലെ ദു​ര​ന്ത​ങ്ങ​ൾ​ക്ക് കാ​ര​ണം എ​ൻ​ഡോ​സ​ൾ​ഫാ​ൻ ആ​ണെ​ന്ന് മോ​ഹ​ൻ​കു​മാ​ർ വി​ളി​ച്ചു​പ​റ​ഞ്ഞ​പ്പോ​ൾ ഒ​രു ഗ്രാ​മം മാ​ത്ര​മ​ല്ല, ഒ​രു ജി​ല്ല​യും സം​സ്ഥാ​നം ത​ന്നെ​യും കൂടെ നി​ന്ന​ത് ഇദ്ദേഹത്തോടുള്ള വി​ശ്വാ​സം ഒ​ന്നു​കൊ​ണ്ടു​മാ​ത്ര​മാ​ണ്.

ദുരിതങ്ങൾ കണ്ട് ആക്ടിവിസ്റ്റായി

ഒ​രി​ക്ക​ലും ഒ​രു ആ​ക്ടി​വി​സ്റ്റ് ആകാൻ ഇ​ഷ്ട​പ്പെ​ടാ​തി​രു​ന്ന മോ​ഹ​ൻ​കു​മാ​ർ എ​ത്ര ചി​കി​ത്സി​ച്ചി​ട്ടും രോ​ഗം മാ​റാ​ത്ത രോ​ഗി​ക​ളെക്കു​റി​ച്ചു ന​ട​ത്തി​യ ആ​ഴ​മേ​റി​യ പ​ഠ​ന​മാ​ണ് കാ​സ​ർ​ഗോ​ട്ടെ പ്ലാ​ന്‍റേ​ഷ​ൻ കോ​ർ​പ​റേ​ഷ​നു സ​മീ​പ​ത്തു താ​മ​സി​ക്കു​ന്ന ജ​ന​ങ്ങ​ളു​ടെ ദു​ര​ന്ത​ത്തി​നു കാ​ര​ണം ഹെ​ലി​കോ​പ്റ്റ​റി​ലൂ​ടെ ത​ളി​ക്കു​ന്ന എ​ൻ​ഡോ​സ​ൾ​ഫാ​ൻ ആ​ണെ​ന്ന ക​ണ്ടെ​ത്ത​ലി​ന് നി​ദാ​ന​മാ​യ​ത്. സാ​മൂ​ഹ്യ​പ്ര​വ​ർ​ത്ത​ക​നും പ​ത്ര​പ്ര​വ​ർ​ത്ത​ക​നു​മാ​യ ശ്രീ​പ​ദ്രെ​യും ഡോ.​ശ്രീ​ഹ​രി​യും ഒ​പ്പ​മു​ണ്ടാ​യി​രു​ന്നു. ആ​ദ്യ​കാ​ല​ത്ത് മാ​ധ്യ​മ​ങ്ങ​ൾ പോ​ലും ത​മ​സ്ക​രി​ച്ച വാ​ർ​ത്ത നി​ര​ന്ത​ര​മാ​യ അ​ഭ്യ​ർ​ഥ​ന​ക​ളി​ലൂ​ടെ​യാ​ണ് പ​ത്ര​മാ​ധ്യ​മ​ങ്ങ​ളി​ൽ ഇ​ടം​പി​ടി​ച്ച​ത്. 1996ൽ ​കേ​ര​ള മെ​ഡി​ക്ക​ൽ ജേ​ർ​ണ​ലി​ൽ മോ​ഹ​ൻ​കു​മാ​ർ എ​ഴു​തി​യ ലേ​ഖ​ന​ത്തെ​ത്തു​ട​ർ​ന്നാ​ണ് സാ​മൂ​ഹ്യ​പ്ര​വ​ർ​ത്ത​ക​രും പ​രി​സ്ഥി​തി പ്ര​വ​ർ​ത്ത​ക​രും സ​മ​ര​രം​ഗ​ത്തെ​ത്തു​ന്ന​ത്.

