ബംഗാളിയുടെ രസഗുള
കോ​ഴി​ക്കോ​ട​ൻ ഹ​ൽ​വ, കോ​ട്ട​യം കൊ​ഴു​ക്കൊ​ട്ട, രാ​മ​ശേ​രി ഇ​ഡ്ഡ​ലി തു​ട​ങ്ങി നാ​ട​ൻ പ​ല​ഹാ​ര​ങ്ങ​ൾ. ഈ ​രു​ചി​ക്കൂ​ട്ടു​ക​ളു​ടെ കൈ​വ​ശാ​വ​കാ​ശം ഇ​ത​ര ദേ​ശ​ക്കാ​ർ ഉ​ന്ന​യി​ച്ചാ​ൽ സ​മ്മ​തി​ച്ചു​കൊ​ടു​ക്കാ​ൻ പ​റ്റു​മോ. തി​രു​പ്പ​തി ല​ഡു​വി​നും അ​ന്പ​ല​പ്പു​ഴ പാ​യ​സ​ത്തി​നും പേ​റ്റ​ന്‍റി​ല്ലെ​ങ്കി​ലും സ്വ​ന്ത​മൊ​രു വി​ലാ​സം എ​ത്ര കാ​ല​മാ​യു​ള്ള​താ​ണ്.

ഇ​ന്ത്യ​ൻ രു​ചി​യു​ടെ കൈ​യൊ​പ്പു വീ​ണ ര​സ​ഗു​ള​യു​ടെ പി​തൃ​ത്വ​ത്തി​ൽ ബം​ഗാ​ൾ, ഒ​ഡീഷ സം​സ്ഥാ​ന​ങ്ങ​ൾ ത​മ്മി​ൽ ര​ണ്ട​ര വ​ർ​ഷ​മാ​യി പൊ​രി​ഞ്ഞ പോ​രാ​യി​രു​ന്നു. അ​വ​സാ​നം ര​സ​ഗു​ള​യു​ടെ പി​തൃ​ത്വം ബം​ഗാ​ൾ സ്വ​ന്ത​മാ​ക്കി​യി​രി​ക്കു​ന്നു.

ഒ​രു പ​ല​ഹാ​ര സ്വ​ത്ത​വ​കാ​ശ​ത്തെ​ച്ചൊ​ല്ലി ര​ണ്ടു സം​സ്ഥാ​ന​ങ്ങ​ൾ ത​മ്മി​ൽ ലോ​ക​ത്തൊ​രി​ട​ത്തും ഇ​ത്ത​ര​ത്തി​ൽ ത​ർ​ക്കം ഉ​ണ്ടാ​യി​ട്ടി​ല്ല. മു​ഖ്യ​മ​ന്ത്രി​മാ​ർ വ​രെ പോ​രാ​ട്ട​ത്തി​ൽ പ​ങ്കു​ചേ​ർ​ന്നു​വെ​ന്ന​താ​ണ് ര​സ​ക​രം. ര​സ​ഗു​ള പ​ശ്ചി​മ ബം​ഗാ​ളി​ന്‍റെ ത​നി മ​ധു​ര​ക്കൂ​ട്ടാ​ണെ​ന്ന് ഭൂ​പ്ര​ദേ​ശ സൂ​ചി​ക ര​ജി​സ്ട്രി (ജ്യോ​ഗ്ര​ഫി​ക്ക​ൽ ഇ​ൻ​ഡി​ക്കേ​ഷ​ൻ)​യാ​ണ് തീ​ർ​പ്പു ക​ൽ​പി​ച്ചി​രി​ക്കു​ന്ന​ത്. ര​ണ്ടു സം​സ്ഥാ​ന​ങ്ങ​ളും നൂ​റി​ലേ​റെ രാ​ജ്യ​ങ്ങ​ളി​ലേ​ക്കു ക​യ​റ്റു​മ​തി ചെ​യ്യു​ന്ന, ല​ക്ഷ​ങ്ങ​ളു​ടെ​യും കോ​ടി​ക​ളു​ടെ​യും ക​ച്ച​വ​ട ഉ​ത്പ​ന്ന​മാ​ണ് ര​സ​ഗു​ള.

