Deepika.com Nri News :കുരുന്നുകളുടെ ഉത്സവമായി "അക്ഷരം-2019'.......

Middle East & Gulf

കുരുന്നുകളുടെ ഉത്സവമായി "അക്ഷരം2019'

Back To NRI Home Forward This News Click here for detailed news of all items

കുവൈത്ത് സിറ്റി: മലയാളം മിഷൻ കുവൈറ്റ് ചാപ്റ്ററിന്‍റെ നേതൃത്വത്തിൽ അണിയിച്ചൊരുക്കിയ "അക്ഷരം 2019' കുട്ടികളുടെ ഉത്സവമായി മാറി. അബാസിയ യുണൈറ്റഡ് ഇന്ത്യൻ സ്കൂളിൽ നടന്ന പരിപാടി മലയാളം മിഷൻ ഡയറക്ടർ പ്രഫ. സുജ സൂസൻ ജോർജ് ഉദ്ഘാടനം ചെയ്തു.

ചാപ്റ്ററിന്റെ നേതൃത്വത്തിൽ മികച്ച പ്രവർത്തനമാണ് കുവൈത്തിൽ നടന്നു വരുന്നതെന്നും പരിപാടിയിലെ പങ്കാളിത്തം മലയാളം മിഷന്‍റെ പ്രവർത്തനങ്ങൾക്ക്
പുതിയ ഊർജ്ജം പകർന്നു തരുന്നുണ്ടെന്നും പരിപാടി ഉദ്ഘാടനം ചെയ്തുകൊണ്ട് അവർ പറഞ്ഞു. എവിടെയെല്ലാം മലയാളി അവിടെയെല്ലാം മലയാളം എന്ന് മുദ്രാവാക്യമുയർത്തി പ്രവർത്തനം സംഘടിപ്പിക്കുന്ന മലയാളം മിഷന് ഇടതുപക്ഷ സർക്കാരിന്‍റെ ഭാഗത്തു നിന്നും മികച്ച പിന്തുണയാണ് ലഭിക്കുന്നതെന്നും പ്രവാസികളായ കൂടുതൽ കുട്ടികളിലേക്ക് ഈ പ്രവർത്തനങ്ങൾ എത്തിക്കുന്നതിനുള്ള ശ്രമങ്ങളാണ് നടന്നു വരുന്നതെന്നും സുജ സൂസൻ ജോർജ് കൂട്ടിചേർത്തു.

മലയാളം മിഷന്‍റെ നേതൃത്വത്തിൽ കല കുവൈറ്റ്, എസ്എംസിഎ, ഫ്രണ്ട്സ് ഓഫ് കണ്ണൂർ എന്നീ മേഖലകളിലെ ക്ലാസുകളിലെ കുട്ടികൾ അവതരിപ്പിച്ച വിവിധ കലാപരിപടികളോടെയാണ് അക്ഷരം2019 ന് തുടക്കം കുറിച്ചത്. പരിപാടിയിൽ കണിക്കൊന്ന പഠനോത്സവ വിജയികളായിട്ടുള്ള കുട്ടികൾക്കുള്ള സർട്ടിഫിക്കറ്റ് വിതരണം, സമസ്യ പ്രശ്നോത്തരി മത്സര വിജയികൾക്കുള്ള സർട്ടിഫിക്കറ്റ് വിതരണം, അധ്യാപകരെ ആദരിക്കൽ എന്നിവയും നടന്നു.

മലയാളം മിഷൻ കുവൈറ്റ് ചാപ്റ്റർ ചീഫ് കോഓർഡിനേറ്റർ ജെ. സജി അധ്യക്ഷത വഹിച്ചു. ചാപ്റ്റർ അംഗം വി. അനിൽ കുമാർ സ്വാഗതവും അബ്ദുൾ ഫത്താഹ് തയ്യിൽ നന്ദിയും പറഞ്ഞു. യൂനിമോണി എക്സ്ചേഞ്ച് മാർക്കറ്റിംഗ് മാനേജർ രഞ്ജിത്ത് പിള്ള, മലയാളം മിഷൻ കല കുവൈറ്റ് മേഖലയിൽ നിന്നും സാം പൈനുംമൂട്, എസ്‌എം‌സി‌എ മേഖലയിൽ നിന്നും തോമസ് കുരുവിള, സാരഥി മേഖലയിൽ നിന്നും ബിന്ദു സജീവ്, ഫോക്ക് മേഖലയിൽ നിന്നും ബിജു
ആന്‍റണി, ചാപ്റ്റർ അംഗങ്ങളായ ബഷീർ ബാത്ത, ശ്രാം ലാൽ എന്നിവർ ആശംസകൾ നേർന്നു സംസാരിച്ചു. പരിപാടികൾക്ക് സനൽ കുമാർ, ഷെരീഫ് താമരശേരി, സജീവ് എം ജോർജ്, രഘുനാഥൻ നായർ ,സജിത സ്കറിയ, പ്രേമൻ ഇല്ലത്ത് എന്നിവർ നേതൃത്വം നൽകി.

റിപ്പോർട്ട്: സലിം കോട്ടയിൽ

ഇറാൻ പിടിച്ചെടുത്ത കപ്പലിലെ ഇന്ത്യക്കാർക്കെല്ലാം മടങ്ങാൻ അനുമതി.

ന്യൂഡൽഹി: ഇറാൻ പിടിച്ചെടുത്ത ഇസ്രയേൽ ബന്ധമുള്ള ചരക്കുകപ്പലിലെ എല്ലാ ഇന്ത്യക്കാർക്കും മടങ്ങാൻ അനുമതി നൽകിയതായി ഇന

പ്രവാസി വെൽഫെയർ ബാഡ്മിന്‍റൺ ടൂർണമെന്‍റ് മേയ് ഒന്നിന്.

മനാമ: ലോക തൊഴിലാളി ദിനത്തോടനുബന്ധിച്ച് മേയ് ഒന്നിന് സിഞ്ചിലുള്ള പ്രവാസി സെന്‍ററിൽ പ്രവാസി വെൽഫെയർ സംഘടിപ്പിക്കുന്ന

ഗൾഫ് വിമാന സർവീസുകൾ സാധാരണ നിലയിലേക്ക് എത്തിയില്ല.

നെടുമ്പാശേരി: കനത്ത മഴയെത്തുടർന്ന് താളം തെറ്റിയ ഗൾഫിൽനിന്നുള്ള വിമാന സർവീസുകൾ വ്യാഴാഴ്ച സാധാരണ നിലയിലേക്ക് എത്തി

നിമിഷപ്രിയയുടെ അമ്മ യെമനിലേക്ക്; ദയാധനം സംബന്ധിച്ച് ചർച്ച ന‌ടത്തും.

ന്യൂഡല്‍ഹി: യെമന്‍ ജയിലില്‍ വധശിക്ഷയ്ക്ക് വിധിക്കപ്പെട്ട് കഴിയുന്ന മലയാളി നഴ്‌സ് നിമിഷപ്രിയെ കാണാൻ അമ്മ പ്രേമകുമാരി

ദുബായി വിമാനത്താവളം ഭാഗികമായി തുറന്നു.

ദുബായി: യുഎഇയിലെ കനത്ത മഴയിലും വെള്ളപ്പൊക്കത്തിലും താറുമാറായ ജനജീവിതം സാധാരണ നിലയിലായില്ല.