എൻമകജെയിലെ ഒറ്റമുറി ക്ലിനിക്കിൽ

എ​ൻ​മ​ക​ജെ പ​ഞ്ചാ​യ​ത്തി​ലെ വാ​ണി​ന​ഗ​റി​ലെ ഒ​റ്റ​മു​റി ക്ലി​നി​ക്കി​ലേ​ക്ക് ഉ​ച്ച​യ്ക്ക് 12ഓ​ടെ മോ​ഹ​ൻ​കു​മാ​റി​നെ കാ​ണാ​നെ​ത്തു​ന്പോ​ൾ പു​റ​ത്ത് നാ​ല​ഞ്ച് രോ​ഗി​ക​ൾ ഡോ​ക്ട​റെ കാ​ത്തു നി​ൽ​ക്കു​ന്നു​ണ്ടാ​യി​രു​ന്നു. എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​യാ​യ 12കാ​രി ആ​ഷി​ക​യും 78കാ​ര​നാ​യ റി​ട്ട.​അ​ധ്യാ​പ​കൻ ദേ​വ​പ്പ​നാ​യി​ക്കിനു​മെ​ല്ലാം ഡോ​ക്ട​റെ​ക്കു​റി​ച്ച് സം​സാ​രി​ക്കാ​ൻ നൂ​റു​നാ​വ്. മു​ൻ​കൂ​ട്ടി അ​നു​വാ​ദ​മെ​ടു​ത്തി​രു​ന്നെ​ങ്കി​ലും രോ​ഗി​ക​ളെ പ​രി​ശോ​ധി​ക്കു​ന്ന​തി​നി​ട​യി​ൽ സം​സാ​രി​ക്കാ​ൻ പോ​ലും ഡോ​ക്ട​ർ ത​യാ​റാ​യി​രു​ന്നി​ല്ല. അ​ക​ത്തു ക​ട​ന്ന​പ്പോ​ൾ വ​ർ​ധി​ച്ചു​വ​രു​ന്ന രോ​ഗ​ങ്ങ​ളെ​ക്കു​റി​ച്ചും അ​തി​ർ​ത്തി​ഗ്രാ​മ​ത്തി​ന്‍റെ ശോ​ച​നീ​യ സ്ഥി​തി​യെ​ക്കു​റി​ച്ചും ഡോ​ക്ട​ർ മ​ല​യാ​ള​വും ക​ന്ന​ഡ​യും തു​ളു​വും ഇ​ട​ക​ല​ർ​ന്ന ഭാ​ഷ​യി​ൽ വാ​ചാ​ല​നാ​യി. എ​ൻ​ഡോ​സ​ൾ​ഫാ​ൻ ദു​ര​ന്ത​മേ​ഖ​ല​യി​ൽ സ​ർ​ക്കാ​ർ ന​ട​പ്പാ​ക്കു​ന്ന പ​ദ്ധ​തി​ക​ളി​ൽ ത​നി​ക്ക് തൃ​പ്തി​യി​ല്ലെ​ന്നും വ്യ​ക്തി​ഗ​ത ആ​നു​കൂ​ല്യ​ങ്ങ​ള​ല്ല സാ​മൂ​ഹ്യ​മാ​യ പ​രി​ര​ക്ഷ​യാ​ണ് ഇ​ര​ക​ൾ​ക്ക് അ​നി​വാ​ര്യ​മെ​ന്നും ഡോ​ക്ട​ർ പ​റ​ഞ്ഞു.