ഉ​ത്ത​രേ​ന്ത്യ​ക്കാ​ർ​ക്ക് ക​ല്യാ​ണം, ഹോ​ളി, ദീ​പാ​വ​ലി എ​ന്തു​മാ​വ​ട്ടെ ര​സ​ഗു​ള നു​ണ​യാ​തെ ആ​ഘോ​ഷ​മി​ല്ല. വ​ഴി​യോ​ര​ങ്ങ​ളി​ലെ​ല്ലാം വാ​ങ്ങാ​ൻ കി​ട്ടും ര​സ​ഗു​ള. ഭ​ര​ണി​ക​ളി​ൽ നി​റ​ച്ച മ​ധു​ര​പ്പാ​നി​യി​ൽ മു​ങ്ങി​പ്പൊ​ങ്ങി കി​ട​ക്കു​ന്ന ര​സ​ഗോ​ള​ങ്ങ​ൾ ക​ണ്ടാ​ൽ നാ​വി​ൽ വെ​ള്ള​മൂ​റും. നാ​ര​ങ്ങ​യു​ടെ സ​ഹാ​യ​ത്തോ​ടെ പാ​ലു പി​രി​ച്ച് പ​ഞ്ച​സാ​ര ലാ​യ​നി​യി​ൽ കു​തി​ർ​ന്നു​കി​ട​ക്കു​ന്ന പ​ഞ്ഞി​പോ​ലെ മൃ​ദു​വാ​യ തൂ​വെ​ള്ള ര​സ​ഗു​ള.‌

ജൂ​ലൈ 30 ര​സ​ഗു​ള ദി​ന​മാ​യി ആ​ച​രി​ക്കാ​ൻ 2015ൽ ​ഒ​ഡീഷ തീ​രു​മാ​നി​ച്ച​തോ​ടെ​യാ​ണ് ബം​ഗാ​ളി​ക്കും മു​ഖ്യ​മ​ന്ത്രി മ​മ​ത ബാ​ന​ർ​ജി​ക്കും ചൊ​ടി​ച്ച​ത്. ര​സ​ഗു​ള ഭ​ര​ണി​ക​ളു​മാ​യി ബം​ഗാ​ളി​ക​ൾ പ്ര​തി​ഷേ​ധ പ്ര​ക​ട​നം ന​ട​ത്തി​യാ​ണ് പ്ര​തി​ഷേ​ധി​ച്ച​ത്.

ന​ബീ​ൻ ച​ന്ദ്ര ദാ​സ് എ​ന്ന മ​ധു​ര​പ​ല​ഹാ​ര​ക്കാ​ര​ൻ 1868 ൽ ​ആ​ദ്യ​മാ​യി ര​സ​ഗു​ള​യു​ണ്ടാ​ക്കി​യെ​ന്നാ​യി​രു​ന്നു പ​ശ്ചി​മ​ബം​ഗാ​ളി​ന്‍റെ വാ​ദം. ട്വീ​റ്റി​ലൂ​ടെ മ​മ​ത ബാ​ന​ർ​ജി ര​സ​ഗു​ള​യ്ക്കാ​യി ആ​രും വെ​ള്ള​മി​റ​ക്കേ​ണ്ടെ​ന്ന് പ്ര​സ്താ​വ​ന​യി​റ​ക്കു​ക​യും ചെ​യ്തു.

