കറുത്ത കുതിരയ്ക്കു കടിഞ്ഞാണിടാൻ
പാ​ശ്ചാ​ത്യ ത​ത്വ​ശാ​സ്ത്ര​രം​ഗ​ത്തെ അ​തി​കാ​യ​നാ​ണു പ്ലേ​റ്റോ (ബി​സി 428 ബി​സി-348). പാ​ശ്ചാ​ത്യ​ലോ​ക​ത്തെ ആ​ദ്യ ഉ​ന്ന​ത വി​ദ്യാ​പീ​ഠ​മാ​യ അ​ക്കാ​ദ​മി​യു​ടെ സ്ഥാ​പ​ക​നാ​യ അ​ദ്ദേ​ഹം ജ​നി​ച്ച​തും വ​ള​ർ​ന്ന​തും ഗ്രീ​സി​ലെ ഏ​ഥ​ൻ​സി​ലാ​ണ്. പാ​ശ്ചാ​ത്യ ത​ത്വ​ശാ​സ്ത്ര​ത്തി​ന്‍റെ പ്ര​ധാ​ന തു​ട​ക്ക​ക്കാ​രി​ലൊ​രാ​ളാ​യി പ​രി​ഗ​ണി​ക്ക​പ്പെ​ടു​ന്ന സോ​ക്ര​ട്ടീ​സ് ആ​യി​രു​ന്നു പ്ലേ​റ്റോ​യു​ടെ ഗു​രു. ത​ന്‍റെ ഗു​രു​വി​നെ​പ്പോ​ലെ ഏ​റെ പ്ര​ഗ​ദ്ഭ​നാ​യ ഒ​രു ശി​ഷ്യ​നും പ്ലേ​റ്റോ​യ്ക്ക് ഉ​ണ്ടാ​യി​രു​ന്നു. ആ ​ശി​ഷ്യ​നാ​ണു ത​ത്വ​ചി​ന്ത​ക​നാ​യി​രു​ന്ന സോ​ക്ര​ട്ടീ​സ്.

മ​നു​ഷ്യ​ജീ​വി​ത​ത്തി​ന്‍റെ വി​വി​ധ​വ​ശ​ങ്ങ​ളെ സ​മ​ഗ്ര​മാ​യ രീ​തി​യി​ൽ വി​ശ​ക​ല​നം ചെ​യ്യു​വാ​ൻ ശ്ര​മി​ച്ചി​ട്ടു​ള്ള ഒ​രു ത​ത്വ​ശാ​സ്ത്ര​ജ്ഞ​നാ​ണ് പ്ലേ​റ്റോ. മ​നു​ഷ്യ​നെ​ക്കു​റി​ച്ചു​ള്ള അ​ദ്ദേ​ഹ​ത്തി​ന്‍റെ പ​ഠ​ന​ത്തി​ന്‍റെ ഭാ​ഗ​മാ​യി മ​നു​ഷ്യാ​ത്മാ​വി​നെ​യും അ​ദ്ദേ​ഹം വി​ചി​ന്ത​ന​വി​ധേ​യ​മാ​ക്കു​ന്നു​ണ്ട്. അ​ദ്ദേ​ഹ​ത്തി​ന്‍റെ പ്ര​ശ​സ്ത​മാ​യ ഡ​യ​ലോ​ഗു​ക​ളി​ൽ ഒ​ന്നാ​യ ഫേ​ദ്രൂ​സ് എ​ന്ന ഗ്ര​ന്ഥ​ത്തി​ൽ മൂ​ന്നു സ്വ​ഭാ​വ​പ്ര​കൃ​തി​ക​ൾ അ​ല്ലെ​ങ്കി​ൽ ഘ​ട​ക​ങ്ങ​ൾ ഉ​ള്ള ആ​ത്മാ​വി​നെ​യാ​ണ് അ​ദ്ദേ​ഹം അ​വ​ത​രി​പ്പി​ക്കു​ന്ന​ത്.