വാണിനഗറിലെ കാഴ്ചകൾ

’’നി​ങ്ങ​ൾ ഈ ​വ​രു​ന്ന റോ​ഡ് ക​ണ്ടി​ല്ലേ ? ഇ​വി​ടു​ന്ന് ഒ​രു രോ​ഗി​യെ ര​ക്ഷി​ക്കാ​ൻ കാ​സ​ർ​ഗോ​ട്ടേ​യ്ക്കു കൊ​ണ്ടു​പോ​ക​ണ​മെ​ങ്കി​ൽ എ​ത്ര ബു​ദ്ധി​മു​ട്ട​ണം? ഗ​വ.​ ഹ​യ​ർ ​സെ​ക്ക​ൻ​ഡ​റി സ്കൂ​ളും മൂ​ന്നു ചെ​റി​യ ക​ട​ക​ളും മാ​ത്ര​മു​ള്ള ചെ​റി​യ ഒ​രു സ്ഥ​ല​മാ​ണ് വാ​ണി​ന​ഗ​ർ. രാ​വി​ലെ 8.30ന് ​ഒ​രു ബ​സ് വ​ന്നുക​ഴി​ഞ്ഞാ​ൽ അ​ടു​ത്ത ബ​സ് വ​രാ​ൻ വൈ​കു​ന്നേ​രം 4.30 വ​രെ കാ​ത്തി​രി​ക്ക​ണം. വി​ക​സ​ന​ത്തെ​ക്കു​റി​ച്ച് വാ​തോ​രാ​തെ പ​റ​യു​ന്ന രാ​ഷ്ട്രീ​യ​ക്കാ​ർ ദാ​രി​ദ്ര്യത്തി​ന്‍റെ പ​ടു​കു​ഴി​യി​ൽ ക​ഴി​യു​ന്ന ഈ ​മേ​ഖ​ല​യെ​ക്കു​റി​ച്ച് ഓ​ർ​ക്കാ​റി​ല്ലെ​ന്ന് ഇ​വി​ടെ​യെ​ത്തു​ന്ന ആ​ർ​ക്കും മ​ന​സി​ലാ​വും. സം​സ്ഥാ​ന​ത്തു ത​ന്നെ ഏ​റ്റ​വും വ​രു​മാ​നം കു​റ​ഞ്ഞ പ​ഞ്ചാ​യ​ത്താ​യി​രി​ക്കും എ​ൻ​മ​ക​ജെ. ഇ​വി​ടത്തെ സ്കൂ​ൾ ക​ന്ന​ഡ​മീ​ഡി​യ​മാ​ണ്. എ​ൻ​ഡോ​സ​ൾ​ഫാ​ൻ സ​മ​രം ആ​ഘോ​ഷ​മാ​ക്കി​യ കാ​ല​ത്ത് ത​ന്‍റെ ക​ർ​മ​പ​ഥ​ത്തി​ൽ ഒ​തു​ങ്ങിക്ക​ഴി​ഞ്ഞ ഡോ​ക്ട​ർ​ക്ക് പ​റ​യാ​ൻ ഒ​രു​പാ​ട് കാ​ര്യ​ങ്ങ​ളു​ണ്ട്. എ​ൻ​ഡോ​സ​ൾ​ഫാ​ൻ ഇ​ര​ക​ൾ​ക്ക് ആ​നു​കൂ​ല്യം കി​ട്ടി​യ​തി​ൽ എ​നി​ക്ക് അ​തി​ര​റ്റ സ​ന്തോ​ഷ​മു​ണ്ട്. എ​ന്നാ​ൽ കെ​ട്ടു​കാ​ഴ്ച​ക​ളാ​യി ഇ​ര​ക​ളെ പ്ര​ദ​ർ​ശി​പ്പി​ച്ച രീ​തി​യോ​ട് ഒ​ട്ടും യോ​ജി​ക്കാ​ൻ ക​ഴി​യു​ന്നി​ല്ല. എ​ൻ​ഡോ​സ​ൾ​ഫാ​ൻ ദു​ര​ന്തം ലോ​ക മ​ന​ഃസാ​ക്ഷി​ക്കു​ മു​ന്നി​ൽ കൊ​ണ്ടു​വ​രു​ന്ന​തി​ന് ആ​ദ്യ​കാ​ല​ത്ത് ഇ​ര​ക​ളു​ടെ ഫോ​ട്ടോ പ്ര​ദ​ർ​ശി​പ്പി​ക്കേ​ണ്ടി വ​ന്നി​രു​ന്നു. എ​ന്നാ​ൽ ശ​യ്യാ​വ​ലം​ബ​രാ​യ ഇ​വ​രെ തി​രു​വ​ന​ന്ത​പു​രം അ​ട​ക്ക​മു​ള്ള സ്ഥ​ല​ത്ത് കൊ​ണ്ടു​പോ​യ​തി​ൽ വേ​ദ​ന​യു​ണ്ട്. അ​മ്മ​യും അ​ച്ഛ​നും ന​ഷ്ട​പ്പെ​ട്ട ദു​ര​ന്ത ജീ​വി​ത​ങ്ങ​ൾ​ക്ക് താ​ങ്ങാ​വാ​ൻ ഇ​പ്പോ​ഴും സം​വി​ധാ​ന​മൊ​ന്നും ഇ​ല്ലാ​ത്ത​തി​ൽ എ​നി​ക്ക് ദുഃ​ഖ​മു​ണ്ട്. ദു​ര​ന്ത​ബാ​ധി​ത​രോ​ടു​ള്ള എ​ന്‍റെ സ്നേ​ഹം ഹൃ​ദ​യ​ത്തി​ൽ നി​ന്നു​ള്ള​താ​ണ്. അ​വ​രെ​ല്ലാം എ​ന്‍റെ കു​ഞ്ഞു​ങ്ങ​ളും അ​നു​ജ​ൻ​മാ​രോ ബ​ന്ധു​ക്ക​ളോ ആ​ണെ​ന്ന തോ​ന്ന​ലാ​ണ് എ​നി​ക്ക് എ​പ്പോ​ഴും ഉ​ള്ള​ത്.’'