ഒ​ഡീ​ഷ​യും വി​ട്ടു​കൊ​ടു​ത്തി​ല്ല. അ​വ​രു​ടേ​താ​ണ് ര​സ​ഗു​ള​യെ​ന്നു തെ​ളി​യി​ക്കാ​ൻ ഒ​ഡീഷ ശാ​സ്ത്ര സാ​ങ്കേ​തി​ക വ​കു​പ്പു മ​ന്ത്രി പ്ര​ദീ​പ് കു​മാ​ർ പാ​ണി​ഗ്ര​ഹി തീ​രു​മാ​നി​ച്ചു. ച​രി​ത്ര​കാ​ര​ൻ അ​സി​ത് മൊ​ഹ​ന്തി​യു​ടെ നേ​തൃ​ത്വ​ത്തി​ൽ പ​ത്തം​ഗ സ​മി​തി​യെ നി​യോ​ഗി​ച്ചാ​ണ് ബം​ഗാ​ളി​ന്‍റെ വാ​ദ​ങ്ങ​ളെ ഒ​ഡീഷ നേ​രി​ട്ട​ത്. 1924ൽ ​കൽക്കട്ട സ​ർ​വ​ക​ലാ​ശാ​ല പ്ര​സി​ദ്ധീ​ക​രി​ച്ച രേ​ഖ​ക​ൾ ഉ​ൾ​പ്പെ​ടെ മൊ​ഹ​ന്തി 100 പേ​ജു​ള്ള റി​പ്പോ​ർ​ട്ട് ത​യാ​റാ​ക്കി. 600 വ​ർ​ഷ​ങ്ങ​ളാ​യി ര​സ​ഗു​ള ഒ​ഡീ​ഷ​യി​ലു​ണ്ടെ​ന്നാ​യി​രു​ന്നു ഒ​ഡീ​ഷ മു​ഖ്യ​മ​ന്ത്രി​യു​ടെ വാ​ദം. അ​വി​ടെ പു​രി ജ​ഗ​ന്നാ​ഥ ക്ഷേ​ത്ര​മാ​ണ​ത്രെ ര​സ​ഗു​ള​യു​ടെ ജന്മസ്ഥ​ലം. അ​വി​ടെ കു​ർ​ദ ജി​ല്ല​യി​ലെ പ​ഹ​ല​യി​ലും നൂ​റ്റാ​ണ്ടു മു​ൻ​പ് ജ​നം ര​സ​ഗു​ള നു​ണ​ഞ്ഞി​രു​ന്ന​താ​യും ബം​ഗാ​ളി​ലെ സ​ന്പ​ന്ന ഭ​വ​ന​ങ്ങ​ളി​ൽ പാ​ച​ക​ക്കാ​രാ​യി പോ​യ ഒ​ഡീ​ഷ​ക്കാ​രാ​ണ് അ​വി​ടെ ര​സ​ഗു​ള ര​സ​ക്കൂ​ട്ട് പ​ഠി​പ്പി​ച്ച​തെ​ന്നും ഒ​ഡി​ഷ​ക്കാ​ർ വാ​ദി​ച്ചു. ഒ​ഡീ​ഷ​യി​ലെ ഒ​മേ​ഗ എ​ന്ന സം​ഘ​ട​ന​യും പ​ഹേ​ല ര​സ​ഗു​ള പ്രൊ​ഡ​ക്ഷ​ൻ ആ​ൻ​ഡ് പാ​ക്കേ​ജിം​ഗ് സൊ​സൈ​റ്റി​യും ബം​ഗാ​ളി​നെ​തി​രെ രം​ഗ​ത്തു​വ​ന്ന​തോ​ടെ ത​ർ​ക്കം മു​റു​കി.

കൈ​പ്പു​ണ്യ​ത്തി​ന്‍റെ പേ​റ്റ​ന്‍റി​നെ ചൊ​ല്ലി സം​സ്ഥാ​ന​ങ്ങ​ൾ ത​മ്മി​ൽ കേസ് ന​ട​ത്തി​യ​ത് വെ​റു​തെ​യ​ല്ല. ദേ​ശ സൂ​ചി​ക അ​വ​കാ​ശം എ​ന്ന പേ​റ്റ​ന്‍റ് കി​ട്ടി​യാ​ൽ ര​സ​ഗു​ള ബി​സി​ന​സു​കാ​ർ​ക്ക് അ​ത് നേ​ട്ട​മാ​കും. സ്വ​ന്തം നാ​ടി​ന്‍റെ മ​ധു​രം എ​ന്ന മു​ദ്ര ചാ​ർ​ത്തി അ​വ​ർ​ക്കി​ത് ലോ​ക​മെ​ന്പാ​ടും വി​റ്റ​ഴി​ക്കാ​ൻ ക​ട​ക​ൾ തു​റ​ക്കാം.