അ​തി​ൽ പ്ര​ധാ​ന​പ്പെ​ട്ട​തു മ​നു​ഷ്യ​ജീ​വി​ത​മാ​കു​ന്ന ര​ഥം ഓ​ടി​ക്കു​ന്ന തേ​രാ​ളി​യാ​ണ്. ആ ​തേ​രാ​ളി​യാ​ക​ട്ടെ മ​നു​ഷ്യ​ന്‍റെ വി​വേ​ച​ന​ശ​ക്തി​യും. ര​ഥം വ​ലി​ക്കു​ന്ന ര​ണ്ടു കു​തി​ര​ക​ളാ​ണു മ​റ്റു ര​ണ്ടു ഘ​ട​ക​ങ്ങ​ൾ. ആ ​കു​തി​ര​ക​ളി​ൽ ഒ​ന്നു വെ​ളു​ത്ത​തും മ​റ്റൊ​ന്നു ക​റു​ത്ത​തു​മാ​ണ്.

വെ​ളു​ത്ത കു​തി​ര മാ​ന്യ​നും സ​ത്യ​സ​ന്ധ​നും നീ​തി​മാ​നു​മാ​ണ്. ശ​രി​യാ​യ കാ​ര്യ​ങ്ങ​ൾ മാ​ത്ര​മേ വെ​ളു​ത്ത കു​തി​ര ചെ​യ്യു​ക​യു​ള്ളൂ. അ​തു​പോ​ലെ, വെ​ളു​ത്ത കു​തി​ര പോ​കു​വാ​ൻ ശ്ര​മി​ക്കു​ന്ന​ത് എ​പ്പോ​ഴും ശ​രി​യാ​യ വ​ഴി​യി​ലൂ​ടെ​യു​മാ​ണ്. അ​തു മാ​ത്ര​മ​ല്ല എ​പ്പോ​ഴും സ്വ​ർ​ഗം ല​ക്ഷ്യം​വ​ച്ച് ഉ​യ​ര​ത്തി​ലേ​ക്കു പാ​യു​വാ​നാ​ണ് വെ​ളു​ത്ത കു​തി​ര​യു​ടെ ശ്ര​മം.

എ​ന്നാ​ൽ, ക​റു​ത്ത കു​തി​ര​യു​ടെ കാ​ര്യം അ​ങ്ങ​നെ​യ​ല്ല. അ​വ​ൻ കു​ടി​ല​ചി​ത്ത​നാ​ണ്. അ​വ​നി​ൽ നി​റ​ഞ്ഞു​നി​ൽ​ക്കു​ന്ന​ത് അ​ഹ​ങ്കാ​ര​വും ധി​ക്കാ​ര​വും താ​ൻ​പോ​രി​മ​യും സ്വാ​ർ​ഥ​ത​യു​മാ​ണ്. അ​വ​ൻ ആ​രു​ടെ​യും ചൊ​ൽ​വി​ളി​ക്കു നി​ൽ​ക്കു​വാ​ൻ ത​യാ​റ​ല്ല. എ​പ്പോ​ഴും സ്വ​ന്ത​വ​ഴി​ക​ളി​ലൂ​ടെ പോ​കാ​നാ​ണ് അ​വ​നു താ​ത്പ​ര്യം. ആ ​വ​ഴി​ക​ളി​ൽ നി​റ​ഞ്ഞു​നി​ൽ​ക്കു​ന്ന​താ​ക​ട്ടെ കാ​മ​ക്രോ​ധാ​ദി​ജ​ന്യ​മാ​യ താ​ത്പ​ര്യ​ങ്ങ​ളും.