മൈ​സൂ​ർ ഗ​വ.​കോ​ള​ജി​ൽ നി​ന്നും എം​ബി​ബി​എ​സ് പൂ​ർ​ത്തി​യാ​ക്കി​യ​തി​നു ശേ​ഷം 1982 മു​ത​ലാ​ണ് ഇ​ദ്ദേ​ഹം പ്രാ​ക്ടീ​സ് തു​ട​ങ്ങു​ന്ന​ത്. ഒ​പ്പം പ​ഠി​ച്ച​വ​ർ വ​ൻ​ന​ഗ​ര​ങ്ങ​ളി​ലേ​ക്കും വി​ദേ​ശ​രാ​ജ്യ​ങ്ങ​ളി​ലേക്കും പോ​യ​പ്പോ​ൾ ; ജന്മനാ​ട്ടി​ൽ ത​ന്നെ സേ​വ​നം ചെ​യ്യാ​ൻ തീ​രു​മാ​നി​ക്കു​ക​യാ​യി​രു​ന്നു.

അച്ഛന്‍റെ ആഗ്രഹം സഫലമാക്കിയ മകൻ

ചി​കി​ത്സാ​സൗ​ക​ര്യ​മി​ല്ലാ​ത്ത ഇ​വി​ടെ സേ​വ​നം ചെ​യ്യ​ണ​മെ​ന്ന അ​ച്ഛ​ന്‍റെ ആ​ഗ്ര​ഹ​മാ​യി​രു​ന്നു ഈ ​ഉ​റ​ച്ച തീ​രു​മാ​ന​ത്തി​നു പി​ന്നി​ൽ. ഒ​രു ക​ർ​ഷ​ക കു​ടും​ബ​മാ​ണ് ഡോ​ക്ട​റു​ടേ​ത്. തെ​ങ്ങും ക​വു​ങ്ങും കു​രു​മു​ള​കും കൊ​ക്കോ​യും ഒ​ക്കെ കൃ​ഷി ചെ​യ്യു​ന്നു​ണ്ട്. മൂ​ന്നു പ​ശു​ക്ക​ളു​ണ്ട്. രാ​വി​ലെ ആ​റി​ന് ഇ​വ​യെ ഡോ​ക്ട​ർ ത​ന്നെ ക​റ​ക്കും. പ​ശു​ക്ക​ളെ കു​ളി​പ്പി​ക്കാ​നും തൊ​ഴു​ത്ത് വൃ​ത്തി​യാ​ക്കു​ന്ന​തി​നും ഭാ​ര്യ ര​ത്ന​യും ഒ​പ്പ​മു​ണ്ടാ​കും. രാ​വി​ലെ പ​ത്തു മു​ത​ൽ 11 വ​രെ സ്വ​ർ​ഗ​യി​ലും 11 മു​ത​ൽ ഒ​ന്ന​ര​വ​രെ വാ​ണി​ന​ഗ​റി​ലും ര​ണ്ട​ര മു​ത​ൽ ആ​റു​വ​രെ ഏ​ത്ത​ടു​ക്ക​യി​ലും പ്രാ​ക്ടീ​സ് ന​ട​ത്തു​ന്നു​ണ്ട്. രാ​ത്രി വീ​ട്ടി​ലെ​ത്തു​ന്ന​വ​ർ​ക്കും ചി​കി​ത്സ ന​ൽ​കാ​റു​ണ്ട്. ഡോ​ക്ട​ർ ആ​ണെ​ങ്കി​ലും മ​ണ്ണി​നോ​ടും കൃ​ഷി​യോ​ടും എ​നി​ക്കു​ള്ള ബ​ന്ധം ആ​ഴ​ത്തി​ലു​ള്ള​താ​ണ്. അ​തു​പോ​ലെ ത​ന്നെ​യാ​ണ് സ​ഹ​ജീ​വി​ക​ളോ​ടും.

