കരിമണ്ണൂര്: കാല്പ്പന്തുകളിയുടെ ആവേശം വാനോളമുയര്ത്തി കരിമണ്ണൂര് സെന്റ് ജോസഫ്സ് ഹയര് സെക്കന്ഡറി സ്കൂളില് ബ്രസീലിന്റെയും അര്ജന്റീനയുടെയും ഫാന്സ് ടീമുകള് തമ്മിലുള്ള മത്സരം സംഘടിപ്പിച്ചു.
അര്ജന്റീനയെയും ബ്രസീലിനെയും പ്രതിനിധീകരിച്ച് കുട്ടി ഫാന്സ് ടീമുകളായ സാംബയും ടാന്ഗോയും ഏറ്റുമുട്ടിയപ്പോള് ജയം ടാന്ഗോയ്ക്ക് ഒപ്പമായിരുന്നു. വാശിയേറിയ പോരാട്ടത്തിനൊടുവില് നടന്ന ഷൂട്ടൗട്ടില് 4 -2 നാണു അര്ജന്റീനയുടെ കുട്ടിഫാന്സ് വിജയിച്ചത്.
വിജയികള്ക്ക് ഹെഡ്മാസ്റ്റര് ബിജോയ് മാത്യു ട്രോഫി സമ്മാനിച്ചു. കായികാധ്യാപകന് ആല്വിന് ജോസ് നേതൃത്വം നല്കി.