ജിദ്ദ: ആദ്യകാലങ്ങളിൽ ഒതായി ചാത്തല്ലൂർ പ്രദേശത്ത് നിന്നും മറ്റു നാടുകളിൽ പോയി ഫുട്ബോൾ കളിച്ചു നാടിന്റെ യശസുയർത്തിയ ഫുട്ബോൾ പ്രതിഭകളെ ആദരിച്ചതോടൊപ്പം പുതിയ തലമുറയിലെ കുട്ടികളായ ഫുട്ബോൾ കളിക്കാരുടയും സംഗമം ഒരുക്കി പ്രവാസി സംഘടന ശ്രദ്ധേയമായി. ഒതായി ചാത്തല്ലൂർ വെൽഫയർ കമ്മിറ്റി ജിദ്ദയാണ് ഇത്തരത്തിൽ ഒരു പരിപാടി സംഘടിപ്പിച്ചത്. വളർന്ന് വരുന്ന കായിക പ്രതിഭകളും മുൻകാലങ്ങളിലെ ഫുട്ബോൾ താരങ്ങളും ഒത്തുകൂടിയതും അനുഭവങ്ങൾ പങ്ക് വെച്ചും സന്ദേശങ്ങൾ കൈമാറിയും നടന്ന ചോദ്യാത്തര വേളകളുമൊക്കെ നവ്യാനുഭവങ്ങളുടെ വേറിട്ട കാഴ്ചയായി.
കാഞ്ഞിരാല ഉസൻബാപ്പു, എം മരക്കാർ, എം.കെ അഹമദ്, കെ.സി. മൂസകുട്ടി മാസ്റ്റർ, കെ.സി അബൂബക്കർ, എളശേരി അബു, നാലകത്ത് ഹംസകോയ, കുട്ടികണ്ടൻ, പി.വി ഗഫൂർ, കാഞ്ഞിരാല നാണി, എ.പി റസാഖ്, പി.വി മുസ്തഫ, പി.വി മനാഫ്, പനക്കൽ മുഹമ്മദലി, സക്കരിയ്യ, എം.കെ റഷീദ്, സി.ടി മുഹമ്മദലി ചാർട്ടി, പി.കെ ജാഫറലി, വി.പി ഉമ്മർ, വെളളാറംപാറ ഉമ്മർ ജെ ഗഫൂർ, പി.പി മസ്ക്കൂർ, തയ്യിൽ ഗഫൂർ തുടങ്ങിയവരെയാണ് ആദരിച്ചത്.
ജീവ കാരുണ്യ പ്രവർത്തന രംഗത് വ്യത്യസ്ഥങ്ങളായ സ്വദേശത്തും വിദേശത്തും വിവിധ പദ്ധതികൾ ആസൂത്രണം ചെയ്ത് നടപ്പിലാക്കുന്ന ഒതായി ചാത്തല്ലൂർ വെൽഫയർ കമ്മിറ്റി ജിദ്ദ അതിന്റെ പത്താം വാർഷികത്തോട് അനുബന്ധിച്ചു പുറത്തിറക്കുന്ന സോവനീറിലേക്ക് സൃഷ്ടികൾ ക്ഷണിക്കുന്നതായി ഭാരവാഹികളായ കെ.പി സുനീർ, ഫൈസൽ ബാബു കെ.സി എന്നിവർ അറിയിച്ചു റിപ്പോർട്ട് : കെ.ടി മുസ്തഫ പെരുവള്ളൂർ
|