ര​ഥ​ത്തി​ന്‍റെ ഡ്രൈ​വ​ർ സീ​റ്റി​ലി​രി​ക്കു​ന്ന​തു വി​വേ​ച​ന​ശ​ക്തി എ​ന്ന സാ​ര​ഥി​യാ​ണ്. ക​റു​ത്ത കു​തി​ര​യെ​യും വെ​ളു​ത്ത കു​തി​ര​യെ​യും നി​യ​ന്ത്രി​ച്ചു സ്വ​ർ​ഗം ല​ക്ഷ്യ​മാ​ക്കി തേ​രോ​ടി​ക്കു​ക​യാ​ണു സാ​ര​ഥി​യു​ടെ ക​ട​മ. വെ​ളു​ത്ത കു​തി​ര സാ​ര​ഥി​യു​മാ​യി സ​ഹ​ക​രി​ക്കു​വാ​ൻ എ​പ്പോ​ഴും ത​യാ​റാ​ണ്. എ​ന്നാ​ൽ, ക​റു​ത്ത കു​തി​ര പ​ല​പ്പോ​ഴും നി​യ​ന്ത്ര​ണ​വി​ധേ​യ​മാ​കാ​ൻ സ​മ്മ​തി​ക്കി​ല്ല. എ​ന്നു​മാ​ത്ര​മ​ല്ല, അ​തു സ​ക​ല​ശ​ക്തി​യു​മു​പ​യോ​ഗി​ച്ചു തെ​റ്റാ​യ വ​ഴി​യെ ര​ഥം ഓ​ടി​ക്കു​വാ​ൻ ശ്ര​മി​ക്കു​ക​യും ചെ​യ്യും.

അ​പ്പോ​ൾ സം​ഭ​വി​ക്കു​ന്ന​തെ​ന്താ​ണെ​ന്നോ? ര​ഥം സ്വ​ർ​ഗ​ത്തി​ലേ​ക്ക് ഉ​യ​രു​ന്ന​തി​നു പ​ക​രം അ​തു ഭൂ​മി​യി​ലേ​ക്കു നി​പ​തി​ക്കു​ന്നു. അ​വി​ടെ​നി​ന്നു വീ​ണ്ടും സ്വ​ർ​ഗീ​യ​പാ​ത​യി​ലേ​ക്ക് ഉ​യ​ര​ണ​മെ​ങ്കി​ൽ സാ​ര​ഥി പെ​ടാ​പ്പാ​ട് പെ​ടേ​ണ്ടി​വ​രും.

പ്ലേ​റ്റോ മ​നു​ഷ്യാ​ത്മാ​വി​നെ​ക്കു​റി​ച്ചു പ​റ​ഞ്ഞി​രി​ക്കു​ന്ന​തു ന​മ്മു​ടെ അ​നു​ഭ​വം ത​ന്നെ​യ​ല്ലേ? ന​മ്മു​ടെ ഉ​ള്ളി​ലും ര​ണ്ടു കു​തി​ര​ക​ൾ ഉ​ള്ള​താ​യി ന​മു​ക്കു തോ​ന്നാ​റി​ല്ലേ? അ​തി​ലൊ​ന്നു വെ​ളു​ത്ത കു​തി​ര​യാ​ണ്. നന്മയു​ടെ വ​ഴി​യെ പോ​കു​വാ​നാ​ണ് ആ ​കു​തി​ര​യു​ടെ ശ്ര​മം. സ്വ​ർ​ഗ​ത്തെ ല​ക്ഷ്യ​മാ​ക്കി ന​മ്മു​ടെ ജീ​വി​ത​ര​ഥം ഓ​ടി​ക്കു​വാ​നാ​ണ് ആ ​കു​തി​ര ശ്ര​മി​ക്കു​ന്ന​ത്.