തുടക്കം 1996ൽ

1996 ലാ​ണ് കേ​ര​ള മെ​ഡി​ക്ക​ൽ ജേ​ർ​ണ​ലിൽ എ​ൻ​മക​ജെ​യി​ലെ മാ​റാ​വ്യാ​ധി​ക​ളെ​ക്കു​റി​ച്ച് ഇ​ദ്ദേ​ഹം ആ​ദ്യ​മാ​യി എ​ഴു​തു​ന്ന​ത്. ""വ​സ​ന്ത​കാ​ല​ത്തു​പോ​ലും തേ​നീ​ച്ച​ക​ളും പൂ​ന്പാ​റ്റ​ക​ളും ഓ​ന്തു​ക​ളും അ​ണ്ണാ​റ​ക്ക​ണ്ണ​ൻ​മാ​രും ഇ​വി​ടെ എ​ത്താ​ത്തതി​നെ​ക്കു​റി​ച്ച് ഞാ​ൻ ചി​ന്തി​ച്ചു. കു​റേ​യേ​റെ ഡോ​ക്ട​ർ​മാ​രു​മാ​യി ച​ർ​ച്ച ന​ട​ത്തി. ഇ​വി​ടത്തെ നീ​രു​റ​വ​ക​ൾ​ക്ക് സ​മീ​പം താ​മ​സ​ക്കു​ന്ന​വ​രി​ലാ​ണ് രോ​ഗ​ങ്ങ​ൾ ഏ​റെ​യെ​ന്നും മ​ന​സി​ലാ​ക്കി. 2000ത്തി​ൽ എ​ൻ​ഡോ​സ​ൾ​ഫാ​ൻ ത​ളി​ക്കാ​ൻ എ​ത്തി​യ പ്ലന്‍റേ​ഷ​ൻ കോ​ർ​പ​റേ​ഷ​ൻ ക​ന്പ​നി​ക്കെ​തി​രേ പ്ര​ത്യ​ക്ഷ സ​മ​ര​വു​മാ​യി രം​ഗ​ത്തെ​ത്തി. ഇ​തി​നാ​യി എ​ൻ​ഡോ​സ​ൾ​ഫാ​ൻ സ്പ്രേ ​പ്രൊ​ട്ട​സ്റ്റ് ആ​ക്ഷ​ൻ ക​മ്മി​റ്റി രൂ​പീ​ക​രി​ച്ചു. എ​ൻ​ഡോ​സ​ൾ​ഫാ​ൻ ക​ന്പ​നി​യു​ടെ​യും പ്ലാ​ന്‍റേഷ​ൻ കോ​ർ​പ​റേ​ഷ​ൻ ജീ​വ​ന​ക്കാ​രു​ടെ​യും ഭീ​ഷ​ണി​ക​ൾ വ​ക​വയ്ക്കാതെ സ​മ​ര​രം​ഗ​ത്ത് ഉ​റ​ച്ചു​നി​ന്നു. മൊ​ബൈ​ൽ ഫോ​ണൊ​ന്നും ഇ​ല്ലാ​ത്ത കാ​ല​ത്ത് ത​ന്‍റെ ക്ലി​നി​ക്കി​ൽ ഭീ​ഷ​ണി​യു​മാ​യെ​ത്തി​യ പ​ത്തം​ഗ എ​ൻ​ഡോ​സ​ൾ​ഫാ​ൻ ക​ന്പ​നി​ക്കാ​രെ നേ​രി​ടാ​ൻ നൂ​റി​ല​ധി​കം നാ​ട്ടു​കാ​രാ​ണ് അ​ണി​നി​ര​ന്ന​ത്. മൂ​ന്നു പ്രാ​വ​ശ്യം എ​ൻ​ഡോ​സ​ൾ​ഫാ​ൻ ക​ന്പ​നി ന​ഷ്ട​പ​രി​ഹാ​ര​ത്തി​ന് നോ​ട്ടീ​സ് അ​യ​ച്ചു.''