ഇ​ന്ത്യ​ൻ മ​ധു​ര​പ​ല​ഹാ​ര​ങ്ങ​ളി​ലെ രാ​ജാ​വാ​ണു ര​സ​ഗു​ള. 1843ൽ ​ആ​മോ​സ് സ​ട്ട​ൻ ത​യാ​റാ​ക്കി​യ ഇം​ഗ്ലീഷ് ഒ​ഡി​യ നി​ഘ​ണ്ടു​വി​ൽ റോ​സ​ക്കോ​റ എ​ന്നൊ​രു മ​ധു​ര​പ​ല​ഹാ​ര​ത്തെ​പ്പ​റ്റി പ​റ​യു​ന്നു​ണ്ട്. അ​തി​ന് ര​സ​ഗു​ള​യു​മാ​യി സാ​മ്യ​വു​മു​ണ്ട​ത്രെ. പ്രാ​ചീ​ന ഒ​ഡി​യ നി​ഘ​ണ്ടു​വാ​യ പൂ​ർ​ണ​ച​ന്ദ്ര​ഭാ​ഷാ​കോ​ശ​ത്തി​ലും ര​സ​ഗു​ള​യെ​പ്പ​റ്റി സൂ​ച​ന​യു​ണ്ട്.

ര​സ​ഗു​ള ബം​ഗാ​ളി​ലാ​ണു​ണ്ടാ​യ​തെ​ന്നു സ​മ​ർ​ഥി​ക്കാ​ൻ പ്ര​ശ​സ്ത ച​രി​ത്ര​കാ​ര​ൻ ഹ​രി​പാ​ദ ഭൗ​മി​ക് ഒ​രു പു​സ്ത​കം പോ​ലും എ​ഴു​തി ച​രി​ത്രം സൃ​ഷ്ടി​ച്ചു. ച​രി​ത്ര​കാ​ര​ൻ​മാ​രു​ടെ സ​ഹാ​യ​ത്തോ​ടെ ബം​ഗാ​ൾ സ​ർ​ക്കാ​ർ ബ്രി​ട്ടീ​ഷ് ച​രി​ത്ര​പ്പു​സ്ത​ക​ങ്ങ​ളും പ​ഴ​യ പ​ത്രത്താ​ളു​ക​ളു​മൊ​ക്കെ നി​ര​ത്തി​യാ​ണ് പ്ര​തി​രോ​ധ​മു​യ​ർ​ത്തി​യ​ത്. ര​സ​ഗു​ള മേ​ള​ക​ളും വി​ത​ര​ണ​വു​മാ​യി ര​സ​ഗു​ള​യു​ടെ 150-ാം ജന്മ​ദി​നം ബം​ഗാ​ളി​ക​ൾ ആ​ഘോ​ഷമായാ​ണ് ഒ​ഡീ​ഷ​ക്കാ​രെ നേ​രി​ട്ട​ത്. ര​ണ്ട​ര വ​ർ​ഷ​ത്തെ വാ​ദ​പ്ര​തി​വാ​ദ​ങ്ങ​ൾ​ക്കൊ​ടു​വി​ൽ ര​സ​ഗു​ള ബം​ഗാ​ളി​ന് അ​വ​കാ​ശ​പ്പെ​ട്ട​താ​ണെ​ന്നു ചെ​ന്നൈ​യി​ൽ​നി​ന്നു​ള്ള ജി​യോ​ഗ്ര​ഫി​ക്ക​ൽ ഇ​ൻ​ഡി​ക്കേ​ഷ​ൻ ടീം ​ഭൗ​മ​സൂ​ചി​ക അ​ഥ​വാ ജ്യോ​ഗ്ര​ഫി​ക്ക​ൽ ഇ​ൻ​ഡി​ക്കേ​ഷ​ൻ ബം​ഗാ​ളി​ന് അ​നു​കൂ​ല​മാ​യി ന​ൽ​കി​യ​തോ​ടെ ര​സ​ഗു​ള ത​ർ​ക്ക​ത്തി​നു വി​രാ​മ​മാ​യി​രി​ക്കു​ന്നു.