എ​ന്നാ​ൽ ആ ​കു​തി​ര​യെ തിന്മയു​ടെ പാ​ത​യി​ലൂ​ടെ വ​ലി​ച്ചി​ഴ​ച്ചു​കൊ​ണ്ടു​പോ​കു​വാ​നാ​ണു ന​മ്മു​ടെ ഉ​ള്ളി​ലു​ള്ള ക​റു​ത്ത കു​തി​ര ശ്ര​മി​ക്കു​ന്ന​ത്. ആ ​കു​തി​ര​യെ ന​യി​ക്കു​ന്ന​തു ന​മ്മു​ടെ ആ​ശാ​പാ​ശ​ങ്ങ​ളും ദു​രാ​ഗ്ര​ഹ​ങ്ങ​ളു​മാ​ണ്. അ​വ​യ്ക്കാ​ണെ​ങ്കി​ൽ അ​നി​യ​ന്ത്രി​ത​മെ​ന്നു തോ​ന്നി​പ്പി​ക്കു​ന്ന ശ​ക്തി​യു​മാ​ണ്.

ന​മ്മി​ലെ വെ​ളു​ത്ത കു​തി​ര​യും ക​റു​ത്ത കു​തി​ര​യും വ്യ​ത്യ​സ്ത​ദി​ശ​ക​ളി​ലേ​ക്കു ന​യി​ക്കു​വാ​ൻ മ​ത്സ​രി​ക്കു​ന്പോ​ൾ അ​വ​യെ ബോ​ധ​പൂ​ർ​വം ന​മ്മു​ടെ ല​ക്ഷ്യ​സ്ഥാ​ന​ത്തേ​ക്കു ന​യി​ക്കു​വാ​ൻ ന​മ്മെ സ​ഹാ​യി​ക്കു​ന്ന ഘ​ട​കം പ്ലേ​റ്റോ ചൂ​ണ്ടി​ക്കാ​ണി​ച്ച​തു​പോ​ലെ ന​മ്മി​ലു​ള്ള വി​വേ​ച​ന​ശ​ക്തി​യാ​ണ്. പ്ലേ​റ്റോ പ​റ​യു​ന്ന​തു പോ​ലെ ര​ഥ​ത്തി​ന്‍റെ സാ​ര​ഥി​യാ​യ വി​വേ​ച​ന​ശ​ക്തി കു​തി​ര​ക​ളെ നി​യ​ന്ത്രി​ക്കു​ന്ന​തി​ൽ വി​ജ​യി​ച്ചാ​ൽ ന​മ്മു​ടെ ജീ​വി​തം വി​ജ​യി​ച്ചു. അ​പ്പോ​ൾ സ്വ​ർ​ഗ​മാ​കു​ന്ന ന​മ്മു​ടെ ല​ക്ഷ്യ​സ്ഥാ​ന​ത്ത് എ​ത്തി​ച്ചേ​രു​വാ​ൻ ന​മു​ക്കു സാ​ധി​ക്കും.

എ​ന്നാ​ൽ പ്ലേ​റ്റോ പ​റ​യു​ന്ന​തു​പോ​ലെ ന​മ്മു​ടെ ഉ​ള്ളി​ലു​ള്ള ക​റു​ത്ത കു​തി​ര​യെ ക​ടി​ഞ്ഞാ​ണി​ട്ടു നി​യ​ന്ത്രി​ക്കു​വാ​ൻ ന​മ്മു​ടെ വി​വേ​ച​ന​ശ​ക്തി​ക്ക് എ​പ്പോ​ഴും സാ​ധി​ക്കു​മോ? സം​ശ​യ​മാ​ണ്. കാ​ര​ണം, ന​മ്മു​ടെ വി​വേ​ച​ന​ശ​ക്തി​യെ​പ്പോ​ലും ദോ​ഷ​ക​ര​മാ​യി സ്വാ​ധീ​നി​ക്കു​വാ​ൻ ന​മ്മു​ടെ ആ​ശാ​പാ​ശ​ങ്ങ​ൾ നി​റ​ഞ്ഞു​നി​ൽ​ക്കു​ന്ന ക​റു​ത്ത കു​തി​ര​യ്ക്കു​സാ​ധി​ക്കും എ​ന്ന​താ​ണു വ​സ്തു​ത.