സത്യമേവ ജയതേ

ബോ​ളി​വു​ഡ് താ​രം ആ​മി​ർ ഖാ​ൻ അ​വ​ത​രി​പ്പി​ച്ച സ​ത്യ​മേ​വ ജ​യ​തേ എ​ന്ന ടെ​ലി​വി​ഷ​ൻ ഷോ​യി​ൽ എ​ൻ​ഡോ​സ​ൾ​ഫാ​ന്‍റെ കെ​ടു​തി​ക​ളെ​ക്കു​റി​ച്ചു പ​റ​ഞ്ഞ​ത് ദേ​ശീ​യ​ത​ല​ത്തി​ൽ ത​ന്നെ ശ്ര​ദ്ധി​ക്ക​പ്പെ​ട്ടു. ഇ​തി​നു പ്ര​തി​കാ​ര​മാ​യി ഒ​രു കോ​ടി രൂ​പ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് എ​ൻ​ഡോ​സ​ൾ​ഫാ​ൻ ക​ന്പ​നി നോ​ട്ടീ​സ് ന​ൽ​കി​യി​രു​ന്നു.

ത​ന്‍റെ പോ​രാ​ട്ടം കേ​ര​ള സ​മൂ​ഹം ഒ​ന്ന​ട​ങ്കം ഏ​റ്റെ​ടു​ത്ത​തി​ൽ ഏ​റെ സ​ന്തോ​ഷ​മു​ണ്ട്. കീ​ട​നാ​ശ​നി​ക​ൾ ഒ​രു ത​ല​മു​റ​യ്ക്ക​ല്ല നി​ര​വ​ധി ത​ല​മു​റ​ക​ൾ​ക്ക് ദോഷം വ​രു​ത്തു​ന്നു​ണ്ടെ​ന്ന തി​രി​ച്ച​റി​വ് കേ​ര​ള സ​മൂ​ഹ​ത്തി​ന് ഉ​ണ്ടാ​യ​തി​ൽ ഏ​റെ ചാ​രി​താ​ർ​ഥ്യ​മു​ണ്ടെ​ന്ന് ഡോ​ക്ട​ർ പ​റ​യു​ന്നു. മ​ക്ക​ളാ​യ ര​മ്യ, കാ​വ്യ എ​ന്നി​വ​രും ഡോ​ക്ട​ർ​മാ​രാ​ണ്.

ഷൈ​ബി​ൻ ജോ​സ​ഫ്


Copyright @ 2022 , Rashtra Deepika Ltd.