കേരളത്തിലും ഉണ്ടാക്കാം
ചേ​രു​വ​ക​ൾ
പാ​ൽ- 750 മി​ല്ലി
പ​ഞ്ച​സാ​ര- ഒ​രു ക​പ്പ്
മൈ​ദ- ഒ​രു ടീ​സ്പൂ​ണ്‍
വെ​ള്ളം- ഒ​രു ക​പ്പ്
ചെ​റു​നാ​ര​ങ്ങ- ഒ​രെ​ണ്ണം
റോ​സ് വാ​ട്ട​ർ- അ​ൽ​പം
ഏ​ല​യ്ക്കാ​പ്പൊ​ടി- ഒ​രു നു​ള്ള്

ത​യാ​റാ​ക്കു​ന്ന​വി​ധം

പാ​ൽ തി​ള​പ്പി​ക്കു​ക. തി​ള​ച്ച പാ​ലി​ലേ​ക്ക് ചെ​റു​നാ​ര​ങ്ങ പി​ഴി​ഞ്ഞൊ​ഴി​ക്ക​ണം. അ​പ്പോ​ൾ പാ​ൽ പി​രി​ഞ്ഞു കി​ട്ടും. അ​ത് ~ഒ​രു നേ​ർ​ത്ത തു​ണി​യി​ൽ അ​രി​ഞ്ഞെ​ടു​ത്ത ശേ​ഷം ചെ​റു​താ​യി പി​ഴി​ഞ്ഞ് വെ​ള്ളം ക​ള​യ​ണം. ഈ ​പ​നീ​ർ​ക​ട്ടി​യി​ലേ​ക്ക് മൈ​ദ​യും ഏ​ല​യ്ക്കാ​പ്പൊ​ടി​യും ചേ​ർ​ത്ത് കു​ഴ​യ്ക്കു​ക. ന​ന്നാ​യി കു​ഴ​ച്ച മാ​വ് ചെ​റി​യ ഉ​രു​ള​ക​ൾ ആ​ക്കു​ക.

ചെ​റു​തീ​യി​ൽ പ​ഞ്ച​സാ​ര​യി​ൽ ഒ​രു ഗ്ലാ​സ് വെ​ള്ളം ഒ​ഴി​ച്ച് പാ​നി ത​യാ​റാ​ക്ക​ണം. ചെ​റു​താ​യി തി​ള​യ്ക്കു​ന്ന ഈ ​പാ​നി​യി​ലേ​ക്ക് ര​സ​ഗു​ള ഉ​രു​ള​ക​ൾ ഇ​ട്ട് പ​ത്തു മി​നി​റ്റ് വ​യ്ക്കു​ക. ര​ണ്ടു മി​നി​റ്റ് ഇ​ട​വി​ട്ട് ഇ​തി​ലേ​ക്ക് വെ​ള്ളം ത​ളി​ച്ച് കൊ​ടു​ക്ക​ണം. തീ ​അ​ണ​ച്ച് ത​ണു​പ്പി​ക്കു​ക. ര​സ​ഗു​ള റെ​ഡി. അ​ൽ​പം റോ​സ് വാ​ട്ട​ർ ഒ​ഴി​ച്ച് വി​ള​ന്പാം.

റെ​ജി ജോ​സ​ഫ്


Copyright @ 2022 , Rashtra Deepika Ltd.