മ​നു​ഷ്യ​ർ പ​ല​പ്പോ​ഴും തെ​റ്റു​കു​റ്റ​ങ്ങ​ളി​ൽ വീ​ഴു​ന്ന​ത് അ​വ​ർ​ക്ക് വി​വേ​ച​ന​ശ​ക്തി​യി​ല്ലാ​ത്ത​തു​കൊ​ണ്ട​ല്ല​ല്ലോ. ചി​ല അ​വ​സ​ര​ങ്ങ​ളി​ൽ ആ ​വി​വേ​ച​ന​ശ​ക്തി​യെ​പ്പോ​ലും പ്ര​ലോ​ഭി​പ്പി​ക്കു​വാ​ൻ ന​മ്മി​ലെ ക​റു​ത്ത കു​തി​ര​യ്ക്കു സാ​ധി​ക്കു​മെ​ന്ന​തു ന​മ്മു​ടെ ത​ന്നെ അ​നു​ഭ​വ​മ​ല്ലേ? അ​ങ്ങ​നെ​യെ​ങ്കി​ൽ ന​മ്മി​ലെ ക​റു​ത്ത കു​തി​ര​യെ ക​ടി​ഞ്ഞാ​ണി​ട്ടു നി​യ​ന്ത്രി​ക്കു​വാ​ൻ എ​ന്താ​ണ് വ​ഴി? ന​മ്മി​ലെ ക​റു​ത്ത കു​തി​ര​യെ ശ​രി​ക്കും നി​യ​ന്ത്രി​ക്ക​ണ​മെ​ങ്കി​ൽ ന​മു​ക്കു ദൈ​വ​ത്തി​ന്‍റെ സ​ഹാ​യം​ത​ന്നെ വേ​ണം. ആ ​സ​ഹാ​യം ന​മു​ക്കു ല​ഭി​ക്കു​വാ​ൻ ന​മ്മെ സ​ഹാ​യി​ക്കു​ന്ന വി​വി​ധ ഘ​ട​ക​ങ്ങ​ളാ​ണു പ്രാ​ർ​ഥ​ന​യും നോ​ന്പും ദാ​ന​ധ​ർ​മ​വു​മൊ​ക്കെ. അ​താ​യ​ത് പ്രാ​ർ​ഥ​ന​യി​ലൂ​ടെ​യും ഉ​പ​വാ​സ​ത്തി​ലൂ​ടെ​യും പ​രോ​പ​കാ​ര​പ്ര​വൃ​ത്തി​ക​ളി​ലൂ​ടെ​യു​മൊ​ക്കെ​യാ​ണു ദൈ​വാ​നു​ഗ്ര​ഹം ന​മ്മി​ലേ​ക്ക് ഒ​ഴു​കു​ന്ന​ത് എ​ന്നു സാ​രം.
ന​മ്മു​ടെ ജീ​വി​തം വി​ജ​യി​ച്ച് അ​തി​ന്‍റെ ല​ക്ഷ്യ​സ്ഥാ​ന​മാ​യ സ്വ​ർ​ഗ​ത്തി​ലെ​ത്ത​ണ​മെ​ങ്കി​ൽ ന​മ്മി​ലെ ക​റു​ത്ത കു​തി​ര​യെ ശ​രി​യാ​യ രീ​തി​യി​ൽ നി​യ​ന്ത്രി​ക്ക​ണ​മെ​ന്ന കാ​ര്യം ന​മു​ക്കു മ​റ​ക്കാ​തി​രി​ക്കാം. അ​തു​പോ​ലെ, അ​തി​നു​ള്ള ശ​ക്തി​ക​ളാ​യി ദൈ​വാ​നു​ഗ്ര​ഹം ല​ഭി​ക്കു​വാ​നു​ള്ള വ​ഴി​ക​ളി​ലേ​ക്കു ന​മു​ക്കു തി​രി​യു​വാ​നും ശ്ര​മി​ക്കാം.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.